雅 ‧悠蔬食

營業中

休息中

朋友生日想吃素，上open rice給了壽星女幾間選擇，佢選了呢間。首先定價高，最底消費每位二百，食物水準好一般，仲要枱面上刀叉有漬。由於朋友生日，預先訂枱時要加件cake寫happy birthday ，平時出面 加句happy birthday 都不會咖收費，呢間另收20元。仲要串錯字，都算！最敗筆係，預先講左要邊個款cake,個待應無啦啦走埋黎同我confirm 個cake係咪要呢款，壽星女係面前走來問一點驚喜都無晒，離晒譜。

經朋友介紹來了呢間素食餐廳，亦都係我第一次食素體驗，估唔到又真係幾有驚喜。入面環境優美，比人好干淨既感覺，餐牌好多選擇，最後決定叫dinner set前菜已經好出色，當中我最鍾意南瓜莓乾雪泥，南瓜好甜溝左d生果係入面好開胃，個湯都好好味，中湯好夠火喉，西湯黑松露味好香，2個都好飲！香芒牛油果苜蓿芽手卷呢個值得一試！一咬落去有小小苦，但食到有芒果同牛油果既時候個味道勁似軟殼蟹手卷，好神奇！好味道！食完個侍應仲遞上濕紙巾，好貼心呢！青咖哩野菜猴頭菇青咖哩好香，唔太辣，沾薄餅非常好吃！猴頭菇口感原來好似肉，如果事前唔知真係會以為自己食緊肉。黑松露意式野菜焗螺絲粉黑松露好濃郁，加埋芝士忌廉汁好邪惡百爵紅茶千層班㦸，芒果脆脆芭菲蛋糕茶味重，甜度岩岩好，好味芒果脆脆好足料，曲奇餅脆脆加上吉士醬為呢餐畫上完美句號！

食左幾日肉食生活，今晚想同男人食清d，黎到依間雅.悠蔬食。上到黎，環境優雅，以紫色做主色，由門內佈置到桌上擺設，到水杯，簡潔得黎坐得舒服，簡直係紫色控大愛。今晚叫左2個set dinner，由前菜到甜品都好豐富，價錢適中。前菜有3式，日本南瓜莓乾雪泥，凍凍地帶有淡淡南瓜甜味；泰式鮮果沙律，夠fresh, 唔同種類蔬果搭配，有唔同口感；藜麥胡麻醬荷蘭蕃茄，蕃茄配合麻醬，微酸中帶出甜香味。整個前菜都令人開胃。手卷，同男人各試一款，上菜後仲提供埋濕紙巾，好細心。蘆筍素香鬆或香芒牛油果配苜蓿芽手卷，苜蓿芽之前未接觸過，第一次嘗試，味道好特別，爽口。出面食開既手卷配飯，依度配苜蓿芽，健康得黎又唔怕滯。湯品又係各一款，中式有燉湯，材料十分足，火喉充足，每一啖都係濃郁既味道。另一款，黑松露椰菜花忌廉濃湯，黑松露濃，但都無遮掩到菜同忌廉既香味。到主菜了，叫左個牛肝菌鮮蔬燴扁意粉，配黑皮雞縱菌。味濃，意粉唔會乾身，亦唔會有油膩感覺。另一個叫左菠菜合桃野菌忌廉燴意大利飯配香脆腐皮卷。腐皮卷做成雞脾樣，好可愛，由一層層既腐皮包住而成。意大利飯唔會膩，醬汁配搭適當，合桃夠爽脆。最後加錢叫左個尖沙咀夏日限定版，

朋友仔喜愛吃素食, 於是我就上網找尋傾計好地方及提供美味的素食的餐廳，它就是雅　悠蔬食，約晚上八時到達雅　悠蔬食。裝修主要是純白色及紫色設計，好浪漫呀！餐廳內環境不錯，椅子好靚呀。我們點兩個Dinner Sets 先來一碗中式餐湯：太子參黃耳馬蹄花菇燉湯，用料非常足料及豐富，有杞子，冬菇，黃耳，太子參，馬蹄桃膠及竹笙。煲得好入味，能夠將所有材料的精華滲入湯中，清甜滋潤。另一碗是西式餐湯：黑松露椰菜花忌廉濃湯，香濃黑松露味，打蓉的椰菜花，好有質感，好味道呀前菜有日本南瓜莓乾雪泥 ：味道好特別，又甜又有少少酸，凍凍地，味道不錯呀。泰式鮮果沙律： 酸酸地，好開胃呀。藜麥胡麻醬荷蘭番茄:黎麥健康又美味呀。蘆荀素香鬆苜蓿芽手卷及香芒牛油果苜蓿芽手卷： 苜蓿芽清爽又有咬口 ，味道不錯。青咖喱野菜猴頭菇配印度薄餅及珍珠糙米飯：材料好豐富有3色蕉，筍，芋頭，西蘭花，椰菜花，𤠣頭菇（好入味又有口感）青咖喱好creamy, 配飯又得，配印度薄餅又得，滿足了兩種味覺。栗子紫薯鮮豆包牛油果焗千層闊麵：用料豐富：有牛油果，蕃茄，豆腐，薯仔，粟子及紫薯，千層闊麵有口感，香濃芝士味，yummy 甜品有榛子咖喱乳酪蛋

今日係小胖女既父親大人生日,唔想食太HEAVY,所以就一行4人去之前食過既悠蔬食慶祝啦點解要黎呢到食呢?因為貪佢款式夠多元化,中西日泰式菜齊哂,一早BOOK好位,所以去到唔洗等,先黎到係各款頭盤小食,都係各式各樣既生果同蔬菜,份外開胃清新,當然唔小得姬松茸老火靚湯啦,好香好入味,聞到都好補阿,黎到必食既香芒牛油果苜蓿芽手卷,水準一D都無退步,爽口清新,我地叫個SET有芝士焗大啡菇千層面,意大利飯配天婦羅蘆筍,千層麵水準不失,食完唔會濟,份量足夠4人食用,另外既意大利飯亦都唔錯,蕃茄汁唔會太甜太酸,配埋既蘆筍非常爽口小弟另外叫多個猴頭菇蔬菜青咖哩,上次食完心思思再試,生日當然唔小得蛋糕啦,紫薯千層班㦸同百爵紅茶乳酪蛋糕 一同上場,完美渡過一個食草既生日

由細到大食親齋都係食齋鹵味 芋頭魚個類中式野今次黎到呢餐廳 完全唔似係食齋首先一睇餐廳既裝橫已經同平時素食有好大分別點睇都係西餐廳但餐具就擺有中有西 我地嗌左兩個二人餐試下唔同既野先黎個前菜左:香干拌馬蘭頭(雖然未聽過馬蘭頭,食落感覺有啲似海苔拌飯個啲海苔 幾好味)中:泰式鮮果沙律(菠蘿清甜 不是罐頭菠蘿 花生香脆 沙律酸酸甜甜好開胃)右:雙薯藜麥蘋果雪泥(呢個雙薯冇得彈 加左藜麥增加左咬口，蘋果雪泥又出奇地夾)湯方面 我地中湯西湯都試哂左: 羊肚菌竹笙黃耳百合燉湯(濃郁既菇味，個湯十分之清，飲落去就知正野👍🏻)右:菠菜桃膠忌廉濃湯(好濃既菠菜湯，十分之濃厚 )左:香芒牛油果苜蓿芽手卷右:蘆筍素香鬆苜蓿芽手卷左面口味清新啲，右面就濃味啲，各有特式要大力讚餐廳好細心，手卷上台時俾埋濕紙巾👍🏻👍🏻輪到主菜喇青咖哩野菜猴頭菇配印度薄餅椰汁味香濃，如果辣少少就更正猴頭菇咬口真係好似肉 唯一唔同既係猴頭菇索哂啲咖哩汁非常好味啲飯好適合撈汁食呢個主菜好高質👍🏻風乾蕃茄野菜松子意大利飯配天婦羅美國露荀呢個又係好好味蕃茄味好香濃但食落唔太酸岩岩好上面既露荀熱辣辣剛炸好唯一美中不足係如果脆漿脆啲就更正不

某日約朋友食飯，朋友突然興起話要食素，所以我哋就去咗呢間位於尖沙咀嘅餐廳。餐廳提供嘅所有食物都係素菜，但係款式比較新穎，中西合璧。我同朋友order咗兩個set lunch，成個set有4道菜。前菜有西瓜哈密瓜藜麥意大利黑醋沙律；湯品方面我哋揀咗蒓菜冬瓜猴頭菇羹；主菜我哋就揀咗蘆筍蘑菇青醬忌廉扁意粉同埋烤焗牛油果墨西哥薄餅配薯角同紅菜頭乳酪沙律；個set仲包埋餐飲。不過我哋為食，所以另外order咗一件伯爵紅茶千層pancake。沙律味道好清新，西瓜同哈密瓜都好甜好爽口，加上黑醋汁酸酸地，好開胃，加埋藜麥感覺更健康！蒓菜冬瓜猴頭菇羹用料豐富，有冬菇絲、猴頭菇、冬瓜、竹笙等材料，雖然全部都係蔬菜，但係飲落好濃味，完全唔似齋湯。扁意粉嘅醬汁好creamy，奶香同菇菌味好濃，配料分量唔少，除咗有蘆筍同蘑菇，仲有爽口嘅脆肉瓜，味道非常好呀！墨西哥薄餅入面有好多芝士，加埋牛油果味道好香濃~薯角上面加咗孜然粉，所以更加香口惹味！至於紅菜頭乳酪沙律味道都唔錯，酸酸甜甜，可以減低薄餅嘅油膩感~伯爵紅茶千層pancake味道唔太甜，餅皮軟熟，伯爵茶味尚算濃，可以話係不過不失~整體黎講，我覺得每樣食物味道

朋友食得健康，收工後 同佢來食精緻素食餐廳環境好靚，裝修靚，環境舒服，唔會坐得好逼！訂價同一般素食餐廳差唔多dinner set 250蚊到～ 選擇多，可以自己配搭細心既餐牌有標示埋可免奶同蛋，岩哂所有素食人我地2個人叫左個F餐，再加個大啡菇同健康飲品太子蔘冬菇湯真材實料，飲得出無味精，清甜喜歡中湯既朋友 要飲飲前菜有南瓜薯泥，好味，好滑，好香中間就係鮮果沙律，沒有多餘的醬汁，食得更健康菠蘿好甜再加個麻醬蕃茄好fresh第一次食素手卷香芒牛油果好fresh 既感覺，食得健康大啡菇無得頂上台時熱辣辣上面放住芝士同薯蓉好好味，再加上少許松露，添加味蕾主菜係野菜螺絲粉本身就鍾意食螺絲粉佢加左唔同既菇，好好味，雖然有芝士，但感覺健康，就不自覺地食多左配上一口炸蕃薯粒👍🏻同樣正似品方面同樣要健康，桂圓紅棗，岩哂女士價錢唔貴，比一般cafe 平和友人share一壺最後就係伯爵茶千層蛋糕好味好味好味！ 重要既野要講3次兩人消費518，尚算合理

難得約咗舊朋友出街食飯，但又想食得清淡，最後選擇咗食素。同朋友食了一人一個lunch set share 咁食，lunch set 前菜係西瓜哈蜜瓜藜麥意大利黑醋沙律，大熱天時食真係勁開胃！湯有兩個選擇，我同朋友都選擇咗蒓菜冬瓜猴姑羹，個羹好香姑味，配埋冬瓜嘆樣食既感覺有小小似冬姑盅，又係夏天必食佳品主食方面，我地叫咗蘆筍蘑菇青醬忌廉扁意粉同埋烤焗牛油果墨西哥薄餅。意粉好有驚喜，雖然只係用素菜來調味，但好惹味，食完仲想食第二碟哈哈！至於個薄餅都ok, 不過略嫌牛油果份量太少。個餐仲包埋野飲，圍翻大約一百蚊一個人，包幾樣野食，而且食物質素Ok, 真係值得一試，我自己都會想再encore ！

朋友，有時還是老的好！ 美食的記憶也一樣！好朋友從美國回來， 特別選了這家素食菜館encore再食， 無他嘅！有好東西當然要和好朋友分享！話說福福郎自從上次吃過這家素菜館的銅鑼灣分店後，一直對它 「色香味俱全」 的素食念念不忘，於是趁今次 和老朋友洗塵這個機會 ，特地再訪其尖沙咀店 ，再次跟美味的素食結緣！ 一於再次情牽「素食亅心！今晚吃了素菜滿漢全席， 不信你看看！前菜四小碟1.日本南瓜莓乾雪泥2.泰式鮮果沙律3.藜麥胡麻醬荷蘭番茄4.蔬果苜蓿芽手卷(香芒牛油果——下圖二) (蘆筍素肉鬆 —— 下圖三)牛油果和素肉鬆， 都能有效地補足了沒有魚類及肉類的手卷不足的地方， 令素手卷吃下去時跟普通 有魚生及炸物 的手卷 一樣美味， 大廚果然厲害！。。🦉西式湯 —— 黑松露椰菜花忌廉濃湯黑松露不只氣味很濃香， 喝下去也極「搶」， 完全掩蓋了湯裏面沒有肉味的缺點。 忌廉跟椰菜花沒有百分百打碎， 喝起來有一點不完美的質感。。。 忽然令我想起了郁達夫的詩句：猶有幾分情未忘，二分輕薄三分狂。。。哼！就是這種「意猶未盡亅的感覺了！中式湯 —— 太子參黃耳馬蹄花菇燉湯我偷偷試了一啖我朋友的中式湯。 中湯

我一向都有素食嘅習慣，有一半是為了環保減碳，只是我不夠堅持，經常被美食所吸引。今次朋友就介紹咗一間色香味俱全嘅素食店，好似話攞過好多獎嘅，仲有素食網上頻道。現在有很多新潮素食，一啲都唔會悶。雅.悠蔬食裝修主調是我喜歡的紫色。與傳統素食不同，fusion 風味的食法。晚餐我哋選擇了 dinner set，都好多嘢食下，份量適中，可以一次過食好多唔同款式嘅素食。最先奉上的是前菜，有三款咁多，雙薯藜麥蘋果雪泥、泰式鮮果沙律、香干拌馬蘭頭。全部入口都十分清新美味。薯仔+蕃薯少甜，混入藜麥、蘋果泥有豐富口感。鮮果沙律的提子、菠蘿、蕃茄仔再加上泰式酸辣汁，果然好醒胃！至於香干拌馬蘭頭鹹香味出色。接下來係蘆筍素香鬆苜蓿芽手卷、香芒牛油果苜蓿芽手卷。外面嘅紫菜脆卜卜，裡面食材夠乾，苜蓿芽食得健康。湯品真的超讚，簡單得來又特別，我哋每樣一款都想試吓，菠菜桃膠忌廉濃湯口感好幼滑。一粒粒的桃膠，養顏啱晒我。至於羊肚菌竹笙黄耳百合燉湯，材料豐料，清甜的口味。羊肚菌、竹笙黄耳都對身體有益。主食又係另一個驚喜地方，朋友點了黑松露意式野菜焗螺絲粉 配天婦羅迷你甜薯$258。黑松露味道濃郁，野菜調好味，迷你甜薯入口香

呢排都響尖沙咀有嘢做，尋日lunch揾左間素食餐廳麻麻地，諗起前排向銅鑼灣食過嘅悠蔬食響尖沙咀都有分店，所以今早已經去openrice 揾到地點喇，名字有少少唔同，叫雅．悠蔬食，位於金馬倫道，偏向尖東方向，啱哂我今日工作嘅位置。有先就好自然有後，比較就如呼吸一樣，一上到中國保險大廈三樓，雖然外邊天陰陰灰暗暗，但覺得全間餐廳白得光猛，白得整齊，白得乾淨，侍應都有禮，最重要係啲食物比尋日食嗰啲好好多吖嘛⋯⋯叫左個lunch set ，前菜，西瓜哈蜜瓜藜麥意大利黑醋沙律，配搭新鮮，隻意大利黑醋甜甜酸酸，味道啱哂我；餐湯，蒓菜冬瓜猴菇羹，熱騰騰香噴噴，味道濃，好足料，仲有竹笙，啖啖菇香；主食揀左A餐，台式大滷麵＋香脆腐皮卷＋天婦羅南瓜，台式大滷麵有白蘿蔔、紅蘿蔔、鹵蛋一隻、豆卜、麵筋，大大舊，一啲都唔欺場，最欣賞白蘿蔔夠淋夠入味；香脆腐皮卷，外型做到似雞翼，抵死到中間放支雪條棍扮骨；天婦羅南瓜，炸得唔錯，可惜南瓜中間仲有啲生；飲品加左十蚊要左杯藍蝶花雪梨汁，藍色嘅雪梨汁，好靚又有神秘感，飲落有少少似羅拔臣黑加倫子啫喱味😝

因為之前同媽咪食過銅鑼灣分店，所以今次行開尖沙咀，就諗住試埋尖沙咀分店！同銅鑼灣店一樣，都係以紫色、白色為主色調，裝修比較現代化。Dinner Set好抵食，除咗基本嘅前菜、湯、主食、甜品同餐飲之外，仲包埋一款手卷，超級豐富！前菜仲有3款，紫薯藜麥蘋果奇亞籽沙律、涼拌䈑筍杯子耳同日本山藥麵線拌熱情果汁，依家天氣熱熱地，食涼拌就啱，最鐘意就係個沙律，加埋醋，食落酸酸甜甜，好開胃。手卷係蘆筍素香鬆苜蓿芽手卷，其實聽過名都係好知係食咩，但都決定要叫泥試下😛！食手卷，紫菜一定要夠爽脆，蘆筍同苜蓿芽食落好清新，冇草腥味。茶樹菇竹笙黃耳百合燉湯好足料，夠濃味！主菜方面，我就叫咗青咖哩野菜猴頭菇，配埋印度薄餅同糙米飯，咖哩椰香味好重，唔算好辣，我就鍾意用薄餅泥送咖哩，香口又香脆。媽媽就叫咗砂鍋餛飩菇鍋，雖然餛飩唔係肉餡，但加咗香菇，所以都好有鮮味，不過我食得最多嘅反而係伴菜嘅娃娃菜，好鮮甜，吸哂香菇味。甜品就揀咗洛神花玫瑰雪梨糕，相對玫瑰花味，洛神花嘅味道會出啲，微酸；另外一個就係焗蘋果酥皮盒，靚到一定要相機先食。

朋友剛從韓國旅行回來，帶咗d手信比我。見佢咁有我心，我都搵返間好野同佢去食吓。去韓國緊係成日食燒肉，所以返嚟要同佢清吓腸胃，食返餐齋。呢間齋鋪裝修好西式，與傳統完全唔同，應該叫佢餐廳合適d。細看門面嘅單張、海報，發現個主廚好後生，仲有教人煮素食嘅網上頻道，都是fusion或較為西方風味的煮法。我地點咗兩個餐…前菜：雙薯藜麥蘋果雪泥+泰式鮮果沙律+香干拌馬蘭頭 - 第一次食雙薯❨薯仔+蕃薯❩﹐帶有少少甜味，混入藜麥、蘋果粒、青瓜粒，令佢有唔同口感，面頭加上苜蓿點綴，做得好細緻!鮮果沙律有提子、菠蘿、蕃茄、火龍果、少少沙律葉，估唔到細細份都落咁多款蔬果，加上泰式沙律醬汁，醒胃!香干拌馬蘭頭切得好細碎，巧功夫。朋友說可能加豆干，所以比較咸，但我覺得都ok。頭盤：蘆筍素香鬆苜蓿芽手卷、香芒牛油果苜蓿芽手卷，初初以為裡面會有飯，原來唔係，佢用苜蓿填咗手捲嘅空間，真係食得健康。湯品：❨最讚!❩菠菜桃膠忌廉濃湯 - 好滑的口感! 食到一粒粒的桃膠之外，其他材料都打得細滑。桃膠養顏，菠菜補鐵質，非常好的配搭。羊肚菌竹笙黄耳百合燉湯 - 豐料嘅燉湯，相信係百合令到佢有清甜嘅味道。羊肚菌可健脾益胃，竹笙黄

仲係天陰陰咁，時而狂風暴雨，時而焗促潮濕，成個人都冇乜胃口，所以今日午餐都係食素，好在尖沙咀依家有唔少出色嘅素食餐廳，選擇不少，今日揀左呢間素食餐廳喺銅鑼灣有分店，水準不錯，所以放心坐低叫左個$108嘅午市套餐。有紅甜菜蕃茄忌廉濃湯，六款主食中我揀左點心拼盆同埋雪菜毛豆菇絲湯麵，飲品要英式紅茶配檸檬，加$20要一件伯爵紅茶千層班㦸。個湯上抬時熱辣辣，夠creamy，名副其實嘅濃湯。點心拼盆好似酒樓咁用蒸籠上枱，包括有潮州素粉果丶素义燒包丶炸春卷丶素翅香菇燒賣，幾款點心唔單止外型跟平常在酒樓食嘅冇乜分別，就連食落口嘅感覺都差不多，尤其是燒賣，雖然冇肥豬肉做餡料，但質感依然非常出色，好似食緊用瘦肉做嘅燒賣咁，值得一讚呢。