雪山冰廳

營業中

休息中

假日，總時想來點休閒享受餐廳下午時段人流非常多，幸運地剛有二人卡位剛離開，座得較舒適特餐叻沙摻摻配櫻花蝦炒蛋，丹麥多士叻沙湯頭味道濃郁，摻摻用上米粉跟油麵，有豆卜，魚片，鮮蝦，很有驚喜櫻花蝦炒蛋絕不馬虎，炒蛋夠滑溜，櫻花蝦分量多最愛香酥的丹麥多士經典芝蛋牛肉漢堡賣相雖然普通，但麵包來得鬆軟，牛內非常Juicy而且充滿黑椒味，再配上流心煎蛋，更是滑而帶香可說是非常邪惡的組合避風塘生炸脾外面鋪滿香脆炸蒜，𥚃面炸得不會太乾炸脾兩人一齊分享剛剛好樽仔咖啡咖啡味濃，入口順滑微帶餘韻

🐽檳城特餐 $52叻沙湯底好香，但唔會辣，而粉既份量都好多，配料有蝦、豆卜同魚片，蝦係新鮮既，而另外兩樣都好索湯🤣，特餐仲會有櫻花蝦炒蛋同丹麥多士，蛋都幾滑同啖啖都充滿着櫻花蝦味，小編係勁鍾意食酥皮個類既包，好似牛角包，所以呢個丹麥多士都好深得我心😍 ••••••••••••••••••••••••••••••🐽榛子醬西多士 $28好邪惡，裏面係榛子醬，但味道都唔會太甜，覺得唔夠甜可以再加糖漿 ••••••••••••••••••••••••••••••🐽始祖椒鹽豬扒飯［炒底］ $58豬扒醃得好入味，但可以再煎得香口啲，啲炸蒜同葱都非常之香，成個飯都好惹味，係炒飯底

今日冇食午餐，過來冰室求其食D嘢醫肚。叫咗一個榛子醬西多士，仲有一杯紅豆冰。西多士好好味，裡面加咗榛子醬，好合我心水。紅豆冰紅豆畀得好足，呢點好滿意，甜咗少少，不過好解熱。

今日行開長沙灣附近，又到中午食飯嘅時候，見到一間比較傳統又有特色嘅茶餐廳，諗都唔諗就入去試吓啦，望吓佢個餐牌又真係幾多選擇喎。點左佢一個推介嘅茶餐，然後一個苦瓜蛋炒蛋飯。當然要試埋佢嘅雪山推介，榛子醬西多士。呢個真係食到舔舔脷。一心諗住榛子醬加西多士梗係甜到漏啦。但係食落去又唔會喎，榛子醬同糖漿非常夾，而且佢哋用嘅糖漿又唔會係好甜果款。而佢嘅雪山茶餐，就係牛肉通粉配午餐肉炒蛋。個沙嗲牛肉啲牛肉好淋，個湯底又唔會特別辣。反而苦瓜蛋炒飯就一般，勝在碟頭夠大。

平日中午也是人滿滿，點了榛子醬西多士，味道不錯，炸的酥酥軟，菠蘿油，裡面是流心蛋，很好吃，菠蘿皮也酥脆的，咖哩豬排雞蛋飯味道還可以,美露奧利奧份量有點少兩口喝完

「冰室」又叫冰廳，是茶餐廳的前身，歷盡時代變遷演變為現今的茶餐廳！但我反而鐘情歷史悠久的冰室，總覺得多了一份茶餐廳沒有的懷舊味道！這冰廳開業六十年有餘，有不少招牌菜式，我和另一半點了椒鹽豬扒飯、招牌海南雞飯、避風塘生炸脾、樽仔奶茶和熱杏霜。豬扒飯賣相吸引，不像一般茶餐廳只配上白飯，而是配上炒飯，炒飯炒得尚算乾身，豬扒香口入味，另一半讚不絕口，很快便已清碟；海南雞飯的雞件嫩滑，油飯很香，醃青瓜及蘿蔔口感爽脆清新，可中和膩感，而盛載海南雞飯的食具是仿竹筲箕的瓦碟，賣相幾別緻；鄰座食客向店員反應生炸脾漏單，店員解釋由於雞脾新鮮即炸，所以製作需時，同樣地，我們點的生炸脾亦姍姍來遲。雞脾香脆熱辣，配上金黃色的炸蒜蓉，辣辣地又惹味，即使製作需時亦是值得等待的，但若雞脾再大隻點會更吸引；奶茶以樽裝盛載，原枝放入雪櫃保冷，不像一般茶餐廳加冰以致味道變淡，確保味道香滑濃郁，確實不錯；熱杏霜非常香濃，口感較稠，比較像杏仁糊，對愛好杏仁的我十分喜歡！冰廳雖然歷史悠久，但餐廳環境及格局經過翻新，食物款式與時並進，不但新穎多樣化，而且價錢親民，難怪開業多年仍有眾多捧場客！

今日同仔仔行完玩具街，就行過來食雪山，因為之前好友介紹我食，話呢到個炸雞比好正，所以就帶仔仔來食。避風塘生炸肶$28真係好正唔怪得咁多台都有叫啦！本來以為好辣小朋友食唔到，但又唔係喎，佢好香好野味，仔仔係咁同我一人一舊食哂。波士頓龍蝦叻沙摻摻 $98已經好少食到咁正宗的了，入面有齊油麵和米粉，超索湯，正。芝士焗波士頓龍蝦海鮮飯 $108仔仔點名要食， 因為佢最愛食龍蝦， 仲要有好多唔同海鮮一齊加芝士來焗飯，好香。炸魚薯條 $30太喜歡食香口野，忍唔住叫多個炸魚薯條，即叫即炸來到仲好熱，小的粗薯條，加啖啖魚柳玩個醬真係好加分。最後我地一人仲加 $15 飲杯紅豆冰和 忌廉薄荷朱古力

最近bookmark左一間係深水埗 食物款式又多又吸引既餐廳 今日夜晚終於去左食啦😆 傳統冰室翻新過後座位乾淨又舒服👍🏻我地今次主菜就試左佢地出名既芝士焗波士頓龍蝦海鮮飯同招牌海南雞飯👅 芝士焗波士頓龍蝦海鮮飯要比100個like 真係抵食到超誇張 半隻大大隻龍蝦入面勁多膏 蝦肉彈牙 食到舔舔脷🤪 芝士汁夠多 焗飯上既海鮮亦係多得嚇人 有魷魚 魚柳 青口 蟹柳 鮑片等等 每啖飯都有餸 好滿足😍招牌海南雞飯既油飯係加左椰漿 所以味道香濃之餘仲中和到油膩感👍🏻 海南雞已去骨 肉質鮮嫩 點上甜醬油好好食🤤小食本來我地想試皇牌推介既避風塘炸蒜雞脾 可惜個日賣完無緣😭 所以就試左樽子醬西多士 同樣極邪惡😆 西多士一切開入面就係濃濃既樽子醬 令人意外既係味道又唔算過甜 2個人share食就岩岩好😋飲品方面我地仲叫左個燉湯 係蟲草花杞子赤肉湯 都幾大碗 味道清甜👍🏻 另外我地仲叫左樽仔奶茶同港式茶走紅豆冰🤤 我最愛樽仔奶茶 夠凍之餘味道又濃郁 茶味奶味好balance 好出色🌟

雪山冰室係一間歷史悠久喺深水埗屹立不倒嘅一間懷舊冰室 雖說話懷舊冰室但係入邊嘅裝修一啲都唔舊仲有唔少好新穎嘅菜式✨爆涵蛋牛治烘底($26)你得呢啲冰室當然要試吓炒蛋啦因為炒蛋先係最能夠測試一間冰室嘅功夫二雪山冰室嘅炒蛋係非常口同埋落足料起碼仲有四五隻蛋 成份蛋牛治勁厚 賣相好震撼✨海南雞半隻 ($128)油飯($15)女朋友非常熱愛食海南雞飯 之前睇都有唔少食評都大贊呢度嘅海南雞高質所以就決定帶多啲帶咗半隻海南雞兩份食 海南雞鮮嫩多汁 份量亦都好足夠 海南雞嘅調味亦都好到位唔會太鹹亦都唔會太淡 配合埋油飯同埋雞油一齊食真係非常滿足✨芝士焗波士頓龍蝦海鮮飯 ($108)登登登登 我最期待的畫面出現了 今日最期待嘅一道菜 -芝士焗波士頓龍蝦海鮮飯 入面嘅材料有波士頓龍蝦，青口，蟹柳，鮑片魚腩，魷魚 用料非常豐富 絕對沒有吝嗇波士頓龍蝦蝦肉彈牙又夠味真係物超所值✨樽仔奶茶($15) & 忌廉薄荷朱古力($25)鍾意飲奶茶嘅我樽仔奶茶當然係必點之選啦一早調教好奶茶嘅份量雪凍佢 就唔會比冰整淡杯奶茶啦忌廉薄荷朱古力入面有淡淡的薄荷味同埋濃郁嘅朱古力面頭上再放上忌廉 係一杯幾吸引嘅飲品

叫了一個下午茶，下午茶有好多唔同的選擇，今日揀咗一個海南雞米線下午茶價錢為40元。下午茶43元包一杯飲品可以接受。喇沙醬做得不錯，可算是中上水準，不過米線煮得太腍，吃不到爽口的感覺，雞件不多不過以這個價位可以接受， 但係雞醃得太耐入邊好鹹，食完要飲多幾啖水。雞件上還有幾條雞毛根在上面，服務員還可以，茶餐廳來說都很禮貌。地方尚算整潔，清潔衛生水吧亦很乾淨.可能其他嘢食會好d，但以一碗喇沙來說並不算很好。

黎到深水埗，見到呢間雪山冰廳裝潢頗有特色，而且地方企理，入座率高，一於試試！！檳城特餐 HK$52檳城叻沙摻摻滲滲麵底即油麵加米粉，湯底椰香味濃，惹味可口！帶點香辣味同時充滿椰香，麵條煙韌爽滑， 有齊鮮蝦、魚片頭、豆卜等，配料豐富，非常足料！日本櫻花蝦炒蛋配香酥丹麥多士加入櫻花蝦的炒蛋非常有特色，增添口感同時添了一份蝦的鮮香～炒蛋口感鬆軟綿密，極之嫩滑！再配烤過的香酥丹麥多士，口感一流！招牌海南雞飯 HK$60已去骨雞件嫩滑有彈性，鮮香油飯帶油光，粒粒分明有咬口，醬汁醒胃惹味，加分不少呢～榛子醬西多士HK$28金黃色賣相非常吸引，麵包鬆軟，炸至香脆乾身，內餡是薄薄一層榛子醬，香甜可口，不會過於甜滯～避風塘生炸脾HK$28皮脆肉嫩的炸脾充滿蒜香，外皮炸得酥脆，內裡肉質鮮嫩，帶點微辣，夠哂惹味華田曲奇妙趣濃濃的阿華田味甜度適中，附送原塊oreo餅乾，加上大量忌廉，口感幼滑無比～

爸爸是十分之懷舊，又愛吃冰室的人~早前上網見到這間雪山冰廳不錯，所以帶爸爸一起去吃😈當一坐下，就看到隔離桌叫了一隻炸雞肶，龍蝦飯，於是我們都跟單😆😆而茶餐廳居然有龍蝦食，對於我們來說，真的十分之少見，而且還會比外面的西餐廳，抵食得多了~爸爸說餐牌上看到有龍蝦叻沙摻摻（麵底是油麵加米粉），立刻變得心心眼，因很多地方都沒用上兩種麵底，這裡是茶餐廳，居然都這麼正宗🤩飲品店員推介喝樽仔奶茶，我們當然都跟單了🤣🤣🤣食物方面，爸爸都說很滿意，特別是龍蝦，大大隻，又有膏，抄飯底還是大大碟，雞肶外脆內juice，這個價錢，真的無語了~

近呢年多，唔知大家有無發覺香港開咗好多乜乜冰室，物物茶記，而且分店越開越多添！雖然係咁，但阿叔👴🏾依然鍾意幫襯傳統懷舊嘅冰室多啲，貪佢價錢大眾化，又食到一份人情味🥰。.尋日阿叔去開深水埗做自己嘢，當然唔放過喺區內搵好嘢食，結果嚟咗呢間咁有歷史嘅冰室午飯。網上💻查睇資料，冰室源自於1956年，以前嘅佢成日都會喺好多港產片🎥或者電視劇📺中出現。先陣子進行大翻身，宜家就畀人感覺更年輕，更有活力。.中午午飯🕛時間嚟到，叫咗阿叔一向都好鍾意食嘅 #招牌海南雞飯🐔，套餐價錢$58包埋一杯飲品🥤，呢個價錢屬於經濟實惠型。海南雞軟滑啖啖肉，配上辣醬一齊食，十分惹味。另外，呢度嘅奶茶亦值得試吓，香濃幼滑，呢種味道可能真係要傳統冰室先至做得到。忍唔住要外賣多枝奶茶同埋咖啡 (樽裝各$15)返屋企飲呢！😆

今日晏就轉登避開午餐時間 2:30黎到食飯 估唔到依然係差唔多客滿 好彩咁岩有枱走左 即刻坐得蒜蓉炒西蘭花西蘭花大大嚿，蒜香味非常濃郁，好好味👍🏻😋海南雞飯水準好高，雞好嫩滑，油飯好正，醬料夠開胃而且係碟嘅菜都好好食😂我同朋友簡直係爭住食，必試👍🏻👍🏻芝士焗波士頓龍蝦海鮮飯呢個一上枱就好吸精 有半隻大龍蝦 配料仲有好多海鮮 包括魷魚、青口、蜆 而且好大份 兩個人share食最perfect樽仔奶茶奶茶好滑 又夠凍 正👍🏻😋

座落於深水埗的雪山冰廳已有多年歷史，來到深水埗，不期然會想起它。是日燉湯：淮山杞子螺頭🥘燉湯能保持食材的原味，滋補養顏的燉湯是必點之選。杞子補眼，螺頭鮮香，龍眼肉益心補氣。充足的材料，令整碗湯非常鮮甜！😋火龍果咕嚕肉咕嚕肉配火龍果炒，第一次食。賣相滿分！😍咕嚕肉地厚身，炸粉薄，甜酸度適中！原隻火龍果切粒，清新又健康！👍🏻招牌海南雞飯🐥油飯好香呀～～但又不會覺得肥膩！海南雞入味，一半胸一半脾，肉質嫩滑！真正色香味俱全！👏🏻好耐冇食過蛋牛治，呢間餐廳的炒蛋出名香滑，蛋牛粉量多，滿滿的被多士包著，口感大滿足！雪山冰廳除了樽仔奶茶出色，奶茶紅豆冰都好好飲！紅豆綿綿起沙，正！🥤呢間歷史悠久的港式茶餐廳，誠意推介！🥇