雅 ‧悠蔬食

營業中

休息中

今日同朋友一齊『go green』素食要素得美味，又要能夠滿足客人的口腹之慾，將素食化成令人垂涎的美食，真係好考廚師既烹調技巧、對食物既了解、熱誠的創意設計。無肉不歡的「食肉獸」有時食下清新素食都係唔錯既選擇。雅。悠蔬食餐廳裝修主要係白色、紫色，簡單得黎有d高貴感覺。（門口位見餐廳得過賽馬會GreenMonday 公眾最喜愛菜式大獎 冠軍）Dinner Set （$248/$258)/位前菜麻醬沙薑豆絲粉皮（香滑）紅菜頭蘋果香橙伴合桃（酸酸甜甜，好開胃）華都夫薯仔松子冰菜沙律（清新）手卷（店員細心提我地食左手卷先，因為紫菜淋左就無甘好食）（A）蘆筍素香鬆苜蓿芽手卷（B）香 芒牛油果苜蓿芽手捲卷湯品（A）黑松露忌廉蘑菇濃湯（香濃）（B）茶樹菇竹笙黃耳百合燉湯（足料）主食（B）牛肝菌忌廉燴扁意粉伴香脆腐皮卷 （好多菇腐皮卷好香脆，想食多嚿）（E）風乾蕃茄金不換野菜松子意大利飯伴鹽酥白靈菇 （惹味）甜品 （唔太甜，食多件都唔會覺得膩）（C）百爵紅茶千層班戟（D）夢幻泡芙（尖沙咀店限定）入面係香滑吉士飲品藍蝶花雪梨汁 （清清甜甜）

平時食肉食得多間唔中都要食下素最近比我搵到間唔錯嘅素食餐廳..........我哋叫咗兩個dinner set佢前菜都好豐富！而且好開胃！我哋揀咗香芒牛油果苜蓿芽手卷呢個手卷不得了！超級好食佢用苜蓿芽代替左飯 食落去好有蔬菜味好正！..........紅咖喱野菜猴頭菇配印度薄餅$258呢個有少少辣！不過同咖喱配薄餅非常惹味本身就咁食薄餅已經好好食👍🏻加上紅咖喱味道非常好👍🏻..........牛肝菌松子菠菜忌廉意大利飯伴天婦羅美國蘆筍$258呢個同平時嘅意大利飯口感好接近！調味做得唔錯👍🏻配上蘆筍 味道好夾好好味！..........甜品方面我哋揀咗椰汁紅豆糕同埋焦糖海鹽榛子千層班戟個班戟好有驚喜！好重榛子味亦都做得非常好食👍🏻👍🏻

之前聽朋友話呢間素食舖出名精緻，今晚一試果然不同凡響。呢度既素食選擇好多，簡直眼花撩亂，不過見到個dinner set 樣樣都有d，同朋友一齊試多d就啱曬。一個dinner set 有三樣指定頭盤，包括香椿伴翡翠，紅菜頭蘋果香橙伴核桃，同埋泰式鮮果沙律。我個人最鍾意紅菜頭蘋果香橙伴核桃，因為佢有齊淡淡既蘋果清香，紅菜頭豔麗既顏色，鮮甜多汁既香橙，同埋香脆核桃既口感。食完齒頰留香，食慾大增。除此之外，個set仲包埋手卷。我揀左蘆筍素香鬆苜蓿芽手卷而我朋友就揀香芒牛油果苜蓿芽手卷。估唔到個香鬆先係重點，食落脆口清新。順帶一提，侍應仲特登提醒我地要早d食左個手卷因為紫菜擺得耐會無咁脆，好窩心啊餐湯方面我揀左牛肝菌野菜忌廉濃湯，忌廉味道好濃郁，creamy。而我朋友就揀姬松茸椰子黃耳竹笙燉湯，貪佢夠補身強身健體，正。主菜方面，我地叫左個白松露山藥野菌意大利飯配吉列蒟蒻，同埋藍帶猴菇扒墨西哥菇醬漢堡配紅菜頭乳酪沙律及甜薯條。山藥姐係鮮淮山，口感介乎青瓜同薯仔之間。而個濃郁既醬汁滲入曬意大利飯度，軟硬適中，高手之作。至於個漢堡，呢款餸簡直創意滿分，我一路食一路都懷疑我係咪食緊齋😂。甜品方面我地就揀

朋友生日想揾個地方坐得舒服d，又就腳及清下腸胃，就想起悠，疏食。先來点頭盆，泰式鮮果沙律，酸酸的很開胃，西式忌廉湯很滑，但散叫不便宜，甜酸猴頭菇，類似生炒骨，用菇代替肉，好出色及幾可亂真，焗大啡菇好juices ，生菜包有点辣，但好野味，pizza皮底薄脆，意大利飯不軟不硬，有水準，甜點一定要試，有生日蛋糕代訂服務，因為我們人少，於是点了一款甜品，托餐廳加上朱古力生日快樂字，朋友超開心。

今日一時興起，朋友話想食素食，一上Openrice就見到呢間新派素食店，即刻打左去訂位，好彩都仲有位。間舖頭都好易搵，一上到去就比佢嘅紫色同白色嘅裝修吸引左，感覺好舒服。坐低果時發覺個場都九成滿，好彩有打去訂位。睇左下個餐牌，有啲晚餐就二百幾蚊起跳，散叫都可以，但要留意夜晚有二百蚊一個人嘅最低消費。我地叫左兩個dinner set, 沙律好快就上，有三款，食埋都好清新，同埋係出面無見過呢啲。之後我地叫左一個中湯，一個西湯。中湯感覺好足料，仲有d配料食到，而西湯就好正路嘅忌廉湯，都有唔少配料架。之後仲有兩個手卷，佢就唔係包飯，係包苜蓿(有啲似芽菜)。芒果牛油果就好香，蘆筍果個配埋啲沙律醬就好夾。主菜等多一陣都好快上埋，一個係牛肝菌忌廉意粉，個意粉上枱果時好色彩繽紛，份量都唔少，意粉煮得啱啱好，真係唔錯。另一個就係咖喱猴頭菇配薄餅同飯，份量好足，個薄餅好脆，配埋汁送就一流！咖哩入面仲有唔少蔬菜，食到好飽。之後仲有甜品同飲品。甜品就叫左一個抹茶紅豆椰汁糕同加錢嘅百爵紅茶千層蛋糕。兩個都唔會太甜，食落唔會滯，想再翻炒添。飲品我地叫左加錢嘅藍蝶花雪梨汁同紫貝天葵荔枝汁。睇色都分到邊杯打邊杯。荔枝

^<雅 ‧悠蔬>^ 💋 美味式式: 不過不失😀.忽然想食素， 上網見到有呢一間推介所以就去試下。.本身諗住食下佢嘅下午茶 ( 因為平啲😂 )， 但係因為星期六嘅關係所以就冇下午茶食。 我哋三個人嗌咗兩個餐share。.我地叫左: 1)點心拼盤配青菜雜菌燴麵 ($108) 2) 板燒猴頭菇芝士漢堡 配紅菜頭蘋果沙律配薯角 ($98).我覺得佢啲分量都幾細， 雖然佢有一碟前菜同埋一碗湯(都係好細)， 又有嘢飲， 但係我覺得係唔夠食嘅。 除非你係一個非常細食又或者keep緊 fit嘅人。.點心拼盤配青菜雜菌燴麵細得有啲可憐， 話曬都要100蚊，仲要有加一， 係得4樣點心， 個面我果加埋應該有20條左右。。味道就一般。而個板燒猴頭菇芝士漢堡相對就ok， 份量感覺還可以，味道就無乜特別。.📢 提提你:. 星期六日係冇下午茶。 同埋要收加一服務費，不論時間

一路都以為呢幢中國保險大廈係商廈原來上面有餐廳而且一律用上好少女嘅purple tone colour首先唻杯柑橘蜜前菜特意用上豐富啲嘅色彩眼開胃就跟住開前菜嘅每樣份量都少而種類多喺你食厭一種之前已move去下一種感覺一啲都唔寡菇係素菜常出現食材味道香濃而且營養價值高餐湯理所當然要係蘑菇湯香滑濃郁停唔到嘅鮮艷鮮黃芒果+青bb牛油果顏色夾難得味道都夾唻到依一刻差啲唔記得自己食緊素因為的確一啲都冇食素=齋=dry嘅感覺意粉軟靭有致菇香瓜嫩素食餐廳嘅瓜選材果然係juicy啲食完正餐 個set仲包甜品+25就有千層蛋糕🍰每層都極薄極鬆軟

喺尖沙咀金馬倫道 雅悠蔬食， 嗰日同老婆上到去。 餐廳佈置粉白色 為主 ，環境清靜。坐低叫咗兩個set dinner。 食物包括前菜啦 ， 露筍 素香鬆手捲，芒果牛油果素手捲 。主菜係白松露山藥野菌意大利 飯，牛肝菌忌廉燴意粉 。 伴吉列牛油果。 甜品就係抹茶紅豆椰汁糕，紫薯乳酪蛋糕 。前菜嗰啲泰式沙律同埋紅菜頭 蘋果粒 酸酸咪咪咁挺 開 胃 。手捲 蘆筍同埋芒 果 配埋紫菜👍👍個吉列牛油果 外脆內軟 。 白松露野菌意大利飯 好食易入口， 牛肝菌燴意大利意粉味道一流好好食。 甜品 椰汁糕 清新有咬口 ，紫薯蛋糕非常易入口 。作為一個食肉獸 嘅我 嚟講， 原來素食都會咁好好味嘅！我老婆又plan緊下個禮拜嚟幫襯啦。

十幾廿頭時我左右銘係No meat no love廿尾身體就會發出各樣警示話你知要注意飲食初頭以為全素餐廳係niche啲同寡啲嘅嘢點知7點之後餐廳開始full雖然係樓上餐廳 但好多人book檯唻（下圖攝於18:30）餐廳粉紫色裝修 感覺夢幻 有啲似樓上cafeMenu選擇好多中西泰菜都有setSet都幾抵頭+湯+大+甜+手卷+飲品先二百幾藍蝶花雪梨汁香樁伴翡翠紅菜頭蘋果香橙伴核桃望到顏色咁繽紛都開胃哂牛肝菌野菜忌廉濃湯忌廉香滑 菇湯香濃 菇味同忌廉味好balance香芒牛油果苜蓿芽手卷苜蓿比平時食開嘅芽菜幼細清甜同無草青味主菜揀咗白松露山藥野菌意大利飯炸素蝦口感好像真食完野菌飯覺得呢間餐廳菇類係做得特別出色意大利飯軟中帶硬 相當正宗伯爵紅茶千層pancake初頭以為咁大舊唔會食得哂點知口感出奇地鬆軟

想同爸爸食得健康D， 於是揀左呢間素食餐廳， 好彩有訂位， 閒日夜晚都坐滿， D枱都幾近， 唔算寬敞 晚餐有Set同散點， 因為唔算太肚餓， 所以散點左幾樣野試下 麻醬牛蒡青瓜粉皮 呢個似平時食既雞絲粉皮但換左牛蒡， 口感清爽， 好岩做前菜 大啡菇白松露薄餅 好香松露味， 個pizza都好cheesy， 新鮮焗起， 又香又脆好味 泰式香煎如餅 真係好似平時食既泰式煎魚餅， 普普通通 甜品點左綠茶千層蛋糕， 綠茶味好香濃， 但就甜左少少 本來諗住出去食雪糕， 點知突然之間睇到個menu呢版， 原來有minimum charge， 但訂位、入座、落單， 一路都無店員提過， 所以唯有點多個甜品啦 腰果露加湯圓 好香腰果味， 唔太甜， 食完都唔會太膩

好少食齋，同埋總係覺得齋點食都唔飽同唔好食，今日試左呢間餐廳，令我好驚喜，所有野我都好滿意，好想詳細甘同大家介紹返。我地有提前訂座，一去到見到成間餐廳感覺好舒服，佢既裝修都好靚，用左白色同紫色配搭，感覺好柔和，店員安排左個4人位比我地位，好闊落，坐得好舒服。我地2個人叫左1個set dinner ($258) 同一些小食。前菜係一些蔬果同沙律，好新鮮。 - 香芒牛油果苜蓿芽手卷 佢用苜蓿芽代替左飯，有好清新既感，苜蓿芽本身草味比較重所以配上芒果岩岩好可以蓋住大部分草青味，配上牛油果，手卷變得好豐富。- 牛肝菌野菜忌廉濃湯湯很濃郁，味道很香，飲落有很強的菇菌味，十分足料。- 牛肝菌忌廉燴扁意粉(伴吉列牛油果）牛肝菌真的有很強烈的味道，很香。麵質岩岩好，唔會太硬或者軟，而且加入左大量既菇菌、香草、番茄同虂筍，材料豐富。炸牛油果好正，佢既炸粉好薄，外脆內軟，味道一流。- 宇治抹茶紅豆椰汁糕味道很清新，很多紅豆，配上淡淡的綠茶味，很match，不會很甜。- 紫薯乳酪蛋糕 $15有點過甜，不過佢乳酪味好重，而且唔會好實，質感不錯。 - 泰式香煎如餅 $68雖然唔係好食得出用咩整，但好好味，外脆內

成日出街食飯，偶爾都會想健康一下，今次揀左呢間素食餐廳，食物味道同種類完全超出我想像，無諗過食素都可以咁好味！呢次我同2位朋友即興晚餐時間去食，閒日7點幾已經好full，好彩最後仲有一張枱可以比我地walk in！ 不過建議下次都係book枱好d！評野食先！頭盤食左個紅菜頭香橙桃合桃，好開胃，而且份量都幾大，三個人share都無問題！小食就叫左漢堡，面包好軟，個汁用左沙律醬，夾埋素肉好match！主菜叫左牛肝菌意粉，超好味呀好creamy好香，而且好多蘆筍，食到唔捨得停！唯一係份量唔大，3個人share每人分唔多。另外仲叫左白松露pizza，面頭有好多cheese，亦有好多餸，不過同一般pizza比起，就無咁香，但醒在唔滯！最後仲order埋千層面，入面仲有甜薯，好易飽肚！甜品就叫左個泡芙同伯爵茶千層蛋糕！泡芙必點呀！外脆嘅皮，滿滿嘅吉士，配上雲呢嗱雪糕好match！諗起都想再食！伯爵茶蛋糕同樣好香茶味，而且d cream好light呀，少女們最愛！總括黎講，今次嘅素食，俘虜左我呢個肉食者嘅心，下次想健康d，就要再黎食！

年三十lunch去咗尖沙咀一間素食鋪 兩個人小團年 估唔到咁高質！新年仲有新meun！完全唔貴！正～Lunar New Year Lunch Set $138前菜: 四喜烤夫 傳統上海野黎 唔會太咸 啱返香港人口味😉湯品: 天山雪蓮椰子花生雪耳湯 超濃郁 好香椰子味 估唔到無肉嘅湯都可以咁好飲😋主食: 點心拼盤(藜麥如意餃 五香滬式春卷 素叉燒包 素翅香菇燒賣) 四舊都好好食 一啲都唔hea 全部大大粒呀。😍 大紅大紫擔擔麵 全餐最好食 🤩 用咗扁身嘅麵 好特別！ ps極輕微辣飲品: 柑橘檸檬梳打 記得攪拌下先飲😂甜品: 純素花開富貴蘋果撻 +$38 撻係有d曲奇味嘅甜 賣相好靚

幾個中女結伴去吃飯吹水講8掛 扮曬話要食清淡啲 去吃素,點知仲食得多過平時。呢一間素食 我已經去過幾次了。很好味又夠特別,所以菜式都好有心思有水準 是我最愛的素食店之一

今日同朋友黎到尖沙咀悠蔬食有限公司，餐廳主要以素食為主，有好多人都慕名而來，而且環境優雅舒適，令人一試難忘。午市套餐包含前菜、湯品、主食、飲品，仲可以用優惠價加配甜品，超豐富！前菜係芝麻蜜汁薯仔蓮藕，細細份好得意，醬汁酸酸地幾開胃。湯品選擇左中湯，天山雪蓮椰子花生雪耳湯，依個湯又香又清又甜，睇到用料都充足。主食叫左個日式拿坡里鮮茄野菜燴扁意粉伴香草焗雜果仁，番茄味唔會太濃郁，食物互相配合得剛剛好。飲品叫左特飲藍蝶花雪梨汁，顏色鮮豔奪目，飲落都有陣陣雪梨味，值得一試。黑糖手作芋圓遇上豆乳布丁係尖沙咀店限定甜品，當然都要試一試，食落唔覺得好甜，有少少薑味，芋圓有口感，豆乳布丁香淡嫩口。散叫手作小漢堡三個，中間的素肉球食落同真肉球味道差唔多，但食真啲就發現其實材料完全唔同，素肉球比較軟身，似食緊薯蓉，而且形養纖維較好，值得推薦。仲叫多左兩個手卷，香芒牛油果苜蓿芽手卷同蘆筍素香鬆苜蓿芽手卷，兩個手卷都係要盡快食，因為職員溫馨提示如果擺得耐紫菜會鬆軟，相對冇咁脆同好食，兩個手卷都惹味，醬汁令到食物質素進一步提升。