雅 ‧悠蔬食

營業中

休息中

點了一個午市套餐：木瓜栗米杏仁湯：清甜多料，沒有味精，另可選南瓜湯，不過驚太飽所以沒選。迷你沙律：材料包括藜麥、芒果、嫩菠菜、青瓜、葡萄，並以芒果汁作沙律醬，酸酸甜甜刺激味蕾，可能適逢當造季節，無論食用或調味的芒果都很甜。冷麵：十分喜歡這個冷麵，大熱天時吃涼涼的主食也比較開胃。紫椰菜、牛蒡、青瓜、豆腐卜、甘筍切成幼絲，加起份量比麵底還要多呢！甜品：這個芝麻千層蛋糕的黑芝麻味濃郁，吃完一塊沒有罪惡感，感覺少甜、低脂（事實當然未必係）薑蜜：不用加錢，正正常常吧。

同阿媽出開來尖沙咀做D野，天口熱行到命都冇，周圍又好多人，又冇咩好食，仲有想找個舒服D地方食下野，上OPENRICE睇睇，食素都幾好呀, 於是就走左上來試下。依家行到邊都可以用OPENRICE找食，真係好方便，有相又有唔同人既COMMENT，真係好好。入到來都幾多人食，不過唔駛等，午餐有SET，包湯、沙律主食，飲料一杯，哇都幾豐富，而且價錢都係$100左右，環境又舒服，正好俾我地抖下，因為真係太熱。我食既係點心拼盤，再加有一配蕃茄湯烏冬，質素好高，彈牙而且湯好清甜。點心每樣有一件，食曬就剛好，而且其實夏天胃口會減D，所以份量O岩曨。

身邊有朋友係素食者，如果去普通餐廳食唔係唔可以，但相對選擇上會比較多限制，雙方都冇食得咁開心，所以同素食朋友都會揀返素食餐廳，上網一搵，呢間「雅悠蔬食」已經係好頭既位置，抱有期望嚟試下。餐廳內外Reception 位置分隔左餐廳有左右兩面，屏風隔住左面同右面食客，所以冇咁嘈吵，同朋友傾計舒服啲。食物選擇Dinner Set相對比較抵食，當然都有散叫，由前菜、小吃到主菜、甜品都有。叫左2個Dinner Set，青咖哩野菜猴頭菇配印度薄餅及日本珍珠米($258)及黑皮雞縱菌鮮豆包白松露薯蓉焗千層麵 ($248)，價錢由主菜而定，包括前菜、手卷、湯品、主菜、甜品，飲品就需要另外加配。前菜：四喜烤麩及紅火龍果藜麥沙律伴無花果黑醋及羅馬蕃茄藜麥伴胡麻醬我自己幾中意食上海烤麩，軟綿綿好似海綿咁，吸附醬汁好惹味，紅火龍果好清甜，兩個Dinner Set有4小碟前菜都好足夠。手卷：香芒牛油果首蓿芽手卷、蘆筍素香鬆首蓿芽手卷未試過食首蓿芽代替飯既手卷，一款係蘆筍，另一款係香芒牛油果，我食香芒牛油果果款，包左好幾塊紫菜，所以好脆口，首蓿芽本身冇乜味，配搭都幾得意。湯品：周打黃耳桃膠忌廉濃湯、太子參黃耳馬蹄

今日的午餐約咗一位同業的妹妹仔一起在她揀選的fushion素食餐廳食午餐，整間餐廳都是粉紫色的，食物非常之美味，點了兩個午餐套餐，一個是中式點心拼盤（有一個叉燒包、一粒燒賣、一件粉果及一條炸春卷）、番茄蔬菜湯烏冬，另一個是南瓜汁素雞脾意粉（素雞髀係用一支雪條棍繞住腐皮做的），兩個餐跟住嘅中式湯同埋粟米忌廉蓉湯都好好味，飲品用咗三個月前喺浴佛活動碰到由台灣來的尼姑所送的「免費特色飲品券」換的，妹妹仔話這個相信是緣份，因為佢就係想試吓呢間新開嘅餐廳才揀這裏，埋單$227。

唔係餐餐都要大魚大肉嘅，偶然吃素一樣可以美味滿足。 雅．悠蔬食的套餐非常豐富多元，唔大食的話，兩個人分享都差不多夠，若然多加一兩樣散點就非常足夠。 中西合璧的素菜，挑選套餐幾乎已包括所有散點食品，$248/$258 五道菜，相信是大部分人的選擇。四喜烤夫及紅火龍果藜麥沙律伴無花果黑醋及羅馬番茄藜麥伴胡麻醬前菜三款一起上，因為本來都是素菜，味道與在平常餐廳吃到的一樣，烤夫汁豐，火龍果新鮮，蕃茄亦甜。蘆筍素香鬆苜蓿芽手卷以大量苜蓿芽作手卷饀我首次品嚐，因為紫菜有鹹香而且夠脆、蘆筍新鮮夠爽，效果估唔到都幾好，唔會話太淡口，不過當然是食菜的感覺，乾乾爽爽咁。周打黃耳桃膠忌廉濃湯意想不到味道豐富，忌廉濃湯的功勞，而且湯來有粒粒黃耳，濃湯與黃耳同吃口感非常可口。大大粒桃膠明顯可見，食完感覺增添美麗。菠菜合桃野菌忌廉燴意大利飯伴香脆腐皮卷菠菜忌廉野菌燴意大利飯是個好主意，豐富汁多，吃到野菌增咬口，食味不寡。香脆腐皮卷賣相似雞髀，咬落就知道只是脆腐皮卷一件，要快吃因為沾上了意飯汁好快腍。黑芝麻豆腐千層班㦸 $20需要多加$20的甜品，外表一般，食落口感豐厚頗特別。黑松露薯蓉焗大啡菇 $158見到話

與好久不見的朋友聚餐，朋友想食素食就找到這間素食餐廳！見到食評不錯於是試下一入到去裝修好少女環境好情新感覺唔錯！但二人位置有啲迫。我哋叫咗嗰dinner set share $248 包一個冷菜，前菜，湯，主菜，甜品同埋餐飲！價錢都唔會太貴冷菜燉湯很足料！而且不油膩手卷入面冇飯的不過我覺得反而幾好唔會太飽，而且芒果同牛油果都好新鮮主菜叫咗野菌焗千層麵，因為冇肉醬所以味道唔會太鹹而且食落啖啖芝士絕對好食過有肉嘅千層麵因為有最低消費(2個人要叫夠$400,計埋加一)所以叫多咗個鳳梨炒飯啲飯吵到粒粒分明，好金香好夠鑊氣！呢個芝麻豆腐千層蛋糕唔包係套餐入面的免費甜品，要額外加25蚊，不過我覺得絕對要試吓。千層皮整得好柔軟，好香芝麻味總括嚟講呢間餐廳令我愛上左素食

一人五行晚餐預約了8:15， 但還是要等到9點才可進入，10點已經截單，有點趕，希望餐廳可以控制好時間，避免預約了都要等超過半小時。服務女員工很有禮貌和耐性食物pizza 好食好多三色椒，餅底好脆。松露炸蒟蒻意粉，第一碟好香好食，加點時第二碟好鹹好鹹，食唔落。牛油果芒果手卷 紫菜極難咬開，內全是沙津菜，無米，好輕感覺有點怪。黑松露菇， 內有薯仔，外有芝士，幾好食。炒通菜，唔香但好多油，幸好菜本身嫩。有個綠色素雞腿燴飯，雞腿細細件幾可愛，燴飯食唔出咩味。甜品有驚喜，芝麻千層好香，伯爵芝士餅酸酸甜甜好味。馬蹄糕十分清甜。飲品百香果特飲， 薄荷青檸青蘋果 應該係新鮮打汁， 有酸澀味，唔算好飲但真材實料。

老公話帶我去食新嘢，原來係食新派素食。真係好鍾意呢間餐廳同出品，忍唔住真係要用多d字去形容～餐廳用白色同紫色為主調，視覺上幾舒服，服務員溫柔有禮，有啲cafe嘅感覺。我哋叫咗兩個set dinner，有齊中西菜式。前菜做得相當美觀，四喜烤夫氣孔頗多夠索汁；羅馬蕃茄藜麥伴胡麻醬 - 個沙律名咁長係有原因，一小碟裏面多種材料新鮮豐富，酸酸甜甜又醒胃，蕃茄清甜多汁，加入藜麥麻醬惹味中帶點清新。周打黃耳桃膠忌廉濃湯 - 呢個西湯好正呀！創新大膽又估唔到咁好味喎！黃耳桃膠又養顏，very good! 太子蔘黃耳馬蹄花菇燉湯 - 好清嘅燉湯，太子蔘味好出，唔肥膩又補氣養身，正！苜蓿芽手卷（蘆筍素香鬆及香芒牛油果）- 苜蓿芽代替左飯，低熱量兼營養豐富，香芒牛油果嘅果甜味、蘆筍素肉鬆等等，同紫菜、苜蓿芽夾埋別有風味，清新爽甜，首選！菠菜合桃野菌忌廉意大利飯伴香脆腐皮卷 - 腐皮卷整到好似隻雞腿咁，咬落去竟然有肉味，意大利拌飯有咬口，合桃野菌忌廉醬汁，令到個飯好豐富口感，賣相一流！牛肝菌意色野菜焗螺絲粉配天婦羅甜薯 - 牛肝菌將非常濃郁，用料豐富，素肉出色好味，螺絲粉上面嘅芝士唔單止做到拉絲嘅效果，仲令

今日約咗一位食素的朋友食飯，上網見到悠蔬食好評好多，於是就決定試吓。一入到去間鋪頭嘅裝置已經好靚，用嘅顏色令人幾舒適。我同朋友就各自叫左一set，一直我都覺得素食會好淡無味，但係結果又出乎意料之外😅特別欣賞素瑤柱桂花賽螃蟹素翅配珍珠糙米飯，味道好特別而且好健康🥰不得不提嘅係杯嘢飲都好出色，我飲咗藍蝶花雪梨汁，唔會得個甜字好多糖水，飲落去都幾清🤔如果想試吓食素的朋友，依間餐廳絕對係可以一試☺食完佢完全改變左我對素食嘅觀念🤔極力推介🤤

近幾年越來越著重健康，雖然肉類照食，但一發現有素食餐廳，都會想去試下😋呢間雅·悠蔬食，開喺尖沙咀金馬倫道，一出港鐵站口，行幾分鐘就到，好方便。個餐廳裝修都有啲令人 surprised，主色調係紫色、白色，好有優「雅」公主 feel，唔知係咪呢個餐廳名既來源 🤔😄食物方面，有好豐富既 set dinner 選擇：中西湯、前菜、手卷、主菜、甜品、飲品全部齊晒，食完一定飽飽，好滿足 😋 今次我地兩個人，食左 B 同 E 餐，因為頭三樣野都有兩款選擇，我地叫晒 share 黎食 🍵🍣🥬 啲食物質素唔錯，夠新鮮同精緻，感受到廚師落足心機去整 👨‍🍳 我地尤其是鍾意個意大利飯同扁意粉，黑松露配搭秋葵同蘆筍，令到本身好煙靭既扁意粉味道特別得黎又好清新，下次再黎，一定要 encore 🙆🏼‍♀️ 個意大利飯既軟硬度同汁既濃度適中，好食 😋👍🏻中式既素菜就食得多，呢啲新派融合中西既素菜，真係唔錯，值得推薦 😄🎉

  好耐冇見一位長者朋友，因為想食得清D，佢就介紹我地來了呢間在尖沙咀的樓上素食餐廳。呢到交通都好方便，地鐵站出一直行5分鐘內就到，非常好的位置。  餐廳環境雅潔，而且員工有禮，坐下就見有SET LUNCH 價錢都好合理，而且好多選擇，估唔到依家食素可以有咁多花款。餐湯我們各叫了一個，呢個椰香南瓜甘旬濃湯，真係足料炮製，好濃又甜，冇肉既素湯原來都可以好好味，淡淡的椰子味更是一亮點。椰子花生南北杏雪耳湯同樣非常足料，長輩表示好好飲。而且之後冇口干，証明冇味精~!!!!!主菜我點的點心拼盤配蓄茄讚岐湯烏冬，烏冬彈牙而且蓄茄湯令人驚喜，好好味的湯底，濃濃的蕃茄味，是夏天好開胃的美食呢點心拼盤有四件素點心，剛好可以大家SHARE，春卷脆卜卜但不油膩，叉燒包更加比平時食既更好食呢，燒賣同餃都是素的，朋友都話好食，唔會太咸，而且皮薄多料!素叉燒包的口感像真度200分，如果唔講真係唔知食素食呢~!!!令人驚訝~!好犀利鮮茄芝士南瓜菠菜紫菜豆卷焗飯，好香芝士味，而且份量剛剛好，素菜好多，十分健康又美味的菜式。另外加$20有甜品，來到一定要試下，加$38的腰果露湯丸是一流食物~!!!!湯丸的皮及內容都好

最近吃得太多，今天晚上想吃得健康、清淡一點，決定食這間在尖沙咀樓上舖的素食餐廳 - 雅·悠蔬食。在open rice看到，好評也頗多。晚餐套餐來就，以素食價錢也合理，款式和份量也很多。我和朋友各選了一個晚餐套餐，有前菜、手卷、湯、主食、甜品。都是2百多元。以素食晚餐來就，是不錯的選擇。因為想嘗試多一點不同款式，前菜、手卷、湯品都選了不同的款式。手卷來就，這個餐廳用苜蓿豆芽化替飯團，口感一流，卡路里攝取能夠降低。味道亦也錯，值得一試。兩款湯品，自己比較喜歡蘆筍西蘭花忌廉湯，味道清香。中湯味道一般。而主食選了黑松露秋葵燴扁意粉配蘆筍和牛肝菌松子菠菜忌廉意大利飯伴吉列蒟蒻。兩個主食無論是份量，或是味道都超過了預期，材料也很足。自己比較喜歡黑松露秋葵燴扁意粉。而甜品方面就一般，沒有太大期望，不竟這個是素食店。總括而言，性價比高，值得一試。

我都話過我自己好鍾意食素，所以又到一期一會嘅時候了，我真係好鍾意食呢間嘅素食，佢俾我嘅感覺係同其他餐廳好唔同，呢度嘅味道係好新穎同保持到水準，值得一讚啊👍🏻😁今次食嘅嘢係之前都未食過嘅，好似換咗新餐牌（我指加咗啲新嘢落去），都係必定要叫嘅抵食套餐同加多咗啲少食。呢次食一份嘅獅子頭餐，喔！比想像更好味，真係整得好真實，完全無話唔似嘅感覺，連口感都整得好好🤤🤤仲加咗個千層蛋糕食添呀😊😊好味！少食就食番個生菜包同一味素咕嚕肉，個生菜包同之前食唔同咗，變咗辣少少同多咗啲嘅沙角配合埋啲生菜咁包嚟食就會更加之爽😁😁🤤而鍋咕嚕肉真係幾特別喎！質感同味道竟然可以用猴頭菇整得咁似層層！真係要俾個讚你呀！！👍🏻👍🏻🤤🤤🤤🤤

悠蔬食係我一間好鍾意嘅素菜餐廳，除咗呢度嘅食物好味之外，餐廳佈置都非常漂亮，別樹一格。 紫色嘅背景 加上，柔和嘅餐廳佈置，令人賞心悅目，好似置身喺一個公主嘅家嘅一樣， 非常有少女心， 食嘢都食得開心啲。 食物質素亦同樣高水平。先嚟前菜有麻醬沙薑豆絲粉皮， 紅菜頭蘋果香橙半合桃以及薯仔松子冰菜沙律， 各具特色，味道亦不俗。最喜歡紅菜頭嗰個，夠曬清新開胃。 香芒牛油果苜蓿芽手卷係最多人揀既手卷。 除咗芒果同牛油果新鮮之外最值得一讚嘅係佢塊紫菜 真係非常新鮮，咬落卜卜脆。 湯品叫咗中式湯茶樹菇竹笙黃耳百合燉湯。 劏料充足， 味道夠晒香濃，飲得出無加味精煲左好多個鐘。真係好味，值得我一讚再讚。 主菜叫咗呢個牛肝菌忌廉燴扁意粉伴香脆腐皮卷。 又係必吃之選。牛肝菌味非常之香濃，意粉軟硬適中， 每條都滲入咗牛肝菌嘅味道。 腐皮卷夠曬香脆新鮮。 個餐之外我哋叫咗呢個紅咖哩野菜猴頭菇配印度薄餅 及珍珠糙米飯。 薄餅好食，同正宗印度整出嚟嘅薄餅一樣脆口而不油膩。 咖哩配猴頭菇好有特色，有啲似食肉類咁樣，咖哩唔算好辣， 適合任何人食。 最後叫埋紫薯乳酪蛋糕， 雖然較為細件，但味道不俗。賣相亦精美。最後值得一

素菜近年越來越盛行，除了傳統的素菜外，更多是新派素菜，並加入fusion的元素，精緻美味又健康。今次來晚飯的素食餐廳，便是走fusion路線，完全突破了傳統素食的風格，讓素材推向潮流和年輕化的層面。這次我倆點了一個晚市套餐和一些散點項目。晚市套餐共有五個course，包括前菜、手卷、湯品、主菜和甜品，還包含一杯飲品，套餐價錢大約$250一位。前菜前菜共有三款，包括麻醬沙薑豆絲粉皮、紅菜頭蘋果香橙伴合桃和華都夫薯仔松子冰菜沙律。三款前菜的味道都很清新，用來作前菜非常開胃。當中我最喜愛的是華都夫薯仔松子冰菜沙律，冰菜鮮甜又爽口，夏天食用感覺特別佳。蘆筍素香鬆苜蓿芽手卷手卷並不含飯，只用素肉鬆、蘆筍和苜蓿芽作材料，感覺較輕盈。茶樹菇竹笙黃耳百合燉湯湯品中的黃耳和樹膠提供滿滿豐富的膠質，非常養顏。湯品雖不含肉類，但味道卻被含肉的燉湯來得更鮮味香濃。牛肝菌忌廉燴扁意粉拼香脆腐皮卷牛肝菌忌廉醬汁的味道非常非常香濃，而且質感幼滑，成為了整個主菜的靈魂。腐皮卷外脆內軟，向來是我最喜歡的一種食物。套餐以外，我們還散點了兩款食物，均為泰式。素馬拉盞炒通菜通菜炒得非常有鑊氣，素馬拉盞被爆得超香。通菜味道為中