雪山冰廳

營業中

休息中

深水埗有好多好嘢食，今次是但落街一間茶餐廳都大飽口福。朋友約雪山冰廳食晚飯，簡單實惠食一餐，原來都可以食得好豐富。雪山冰廳係經典香港茶餐廳，來得茶餐廳，小柔推薦必食以下幾款：1. 避風塘生炸雞比2. 芝士🧀️煎蛋🍳牛肉漢堡飽🍔3. 椒鹽豬扒飯（炒底）4. 波士頓龍蝦拉沙摻摻5. 榛子醬西多士6. 菠蘿油炸雞比真係超香脆，絕對茶餐廳風味。估唔到茶餐廳都有漢堡飽，不要小看港式漢堡飽，可以好食過外國漢堡飽，價錢還超級實惠，椒鹽豬扒又係超級脆炸，送飯一流龍蝦摻摻的龍蝦🦞是重點，估唔到又夠新鮮彈牙，比足面茶餐廳，絕不能看小。

呢間餐廳 我住附近， 所以我間中都會食下 中菜 茶記食物味道都唔錯 今次點左西多士 同炸脾 西多士配薯格 西多入面有花生醬 個包皮幾軟林 配牛油 ok, 薯格夠香脆 份量 ok平時水準 . 但我最嬲既野黎 我1614 落單 等到33,34 分 我同朋友都食哂多士， 我都覺得唔對路 正常炸生雞脾15 分鐘實得 . 所以就問下幾時有， 跟住個姐姐走黎同我講兩分鐘 點知等到50 分先有！！！！跟本係你地自己漏單 跟住又呃鬼我一路整緊 其實自己由頭整過！！做生意要誠實 漏左咪同人講漏左要等多15 分鐘炸 再睇下客人要唔要或轉唔轉野食 ..! 佢就冇 格硬老屈話2 分鐘有 要人等完又等我嬲到等一上碟 即刻成隻炸脾同沙律都冇食就走！ 嗰50 蚊豪俾你 都廢事同你嘈 ! 本身呢間幫襯開 而家永冇下次！！！！

餐廳環境較舊今次來食下午茶餐，唔洗等位，下午茶餐去到6：30，好少餐廳做到甘晏，呢個係值得讚既，可以當晚餐食!坐位唔太窄，都好坐。至於食物方面唔錯，焗肉醬意粉好香，好明顯有加香草，下午茶來講價錢合理，份量足夠，但唔算平同底。不過支付方法比較少，無得用電子錢包支付。

之前去過長沙灣分店，覺得幾好。今日去深水埗買野，順道去深水埗分店食。食lunch時間真係好多人，行左個圈再返去先有位🤗出品一樣咁有質素👍芝士焗波士頓龍蝦海鮮飯 $128上枱時估唔到咁大份又足料，除左有半隻龍蝦，仲有魚柳、蝦、魷魚、青口、蟹柳、西蘭花、雜菌等，加上個炒底嘅飯配埋芝士白汁食，芝士味濃郁，仲做到拉絲效果😝真係食到lum lum脷😋🔹️老黃瓜湯 (例湯) +$6焗飯+$6有熱飲或例湯選擇，我揀左個例湯🫶今日係老黃瓜湯，味道好清甜，清潤可口。避風塘生炸雞脾配紅豆冰 $44仲叫左個下午茶餐，生炸雞脾真係好大隻，雞皮炸得好酥脆，內裡肉質嫰滑，面頭仲鋪左啲避風塘炸脆蒜，配埋一齊食好香口。跟餐嘅紅豆冰啖啖的紅豆香加上順滑濃郁的淡奶香，冰涼可口，甜度剛好！🔹️辣味薯皇 +$8炸雞脾餐加左$8要個薯皇，外層炸得金黃酥脆，內裡軟綿綿，薯味濃郁又香又厚身🫶yummy!

呢晚同外子去深水埗鴨記買嘢。買完嘢後肚仔餓搵嘢食。鴨記嗰邊人山人海，所以我哋就行遠些少過返嚟嘉頓呢邊呢條街，搵返食過翻尋味嘅雪山冰廳。入到去坐低咗之後，望到牆上黑板寫住盲鰽魚$98, 突然間好想食魚，於是就不作他想，決定點個二人套餐$168, 蒸返條靚魚食吓。點餐後，遮遮就送上兩盅燉湯，係海底椰燉赤肉雞腳，好滋潤。啲湯好清，一滴油都冇，雞腳大大隻脹卜卜，充滿骨膠原。套餐裡仲可以揀多一味季節小菜，我哋揀咗麒麟玉樹斑塊。小店細心的等埋條盲鰽魚蒸熟後先一併上枱，兩味魚都係熱炳炳冒住煙，實在太美味啦😋盲鰽魚嘅火候啱啱好，魚肉細緻嫩滑，用蒸魚豉油汁配埋青葱用嚟撈飯，真係一絕麒麟斑塊係用上一片豆腐再夾上一片金華火腿和一塊班片。呢啲功夫宴客小菜又係已經買少見少，估唔到小店仍然有廚師願意花功夫製作這味小菜外子另外加咗$35要多個上湯菇菌浸時菜，等我哋營養均衡啲🤭總括而言，呢次用餐體驗食得好飽足，亦好有家常嘅味道，會多多幫襯嘅呢

深水埗實在太多美食了，真係唔知食邊樣先好，今次終於有機會去依間勁多😋評價的雪山冰廳食，舖頭位置並唔係位於深水埗最旺最多嘢食果邊，但無損佢嘅人氣.星期日下午六點多啲，已經坐了不少客人，舖位唔算大，但座位也寬躺舒適.食物叫咗常餐經典芝蛋牛肉漢堡配迷你肉醬意粉$60、咖喱吉列豬扒蛋包飯$68、上湯香菇浸時蔬（白菜）$35，飲品方面叫咗樽仔奶茶同埋熱檸水，見燉湯都好似幾受歡迎，於是叫一盅試吓，燉湯清潤，材料充足，有猴頭菇、雞腳、瘦肉、紅棗等，好有住家湯的感覺，芝蛋牛肉漢堡牛肉做到好淋身，芝士份量剛好，唔會好膩嘅感覺，麵包軟熟，中間夾住太陽🌞蛋，一咬蛋汁散去漢堡的每一個角落，juicy😋，肉醬意粉🍝雖然話係迷你，但其實個份量我覺得一啲也不迷你👍🏻，肉碎同個汁嘅比例做得幾好，味道也調校得幾好，咖喱吉列豬扒蛋包飯，豬扒兩大塊，外脆內軟，唔會炸到柴皮咁，咖喱幾香，帶點微辣吊起個味，樽仔奶茶幾香滑，而且賣相好有香港特色，整體來講幾好，價錢又大眾化，性價比高，值得支持.#深水埗#yummy#性價比高#漢堡#芝士#牛肉#冰廳#茶餐廳#冰室#選擇多#豬扒#咖喱#蛋#egg#🥚#奶茶#milktea#菜#cur

以前細細個成日都去呢間冰室食下午茶時至今日，呢間冰室依然乞立不倒任何時候都座無虛席😌而且裝修完之後坐得更舒服，大部份都係卡位🔥避風塘生炸髀配紅豆冰 $44招牌炸髀大概要等15分鐘，即叫即炸超大隻炸脾炸至金黃色，外層卜卜脆，上面鋪滿熱浪薯片碎，辣辣地更加香口惹味！另外$8配薯皇，口感香脆，分量十足夏天飲埋杯紅豆冰，啖啖都係香甜綿密嘅紅豆，消暑一流🫘🔥始祖椒鹽豬扒飯(炒底)$68最出名莫過於椒鹽豬扒飯，好惹味啊~椒鹽豬扒口感軟腍，啖啖肉唔會柴皮有筋用椒鹽醃過特別香口，充滿鹹香味炒飯底好出色，米飯粒粒分明夠哂獲氣加入辣椒🌶️小辣程度更加香口🔥 經典芝蛋牛肉漢堡包 $39下午茶餐之一，呢款漢堡包夠哂經典懷舊芝麻包微微烘底，中間爽住半溶芝士同漢堡扒雖然好邪惡，但係芝士同漢堡扒合二為一，好滋味啊！另外冰室名物，樽仔奶茶，茶底香濃又滑必試！

🎀深水埗。懷舊經典茶餐廳🍵🎀🪄店名* #雪山冰廳🔮地址*深水埗青山道62D號地舖 🔮🗾分店地區🗾 深水埗,長沙灣💰價錢$330 已加一(2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_深水埗剩系食呢一類👉食物類型搜尋🔍🍜#pickyme_港式➖➖➖➖➖➖➖➖➖➖➖➖➖🎵餐廳環境🎵位於舊區深水埗 當然要試下出名既茶餐廳😎呢一間榮獲深水埗區開飯熱點 勁多好評！由店面到內裡裝修 都係好懷舊經典 顏色較鮮豔 多花紋 位置好多 夠寬敞～ 好少見茶記既侍應姐姐夠nice同有禮貌 感覺唔錯😊🍽️食物質素🍽️整體評價不錯 330穩可以食到飽而且份量多 用料充足 選擇種類豐富～仲有特別既甜品 有時想三五知己平平地聚餐都可以黎試下！滋潤燉湯二人套餐👫$168👀評分💖💖💖💖💖🪄古法沙薑雞半隻本身預計半隻雞都唔會好多肉 估唔到佢份量好充足！超多肉 肉質嫩滑 雞味濃～沙薑味好夠 每一舊雞都有濃濃既沙薑味😍👀評分💖💖💖💖💖🪄招牌小菜- 椒鹽鮮魷拼金磚豆腐+$10上菜超大碟😍😍😍份量勁充足😍😍估唔到呢個價錢可以食到甘足料 炸皮好夠薄 炸物外脆內軟 豆腐入口即溶😋滑luplup 超好味～

花生醬西多士食得多, 榛子醬西多士真係第一次. 有驚喜, 必食. 芝士煎蛋漢堡包賣相就 只係一般, 但係茶餐廳嘅漢堡包又有另一種風味. 最特別係個包, 多芝麻, 鬆軟. 食嘅時候小心蛋汁爆曬出嚟.特別提示, 食之前千祈唔好去間餐廳個廁所, 因為你會經過個廚房, 去完未必會想食.

尋日收工約左朋友係附近食飯，咁啱搵到呢間茶餐廳，就入左去試下叫左個椒鹽豬扒飯，豬排切開曬，啱曬我li d懶人，豬排都好淋，好入味，個炒飯底夠乾身，好有鑊氣，好香口🙈🙈叫左個芝士煎蛋牛肉漢堡包，塊肉唔會好乾，配埋芝士同太陽蛋，無得彈🤗🤗因為朋友唔食得肉，就叫左個黑椒茄子炒公仔麵，本身以為茄子同公仔麵好唔夾，點知食落都幾好食👍🏻👍🏻👍🏻重頭戲係個避風塘炸雞髀🍗，本身都已經好鐘意食炸雞髀，用避風塘做法更加惹味更加脆，難得係裏面d雞肉都仲好juicy🤭🤭叫左個榛子醬西多士當甜品，個西多士係新鮮炸出黎，加埋榛子醬係入面真係好邪惡😈😈

🌸夜晚約左朋友去深水埗高登買野，上網睇下有邊間餐廳多人推介，見到呢間雪山冰廳評價不錯，加上榛子醬西多士真係好吸引🙆🏻‍♀️ 就入左去解決晚餐😛 -𝐅𝐨𝐨𝐝 𝐑𝐞𝐯𝐢𝐞𝐰 食評 🦑 椒鹽鮮魷拼金磚豆腐 $𝟿𝟻炸皮薄脆，魷魚有咬口，鋪面既椒鹽分量都唔會過多👍🏻 金磚豆腐大細岩岩好，唔會太大而令到入口個時唔夠味🙆🏻‍♀️-🐷椒鹽豬扒飯（炒底）$𝟼𝟾豬扒有四至五塊，表面香脆，肉質唔會因為炸過而變到好柴👍🏻 飯底做到粒粒分明，好味🥳-🍝黑椒茄子炒公仔麵 $𝟻𝟾公仔麵唔會炒到好乾身，黑椒味濃郁，素食之選🤩-🍗避風塘生炸髀 $𝟹𝟻生炸髀好味❗️炸皮薄，雞髀肉炸完仍然保持到好多肉汁，雞肉嫩滑，小編差d想叫第二隻🫢推薦💕-🍔芝士煎蛋牛肉漢堡包 $𝟹𝟻外表平平無奇，但係內有乾坤🫢牛肉漢堡牛味好重，配搭一隻流心太陽蛋，蛋汁爆開沾滿成份漢堡，令到味道提升左好多👍🏻-🥪榛子醬西多士 $𝟹𝟸榛子醬西多士真係好邪惡😈 加埋爆滿既榛子醬，真係好好味💓-📍 雪山冰廳 (深水埗)@shetshan1956 深水埗青山道62D號地舖-環境：🌸🌸🌸🌸味道：🌸🌸🌸🌸服務：🌸🌸🌸🌸衛生：🌸🌸🌸🌸性價比：🌸🌸🌸🌸-

早排同為食魚阿妹出深水埗睇電腦💻出開去緊係要找好西吃啦😛搜尋下見呢間好似幾多人推介，決定入去試吓最近雖然頻頻食茶餐廳食物但茶餐廳勝在選擇夠豐富嘛🤭而呢間冰廳竟然連龍蝦🦞都有得食🤩～～～～～～～～～～～～～～～🐱經典芝蛋牛肉漢堡包 $35餐廳推介必吃，就試吓佢咩料漢堡包🍔夾住流心半熟蛋同芝士用刀切開蛋汁爆出黎，配上手打牛肉漢堡入口好juicy，好滋味😋🐱波士頓龍蝦叻沙摻摻 $98真係第一次茶餐廳有得食龍蝦🦞😳我哋諗都無諗就即刻點一份試吓😂估唔到餐廳都唔吝嗇足足有半隻龍蝦龍蝦肉雖然唔係好juicy但呢個價錢都OK啦🤭抵食！🐱榛子醬西多士 $32平時啲西多士都係花生醬夾心而呢個榛子醬夾心嘅西多士又另一番風味😋大大塊牛油🧈溶合蜜糖嘅西多士雖然邪惡但真係令人停唔到口🤣😂🤣🐱樽仔奶茶/樽仔咖啡 $15每人叫咗一支樽仔飲品用來碰一碰杯HAPPY VACATION嘛😆樽仔飲品勝在無冰唔會稀釋左飲品嘅味道香濃咖啡同厚滑奶茶同様「一番」💯

深水埗人情味濃，好多小店老字號富人情味又親民，雪山冰廳就係其一。冰廳係嘉頓美荷樓附近，唔算近地鐵站，主打街坊街里生意，價錢貼地質素對板。◾︎二人餐索價168，有半隻雞、一個小菜、兩個飯，另加兩個燉湯。沙薑雞好嫩好滑溜，水準不錯。小菜揀咗蜜椒薯角野菌牛仔骨，餐廳鑊氣唔錯，薯角好好味。◾︎火龍果咕嚕肉咕嚕肉酸酸甜甜， 外鬆內軟，味道不錯。加上火龍果，令傳統菜突然有啲看頭。◾︎鹹蛋黃蝦球拼四季豆估唔到老字號都有鹹蛋黃嘅菜式，粉漿薄身好香脆，鹹香味十足。蝦球好彈牙，四季豆火喉控制得好，嫩身又無過老。值得一讚，無油膩感。◾︎樽仔奶茶奶茶控必試！入口香醇，口感又滑，甜度不太甜。茶底keep到茶記水準，值得欣賞。

今日去左深水埗呢間表面現代化但其實富有懷舊味道既老字號港式冰室度食下午茶，餐廳既樓面清潔乾淨，店內其中一面牆身更以漂亮既噴畫作點綴，整間餐廳單是看起來就感覺很有特色，打開餐牌價錢仲好親民添🫶🏻❥經典芝蛋牛肉漢堡包 $35見到好多人話必點，食完後我都認同，個包中間既雞蛋同芝士都係半熟蛋狀態，切開雞蛋d蛋汁流曬出黎超級juicy，加埋人手製作既牛肉漢堡，非常滋味滿足。❥榛子醬西多士 $32一切開個西多士就已經見到中間超足料既榛子餡，外表亦炸得十分金黃，比起其他茶餐廳既西多士因為佢本身榛子餡已帶有甜味，所以唔洗再落太多糖漿，我已經覺得夠甜，小貼士係記得可以先試一口然後再按個人口味加糖漿✌🏻❥波士頓龍蝦叻沙摻摻 $98估唔到茶餐廳都可以食到我最愛既龍蝦，龍蝦都足足有半條係度，唔係得個殼做個樣，係真係有一大舊龍蝦肉食，個喇沙湯底都夠濃，帶有甜甜地既椰漿味，油麵同米粉既比例各半，仲配有豆卜、魚片頭、雞蛋做配料，真係份量又大價錢又平！抵食！❥樽仔奶茶/樽仔咖啡 $15叫樽仔係鐘意佢唔會有冰，無咁容易整淡杯野，兩款樽仔飲品既甜度都適中，相比之下我會鐘意奶茶多d，夠香滑之餘奶味茶味皆有🫶🏻

香港冰室好耐以前已經有，今日就嚟到有好多年歷史，1956年就開業，離深水埗D出口5分鐘口程既雪山冰廳度懷舊一下冰廳既裝修好光亮好懷舊，職員安排左我4人坐卡位，雖然有少少迫，但都幾舒服打開餐牌，太多嘢食，花多眼亂，職員推薦2人餐，因有燉湯我地最後叫左一個二人餐，再另外多叫2碟餸二人餐包左一個餸加沙薑/海南雞/蒸魚，我們選擇左沙薑雞同牛仔骨煲沙薑雞好重沙薑味，雞嫩滑牛仔份量都幾多，好淋好易咬開好入味，薯仔同菇都吸哂蜜糖味，好惹味另外仲叫左火龍果咕嚕肉同鹹蛋黃蝦球四季豆咕嚕肉同出面唔同，多左一種火龍果既香氣同酸甜味，果然用生果入譔都係好夾既四季豆無咩特別，反之蝦球好彈牙爽口最後不得不提個燉湯，花旗參燉赤肉，見到好多舊豬肉同蔘，味道好重，湯好清，feel到無加水另外，仲見到好多人飲樽仔奶茶，奶茶係真係好茶餐廳嘅味道，好滑，唔係特別甜，好有茶味另外仲見到有推薦既炸脾，榛子西多，下次下午茶再嚟試下