影片
更多
2018-06-08
78 瀏覽
呢排都響尖沙咀有嘢做，尋日lunch揾左間素食餐廳麻麻地，諗起前排向銅鑼灣食過嘅悠蔬食響尖沙咀都有分店，所以今早已經去openrice 揾到地點喇，名字有少少唔同，叫雅．悠蔬食，位於金馬倫道，偏向尖東方向，啱哂我今日工作嘅位置。有先就好自然有後，比較就如呼吸一樣，一上到中國保險大廈三樓，雖然外邊天陰陰灰暗暗，但覺得全間餐廳白得光猛，白得整齊，白得乾淨，侍應都有禮，最重要係啲食物比尋日食嗰啲好好多吖嘛⋯⋯叫左個lunch set ，前菜，西瓜哈蜜瓜藜麥意大利黑醋沙律，配搭新鮮，隻意大利黑醋甜甜酸酸，味道啱哂我；餐湯，蒓菜冬瓜猴菇羹，熱騰騰香噴噴，味道濃，好足料，仲有竹笙，啖啖菇香；主食揀左A餐，台式大滷麵＋香脆腐皮卷＋天婦羅南瓜，台式大滷麵有白蘿蔔、紅蘿蔔、鹵蛋一隻、豆卜、麵筋，大大舊，一啲都唔欺場，最欣賞白蘿蔔夠淋夠入味；香脆腐皮卷，外型做到似雞翼，抵死到中間放支雪條棍扮骨；天婦羅南瓜，炸得唔錯，可惜南瓜中間仲有啲生；飲品加左十蚊要左杯藍蝶花雪梨汁，藍色嘅雪梨汁，好靚又有神秘感，飲落有少少似羅拔臣黑加倫子啫喱味😝
有先就好自然有後，比較就如呼吸一樣，一上到中國保險大廈三樓，雖然外邊天陰陰灰暗暗，但覺得全間餐廳白得光猛，白得整齊，白得乾淨，侍應都有禮，最重要係啲食物比尋日食嗰啲好好多吖嘛⋯⋯
叫左個lunch set ，
前菜，西瓜哈蜜瓜藜麥意大利黑醋沙律，配搭新鮮，隻意大利黑醋甜甜酸酸，味道啱哂我；
餐湯，蒓菜冬瓜猴菇羹，熱騰騰香噴噴，味道濃，好足料，仲有竹笙，啖啖菇香；
主食揀左A餐，台式大滷麵＋香脆腐皮卷＋天婦羅南瓜，
台式大滷麵有白蘿蔔、紅蘿蔔、鹵蛋一隻、豆卜、麵筋，大大舊，一啲都唔欺場，最欣賞白蘿蔔夠淋夠入味；
香脆腐皮卷，外型做到似雞翼，抵死到中間放支雪條棍扮骨；
天婦羅南瓜，炸得唔錯，可惜南瓜中間仲有啲生；
飲品加左十蚊要左杯藍蝶花雪梨汁，藍色嘅雪梨汁，好靚又有神秘感，飲落有少少似羅拔臣黑加倫子啫喱味😝
張貼
