雅 ‧悠蔬食

營業中

休息中

大啡菇白松露薄餅$148，感覺不到白松露的存在，但脆薄餅皮配上拉絲芝士和其他蔬菜如紅黃綠椒和蘑菇，十分滋味！菠菜合桃野菌忌廉燴意大利飯配香脆腐皮卷$158:菠菜忌廉醬難得美味，造型如同雞脾的腐皮卷靠內裡的雪條棍定型，外脆內軟！焗蘋果酥皮盒$58，造型不精美但味道還好，玉桂蘋果香甜可口，外層脆皮酥化。焦糖海鹽榛子千層班戟$48，不值一試。班戟皮太厚，味道太甜。杏汁椰香紅豆糕四件$38，帶有香濃的椰香和許多大大粒的紅豆。芒果脆脆芭菲$58最值得一試！面層的玫瑰是幼滑的忌廉，接著是香濃的芒果雪糕，入面的脆脆是曲奇餅碎，最底有類似奇亞籽的物體，整體而言頗特別的，曲奇碎如此香脆蘸上軟滑的忌廉與雪糕，好滋味👍🏻👍🏻👍🏻

今日十五，朋友要守齋期，於是就她相約食齋，因為幾個朋友太耐冇見，既然知道會喋喋不休，所以就選了雅、悠蔬食，一間新派的素菜餐廳打開菜單，看似很多選擇⋯⋯我們5個人，決定選四個套餐再加點心，因為第一次來，唔知其份量，二來大家都覺得，唔夠先再叫，寧願唔夠食再點，因為始終是齋舖，唔應該食淨食物先來青豆微薄荷忌廉湯，老實說，個人覺得薄荷和青豆唔多夾，我們5個人都覺得青豆湯是可以的，但加了薄荷是怪怪的🤨日式拿破里鮮茄野菜燴扁意粉，酸酸的，再加辣椒汁和黑椒之後，相當唔錯胡麻茄子伴珊瑚草，值得一讚是他們可有餐單內選擇不加奶，所以我朋友相當滿意點心拼盤$107, 如果一人來，依個套餐相當好葡汁野菜猴頭菇焗飯$98/套餐，淡淡的葡汁，唔係太濃豉汁涼瓜雙菇支竹煲，配一個白飯$88最後點了甜品和藍蝶花雪梨汁，真係靚到影相唔食

原來齋菜可以咁好食？朋友很愛吃蔬菜，於是我們來到這間雅悠蔬食，嘗嘗新派的齋菜。雅悠蔬食裝潢以白和粉紫作為主色，高貴中帶點少女的味道。我們點了兩個dinner set，除了覺得最抵食，更解決了選擇困難症的麻煩，而且每樣食物都令我們驚喜萬分，以西式方法烹調齋菜，打破我們對傳統齋菜的刻板印象。店員首先會端上三款，，分別為涼拌日本黑豆亞塔子黑木耳，秘製千島醬拌四季豆和柚香紅菜頭萍果。光看前菜已經覺得雅悠蔬食很用心，三款前菜均不同顏色，色彩繽紛鮮明，視覺首先得到享受。日本黑豆亞塔子黑木耳我和朋友都十分喜歡涼拌日本黑豆亞塔子黑木耳，以酸醋調味，十分開胃，第一次吃到亞塔子，還特意上google查看，原來是一種棕櫚樹的果實，類似椰子的東西，但口感煙韌淸甜，呈半透明，黑木耳十分爽口，黑豆有嚼勁。這道前菜不止口感豐富，營養價值一樣高，黑木耳能補鈣、補鐵、防止膽固醇過高與血管硬化，黑豆則補腎益脾。秘製千島醬拌四季豆四季豆清新的味道，加上甜甜的秘製千島醬，意外地十分配合，加上脆脆，口感更豐。柚香紅菜頭萍果紅菜頭是一向公認的健康食物，具有抗氧化作用，能防癌抗衰老，味道我認為不及其餘兩種，個人不是太喜歡即食紅菜頭

近年間唔中都會食餐素，今晚就試左一間口碑好好的素食餐廳，雖然食素但非常滿足！餐廳裝修感覺同個名一樣，光潔明亮，加上淺紫色調，確實優雅。餐牌好厚，選擇極多，絕不只是一般齋舖的素雞素魚，而是既有中式點心小菜，又有西餐甜品，仲有東南亞口味，花多眼亂我同女友都揀左dinner set：有前菜，有湯，主菜同甜品，可以試晒咁多樣野！先黎就係前菜三小碟：日本黑豆亞塔子黑木耳、千島醬四季豆、紅菜頭蘋果合桃沙律千島醬配四季豆估唔到咁夾，真係新鮮，亞塔子就真係未食過，味道有少少似堅果，口感滑嘟嘟，三款前菜都好食之後就係日本花菇椰子黃耳竹笙燉湯！聽個名都知足料個湯好正，無肉都夠晒濃郁，好甜好香，有好多菇同椰子，無得頂而素手卷其他舖頭都食過，但這裡的手卷特別在是無飯的，全都係菜，更加輕盈健康一個係香芒牛油果手卷，一個係露筍素肉鬆，一樣咁好味，大量苜蓿芽，非常新鮮爽口，紫菜又夠脆，店員特別提醒我地快d食怕紫菜淋左，好細心之後到主菜喇，我揀左菠菜野菌意大利飯配腐皮卷！先睇賣相已經非常吸引，腐皮卷整到成隻雞翼咁好過癮，而且遠遠就聞到香味！味道方面，同意大利餐廳水準相若！好creamy有濃厚菠菜味同菇味，米不會過硬，

看到這麼多好評，便跟茹素的家人來試試。這家餐廳分了兩輪訂位，一是6:30前，二是8:00後，我們訂了8:00，7:30打去問了能不能早點入座，職員説要等7:45-8:00才有位置。於是，我們一家7:45便準時到達，可是等到8:30才讓我們入座。期間我問職員為什麼訂了座還要等這麼久，有位男職員居然態度很差的對我説:”我都唔知道，不如你問下佢地點解唔埋單，我點知佢地坐幾耐！”既然職員態度如此惡劣，我們也不好意思再問，好不容易終於等到入座了，滿心歡喜點餐，結果又送錯了餐點，職員的工作態度真是令人失望。至於食物質素，湯品及頭盤味道不俗，可惜的是手卷中的青菜很腥，味道較差，吃不下去。而我們數人的主菜中，除了青咖哩的質素較好外，其餘的菇炒意粉及炒青紅黃椒炒百合也僅是茶餐廳質素，甚至比茶餐廳質素還要更差。尤其是那個菇類炒意粉，像是中式的豉油王炒麵，但卻收$200多。總括而言，這家餐廳的食物質素不算太差，但絕對稱不上好味，而其職員的服務態度卻令人卻步，考慮各種因素，餐廳評分4/10，絕對不會再光顧。

係openrice搵下有咩素食店，見呢間評語唔錯，同埋係新派西式既素食，所以打電話預計先book定位。呢到環境都幾浪漫，紫色系列，拍拖黎食都幾好。叫左1個set，前菜有泰式鮮果沙律，藜麥蘋果雪泥，香干拌馬蘭頭，幾醒胃。菠菜桃膠忌廉湯，好香滑，好香菠菜味，又感覺到充滿骨膠原，滋潤又美味。椰香鮮蔬冬陰燴扁意粉，味道微辣，好香冬陰公味，加上椰香，色香味俱全。另外加左個泰式香煎如餅，好香口，口感真係幾似真魚餅，好味道！仲有精美甜品。真係大滿足。

朋友介紹雅悠蔬素食不錯， 今晚來素一素吧。一早巳訂了位，侍應安排我們就坐，這裡環境不錯，裝修主要的色彩是紫色及白色。我們想每樣食物都吃到， 於是就點兩個DINNER SETS。前菜:涼拌日本黑豆亞塔子黑木耳 - 黑豆補血養腎， 亞塔子果肉半透明， 帶點甜，口感爽， 配上爽口的黑木耳， 又酸又甜， 好醒胃。 柚香紅菜頭蘋果拌合桃 - 紅菜頭補血 ， 合桃補腦，   這個前菜， 我最為欣賞， 紅菜頭醃得不會太酸又爽， 配上合桃， 帶出不同的口感。秘制千島醬拌四季豆 -四季豆配炸蘿蔔及絲秘制千島醬， 意料之外的好味。手卷: 蘆筍素香鬆苜蓿芽手卷 ; 香芒牛油果 苜蓿芽手卷第一次食用苜蓿芽代替飯的手卷 ，配上紫菜吃， 令到平時吃開肉的人， 也會食指大動， 香甜芒果， 爽口的蘆筍 ， 牛油果不會太熟，  不錯呀!湯品: 黑松露淮山忌廉濃湯 – 有香濃黑松露味。湯品: 日本花茹椰子黃耳竹笙燉湯 - 這壼湯真材實料， 湯味清甜又帶椰香。主菜: 和風牛肝菌秋葵燴扁意粉伴雞脾菇絲脆脆 -  秋葵有清熱作用，  醬汁味道剛好， 扁意粉彈牙伴雞脾菇絲脆脆 ，特別又美味。主菜: 沙嗲杏鮑菇豆卷串燒配墨西哥薄餅

每期一會，當然要揾個好地方啦，朋友都喜歡去一啲靚既、坐得舒服既地方見面，今次又被我揾到啦！見人地影既相，呢間餐廳個裝修幾靚，重要係食健康嘢，素食，啱晒！一入到餐廳，已經覺得冇揀錯，粉紫色加白色既墻同枱櫈，有少少歐陸設計，空間感幾大，又唔嘈吵👍👍打開餐牌先知原來素食都可以咁多元化，淨望圖都覺吸引，菜式幾創新😁 而且西式既素食好似係第一次食 🤔 所以好好奇會係咩味道！我見好多枱客人都點呢個“黑松露淮山忌廉湯”，咁我地又點黎試下。黑松露既香味好濃郁，入口香滑，朋友較喜歡清淡，所以覺得有點咸咗啲，但我就覺得咸淡適中！估唔到素食都可以咁整手卷，“苜芽手卷（蘆筍素香鬆/香茫牛油果兩款）”，芒果鮮甜，蘆筍爽脆，食佢黎醒下個胃，然後繼續食其他嘢清清地點呢個“淮山米湯浸時蔬”，入面有我喜歡既雲耳同豆苗，鮮淮山幾爽口，幾好味！素食，菇類係主要食材。呢個“黑松露薯蓉焗大啡菇”，大啡菇入面舖滿薯蓉，再係面加上芝士同少少黑松露黎焗，未食已經聞到香味！見呢道“沙爹杏鮑菇豆卷串燒+墨西哥薄餅”個樣好似好惹味咁，於是揀咗佢。估唔到唔係肉類既串燒都可以燒得咁香～啲沙爹汁都好香花生味，味道較濃，所以配埋薄餅食剛剛好之前嗰

今日試下素食餐廳，見openrice既尖沙咀嘅素食餐廳呢暑有好多好評！就同朋友試一試啦去到剛好仲有午市套餐一個叫咗點心拼盤另一個就叫咗墨西哥卷套餐套餐包一個starter一個main course,同埋一杯飲品！原來都好多人去呢間餐廳入到去見到九成滿左！嘢食方面，上咗速度好快我自己嘅點心 有4款different 點心，仲有一個素豆腐烏冬！其實食完主菜都好飽，但係有人仲想是食一個甜品！嘅係士多啤梨雪糕泡芙，加$20就有！水準高！值得再試！

食得肉多，間唔時都想食下素食，但對於我地呢啲年輕人，梗係喜歡試下傳統以外既嘢，所以揀咗呢間餐廳！呢間餐廳既設計以紫白色為主調，雖然唔算好大，但一啲都唔覺得迫挾，好舒適！加上待應都好有禮貌，令到成個環境加晒分～🤗環境舒適，食物亦出色！湯：黑松露淮山忌廉湯～呢個湯，未飲已聞到陣陣黑松露既香味飄埋黎，飲落陣味更香濃。未試過用淮山整既忌廉湯，冇諗過都可以咁滑 😆 手卷：蘆筍素香鬆苜芽手卷+香茫牛油果苜芽手卷～苜芽較重青草味，有啲人可能會唔多喜歡，但我就覺得同芒果、蘆筍都好夾，好清新！蔬菜：淮山米湯浸時蔬～米白色既湯，一睇就知好濃啦 😄 底層舖滿豆苗，配有鮮淮山、木耳同杞子，好滋補呀～大啡茹鮮豆包栗子紫薯焗千層闊麵～面層舖滿厚厚既芝士，完全可以做到拉絲既效果 😂 入面有原粒栗子、大啡菇片同紫薯蓉，所以食落係咸中帶甜，同時有兩種味道！底部係幾層闊麵，食完呢道菜其實都幾飽。。 😏黑松露薯蓉焗大啡菇～我真係好鍾意食菇類，所以一見親呢啲用菇做既菜式，可以話係必點 🤣🤣大啡菇肉厚多水份，用焗既方法烹調其實好適合，可以鎖住水份，咬落去一啲都唔會乾，依然多汁，加埋黑松露既香，同薯蓉既滑，好好味～～沙爹杏鮑菇豆

出名是食肉獸的我，很少嘗試素食餐廳，這間是朋友推薦我來食的，上網看的時候見到有不少好評，就來健康一晚，約朋友來開飯。這餐廳地方闊落，座位舒適，以紫色為主調，就是覺得很溫馨。餐牌菜式種類很多，令我對素食改觀，中西合璧，而且菜名都非常吸引。- 黑松露淮山忌廉湯非常濃郁creamy的忌廉湯，香濃的黑松露味道，加上軟綿的淮山口感，估不到是味道可以甘夾。- 蘆筍素香鬆苜芽手卷+香茫牛油果苜芽手卷外層的紫菜非常爽脆，整個手卷都塞滿了苜蓿和香甜的芒果肉，食落的感覺非常清爽，食再多身體也不會有負擔。- 淮山米湯浸時蔬在素菜中淮山真的可作非常多的變化，淮山切片在湯中也非常之好食，非常清爽的一個菜式- 大啡茹鮮豆包栗子紫薯焗千層闊麵千層麵層次分明，配料有豆、栗子、藜麥等等，令到口感非常豐富，軟綿而有彈性，主角是大啡菇焗完之後有特別的香味而且厚肉咬落去多汁，一定要試👍- 黑松露薯蓉焗大啡菇香濃的黑松露味道完全融合到薯蓉裡，表面焗到金黃的薯蓉外脆內軟，配埋厚切多汁的大啡菇，口感一流。- 沙爹杏鮑菇豆卷串燒+墨西哥薄餅沙嗲汁非常香濃，杏鮑菇索晒沙嗲汁的味道，口感不錯，薄餅脆卷仲可以沾沙爹汁👍埋單每人二百幾，算抵

平時少喺街外食素，因為最怕「扮肉」嘅素，呢間餐廳用蔬菜造出新穎嘅素菜，pizza、飯、麵、手卷、意大利雲吞、青咖哩薄餅....味道都不錯，就算唔係食開齋嘅都唔會覺得好難入口，直頭唔係好覺得食緊齋添。有點驚訝嘅係落單先講晚餐每人minimum charge $200（不過其實都一定食到，因為佢d 份量比較細，抵唔抵食真係見仁見智)，仲要收$88切餅費，但係碟都唔俾隻，要叫幾次先拎黎，服務態度非常一般。落單都要等一d時間先有人黎，人手有點不足。

平時食肉食得多，間唔中要go green一下對自己對地球好一點日本花菇黃耳椰子竹笙燉湯有至愛的竹笙，好香椰子味，味道清甜香芒牛油果苜蓿芽手卷以為入面會有飯，點知原來入面係類似豆芽之蔬菜(即苜蓿芽😂大鄉里出城，第1次食)，加埋牛油果同芒果，味道都好夾泰式香煎如餅做到同出面魚餅好似，配上醬更好味泰式炒金邊粉豉油味重，但值得一提，服務員好耐心地幫我去搵辣椒粉👍🏻芒果脆脆芭菲一上台，即刻比個玫瑰造型的cream 吸引左😍果然人係呃like首選Cream下面雪糕同脆脆非常好味，就算食完成餐飯都忍唔住食晒成杯

諗住求其食，朋友又想食齋，就上了這裡，雖然一幅相都冇影，但還是想來給個正評，因為真係覺得好吃。原本對這種素食餐廳沒有什麼期望，但沒想到有意外驚喜！求其叫了set dinner , 驚喜由前菜和湯開始，3款前菜的調味調得非常好，食材健康有益，把平實又沉悶的木耳丶黑豆丶紅菜頭丶萍果等都活化了，食到有點感動😭！湯很清甜，有椰子香，黃耳，竹苼都很嫩。。。沒有味精！再來牛油果芒果苜蓿手卷，塊紫菜還是脆的！！！真的冇諗過，手卷的紫菜還可以是脆的，又一次驚喜！再來主菜點了青咖喱配薄餅及珍珠飯，青咖喱調味剛好甜甜的很好下飯，內含的蔬菜還真的不少，而重點那塊香口的印度薄餅，朋友原本一直不願意吃煎炸野，怕熱氣，竟都來搶吃了3塊😋😋😋，真的讚！最後上是一小方塊的紫薯cheese cake , 又是冇期望，卻又來給我多一次驚喜，紫薯加芝士，味道很平衡，兩者的味道都能吃到，很完美的組合，連裝飾的藍莓下還加了一點蜂蜜似的很特別的糖漿，太完美的一餐了。好期待下次再來！

素食餐廳係香港越開越多，但品質每況愈下，幸好尖沙咀呢間每次都無令我失望，菜單不時更新，完全感受到廚師對煮素菜嘅熱誠！前菜有芒果牛油果手卷，大大片嘅新鮮芒果同牛油果，再配上啖啖嘅芽菜，食落好fresh又開胃。跟住係黑松露淮山忌廉濃湯，湯嘅濃度煮得啱啱好，creamy得黎又唔會油膩，而且每一啖都散發出黑松露香氣，證明廚師俾足料，用心製作。主菜有沙嗲串燒，沙嗲汁調得非常好，唔會太辣亦唔會太甜。每串唔同嘅菇各有獨特口感，配合得天衣無縫，最後加上新鮮車里茄畫龍點睛，簡直就係完美！接著就係我每次都會食嘅松露芝士焗大啡菇，呢度菜絕對係其中一道招牌菜，焗完金黃色嘅芝士配上黑松露，成功帶出大啡菇嘅鮮味，表層嘅芝士更成功鎖住菇嘅水分，呢道菜充滿層次感，令人一試難忘！合桃菠菜意大利飯亦非常好食，粒粒分明嘅合桃再配上醬汁調味一流嘅菠菜意大利飯，令我食到停唔到口。最後嘅甜品紫薯香芋芝士蛋糕不但賣相吸引，食落更係濃濃嘅紫薯同香芋味，又唔會太甜，再加上芝士蛋糕質感做得好，搞到我差d要再點！我強烈推薦大家去試下呢間餐廳，話唔定會令你愛上素菜！