253
28
21
港鐵荃灣站 B1 出口, 步行約8分鐘 繼續閱讀
電話號碼
23411388
開飯介紹
以大型油畫佈置餐廳,帶點舊港式西餐風。生蠔新鮮抵食,是前菜必點的選擇。斧頭扒、肉眼扒等份量十足、肉味濃,還有坊間少見的功夫啤酒。 繼續閱讀
營業時間
今日營業
07:00 - 22:30
星期一至日
07:00 - 22:30
付款方式
Visa Master AlipayHK 支付寶 現金 八達通 AE 銀聯
其他資料
網上訂座
賞訂座積分
當面支付
有關獎賞計劃
食評 (327)
等級4 2019-07-31
1203 瀏覽
荃灣向來是新界區的美食好地方,地方大,餐廳的價錢也算公道。這天剛巧和朋友到荃灣逛街,事先卻沒有訂哪間餐廳,走著走著,竟然發現有間叫「Artco • 33」的食店,先,在門口看見一些食物的價錢都算正常,於是便去試一試了。裡面的環境都算舒適,地方寬敞,空間感足夠。食物種類繁多,拍不了那麼多的餐牌照片,只拍了晚餐、小食。另外最注目的莫過於海鮮拼盤,只需要$198,就能享用波士頓龍蝦、生蠔、帶子刺身、皇冠螺、甜蝦,不過在6點後才供應。晚餐包括餐湯、蒜蓉包、主菜,飲品只包括熱飲,凍飲或特飲等則需要加錢。先來了蒜蓉包,蒜蓉包的蒜蓉雖然不多,蒜蓉卻很香,麵包脆脆的。很少西餐廳會有「黑牛」了,黑牛是港式的傳統飲品,朱古力雪糕加可樂,朱古力雪糕份量不算很多,卻不知從哪個年代開始,成為了和可樂不錯的配搭。朋友則點了杯「白雪公主」,又一港式的傳統飲品,即是雲呢拿雪糕加雪碧,雲呢拿雪糕像泡沫般在杯子上,形狀可愛。以白色為主,和以黑色為主的黑牛互相輝映。作為薯控的我,當然不忘點一份芝士煙肉焗薯皮,上面是滿滿的芝士,超正的,毫不吝嗇,然後夾在芝士中間的是大量的煙肉,很是滿足薯皮不會很乾,也不會給人太膩的感覺,弄得非常好肉眼扒在這裡竟然只需要$138,不試真的對不起自己了😳店員問我們要多少成熟,我們要點6成的,一切開肉眼便是不太熟的牛肉,所以有一定的軟稔度,肉汁豐富。醬汁方面,可選蒜蓉汁、燒汁或黑椒汁,這是一般港式西餐廳提供的醬汁選擇,我個人則偏好蒜蓉汁或燒汁。蟹蓋蟹肉野菌忌廉意粉,有一整個蟹蓋,上面是滿滿的芝士,芝味十足,蟹肉的份量也足夠的,個人認為可以再多一點。忌廉意粉的忌廉creamy,意粉帶點煙韌的口感。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-12
735 瀏覽
最近同朋友喺荃灣試咗一間性價比好高嘅西餐廳🍽,食品味道唔錯之外,份量仲要係giant size!😮 我哋2個人叫咗2個set dinner share一齊食,兩個餐都食唔晒,可想而知係幾咁足料!😱·套餐選擇都算幾多📋,而且好豐富,包咗沙律、餐湯配蒜蓉包、主菜、餐飲。·落完order之後,職員好快💨就送上沙律、餐湯、餐包同餐飲。·🔸 頭盤沙律🥗雖然我一向唔特別喜歡食雜菜沙律,不過加咗麻醬嘅沙律係另計!☺️·🔸 餐湯及蒜蓉包餐湯🥣有忌廉湯同雜菜湯揀,我哋想試哂兩個口味,所以揀咗唔同款,兩款都幾好飲,忌廉湯夠creamy、雜菜湯夠香濃。而蒜蓉包🍞就好香脆,好正!👍🏻·🔸 餐飲(套餐包括)熱檸茶、熱檸水🍋🥤·🔸 德國咸豬手配蜜糖芥茉醬($208)如果menu上有德國咸豬手的話,我多數都會order,今次都唔例外。咸豬手可以配薯菜、飯或意粉,我揀咗薯菜。🍟 由於豬手係即叫即整,所以要耐心等待一下。上枱嘅時候「嘩」咗一聲,豬手好!大!隻!有2大舊,皮脆肉嫩,好正!🤩 ·🔸 美國T骨牛扒($238)朋友就叫咗牛扒🥩,7成熟,配薯菜、黑椒汁,塊扒好大塊,差不多佔咗半隻碟,好多肉汁,好味!😋·餐廳算坐得幾舒服,野食夠哂大份,一定夠飽!😆 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-06
1216 瀏覽
今晚去荃灣探完朋友之後,順便問吓佢附近有乜好食嘅餐廳介紹吓佢就介紹呢間,我就請佢同我一齊入去食返餐入到去見地方都幾寬敞舒適坐低睇餐牌d食物款式都幾吸引我哋叫左個晚餐和廚師推介來享用,而且還有我至愛生蠔叫,如果叫套餐還可以用優惠價$10叫一隻特價生蠔,每日唔同款,每一個餐最多叫一打。香煎澳洲牛肉眼扒:選左6成熟剛剛好,入囗好嫩滑,好香牛味唔使點醬已好好味,沙律配菜好爽。雲酥羊架:薯菜好脆,羊架都係選左6成熟,咬落好腍嫩滑可囗,跟餐蒜蓉包香脆惹味,凍咖啡,入口濃香咖啡味我哋每人叫左一打生蠔,今日係法國林寶生蠔,需然蠔身唔係好飽滿,尺寸大細都適中,但入囗蠔味濃帶子位鮮甜,有強烈的回甘,鹹鹹海水味帶d金屬味,以呢個價錢算係今次朋友真係冇介紹錯 繼續閱讀
(以上食評乃用戶個人意見 , 並不代表OpenRice之觀點。)
之前一直想見識吓斧頭扒上枱嘅震撼,對我嚟講價錢都唔平,終於搵到一間價錢勁親民嘅西餐廳喇,每位只需要$298+1,就可以喺兩小時内任食斧頭扒+德國豬手及5款小食,而餐飲一律半價。為免浪費,餐廳要求食客食完一份先可以Order第二份。整體感覺唔錯,上菜速度正常,無因為任食而拖時間,餐廳亦唔會多人嘈雜,職員亦好有禮貌,最重要係食物味道好。提提斧頭扒放題需早一日預訂,最少要兩位享用。我哋大概七點到,餐廳安排一個Coner位比我哋。唔食放題,晚餐都有好多選擇,而斧頭扒亦可以就咁叫一份。每位會有一份餐湯同一塊蒜茸包,餐湯有紅湯或白湯選擇。斧頭扒製作需時,等候其間可以叫啲小食,脆炸春捲,胡麻雞絲沙律,芝士西蘭花,脆炸魷魚圈,香辣雞槌,呢5款小食都係任食。脆炸魷魚圈,我哋兩個人每人兩件份量啱啱好,又脆又熱,唔會係咬極都咬唔斷嗰種。芝士西蘭花,呢個好好味,靈魂在放西蘭花下嘅芝士薯容,又香又滑,嗰種飽肚感真係好滿足,啱好似我呢種唔怕漏嘅人。無上限$10生蠔,兩款質素都好唔錯,好抵食。主角出場,五成熟嘅36安士斧頭扒+鹹豬手出場。扒嘅厚度大細2cm厚,色澤嫩紅,充滿肉汁,好juicy。豬手嘅皮亦唔韌,少少嘅脆口,一啲都唔乾,好味。我哋叫咗兩份後再叫第三份,喺職員提意下斧頭扒轉做16安士,而豬手份量就一樣。同之前一樣係order五成熟,但賣相同口感都係七成熟,而且扒只有36安士嘅一半,口感比較鞋。 繼續閱讀
(以上食評乃用戶個人意見 , 並不代表OpenRice之觀點。)
趁星期一出去開會可以提早放工,上星期已經book定餐廳約定女朋友食飯🍽我地約埋喺荃灣港鐵站B1出口等,行過去10分鐘唔使就到。特登book呢間餐廳主要係因為最近見到有朋友過嚟食,話有斧頭扒+豬手任食,仲可以無限追加$10隻生蠔!放題$298/位,除咗斧頭扒,豬手,仲可無限追加五款小食 : 脆炸春卷,胡麻雞絲沙律,芝士西蘭花,脆炸魷魚圈,香辣雞鎚,更附送蒜蓉包同餐湯。📣放題限時兩小時,記得提早至少一日訂座🚩七點左右入座率已達七成,睇嚟唔少區內人都走嚟開餐。除咗放題,呢到都有晚市套餐提供,仲有各款小食,特飲,手工啤酒,甜品等。一坐低,店員好快手set好位同提供menu,仲提醒我地個斧頭扒大約要等15分鐘,揀好幾成熟同要咩汁(蒜蓉/黑椒/燒汁),盡早落單爭取時間快啲上菜。斧頭扒大約15分鐘左右上枱,果然大大份好霸氣!火喉掌握得好,外皮略帶焦香,肉質柔軟易切,顏色粉嫩,入口油脂甘香豐富,非常juicy,帶骨嘅斧頭扒牛味特別濃郁,鮮味🤤豬手烤焗至外皮香脆,肉質保持粉嫩幼滑👍🏻咸度適中,口感比出面食到嘅更為鬆化🤤芥末蜜糖醬,香甜不辣,好開胃。伴碟嘅薯條外脆內軟👍🏻蒜蓉包亦係誠意之作,蒜味香濃,外皮烘得香脆👍🏻忌廉湯夠熱,配蒜蓉包啱哂!我地仲叫咗一人一杯黑牛👏🏻五款小食都做得有水準,不過我地都係最鐘意食熱辣辣嘅芝士西蘭花,焗芝士仲可以做出拉絲效果,非常滋味。🍽呢日我地努力食放題食物冇追加到生蠔🙈見到隔離枱嘅生蠔新鮮大隻,仲追加咗幾轉,我地打算下次再嚟試下😋 繼續閱讀
(以上食評乃用戶個人意見 , 並不代表OpenRice之觀點。)