雪山冰廳

營業中

休息中

雪山冰廳今晚放工去左深水埗搵朋友食晚飯再傾下計，經過見到一間幾懷舊嘅餐廳😯雖然係老字號，但店員姐姐都好有禮貌🥰……….今日想食下港式burger🤤叫左🍔芝士煎旦牛肉漢堡包($35)，芝士溶到好好食，漢堡亦好有肉汁，有牛味👍🏻，而且真係好抵食😯只係$35 漢堡包仲大過我隻手🖐🏻🤤另外，朋友🧑🏻簡左招牌海南雞飯($68)，油飯唔會太油，帶點雞油味我地仲加多左上湯香菇浸菜芯🥬($35)，咖喱牛筋腩撈公仔麵($48)，去冰廳點會唔食撈公仔麵呢😂 咖喱係唔辣嘅，怕辣都可以試下🤤………餐廳環境帶d懷舊氣息，多數都係卡位，所以坐得都幾舒服。

雪山冰室一入到，有種復古，舊香港感覺🤭坐位亦都好舒服，我哋2個人佢地都俾我哋坐3人位，鬆動好多！而且佢地keep住都有街坊一家大小咁入，好旺場！爆餡蛋牛治(烘底) $28好厚個蛋😍入面有啲蔥，免治牛，同juicy 蛋，好好食！仲要烘過個底，脆卜卜，外脆內軟！性價比好高咼🎉波士頓龍蝦叻沙摻摻 $98竟然唔洗$100食到龍蝦😱好吸引咼！一上到都幾大碗，有半隻龍蝦！入面好多膏，雖然唔算好大隻，但勝在好鮮甜，肉質彈牙！將龍蝦肉再點落喇沙湯黎食，又係另一個風味呀🤭好食！摻摻按傳統黎做有米粉同油麵，米粉唔係普通個種，比較彈牙銀絲米粉咁！而且個叻沙湯唔算辣好濃味，好好食，我偷偷飲咗一碗🤣🤭椒鹽豬扒飯(炒底) $68見係signature，就試下先！啲飯炒得好乾身，粒粒分明，好食！佢豬扒亦都好多肉，唔係淨骨!!醃得好入味，食到有小小香茅😍好正呀！！

已經一段時間冇食過海南雞飯，超級想食海南雞飯，之前都食過雪山。今次第一次食佢嘅午市，叫咗個招牌海南雞飯食，個油飯係冇得彈嘅，味道好有層次，同埋配埋啲香口嘅泰國香料幾惹味，不過啲雞就唔係幾夠滑。

又係好評太多出事? 我見當日大多數客人叫午餐，選熱門食品出事?芝蛋牛漢堡- 又係懷舊漢堡出事，雖然好過時新好多，都仍好唔過麥記安格斯漢堡。芝士無味、肉味不夠，不過不失，價錢公道。 肉醬意粉- 茶餐廳定律: 意粉必差，雖然肉醬都造得有誠意，但救唔番。始祖椒鹽豬扒炒飯- 豬扒有點乾、味不突出，不過不失，沒有驚喜。我在隔兩條街永勝大廈地下一間歷史悠久的餐廳(還存在)吃過同一個炒飯，係好食好多、平宜三成，當然環境就雪山好好多。奶茶- 不錯，餐飲加6蚊。不知是否我點錯食物，不敢俾劣評。

和朋友食飯，在他的推薦下嘗了雪山冰廳。雖然是港式冰室，但餐廳環境乾淨。下午茶時間去到，餐牌十分多選擇~而且食物質素好oK!!絕對有下次!!!☁️（茶)榛子醬西多 $35超級無敵邪惡!!!但真的十分推薦，食得很滿足。西多炸得金黃香脆，裏面是榛子醬!!切開時很有驚喜，滿滿的榛子醬很香!!不會覺得很油膩~☁️（茶)芝旦牛肉漢堡 $38果然是招牌菜之一，都十分推薦的一個漢堡!!!漢堡包烘得香脆，裏面夾着半融的芝士、雞蛋和牛肉。perfect match!!!牛肉很香濃牛味，和芝士配搭得很好!!!☁️樽仔奶茶 $9☁️樽仔啡 $9絕對有驚喜有誠意的兩個樽仔飲品!!(⁎⁍̴̛ᴗ⁍̴̛⁎)很推薦，建議加錢換樽仔飲品!!朋友最喜歡樽仔咖啡，覺得咖啡的味道有層次~咖啡味香濃順滑，齒頰留香!!!☁️老壇子酸菜魚(迷你)跟寬粉 $98寬粉份量有點大~很適合兩人分享，湯底有少少辣，但很可以接受!!酸菜做到酸的效果，魚片嫩滑新鮮!!

呢間餐廳我都幫襯過幾次，佢小菜類同埋其他嘢食都唔錯！不過嗰日去咗食個羊腩煲真係不了羊肉少得可憐三個人去食每人先食得嗰幾粒炸支竹就勁多好在仲叫咗個椒鹽豆腐同埋炒咗個馬拉盞菜先夠飽羊腩煲不了😩😩😩😩

下午茶時間都特登叫熱門食物，椒鹽豬扒炒飯底。椒鹽豬扒炸到乾過阿婆，柴到好難咬開，份量又少，當係一小塊豬扒碎上。炒飯好濕，有色無味，唔香，飯量好多嘅，不過唔好食，食左幾啖放棄啦。凍檸茶正常，跟飯加$9。$68一個飯係深水埗區算係貴，連飲野$77，我好唔開心，兼且懷疑人生，點解咁多好評。2:30左右無咩人，唔駛等位，有譚仔阿姐口音招呼，環境企理，乾淨嘅，空間感都夠。不過行得有啲遠，去到嘉頓嗰邊，過馬路有啲煩。

龍蝦海鮮焗飯*Time : DEC 2022, Lunch*Price : $128-HKD *Place : 雪山冰室*Review : 本身都鍾意食焗飯，呢一間就是本地老店，人氣不錯- 龍蝦海鮮焗飯：份量上非常之多，比其他地方食到的多三成左右，用料也十足，有半隻龍蝦，此外還有魚聊，魷魚，蝦，蟹聊等，龍蝦肉多，而且蝦蚶已破開，食起來方便，如果芝士可以多一點點更好整體是好評的，價錢是比一般焗飯貴，不過用料十足，食量小的話可能要兩人才能食完雪山冰廳地址 ： 深水埗青山道62D號地舖

年尾又差唔多放長假期，就約左個friend收工去黃金電腦廣場行下，睇下有冇好玩嘅game放假就煲下。行完買咗隻God of War Ragnarok 都就嚟8點鐘，就提議同老友一齊搵間冰室食埋個晚飯啦。一出黃金見到福華街果啲食肆勁多人又要等位，咁我地就行遠啲去左青山道住宅區度睇下啦，行左10分鐘內就搵咗呢間冰廳食飯。正所謂無期望無失望，但見到餐牌有個滋潤燉湯二人套餐，冬天乾燥口淡淡喉嚨乾就嗌左嚟食啦。平時我哋兩個屋企都少煲湯水，嗌左個餐無幾耐，阿姐就拎左兩盅燉湯俾我哋。一開真係有驚喜，足料椰子、瘦肉燉，唔覺有味精又大碗。簡直冬日推薦！之後再嚟左碟招牌海南雞半隻，都幾香唔算太油膩，個黑醬油唔苦唔算太濃，底下仲墊咗酸蘿蔔同甘筍好開胃。之後佢嚟埋咖喱彩椒牛魔王煲，裡面料有牛腩、牛仔骨、小小牛筋，上菜果陣仲係唦唦聲滾緊，味道不過不失。最後再叫阿姐上埋飲品，凍奶茶一般都算滑，另外杯咸檸七就唔夠味，我個朋友仲話想加鹽加咸。總括來說，埋單$202家常小菜加個燉湯人均$100好合理。餸菜合格，燉湯出色。

前日12號父母去食lunch, 叫左一份檳城喇沙摻摻，一份快餐咸魚蒸肉餅飯，份量正常，味道都不過不失，雖然座位算窄，但近屋企，疫情呢幾年都經常去由入座叫野食到食完離開只係半個鐘時間，食完晒野，杯餐飲都未飲完仲有一半，侍應就問: 你唔要架喇可？都算啦，當你係熱心收枱，但佢仲跟手收走左杯水，平心而論，其實一個lunch食左半個鐘都未夠，好過分咩？( 早幾年雪山未換新餐牌嗰陣食晚飯叫過牛仔骨，食晒埋單嗰陣講咗句，啲肉其實有少少生，亦都冇投訴，個阿姐講咗一句震驚我嘅說話: 你要同我哋講幾成熟🫢🫢 咁大個人都未經歷過食牛仔骨要講幾成熟，高級餐廳食牛扒嗎？？落單嗰陣唔見你問我要幾成熟)實在太趕客，以後唔會再去🥹

今日專成出咗去深水埗試依間冰廳，因為聽聞佢個炸髀，漢堡包同埋嗰個芝士波龍海鮮焗飯好好味，所以冒昧一食，點知⋯⋯⋯好正入正題～避風塘生炸髀，配紅豆冰。先前睇啲師兄話隻雞髀好似手掌咁大，其實一黎見到隻髀唔見得大隻得去邊，炸得過左火，有部份肉開始硬，個避風塘略嫌鹹。紅豆冰，紅豆就OK嘅味道就麻麻基本上下次去都唔會再叫(如果有下次)。經典芝士蛋漢堡，配海苔薯條依個經典漢堡，正常發揮個包面夠熱，煎蛋都唔錯，但嗰個海苔薯條⋯⋯軟林林。最後芝士波士頓龍蝦海鮮焗飯 依個焗飯童叟無欺，波龍正常，魚肉佢用龍脷柳(應該)但絕對唔會係鯰魚，青口都唔錯，芝士可以再多啲。整體來講⋯⋯下午茶ok啦，唔會再專登走去食，飯餐行過果頭都仲有可能嘅。戴返頭盔先，我覺得好唔好食≠你覺得好唔好食，好唔好食因人而異。

雪山冰廳 (深水埗)$38 芝旦牛肉漢堡(配飲料)(8/10🌟）漢堡排煎lone表皮香脆內裏冇肉汁，但唔會好乾身。煎蛋半熟切開有蛋汁，配上片裝芝士同埋疑似嘉頓麵包，非常港式$35 棒子醬西多(配飲料)(6/10🌟)棒子無流心效果，棒子醬比花生醬更甜。麵包鬆軟，不過炸得唔算香脆。整體一般，食落似普通麵包搽棒子醬，無西多士香口既感覺。$37 板燒雞扒潛艇(配飲料)(8/10🌟)雞扒切成一粒粒，每粒都好大粒，鋪係包面。有芝麻醬做調味。雞扒煎得香口。+$9 紅豆冰食物：7/10環境：7/10性價比：7/10📍深水埗青山道62D號地舖📍長沙灣青山道413號東景大廈地下4-5號舖#香港美食 #深水埗美食 #hkfoodie #foodhk

📍 雪山冰廳🌍 深水埗青山道62D號地舖G/F, 62D Castle Peak Road, Sham Shui Po📝 整體評分：9／10精選推介🥢始祖椒鹽豬扒飯(炒底)🥢 $68超鍾意既碟頭飯，椒鹽豬扒爽軟入味加左蛋炒既飯，鑊氣十足，粒粒分明，拌埋蔥椒，香口惹味~特色湯粉麵🥢波士頓龍蝦叻沙摻摻🥢 $98叻沙湯底濃厚得黎又好鮮甜龍蝦好多膏啖啖肉，魚片仲出色，好爽彈。叻沙摻摻一般都要$60-70左右，有埋半隻龍蝦，仲要勁大碗相當抵食~ 小食🥢炸魚薯條🥢 $32魚有魚味既炸魚，脆漿又薄，jeng~ 薯條就炸返耐小小會好D。

本身比呢間新派冰廳吸引左入去，令我最驚喜係佢嘅凍檸茶走甜，一間出色的茶餐廳真係要睇個茶底，因為我飲走甜嘅關係，好明顯感受到佢個茶底唔澀，好好飲，另外一坐低已經聞到隔離枱個 沙嗲牛好香，我都要跟風嗌番個，黎到終於明白點解咁香，因為真係好足料，仲要配而家好興的丹麥多士，好鬆軟，而朋友仔嗌左個AllDayBreakfast, 一上枱充滿濃郁的黑松露味道再加上個炒蛋好厚，咬落去好有層次感，試左2樣野都覺得唔錯，試埋佢個爆餡蛋牛治，仲可以幫我走埋蔥，真係好細心

我好鍾意去呢間冰室, 位於深水埗, 地點幾方便, 而且食到好好味嘅港式菜式！價錢親民, 份量足, 性價比高！主打多款懷舊冰室美食及飲品, 必叫紅豆冰👍🏻！🥪厚切炒蛋三文治麵包好軟熟, 炒蛋份量多, 好嫩滑而且仍留有蛋汁, 富蛋香, 唔會炒得過熟🫘紅豆冰 - 紅豆煮得夠淋, 唔會過甜, 仲有陣陣淡奶味！🥦XO醬海中寶西蘭花 - 跟餐配白飯🍚, 有斑片、鮮魷、蝦球、菇菌、西蘭花, 炒得好有鑊氣, 每一個食材都充滿着XO醬嘅味道, 西蘭花炒得爽脆, 微辣好惹味呢！🥗紫菜金銀蛋肉鬆浸豆苗 - 上面鋪滿紫菜、鹹蛋同皮蛋粒, 豆苗新鮮翠綠, 配埋蒜子, 滋味可口！