影片
更多
2019-10-13
39 瀏覽
前排聽同事講雅悠蔬食既素食晚餐好食又豐富，一於帶埋老公黎呢度撐檯腳先。我地見dinner set入面有個價錢包曬前菜，手卷，湯，主菜，甜品同野飲，於是決定叫兩個dinner set 試試。前菜方面，有醬燒百靈菇山藥伴日本黑豆，奇亞籽紫薯蘋果薯仔伴莓粒，同埋泰式香茅金柚鮮果沙律。其中我覺得百靈菇食落質感好特別，加埋黑豆甜甜地山藥又有咬口，好正。手卷方面我地都揀左蘆筍素香鬆苜蓿芽手卷，個侍應仲好細心同我地講要儘快食，如果唔係紫菜就無咁脆口架喇。湯水方面，我同老公一人揀一樣，我就牛肝菌桃膠忌廉濃湯，而佢就揀猴頭菇竹笙黃耳無花果百合燉湯。我個款濃湯菇味香濃，加埋桃膠點綴，好好飲。而個中式燉湯一飲就覺得佢好滋潤補身仲好清甜填。主菜方面，我地叫左羊肚菌黃耳蘿蔔炆素腩煲配珍珠糙米飯，同埋黑松露椰菜花野菌義大利飯伴香烤茄子。個素腩煲食落好有獲氣，有茶記腩煲水準。而義大利飯方面個黑松露香味好突出，又唔覺得好heavy。食下食下好快就食曬。食完主菜當然要食埋甜品啦。我地叫左個古法黑芝麻糕同埋Oreo曲奇乳酪蛋糕。黑芝麻糕既黑芝麻味真係我既至愛，大家不妨一試最後我地叫左杯檸檬蜂蜜薑茶同藍蝶花雪梨汁。藍蝶花既
前排聽同事講雅悠蔬食既素食晚餐好食又豐富，一於帶埋老公黎呢度撐檯腳先。
我地見dinner set入面有個價錢包曬前菜，手卷，湯，主菜，甜品同野飲，於是決定叫兩個dinner set 試試。
前菜方面，有醬燒百靈菇山藥伴日本黑豆，奇亞籽紫薯蘋果薯仔伴莓粒，同埋泰式香茅金柚鮮果沙律。
其中我覺得百靈菇食落質感好特別，加埋黑豆甜甜地山藥又有咬口，好正。
手卷方面我地都揀左蘆筍素香鬆苜蓿芽手卷，個侍應仲好細心同我地講要儘快食，如果唔係紫菜就無咁脆口架喇。
湯水方面，我同老公一人揀一樣，我就牛肝菌桃膠忌廉濃湯，而佢就揀猴頭菇竹笙黃耳無花果百合燉湯。
我個款濃湯菇味香濃，加埋桃膠點綴，好好飲。
而個中式燉湯一飲就覺得佢好滋潤補身仲好清甜填。
主菜方面，我地叫左羊肚菌黃耳蘿蔔炆素腩煲配珍珠糙米飯，同埋黑松露椰菜花野菌義大利飯伴香烤茄子。
個素腩煲食落好有獲氣，有茶記腩煲水準。
而義大利飯方面個黑松露香味好突出，又唔覺得好heavy。食下食下好快就食曬。
食完主菜當然要食埋甜品啦。我地叫左個古法黑芝麻糕同埋Oreo曲奇乳酪蛋糕。黑芝麻糕既黑芝麻味真係我既至愛，大家不妨一試
最後我地叫左杯檸檬蜂蜜薑茶同藍蝶花雪梨汁。藍蝶花既藍真係好靚，未飲已經好賞心悅目。
張貼
