雅 ‧悠蔬食

營業中

休息中

餐廳以紫和白為主色，感覺文青系，亦帶點少女味道，最岩打卡紅石榴蘋果汁$45，淡淡既紅石榴味好清新，蘋果味較紅石榴淡味，所以未有咁突出，用酒杯裝住感覺高貴紫貝天葵荔枝梳打$35，荔枝味濃，而且有冰粒，有冰涼感覺，爽黑松露薯蓉焗大啡菇$158，共3隻，平均$5x/隻，價錢雖然唔平，但確係幾好味，菇唔乾身有汁，而且黑松露味夠突出大啡菇白松露薄餅$148，餡料有切左片既啡菇、黃椒、菠蘿，餅底係簿批，超脆口，芝士份量亦好多素馬拉盞炒通菜$98，微辣，通菜夠新鮮冇變黃色，而且每條經煮熟後仍然脹卜卜泰式炒金邊粉$98，炒得夠正宗，同樣有花生，豆腐乾做配料，撈勻晒再擠檸檬汁，令麵帶點酸尾尾更加好食

到尖沙咀附近工作，跟同事team lunch，想找家坐得舒服的餐廳⋯ 剛好碰上green Monday, 找到了這家頗具人氣的素食店。為免要等位，早早致電預定座位。藏身於商業大廈的餐室，等lift永遠是考耐性的一環。踏入這家以淡紫跟白色裝修的餐廳，像極閨蜜cafe風格。但始終開業了好一段日子，總是有點殘舊。我們點了午餐，包含前菜及餐湯或飲品。前菜沙律放入藜麥，加入酸甜的果味黑醋，非常清新可口。素菜忌廉湯雖然不夠滑，又帶有我討厭的紅菜頭味道，不過還是不錯的。主食點了葡汁意粉、泰式炒金邊粉⋯ 份量不多，女生吃剛好。味道方面都很不錯👍🏻 想不到中式素菜材料來做西式煮法都很協調呢～

很多素食店選擇不多，這間是非常多，由前菜到甜品，都有！因為太多，所以只影了dinner set and lunch set 我同朋友選擇了dinne A and D set 首先前菜，非常豐富呀！有晒3樣食：我非常鐘意食木耳，配上百合，感覺清爽，醫汁適中不是太酸。日本南瓜意外好吃，不溜不太甜。鮮果沙律，生果新鮮，必定好食。手卷，我們各試一款手卷,手卷不是飯底，而是菜底呀！有喜歡，waitress 仲提我地，唔好擺太耐，紫菜會「淋」，第一次食菜底手卷,好食又有驚喜！主菜我地叫左A and D A 是香脆可口的猴頭菇，外脆內軟，醫汁又正，份量超大碟。D 是千層麵，味道不道，但因為份量大，所以有點溜，2個女仔食唔晒。甜品是椰汁糕加芝士蛋糕，好味。** 晚上每人最低消費是$200

朋友帶我去素食餐廳，我都係第一次食，去到門口設計都幾靚，有高貴氣派感覺，餐廳內座位與座位之間幾闊落，而且有梳化位坐得好舒服。黑松露芝士螺絲粉配腐皮雞脾($158)，螺絲粉每條都掛滿黑松露汁，放入口腔成口湧出濃厚既黑松露味，好香好好味，至於腐皮雞脾賣相已經夠精緻，外皮係脆，入面係腐皮。擔擔麵($58)，湯底有濃郁花生香味，一啖麵一啖湯咁食，唔錯。泰式香煎如餅($68)，共4塊，炸得好鬆脆，雖然食唔出餡料係咩，但確實不錯，尤其個醬汁辣辣地更惹味。泰式五彩生菜包($118)，選擇左少辣，餡料用上好多配料已成，口感層次豐富，記得用生菜包住黎食，好清新，我覺得最突出係沙角因為好爽口。印度薄餅($25)，共有6塊，可以點煎如餅個醬黎食又得，可以當生菜包包住餡料黎食亦得，一樣咁好味。清潤蘋果雪梨汁($45)，兩種味道比較淡既水果混和一齊，好清新，不過加d冰粒會更好。紅石榴蘋果汁($45)，顏色都幾好睇，面層既泡其實可以飲用，唔使擔心的。

I have visited Leisurely Veggie for several times before and i enjoy every visit because of the continuously updating menu and generous veggie portion. I would call it a real vegetarian restaurant, a modern one. Menu-wise, there are varieties of choices, from lunch to tea to dinner set to feast to birthday cake. There are six mains of different style to choose from merely in the dinner menu. Food-wise, all dishes are quality with consistently substantial veggie portion. The dessert is also outst

這間素食餐廳位於尖東大廈內，環境清幽恬靜，非常適合兩口子談心💑💑💑午餐有六種不同主菜以供選擇，另附加不同的甜品以供選擇，適合不同胃口的朋友👍🏻👍🏻👍🏻先來一客開胃的「胡麻茄子件牛蒡」😍😍芝麻做topping, 清新開胃，先讓我們身體的消化系統準備黎緊的美食👍🏻👍🏻👍🏻主菜有「梅菜什菌茄子栗子煲」配「珍珠糙米飯」梅菜作引子，帶出整個主菜的味道，什菌茄子🍆嫩軟、栗子軟硬適中，很有咬口，一軟一硬，多重層次

想不到環境好lady紫色，旺中帶靜，食物質素都不錯，漢堡包set lunch大件夾抵食，意粉和飯也不錯，湯類，我個人喜歡中湯，朋友說西湯較咸。有機會會再來番試，值得推介。

依餐係好似係收爐飯🤨 收爐前食一食齋 聽講會過個好年 當日我叫左依個新年特備午餐set 包括有香酥菇扒配鴻運當頭鮮茄菠蘿炒飯 飲品就叫左杯柑橘檸檬梳打 呢個菇扒口感不得了 好爽口 炸得好鬆脆 食落口唔會好油膩而個炒飯就粒粒分明 茄香味十足 菠蘿亦都好甜 柑橘檸檬好清新 唔太甜 食完酥脆既菇扒 再飲梳打就恰好可以解油膩感 食完炸野都無罪惡感 🤪 最重要既係 呢到食既新派齋菜 好食到你唔會覺得自己係食緊齋菜如果你地食肉食到悶 想試下啲清啲既野 就黎依間試 #悠蔬食

話說前嗰排同幾個朋友喺尖沙咀行行下街覺得肚餓就求其搵左間餐廳食野 點知原來朋友搵咗間素菜館黎食 不嬲都覺得素菜選擇少味道唔吸引 點知原來有意外驚喜🙈🙈首先要講下餐廳嘅裝修 餐廳以白色同紫色做主調非常適合一班女仔打卡去 而且座位舒服環境一流 我哋四個女仔去都影到停唔到手😹之後到食物味道 我叫咗個Dinner set大概$200 前菜就選擇左嗰蔬菜湯🥬湯嘅味道好濃郁而且好幼滑 仲會保留小小蔬菜粒 所以飲起嚟口感好豐富主菜就選擇咗菇扒配薯菜 菇扒嘅外型超級似牛扒仲要大大份 唔講真係以為自己食緊牛扒 菇扒吸收晒醬汁嘅精華 咬落去會覺得好juicy完全唔乾到最後個甜品我就叫左椰汁糕 椰汁糕口感煙煙韌韌而且味道亦都唔會好假所以總括來講我係十分推薦呢間餐廳俾大家

近期食得太多煎炸野，食到個人濟濟地同埋腸胃麻麻，想搵啲好食得來又健康又Fresh 嘅嘢！依間位於尖沙咀金馬倫道嘅素食餐廳，似乎可以滿足到我嘅要求！呢間雖然係樓上店，我哋都算早嚟，但係都幾乎滿座，好彩我哋有訂到位。晚上佢哋都係主要提供套餐為主，選擇都幾豐富！前菜有黑木耳，鮮果沙律，南瓜蓉 - 三樣都幾開胃又唔會食到太飽食唔到其他嘢。之後黎左個香芒牛油果手卷，呢個配搭好新鮮，又出奇地好食，紫菜好趣，裏面有些西洋芽菜食落好爽口！猴頭菇燉湯 - 個湯好清，配合猴頭菇和其他素菜，都幾好飲！牛肝菌意大利飯 - 呢個飯都幾有驚喜，好食過出邊一啲意大利餐廳，意大利飯煮得剛剛好軟硬適中，又食到濃濃嘅芝士汁，配搭好有菇味嘅牛肝菌，一流！甜品：焦糖榛子千層蛋糕，乳酪蛋糕

今次黎左尖沙咀新開既西式素食餐廳，平時做開食肉獸，間唔中都要健康d食下素🥗餐廳風格好可愛，以紫白二色為主調💜•Dinner Set ($258)前菜 🥣涼拌杞子百合黑木耳幾爽口，酸酸地好開胃👄-🎃日本南瓜莓乾薯泥平時麻麻地南瓜既我都覺得幾好食🤤-🥗泰式鮮果沙律有🍇提子，🍍菠蘿，火龍果等水果，下面有沙律菜，幾清新👅•🌯香芒牛油果苜蓿芽手卷呢樣係全晚我至愛✨✨佢有成3塊紫菜包住🥭香芒，🥑牛油果，苜蓿芽，估唔到成個味道可以咁夾咁正！重點係紫菜極脆，好少可以keep到咁脆口，超好食😋😋•🍲猴頭菇竹笙黃耳雪蓮子燉湯足料，燉湯夠清，好滋潤健康😻•🍝黑松露意式野菜焗螺絲粉 伴 香脆腐皮卷野菜有🍄菇，露荀等，加左好多芝士🧀同黑松露黎焗個粉，味道好香好突出!香脆腐皮卷外層好脆，入面勁多層腐皮，口感好似食緊肉咁，好味呀🍗•🍰焦糖海鹽榛子千層班㦸（+$25）cream夠香滑，味道幾好，同lady m 比個蛋皮較厚🍴•🍯檸檬蜂蜜水（+$10）幾好，蜂蜜味夠～————————————（5⭐️滿分，💫為半分）整體環境：⭐️⭐️⭐️⭐️食物外觀：⭐️⭐️⭐️⭐️味道：⭐️⭐️⭐️⭐️性價比：⭐️⭐️⭐️回頭指數：⭐️⭐️⭐️💫————————————

最近成日感冒嘅我想食得健康啲，於是上網搜尋有關綠色食品嘅餐廳，發現附近有間近近地嘅素食餐廳，於是拉埋同我行緊街嘅幾個朋友一齊去試。一入到黎就聞到勁大陣黑松露味🤤好吸引我呢個黑松露愛好者，於是一坐低就叫左個黑松露dinner set，賣相好似肉扒嘅百靈菇扒好特別👍🏻香芒牛油果苜蓿芽手卷同甜品都好好食😋呢度嘅環境比我想像中要靚得多，以往見啲素食餐廳都係比較中式、傳統、古舊而且有佛像同燒香嘅味道，估唔到呢度係完全相反，用粉紫色做主題—感覺很新派，裝修很西式、很華麗、很夢幻😍推薦想減肥同想健康嘅朋友黎呢度食👍🏻

尖沙咀樓上新派素食 有驚喜 有心思 走肉都可以好豐富【雅·悠蔬食】‼️‼️.日日大魚大肉好快食厭，想換下菜單換下口味，即刻Search下有咩素食先🤣搵到有間全間都用紫色做主題裝修，菜式有創意，地點仲係熱鬧唧尖沙咀！一入到去已經要等位，人山人海認真爆場😳由前菜至甜品都一應俱全，走肉都可以好豐富～紅菜頭拌蘋果好健康好有營養！酸酸甜甜咁，紅菜頭同蘋果都好有咬口好新鮮。中間仲有少少好香口嘅合桃！香芒牛油果手卷走飯走肉嘅手卷，感覺好新奇😂用咗苜蓿嚟代替飯底，但又幾好食，反而好食得出蔬果嘅鮮甜味，幾fresh。和風一品豆乳鍋配稻庭烏冬好香濃嘅豆味，用石鍋上熱辣辣好吸引！湯底好清甜，將烏冬浸落去再食，口感好滑，烏冬都有埋豆味，正！紅咖喱野菜猴頭菇配印度薄餅中意濃味少少嘅可以揀呢款，紅咖哩好惹味，有少少甜味要嚟點薄餅一流😋野菜吸收曬啲咖哩味，送飯都好開胃。黑糖手作芋圓配豆乳布甸呢個甜品係尖沙咀分店限定嘅，推薦～芋圓好煙韌，吾會太甜，豆乳布甸好香或帶有少少清香嘅豆味，一啲都吾溜！

一入到來有點驚喜，餐廳是少女般粉紫色裝修設計，外表已是討喜，有別與一般素食舖。感覺新穎。客人都好多，好旺場。同幾個朋友去食，每人叫咗一個Dinner Set —前菜例牌，手卷我選擇咗香芒牛油果苜蓿芽手卷；好Fresh，適合鍾意食Salad人仕，呢個Item仲可免蛋奶。湯我揀咗菠菜桃膠忌廉濃湯；桃膠好煙韌，也有濃濃菠菜味。主菜我揀咗黑松露蘑菇汁百靈菇扒配義大利薯菜；黑松露味幾濃，好大嚿菇扒，食唔曬，飽腹感完全可以代替鍾意食肉嘅自己，飽到不得了。甜品我揀咗宇治抹茶乳酪蛋糕；感覺上不太甜，瘦身永遠係女仔終身大事，會冇咁大罪疚感。以上係我Order嘅，朋友們Order嘅Details我就唔盡錄喇～🤪另外，我哋仲Order咗素食Pizza，當然感覺比一般Pizza無咁Heavy啦～👍🏻好飽肚，大家都食唔曬。其實素食分分鐘仲可以飽過食肉，而且又健康。幾滿意今次嘅素食晚餐～Have a nice dinner～

新年期間食得太多肉類同糕点，上星期五好想清下腸胃，來到這素菜館食晚飯，装修優雅。我地四人叫左幾款set dinner，有前菜，竹笙黄耳素湯，忌廉磨菇湯，牛油果手卷，好清新。千層意粉，好夠味！還有稻庭烏冬配磨菇煱，味道不錯呢！最後叫左幾款甜品~千層蛋糕等等。雖然這間菜館有些貴，但味道不錯，有新鮮感！👍