雲來軒 (已結業)

第一次到雲來軒，是為朋友預祝生日。由於已訂位，所以不用等位。因為曾在食評中知道其中一些菜餚很＂搶手＂，所以預早訂了五個＂茶壼湯＂及燒雞。當晚，我們還叫了咕嚕黑豚肉、水芙蓉、蛋白炒飯、菠菜(用米漿浸煮)、紅豆沙，服務員更送我們一道＂萬夀椰香果＂。先上的是＂茶壼湯＂：熱熱香香的，味道很香甜，我們連湯渣也吃掉。再來是咕嚕黑豚肉，黑豚肉很鬆軟，配菜中更有蕎頭、皮蛋，加上甜酸度剛好，最後當然是＂一件不留＂！燒雞的皮很脆，雞肉很滑，朋友們都很喜歡！最出名的＂水芙蓉＂(即蒸蛋白蝦球)，蛋白滑滑，蝦球爽脆，兩種口感一次品嘗，「正」！蛋白炒飯及菠菜都OK，而紅豆沙相信是必點的甜品，因為味道不會太甜，起沙又＂無渣＂，「正」！萬夀椰香果，是將椰汁糕釀在一片片的木瓜上，很特別，亦很香甜！

今日同條蟲去食今年第一餐大閘蟹, 預先留定6大隻!! 七點未夠, 全場爆滿, 好彩訂定位再叫多個"檳城棒棒骨"先黎兩隻蟹先Woo~真係好多羔丫!! d羔好似蛋黃咁甘香跟住食個骨骨盒, 咖喱好香, 食得出係自行調配的咖喱, 並唔係出面求其買到的現成咖喱漿開!!個包焗到好脆, 食完兩隻蟹先食個包, 個包都唔會淋到一 pat pat!!大廚師傅會不時出黎同d客人溝通, 問下意見!!一問之下, 原來呢度下至茶葉, 小食, 上至菜式到甜品, 都係由大廚一手一腳去處理(煮理) 非常欣賞呢度做事認真的態度, 因為呢度小至茶葉咁細微既地方, 都絕不馬虎!! 一飲落去有陣茶香, 沖左6,7次仲有茶味! 唔似d大集團酒樓沖出黎d茶無味或苦>.<除左食物外, 呢度d服務態度十分良好, 時不時會過黎沖水, 睇下仲有咩未黎, 最重要係, 只要我條百厭蟲一四圍望, d職員就會好快留意到, 然後好熱誠咁問『係咪想要d乜?』(其實條蟲真係四圍望下, 無乜特別想要) 噢~好耐未試過唔使做伸手黨都有人理呢間係我呢兩年食過最有心機同誠意既中菜

尋晚同朋友燒野食玩燈籠食月餅玩完通宵…訓到1點又要起身同屋企人飲中秋茶. 第二次黎LEE度飲茶, 感覺仍然唔錯, 係個飲茶既好地方. 如果佢既點心種類再多D會更加好, 或者可以有多D 特別既點心.燒賣非常飽滿，很香的蟹籽、花菇味道，更藏有鮮蝦兩隻用石鍋裝住,,新鮮熱辣, 脆口不過有D熱氣無咩特別, 無燒賣咁好食好香既陳皮味, 唔太甜炒飯都算粒粒分明呀爸話我燒完野食熱氣要清清熱, 都唔算好苦既…

難得平日放假又唔想日訓晚訓…決心起身飲茶同老婆歎下…之前睇雜誌仲影低左張COUPON 黎試下LEE間酒樓好唔好食!LEE度既環境都算舒適又唔嘈, 枱同枱之間有空間感..唔似一般酒樓飲住靚茶, 睇下報紙, 慢慢享受我地既假期2個人叫左 燒賣內的豬肉成分不少，肥肉亦不多，但仍做到肉質鬆軟有肉汁小巧叉燒包煎至金黃, 包內如熔岩般的叉燒餡湧出黎勁多蝦, 個皮好簿, 蝦肉爽口新鮮老婆專享, 佢話好潤喉…唔會太甜

臨時約左個外國客食飯, 個客鐘意食中菜, 見公司附近開左間Fusion中菜都幾得體, 不過環境同食物不過不失, 我地都好滿意生煎金沙龍皇帶子帶子及大虎蝦製成蝦膠一層層叠上，帶子煎到半熟口感柔軟。椒蒜香煎牛仔肉 美國安格斯牛肩肉充滿肉香, 蒜香日本花菇雞腳燉螺頭原盅紫砂茶壺燉製陳村咕嚕黑豚肉酸酸甜甜, 唔錯川貝燉雪梨雪梨清甜潤喉, 唔會酸

原本搞手真係唔易做…想搵間餐廳食飯都咁難, 其實我既要求只係要好食, 適合一大班朋友可以傾計, 可以訂到位同唔好限時要走…好多中菜餐廳都要我限時交枱, 好在咁O岩睇到報紙介紹LEE間食高級Fusion粵菜既餐廳, O岩晒一班人圍埋一齊慶祝生日, 加上睇到OPENRICE既食評好似都OK, 於是決定試下…前菜係胡麻鮮准山用既係鮮淮山，聽講有去濕功效大漠風沙鮮蟲草牛肉卷用一級鮮蟲草花配滑滑既肥牛片，係少有嘅中菜食療菜式。水芙蓉蒸明蝦球蛋白底滑到似豆腐花，大虎蝦球蝦味十足,肉爽，最面淋上上湯甘筍芡白肉羅漢齋清新之選陳村咕嚕黑豚肉黑豚肉唔會有豬既騷味, 反而有一份肉香, 個汁酸酸甜甜, 開胃之選金磚豆腐 外皮鬆脆, 豆腐軟滑有豆香醒胃話梅雞 話梅汁伴白飯一流, 雞唔會過老XO醬安格斯牛肉河 美國安格斯牛肩肉以椒蒜炒香，肉味香濃。遠年陳皮紅豆沙 以三十年陳皮及優質天津紅豆煮成，帶陳皮甘香。食食下大廚竟然出黎問我地意見, 原來佢叫Paul Wong, 中華廚藝學院出身，仲有法國廚王會金牌會員資格，所以我地都同大廚合照, 仲話下次用張相黎拎Discount…哈哈~

近日工作忙碌, 但怎也要找點時間跟家人相聚, 除了工作, 最重要的還是能夠一家人一同吃餐飯, 好好享受一下共處的時光, 是晚就一家四口來到這家新店子晚餐. 這裡環境簡潔, 不過擺位以中餐館來講是有點擠逼. 當然, 我們坐在角落的位置, 自成一角, 感覺還算幾好.看看餐牌, 有不少推介菜色, 既然是第一次來, 就盡量去選擇人家的推介吧.日本花菇雞腳燉響螺頭 $58 x 2: 9分, 先來的就是燉湯, 用紫砂壺盛著, 熱力十足, 客人可以自行把湯倒進茶杯上. 這個做法, 有點像日本茶道. 喝口湯, 相當之清甜, 暖暖胃, 人也舒暢不少. 湯料方面, 包括有日本花菇, 雞腳, 響螺頭等等, 相當足料. 我們兩個人分喝一客也相當足夠. 來得這裡, 怎也應該來一客燉響螺頭試試.生煎金沙龍皇帶子 $198: 8分, 再來的就是帶子, 一客六隻, 賣$198, 還算合理的價錢. 除了帶子之外, 面頭還加上蝦膠, 用海蝦及鹹蛋黃打成, 蝦膠質感幾彈牙, 帶子有鮮味, 煎得也幾香口, 火候剛剛好. 這客帶子, 是有水準的. 心心相印蒸大蝦球 $138: 7分, 除了帶子, 也來一客大蝦球. 叫做心心相印

在網站隨意搜尋，發現雲來軒有網上訂位服務，便決定一試。這店的門牌很優雅，酒樓設於大廈的一樓。我們12：30去到，大部份枱已坐了客人。多數客人都點了午市套餐。看過那選擇不多的餐牌後，我們點了蝦餃，燒賣，义燒包，炒飯 及一客燒味套餐(包括中式湯，燒腩仔，燒骨，白飯和甜品)。對於蝦餃和燒賣的質素，我們都很滿意，賣相都唔錯。义燒包的义燒幾美味，但個人比較喜歡食蒸嘅包皮。炒飯都過得去。至於燒味餐($88),價錢並不便宜，質素也比一般酒樓好一點點啦。中湯似住家湯，飲唔出味精。燒骨的味道跟义燒包的义燒差不多，調較得幾好。燒煵仔的皮脆口，肉質也OK. 建議把燒味熱一點才上，口感味道會更好。當曰甜品係凍紫米露，不太甜， 過得去，但可以加點其他東西，增加層次感。服務方面，帶我到餐桌的男職員給我感覺像只求效率，忽略了顧客的需要。相反，有位比較高級的女職員就親切得多，明白我們的需要。飯後還主動送我們糖水呢!溫馨提示:網上訂位有9折。

本身係尖沙咀K-11 附近做野, 所以周圍既野都差唔多食過晒, 想試下其他新野, 行過見有人派傳單知附近開左間食粤菜既, 見到門口又有報紙雜誌賣廣告, 心諗都應該靠得住掛, 同事又話想飲茶, 就入左去試下. 入到去估唔到D裝修都幾靚, 唔會好似普通茶樓個D咁leung. 我地成班同事叫左好多野食, 都係點左D大路既點心, 义燒飽、燒賣、蝦餃、蘿蔔糕、带子腐皮卷、鳳爪、奶皇飽...我自己就覺得個带子腐皮卷好好味,其他同事就好鍾意lee 度既义燒飽, 話同出面個D唔一樣, 佢地煎左個面都幾香. 整體上D點心都幾好味. 不得不提係lee度既紅豆沙，其實我唔係好食lee隻糖水,不過侍應大力推介話係好多人叫,咁同事就話叫幾碗 share 試下, 點知真係幾好味, 佢地煮得好沙, 好足料, 原來寫住係用30年既陳皮黎做既, 唔怪之得. 我覺得lee間可以再encore, 下次带埋屋企人過黎試下先

今日同男朋友飲茶，雜誌見到呢間新開酒樓，以為好難搵，原來一搵就搵到！發現點心款唔算好多，不過都幾特別懷舊一口义燒飽 - 男朋友最鐘意食叉燒包，個包好香好熱，個底d蔥好正！蟹籽鮮煆燒賣呢度d點心唔用籠上，不過上菜時都算熱。呢個燒賣個樣完全唔似燒賣，不過個蝦好甜，推介！筍尖鮮蝦餃 個皮唔錯，我覺得燒賣好食d金磚豆腐 呢個超正！又熱又脆，仲好惹味，我一個人食左5舊！士的脆春卷直上的春卷好多酒樓都有，個人覺得比鴻星更出色川貝冰糖陳皮燉原個雪梨 食完熱氣野，食返個雪梨好舒服，開頭驚會有d苦，但食落好甜！這個星期工作好辛苦，食完呢餐下星期再努力！

每個月一次的同學聚會，雖然唔齊人，但都要試新野；同行的K小姐推介呢間，見食評唔錯，就一早訂檯試試~~間餐廳都幾難搵，不過好新淨，初步印象都不錯~~我地叫左: 一口燒腩仔燒腩仔係我地既最愛，呢度d燒腩唔算太肥，個皮幾脆！日本花菇雞腳燉螺頭湯呢個湯賣相好特別！唔知仲以為飲緊茶！味道亦好鮮甜胡麻鮮准山呢個前菜幾特別，出面好少食到，不過個麻醬我覺得有點濃，朋有就話接受到大漠風沙鮮蟲草牛肉卷呢個賣相又係一流，鮮蟲草口感好過金菇，如果分量多d就好 水芙蓉蒸明蝦球 呢個侍應推介，話係得獎菜式，我最鐘意係呢個，蝦彈牙新鮮，蛋滑得黎好鮮味，下次一定encore 水煮魚 唔記得佢話呢條係咩魚，不過魚質好有口感，唔算好辣陳皮紅豆沙好少去食飯會叫紅豆沙，不過侍應極力推介，就一人試一碗，陳皮味好突出！紅豆亦起哂沙今次呢餐大家都食得好開心，恨死黎唔到既H 先生同H 小姐~~

婚後大半年同返d兄弟姐妹聚會，原本打算食西餐，順便可以飲下酒，但星期五晚好多地方都冇得訂，西式酒吧餐廳又嘈又未必坐得落我地11人咁多，所以最終都係決定食中菜喇！朋友介紹話尖沙咀開左新酒樓，睇過食評都唔菜，就試下啦！餐廳位於尖沙咀棉登徑內街，近K11，真係幾難搵，強烈建議係街口整返個燈箱或招牌指路哩！我地一早訂左位，黎度仲有包廂，加上超高清電視，真係唔錯！如果洗手間既標示更清晰就更好。朋友提我有某啲菜式好快沽清，尤其係個招牌茶壺湯，所以幾日前就訂了。我地一共點左十道菜：１．椒鹽九肚魚（呢個菜我冇食到，但睇黎都幾香口）２．陳村咕嚕黑豚肉（新式咕嚕肉製法，黑豚肉細細粒，肉質鮮嫩，外皮鬆脆，加上皮蛋同蕎頭，開胃至極）３．水芙蓉蒸明蝦球（呢味菜黎到時真係嚇一跳，個盆大到可以幫BB沖涼，我估起碼落左廿隻蛋！後來先知因為人多，所以廚房落左雙份。呢道菜係ＴＶＢ得獎名菜，蝦肉新鮮爽口，蛋白幼滑，送飯一流）４．阿寶燒雞（又係此店必食之選，師傅話堅持選用新鮮雞。外皮香脆，雞肉鬆軟唔鞋口，果然不同凡響。）５．花膠上湯浸時蔬（之前係其他酒樓食過同一款菜，難免會有腥味，呢度處理花膠好明顯係有技巧，一啲腥味都冇。當

見到報紙介紹，就約朋友嚟試吓。舖頭裝修好骨子，清清哋又唔俗，已經好鐘意。坐低之後冷氣好凍，侍應仲好細心咁提供披肩，WOW之前有見過報紙介紹特色湯，即刻叫咗2盅試試。佢哋用茶壶裝，唔講真係以為飲茶。個湯好濃味，雞腳又煲到好腍，飲完個身即刻暖返哂，連披肩都可以唔洗用。跟住仲叫咗4個小菜，蒸蛋、咕嚕肉、叉燒同埋菜。以前去茶樓，茶芥成日會有碟酸蕎頭。估唔到我響碟咕嚕肉度見到。大大粒又爽又脆，食唔停口。D咕嚕肉都好好味，賣相又靚。真係食得好開心！可能因為我哋坐卡位（唔洗驚4個人坐會逼，好闊落），靜靜哋又可以傾偈，食飽飽歎吓茶，好耐冇咁輕鬆了。

昨天到雲來軒午膳, 看看餐牌, 點心種類不算太多, 但每樣都想一試, 於是決定點了每人一個套餐, 因套餐已包含幾款點心, 又有燒味, 還有小菜, 甜品等, 看看價錢, 不算昂貴, 每位$128。首先是4款點心:1.點心有4款, 蝦餃大粒, 餡料十足, 皮薄, 平時飲茶遇上劣質的蝦餃, 我只吃餡不吃皮, 現在全收 燒賣:巨型, 好味2. 燒味新鮮, 燒腩仔皮脆,燒排骨好味!3. 時菜 : 應該是用魚湯浸煮, 味道甜美。4. 黑松露筍帶子, 帶子好大粒啊! 滲透淡淡松露香味, 有鑊氣, 好味道! 超值!5. 還有蛋白炒飯, 有什麼材料真不太清楚, 因為太飽，打包!6. 忘記了勁正的老火湯：是日老火湯是海底椰燉海螺湯。7. 甜品令我們喜出望外, 是勁多芒果的芒果布甸, 用一隻高腳玻璃杯盛著, 賣相已令人心花怒放, 又是很足料!開心! ( 如果隻玻璃杯有隻底碟墊著就perfect喇

今天約左兩個一齊係尖沙咀返工嘅姊妹食LUNCH，其實呢頭差不多間間都試過上OPEN RICE睇下有咩好食，見都有新野試，於是我決定打電話訂位 間餐廳位址唔難搵係K11附近，上到去裝修幾靚感覺好舒服，我地被安排坐係窗口邊，幾靜方便我地傾計嘛黑松露北海道帶子，d帶子好大粒！！蝦餃一碟上，出邊小見呢個亞保靚湯真係要比個GOOD，我飲左三碗甘多士的春卷好靚 裡面好多蝦，滿哂咖唔係可此d泰國餐廳甘燒腩仔 - OK啦，可能肥小小會可味d食到最後侍應小姐問我地食物同服務意見，我地當然滿意啦。呢種問意見方法，中菜小見D，幾親切...哈哈!