雪山冰廳

營業中

休息中

雪山冰室係深水埗都幾有名氣下 係老字號茶餐廳 最近好似翻新左 所以專登約埋朋友去試下黎間有名既懷舊冰廳 黃金脆瓜炒蝦仁 $65(好味指數: 😋😋😋😋)最近黃金產品真係好hit 一見到有關於黃金既菜式就想試 蛋黃醬好多 基本上每一啖都有蛋黃既味道芝士焗波士頓龍蝦海鮮飯 $108(好味指數: 😋😋😋😋)個賣相非常吸引豐富 有半隻波士頓龍蝦而且仲好大隻 而海鮮飯仲係炒飯底入面仲有魷魚 蝦仁 青口黑松露沙拉一字骨 $78(好味指數: 😋😋😋😋)超多黑松露同沙拉而且同一字骨超夾 有黑松露既香味 又有沙拉既甜味 一字骨仲炸得好香避風塘生炸雞脾 $28(好味指數: 😋😋😋😋😋)雪山冰廳既避風塘炸脾好出名 雞皮炸到好香脆肉質好juicy 再配埋避風塘風味真係好夾 d炸蒜好香好惹味將雞脾再提升一個層次樽仔奶茶 $25(好味指數: 😋😋😋😋😋)當然唔少得港式奶茶 茶底好香 奶好滑 甜度岩岩好😍(5分為最高)整體食物質素: 😋😋😋😋性價比:💰💰💰💰推薦指數:👍🏻👍🏻👍🏻👍🏻

早幾日係深水埗黃金買野，順便同閨蜜👭行街街，就到食飯時間，行到嘉頓位置，見到呢間座無虛席既餐廳，決定入去一試😍餐廳🍴名仲用投射燈射在地下，顯然而見🥢望望餐單，除左香港🇭🇰地道美食蛋牛治、菠蘿油、公司三文治🥪，仲有快餐，焗飯、日式蛋包飯🥚、太多不能盡錄，多到花多眼亂🍴🥢😂叫左個檳城特餐，包左：1.檳城叻沙摻摻：摻摻即是油麵和米粉混合在一越, 叻沙味濃👍🏽配料有豆卜蝦米, 🦐仲有兩隻彈牙蝦，跟在新加坡食的叻沙摻摻一樣好味.2.日本🇯🇵櫻花🌸蝦🦐炒蛋🥚配香酥丹麥多士🍞：日本🇯🇵櫻花🌸蝦咸咸香香，配落充滿牛奶🥛香既滑蛋🥚是絕配，而且仲要係🥪丹麥多士好酥脆，有牛奶🥛味香，配滑蛋食一流🌹另外叫左個爆饀蛋牛治🥪：烘底是基本，兩邊烘至金黃色，蛋牛🐂饀真係滿到就溢出，望落吸引😍咬落去粒粒牛肉粒都望得好清楚，咸香味，加埋香蔥調一調味，蛋香濃郁牛味重🍞❤️食食下吾夠飽，叫多個川味麻🌶魚片雞肉米線🍜：米線超焾身，不算太🌶，反而係麻麻香香🥢又吾會太油，而雞肉份量多😌鐘意飲奶茶☕️既我地叫左兩支樽仔奶茶，出奇地吾會太甜，茶味香濃，奶味夠出，不錯🥛總結：平民價錢，食物款式多，質素👍🏽

位置話近唔近，話遠唔遠，不過好食既餐廳多數都係因為咁先可以提供高性價比既野俾我地小市民。呢柸係華田曲奇妙趣，華田本身都有少少甜，所以我就叫左走甜，加埋上面既cream，甜度岩岩好。口痕就叫左薯條食住先，新鮮炸起，唔會林糍糍。炸雞搥都係小食一部份。味道唔錯椒鹽鮮魷好味，炸粉唔多，不過就有少少辣。啫啫芥蘭幾有鑊氣，同埋好多肉碎係入面鮑魚雞煲炒得好有味，份量都幾多。呢個就係火龍果咕嚕肉，平時食開菠蘿，呢個轉左新玩法用火龍果，個汁少左d酸味，但係多左d甜味，值得一試

同朋友去深水埗一帶食嘢。見到一間幾有香港特色嘅店舖，招牌店面都好有懷舊嘅香港風格。價錢都合理，就入咗去坐啦。咁入面都係好多卡位，都算係幾新潮嘅一間冰室。咁我同朋友就嗌咗兩個餐，分別係火龍果甜酸排骨，同埋椒鹽魷魚。一個湯，都好足料。有雞腳，冇乜味精而且好夠熱，我同朋友都好鍾意。其次火龍果甜酸排骨賣相非常特別，而且火龍果食落酸酸地，甜甜地，好有特色。椒鹽魷魚炸得都幾香，可惜粉厚咗少少，不過配合豆腐，同埋一啲香料，食落都非常香口。我哋仲叫咗樽仔奶茶，其實飲落冇乜特別，中規中矩。不過特別之處係幾有港式嘅感覺，我諗大家都係想食呢一種懷舊嘅vibe。

與友人相聚，路經青山道62D號，這裡有一間名為雪山冰廳。忽然食指大動，嚐試此店之美食，店內的裝飾帶點懷舊感覺，花階磚地及牆上劃了一幅大壁畫，和幾盞吊燈點綴。坐下来首先叫了一杯忌廉薄荷朱古力特飲，和一碟椒鹽豬扒飯。那特飲將忌廉加入朱古力中，令到朱古力更加幼滑，而帶點薄荷，有凉喉的感覺，此配合恰到好處。而椒鹽豬扒飯，用一大片炸成金黄色的豬扒，與椒絲及蒜粒伴随，带有辣味的蒜粒混合些鹽花，帶出豬扒的鲜味。此店中之小食，還有整隻雞翼之比翼雙飛及炸雞肶值得推介，十分滋味。

平時都特別鐘意食小菜,氷室既小菜一直覺得比較穏陣,唔會太差,地方又比大排檔好好多,地方最緊要近屋企雪山氷廳平時食開佢既櫻花蝦,今次晚飯就試左佢地既小菜,質素算好好,很满意首先2人餐真係好抵食,有海南雞半隻+一款晚餐+炒菜一蹀+白飯2碗,再跟2杯野飲$168海南雞好滑,皮有少少厚,但都係好滑,醬汁好濃,送飯一流金銀蛋蝦乾浸時蔬,估唔到咁大碟,勁多料,鮑魚啫啫雞煲,好香,有5-6隻鮑魚仔,估佢唔到呢個價錢可以有鮑魚雞食,抵!!跟餐有一碟西蘭花紅豆冰少甜,味道岩岩好,正!

今日去黃金行街，行經青山道近嘉頓，看見"雪山冰室"門口宣傳，見晚市有滋潤燉湯加蒸魚幾抵食，一於入去試試。滋潤燉湯二人套餐 $168两盅燉湯螺頭杞子赤肉先來两盅燉湯，湯清甜滋潤足料。是日有幾款海上鮮選擇，我地揀在蒸黃花，有驚喜，魚夠大條足夠二人份，魚新鮮嫩滑。花膠海鮮煮雜菜煲 +$10雜茶煲份量同樣足，當中有花膠、厚身石斑片、蝦、魷魚、鮑魚片、香菇、雜菜和蟹柳等，整體不錯，厚身石斑片最吸引。再有两碗白飯。熱飲 +$6港口味雪糕紅豆冰 +$15紅豆粒粒夠蓉，甜度正好。招牌海南雞飯 $60這裡還有招牌海南雞飯，雞肉夠嫩，蘸上两款醬汁更有風味。樽仔奶茶 +$9這裡招牌必試的就是自家出品樽仔奶茶，飲落果然特別香滑。

今日難得放假，就相約朋友一齊去了深水埗買Game，順便去找找附近有什麼美食！行過見到有間(雪山冰廳)，我二話不説就入左去坐低左，因為有我最愛的炸雞髀！避風塘炸蒜雞髀$28呢隻雞髀炸得外脆內軟，非常多汁亦都非常嫩滑！配上避風塘炸蒜，完全係天作之合！單點$25支，跟餐加$9蚊(紅色樽蓋) 樽仔奶茶，(黑色樽蓋) 樽仔咖啡食完炸髀，有點口喝！原本想叫凍檸茶，不過，店員極力推介樽仔奶茶和樽仔咖啡！奶茶夠滑又好飲，甜度適中！咖啡媲美Starbucks！招牌海南雞飯 $58油飯香氣撲鼻，而且個海南雞沒有任何雞腥味，亦都唔會有好多肥膏！配上甜豉油和辣醬，令人不禁想添多碗飯！

曾經住了深水埗兩年，到過一間從前不太起眼的老店，「雪山茶餐廳」，散發著舊式茶餐廳的魅力，也曾被電視台取景拍劇，雪山冰廳轉手翻新過後， 白色的牆身瓷磚讓老中青也眼皮受落，餐廳光鮮整潔。 一入門口左邊牆上的一幅彩色掛畫，充滿著懷舊的冰室加新一代街畫時代感。雖然話當年的老闆娘已轉手新老闆，但仍然攸到價錢合理，食物質素保證到水平，實屬難得。避風塘炸蒜雞髀$28鎮釜店之寶真心皮脆肉滑，加上避風堂香酥味，夠哂入味又有光澤，蒜香味濃，再加入少見到的黑芝麻，更加香口美味。波士頓龍蝦叻沙摻摻$98龍蝦膏完全滿足海鮮食慾，叻沙湯Mix龍蝦是第一次吃，味道原來非常夾，蝦肉亦比想像中多，餐廳還會供應蟹殼鉗方便拆開蟹爪，其他材料還有雞蛋及魚片四塊，油麵與米粉混合，米粉入味，油麵彈牙，兩種口感加上叻沙椰奶香味，吸收湯底惹味香口賣相又吸引。焗肉醬溫泉蛋飯$42肉醬、半熟蛋狀及芝士分佈平均，肉醬份量足夠而且濃郁Juicy，坦白講是一般快餐店一定攸不到的味道，是舊茶記的必食一款，樽仔奶茶(+9)31茶味濃滑突出，份量、茶與奶比例剛剛足夠，甜度做到中間不過甜的味道選擇。港式茶走紅豆冰(+$15)紅豆滿意軟林林，茶走濃茶香

深水埗長沙灣係我細個生活既地方，而呢間餐廳細個都有食過，到大左都好少食了。今日重遊舊地，見到裝修新淨左，一於試下味道有沒有保持水準！店員大多都係老員工，感覺份外親切。我們點左d小食炸薯條🍟$22新鮮炸岀來，熱辣辣，好香口好脆，薯條都好粗👍🏾雞搥🍗$24份量唔算大，但勝在熱辣辣，好惹味😋椒鹽鮮魷$78呢個真心推薦，好好食！椒鹽味好香，同時又唔會蓋過鮮魷味，鮮魷亦好淋，好爽口。鐵板蝦米肉碎啫啫芥蘭$72熱辣辣上碟，仲有少少咋咋聲，份量都好大。芥蘭配呢個蝦米啫啫好夾，好爽口，撈飯一流！👍🏾盛推火龍果咕嚕肉$72大家都比個組合吸引，未試過呢個食法。熱既火龍果真係第一次食，估唔到個汁同佢都幾夾😋咕嚕肉幾脆口，好食，係略微有點多骨，其他都好岩撈飯🤩白飯就正常，粒粒都煙un 🍚下次會想下午茶試下佢個紅豆冰同多士🤩

下午茶係幾抵食既，不過筆者一向鍾意常餐，所以嗌咗雪山常餐1 $46雪山沙茶牛肉公仔麵 + 午餐肉炒蛋 +香酥丹麥多士+$3凍奶茶公仔面唔會太林，唔會太硬，口感岩岩好！午餐肉唔會係好cheap 雖然唔算大塊，但煎得香口，炒蛋Average,丹麥多士同我想像有少少出入，都好食！凍奶茶茶咪有少少唔太出，可能多奶左少少但整體都好味！服務幾好！撞正員工食飯時間，見佢地圍埋一齊食飯 幾warm咁！我會再返黎試埋檳城特餐或者另一個常餐！推介

📍特色叻沙摻摻 -- 雪山冰廳🗻今日同朋友去深水埗行街 見到呢間冰室裝修唔錯 就入去醫下肚仔 估唔到都有驚喜😄-------⭐檳城特餐 ($52)✨檳城叻沙摻摻呢個有別於一般嘅叻沙 所謂摻摻麵底係用左油麵同米粉 食落口感有粗有幼 非常豐富💕湯底聞落椰奶味重 不過覺得可以再creamy少少😍而且係微辣 惹味得黎又啱晒小編呢啲唔太食得辣嘅人😂配料嘅蝦新鮮爽口 魚片彈牙 豆卜索左湯底好正👍✨日本櫻花蝦炒蛋炒蛋老左少少 但好彩有櫻花蝦嘅鮮香搭夠 加返分👍✨香酥丹麥厚多士呢間冰室選用丹麥酥包 比一般方包更香更酥脆😍加埋牛油真係令小編食唔停口💕✨樽仔奶茶(+$9)口感順滑 但茶底濃少少會更好飲😄-------總括黎講小編最中意個叻沙 好有特色😍見到餐牌其他菜式都好吸引 有機會會再去試😄-------價錢：$52+$9-------評分(10分滿分）賣相：8味道：8性價比：7回頭率：7-------餐廳資料名稱：雪山冰廳地址：深水埗青山道62D號地鋪前往方法：深水埗D2出口

放工和朋友去深水埗買電子產品零件，順便找找附近有什麼好美食，食埋個晚餐倾談一下，完美的一天😌！行過見到有間(雪山冰廳)，有我至愛的龍蝦食，而且地方濶落又有卡位，二話不說就進店試試！波士頓龍蝦叻沙摻摻＄98湯底 微辣 又 可口 , 叻沙湯底 香味 濃郁 , 麵 底 是 油 麵 加米 粉 , 正宗食法 , 每一 啖 都 吸收 了 湯底 精華，好好味😋，加上 有 半 隻 龍蝦，好多 膏 , 肉質 爽口，體貼地 附上鉗子 , 方便 進食😌！避風塘炸蒜雞髀 ＄28皮脆而肉質鮮嫩，亦保持到肉質的水份，一D都唔乾，抵讚👍🏻！加上避風塘蒜香，令雞髀越食越惹味😋！招牌海南雞飯＄58 皮光肉滑，啖啖肉，又無雞腥味亦冇肥膏，十分新鮮，沾上醬汁連油一齊食,滿口都是雞香味！🐓🐓

早排已經幫襯過雪山冰廳一次，個陣覺得啲食物都唔錯。咁岩星期六同朋友去深水埗買野，未食早餐嘅我行到5點幾，個肚真係餓到喊。為求方便快捷，決定再戰冰廳，一口氣叫咗好多食物。-檳城叻沙海南雞米線湯底充滿叻沙香氣，入口雖然唔會太辣，怕辣人士都食得。我一向鍾意米線配湯一啖咁食，呢款食落真係好足味。海南雞質感較扎實，但咬落唔會鞋口，雞皮嫩滑程度都好抵讚。-爆餡蔥花蛋牛治(烘底)識食蛋牛治一定要叫烘底，入口外脆內軟。炒蛋夾雜蔥花同粒粒碎牛，雞蛋都幾厚身，稍嫌蔥香蓋過其他食材味道。-避風塘生炸脾雖然好熱氣，但真係好吸引。避風塘碎碎聞落有啲似媽咪麵調味粉香，配上炸脾幾夾。外皮炸得有少少老，但整體都香脆可口。-榛子醬西多士上次幫襯已經見到有人叫，似乎幾受歡迎。倒埋糖漿真係好邪惡，夾心有濃濃榛子醬，味道幾特別。-港式茶走紅豆冰原來茶走紅豆冰都幾好味，紅豆中和奶茶嘅澀味，比傳統紅豆冰更勝一籌。-樽仔奶茶朋友叫咗招牌樽仔奶茶，細細枝幾可愛。入口茶味香濃，質感幼滑。-懷舊黑牛黑牛可謂係茶記經典，朱古力曲奇雪糕加上可樂，入口多一份奶香，口感都creamy少少，頗有趣。

招牌海南雞飯($58)，份量都幾足，數過有8件雞，雞肉夠嫩滑，海南雞中間應該有層啫喱狀，而佢亦做到，而且去晒骨可以啖啖肉，醬料方面有2款，係辣醬和甜豉油，我個人覺得辣醬唔錯，至於個飯係雞油飯，顏色唔需要好黃色，但口感仍然能散發出陣陣油香。大澳咸魚茸香煎肉餅($78)，共有6塊，肉餅好鬆軟彈牙，而且帶有少少咸魚香味，配白飯一流，每塊形狀不一，證明用人手新鮮打出黎。公司三文治($35)，材料夠足，件件賣相望落都脹卜卜，麵包有烘過食落有焦脆，醬汁搽左千島醬，食完都幾飽肚。榛子醬西多士($28)，西多外層炸得好脆，內層鬆軟，而且配搭榛子醬都幾夾，一定要加埋食西多必落既糖漿。熱檸水(跟餐$0)。華田曲奇秒趣(跟餐$15)，賣相色彩繽紛，好有童年感覺，忌廉下層有一球雪糕，華田味夠濃郁，不會淡到好似飲水。