雅 ‧悠蔬食

營業中

休息中

素食都可以大滿足😍 成日以為素食就一定好齋 但原來只要配搭得宜都可以令人食過返尋味 呢間銅鑼灣都有分店嘅素食餐廳 味道夠多層次 選擇亦都好多😋 甜品千層cake好味！#悠蔬食

位於尖沙咀的雅 ‧悠蔬食 ，是一間主打素菜的西日餐廳。香港人近來流行吃素，促進本港開設了大量素菜館阿。晩市套餐包括: 前菜三碟，素手卷，湯品，主菜，甜品。前菜是三種不同風味的沙律，如:西式的凱撒沙律，日式的紫薯蘋果薯仔沙律，中式的百靈菇山藥黑豆，整體的味道非常不錯哦。黑松露椰菜花忌廉濃湯，湯品有著超香的黑松露味道，椰菜花已打成蓉，入囗質菜幼滑。牛油果鮮豆包雙薯藜麥焗千層麵$248是晩的重點，素菜千層麵終於登埸。上層放著滿滿的芝士，用叉子能拉出厚而重的芝士絲，一層闊麵條，一層炸腐皮，然後有大量的豆卜，薯仔粒和兩粒的紫薯仔。其實它是一個超飽足的邪惡主食，雖然是素食，但我想它的卡路尼應該頗高的吧。麵條的比例只有五份之一，大部份勻是蔬菜，蕃茄醬和芝士的搭配很好，很快就吃光光啦。

素食唔再係食只係素雞🐔素食有好多選擇𠺢😋今次第一次食素有pizza有果汁有cheese cake😍大啡菇白松露pizza $148 超香松露味，亦有好多料同cheese冇肉都唔好好味😋紫薯cheesecake $28 好濃cheese味紫薯味偏小🤔蘋果雪梨汁 $45 好足料👍🏻好好味☺️呢間裝修係紫色系列😆幾公主feel😂

今日去尖沙咀印帖，搞掂之後同朋友一齊搵食！成日話食齋，一直未試過。一於去朋友介紹呢間呢度餐廳主題係紫色，好柔和舒服的感覺。晚餐有set dinner，而且非常豐富。就叫個set一齊share啦！Set A 前菜，有紫薯紅菜頭雪球佢真係做到一個雪糕球咁，兩者好夾！另外伴黑木耳酸酸甜甜，好開胃跟著係桃膠忌廉湯，真係新鮮配搭，值得一試呢個都係新鮮之選！估唔到芒果同牛油果又幾夾。呢個 包到餃子咁既係意粉酥，切開一陣松露香味傳來，廚房將條狀意粉做成一粒粒飯咁，好容易入口！有ykiu今餐真係好滿足，黎個紅shilu蘋果汁收尾！好清新，排毒！

媽媽和我一向喜歡吃素，尖沙咀區內的素食店都試得七七八八，今次想試呢間，7點鐘打去訂7:30pm竟然有位，兩母女即刻趕過去。入座睇餐牌，發覺價錢比同區嘅素食店都貴頗多，而且款式都唔多，可能因為佢係屬於新派素食，所以比一般素食店貴啲，唔緊要即管試吓囉；見到有海報寫住有信用卡優惠，於是問吓侍應係咪有優惠啦，但侍應用一個頗差嘅態度話信用卡優惠只係午市先有。睇完一輪最終決定唔叫set, 各自叫一個主菜；兩個主菜其實都已經三百幾，點知侍應竟然同我講，每人嘅最低消費係$200，焗我將另一個主菜轉做套餐.... 當時我諗點解我訂枱嘅時候唔同我講有最低消費？如果我一早知有最低消費或者我未必會選擇嚟呢度.....食物嘅味道係唔差，但份量細而且唔值呢個價錢；環境亦比較擠迫，除咗卡位之外，枱與枱之間好貼... 總括嚟講，呢間素食店我應該唔會再幫襯。

食咗一個中式嘅栗子 雲耳煲，呢度其實是不錯的但稍為偏鹹，如果沒有那麼鹹就perfecto 食咖喱雜菜煲，味道也很好，賣相也漂亮，值得一試甜品綠茶 椰汁糕有驚喜，綠茶同汁味10分配合而且 綠茶味沒有搶到椰汁味

一行九人即興吃午餐，今次有同事萬歲就由我選擇了這間中高檔西餐廳，裝修都以香芋紫為主要色系，帶給人一種舒適、憩靜的感覺。食物種類繁多，套餐有主菜、沙律、中西湯，而且款式多多，也有其他飯麵主食、甜品小吃單點，我個人偏愛意粉，就選了這個日式雜菜意粉，沙律菜跟主食的配料同樣新鮮，份量剛好，還吃得下甜品，因為大部分甜品都有蛋奶所以我就只好選腰果露，營養的首選，它的特別在於質感濃厚，喜歡吃中式甜湯的不能錯過喔～

朋友茹素，素食店選擇不算太多，以往常常去大自然素食。今次試這間，素人朋友說也很好吃的，即管一試！是次點了：一客套餐：內有美味的沙律前菜；濃郁好飲的忌廉湯；綠咖喱味道香，配上薄餅是吸引的；紫薯甜品樣子很精緻，味道細滑卻似芋頭雪糕味。大啡菇：夠大足料好味道。生菜包：有雲耳又辣，唔啱口味，所以無咩興趣食。所有食物外型是吸引的，價錢貴，亦限時限得好緊，明明無客在外等，卻瘋狂催我們走，執檯埋單不在話下，催我們食快些，快還檯，趕到不得了。一小時十五分鐘，由睇餐牌，點菜到有得食，所餘時間實在分秒必錚呢！ 如果外邊排長龍都還可理解，但趕住走，出到門口發現外邊一個人都無，再望番入餐廳仍有其他吉位的。是否要這麼死板，夠鐘就趕客走？有最低消費都算，今次真係唔係肯俾錢就有得食呢！為免日後食到裙甩褲甩，朋友相聚都唔可以講多兩句，還是不再光顧為妙，反正食得趕又唔飽，無下次了。

平時食肉食得多，難得有朋友想去食齋，我就跟佢去到尖沙咀的雅。悠蔬食體驗一下食齋戒的滋味。朋友話晚市套餐可試多種不同口味，所以我哋就決意order了。前菜是fix的，有三款不同小食，涼拌日本黑豆亞塔子黑木耳、紫薯紅菜頭雪球及鹵水百頁豆腐老毛豆半伯虎珀腰果。三款都好新鮮同清新，而且我哋仲大讚紫薯紅菜頭雪球，好好食，紫薯好香好甜，加埋紅菜頭酸味好醒胃，令到我胃口大增。手捲我哋就叫了香芒牛油果苜蓿芽手捲，因為我哋兩個都好喜歡牛油果，紫菜香脆，配上香芒同牛油果非常夾，有再多一次感到好fresh。湯有兩款，其中一款是周打紅菜頭黃耳桃膠忌廉湯，而另一款是蟲草花椰子黃耳竹笙杞子燉湯。我哋分別二人飲不同口味的湯品，朋友要忌廉湯很濃而且好滑，我就飲燉湯，非常清甜滋潤。主食是大啡菇鮮豆包栗子紫薯焗千層闊麵及菠菜合桃野菌忌廉燴意大利飯配香脆腐皮卷。大啡菇切開一片片鋪在千層闊麵上加埋芝士焗好香口，裡面仲有鮮豆包、栗子及紫薯，口感好豐富。菠菜合桃野菌忌廉燴意大利飯，菠菜撈在飯飯一齊煮，更增添意大利飯的香口，感到更香滑美味。甜品分別有杏汁椰香紅豆糕焦糖及海鹽榛子乳酪蛋糕，味道一般般，沒什麼驚喜。整體上食齋其實也不簡

朋友約我去佢公司個邊吃晚飯，佢話呢間素食主題嘅餐廳我一定會喜歡，好彩我朋友有訂台，吃到不足一半時間全餐廳已經滿座，出面仲排晒長龍等位。店鋪裝修以紫色為主，格調悠閒優雅，從食材嘅配搭以及選用嘅材料都睇得出餐廳嘅心思，更值得一讚嘅係餐廳有細心照顧素食者嘅唔同需要，可選擇菜式走蛋及走奶。紫薯紅菜頭雪球，軟棉棉嘅紫薯蓉混入了紅菜頭及蘋果粒，層次感十足。涼拌日本黑豆亞塔子黑木耳，用黑醋汁來拌，醒胃又健康，黑豆又超大粒，正。滷水百頁豆腐毛豆伴琥珀腰果，滷水汁調較得合好，又能夠令百頁豆腐充滿滷水味，好廚藝。周打紅菜頭黃耳桃膠忌廉湯，非一般忌廉湯或紅菜頭湯，佢加入了桃膠，桃膠有類似燕窩功用，口感煙韌，更有豐富營養價值。蟲草花椰子黃耳竹笙杞子燉湯，材料十足，愛飲老火湯嘅人必定要試。蘆薈素香鬆苜蓿芽手卷香芒牛油果苜蓿芽手卷無飯嘅手卷創意十足，食落非常清新，食材又新鮮，係我最喜歡嘅一道菜。日本花菇淮山栗子炆猴頭菇煲配珍珠糙米飯，估唔到係呢類菜館都吃到咁有鑊氣嘅小菜，唔油膩又好味。青咖哩野菜猴頭菇配印度薄餅，賣相已非常吸引,薄餅外脆内軟，餸青咖哩汁來食一絕。焦糖海鹽榛子乳酪蛋糕(右)紫薯緣起(左)紫色慕絲蛋糕

兩間悠蔬食，真心講其實我覺得銅鑼灣嗰間整體上比較好，第一次食已經有少少heart feeling，我知道呢間野好full，但係2個人食一餐飯＄4、500落樓，一路食好似一路俾人吹，啲侍應又好似趕住收工咁。第二次去食，即係今日，食嘅係午餐，心諗唔係晚餐應該會好啲掛，其實都係一樣，侍應一啲笑容都冇，而且亦都唔係太好禮貌，今次同個女叫咗兩個set，其中一個係點心拼盤加台式鹵麵，碗麵我只係食咗幾啖，真係食唔落，我冇諗過佢差到咁樣，所以你唔想都冇用，真心講呢兩間我都食過四、五次，係因為我覺得佢哋嘅廚師真係好用心去煮，環境係唔錯，但係如果服務質素仲係咁差嘅話，無論啲嘢幾好食都好，我相信都唔會做得好長！

去了台灣5天個人食到飽飽滯滯返香，回港第一餐梗係要食得清新點啦～今日嚟到尖沙咀「悠蔬食」來一個素之晚上，我與瓊姐相約一齊齋戒一天。入到餐廳望見一片紫色的天地， 不論座位是枱墊，任何餐具及裝飾也是紫色的，帶給人一種浪漫的感覺。打開餐牌裏面有很多選擇， 根本不想傷腦筋，就叫了他們的晚市套餐。前菜是涼拌日本黑豆亞塔子黑木耳、紫薯紅菜頭雪球及鹵水百頁豆腐老毛豆半伯虎珀腰果。手捲是香芒牛油果苜蓿芽手捲湯品有周打紅菜頭黃耳桃膠忌廉湯及蟲草花椰子黃耳竹笙杞子燉湯主食叫了大啡菇鮮豆包栗子紫薯焗千層闊麵 和菠菜合桃野菌忌廉燴意大利飯配香脆腐皮卷甜品係杏汁椰香紅豆糕焦糖及海鹽榛子乳酪蛋糕味道方面都很清新怡人，我最鍾意食紫薯，新鮮香甜又味美，食咁多野都唔覺有罪惡感，而且仲食得開心同健康，其實間中食素個人會更refreshing 。

一入餐廳就有好優雅嘅感覺，同餐廳名好配合食品好精緻，我地3個人點了兩個晚餐，再加上單點的手卷和甜品，份量和味道都很好，十分滿足要留意嘅係E餐意大利飯原來係有黑松露，因為我地都不喜愛黑松露，所以未能好好品嚐，但如果喜歡黑松露嘅朋友都應該會覺得不錯，味道都很濃厚，配搭嘅腐皮卷造型十足一隻雞脾🍗甜品點了千層蛋糕、紫薯緣起和腰果露。味道十分濃郁，特別喜歡腰果露，好綿滑店長和員工們都十分親切，會不時為我地添水，也有耐心聆聽我地嘅意見及跟進

一直對素菜的印象就是那些又橙又紅的豆類加工品，這次來到朋友推介的雅悠蔬食，主打精緻健康素菜。餐廳位於尖沙咀樓上舖，環境比想像中大，裝潢以淡紫色為主調，簡約優雅，窗明几淨，有別於一般中式素菜餐館。餐牌款式甚多，沒想過素菜可以這麼多元化。每項菜式旁邊均會註明有否蛋或奶，適合不同類型的素食者。我們點了兩份晚餐，每份套餐包括前菜、手卷、湯、主菜、甜品及飲品，不同主菜不同價錢，餐單亦會每月更新。我們分別點了大啡菇鮮豆包粟子紫薯焗千層闊麵套餐 ($248) 及焗黑松露粒粒意粉酥皮盒伴苔菜三絲脆卷套餐 ($258)。上菜速度頗快，二人桌子有點放不下。前菜每份套餐有齊三款前菜！不怕有選擇困難症。涼拌日本黑豆亞塔子黑木耳中式前菜，清新開胃，黑木耳及青瓜爽脆，黑豆養生。紫薯紅菜頭雪球很喜歡這道前菜！紫薯蓉非常香軟綿滑，內有紅菜頭粒及蘋果粒，清新爽脆，帶天然甜味。滷水百頁豆腐毛豆伴琥珀腰果百頁豆腐爽滑彈牙，滷水味適中，不會太鹹；琥珀腰果更吸引，鬆脆香口，微甜，吃不停口。手卷有兩款手卷可供選擇，一人一款，試勻兩款口味。蘆荀素香鬆苜蓿芽手卷香芒牛油果苜蓿芽手卷以清新苜蓿芽代替升糖指數較高的白飯，味道較清淡但更健

為舊同學慶祝生日,她想吃素,建議雅 悠蔬食尖沙咀分店,之前我曾到過銅鑼灣分店午膳,感覺很好,所以十分贊成!欣賞這食肆善用多種不同的素食材,菜式中西合璧兼Fusion,種類多又是水凖之作,令素食多姿多采!紫白色的環境十分雅緻,座位也頗舒適!涼拌日本黑豆亞塔子黑木耳(三人份)~浸了黑醋的黑木耳加上青瓜、杞子,酸甜爽口,黑豆粉腍,亞塔子口感柔韌。可降胆固醇、抗氧化、明目,是美味的" 有營" 組合!原來亞塔子是棕櫊樹的種子,透明呈隋圓形,有時會加入飲品或刨冰中,但在前菜裏,還是第ㄧ次吃,有新意!黑松露薯蓉焗大啡菇~芝味香濃的焗薯蓉釀在肥厚的大啡菇內, 入口融化! 以番茄醬及綠色蔬菜襯托, 色、香、味都是美妙的配搭! 大啡菇白松露薄餅~餐牌列為招牌菜式之ㄧ,松露味很香!滷水百頁豆腐毛豆琥珀腰果~百頁毛豆夠入味,琥珀腰果香脆!泰式五彩生菜包~賣相趣緻,看似米奇老鼠! 生菜新鮮,饀料豐富!日本花菇栗子燘猴菇㷛 配珍珠糙米~珍珠米飯質不錯,但糙米稍嫌太少。花菇、猴頭菇、栗子、荀粒都很入味,是佐飯佳選!泰式腰果糖醋猴頭菇~外觀和口感都像菠蘿咕嚕肉,相信吃葷人士都會喜歡!藍蝶花梨汁~我們點了四杯飲品,當中