115
16
12
港鐵荃灣站 B1 出口, 步行約8分鐘 繼續閱讀
電話號碼
23411388
營業時間
今日營業
07:00-22:30
星期一至日
07:00-22:30
付款方式
Visa Master 現金 銀聯 八達通
其他資料
網上訂座
賞訂座積分
當面支付
有關獎賞計劃
食評 (154)
街坊價美味西餐 焦點食評
等級4 2018-01-18
106 瀏覽
之前ig 見到呢度巨形斧頭扒已經覺得好正咁,bookmark 左一排今次同fd 係tw睇完戲行過黎試下.晚餐menu 選擇好多, set 由最平$78就有,貴當然亦可選擇呢度signature 美國斧頭扒$288 或者新出澳洲M5和牛扒. 黎到當然試下bookmark 已久斧頭扒啦. 加$30可以轉set 有餐湯飲品. 同fd 各order 一個忌廉湯一個雜菜湯. 睇落稀稀地,但估唔到味道都okay wor,前者有d 似平時屋企飲金寶忌廉湯🤣後者酸中帶點微辣, 似羅宋湯黑毛豬柳肉南瓜意大利飯$108百幾有個dinner set 真係唔貴,而且味道有驚喜. 豬柳切成片混入左係risotto 中,肉質剛好唔會煮得過老. 南瓜香味唔算好強,而係淡淡. sauce 帶點南瓜甜度,risotto creamy,係少有香而不膩risotto 可能為左迎合部分人喜好,risotto 硬度同平時米飯無分別,個人覺得如果可以硬d 就更好signature 美國斧頭扒$288 真係好巨型,有成16orz . order 左medium well, 但好似熟左d. 抵贊係真係牛肉味濃郁,帶牛脂香,肉質軟腍而且仲有肉汁幾juicy. 幾好食,不愧係呢度招牌菜overall 味道有水準而價錢只係街坊價,上菜快service 都唔錯. 再去tw 都可以encore 繼續閱讀
(以上食評乃用戶個人意見 , 並不代表OpenRice之觀點。)
平民西餐 焦點食評
等級4 2017-11-24
281 瀏覽
兩口子吃晚餐,不想吃得太奢侈,但又想吃好一點,平民價的扒餐會是不錯的選擇普通晚餐和廚師推介晚餐,價格到位,二人決定每個類別各點一個套餐一站式包括餐湯+蒜蓉包、沙律、餐飲香煎澳洲牛肉眼扒 (配意粉)$128-HKD 點了八成熟的牛扒,煎煮時間剛好鎖住肉汁,而且牛肉口感鬆軟西班牙Iberico級黑毛豬 $238-HKD原以為黑毛豬是「扒」上,可能部位不同,看到間格的脂肪和肉的層次,配合菠蘿、薯仔配菜,賣相新鮮除了扒類食物,即開生蠔也是食店的重點推介晚餐少不了甜點,跟餐加錢追加了朱古力心太軟配云呢拿雪糕心太軟伴雪糕$38-HKD,朱古力味濃但不會太甜,配合雪糕一冷一熱的口感,令整頓晚餐完美作結 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-19
1236 瀏覽
收工約左朋左行荃灣波鞋開倉,諗住執下平貨點知睇啱嘅款式無碼,只能夠空手而回。可惜。但返出去搭車時竟然見到呢度做緊優惠,$10蚊就有一隻生蠔。諗都唔諗就拉左朋友入去。掃唔到鞋,掃返隻蠔都好。就算餐廳位於大街旁,但對比近年上升嘅荃灣物價,晚餐價錢都係十分相宜。單食生蠔好似有啲齋,所以就同朋友各點左個SET。前菜餐湯都可以,蒜茸包夠脆口而兩款湯都夠味,唔太咸。前菜之後,店員就送上生蠔了。因為朋友唔太好生蠔,所以得自己一個就點四隻淺嚐一下。愛爾蘭生蠔。入口偏咸鮮同脆口,海水味同甘甜味都不重,屬淡口款式。朋友攞左隻食都話接受到幾啱女仔口味。同埋唔會有太長蠔味留係口腔入面。法國水中花N2。蠔如其名,似係海中綻放嘅鮮花般清幽。入口口感清爽,蠔嘅咸味先出而甜味會再慢慢滲出。整體味道平衡,餘韻會LAST得更耐。寶瑞N1。作為2017年法國農業部嘅金獎生蠔,味道真係幾得。海水味濃郁但更奶滑鮮甜。略帶金屬味嘅蠔肉,肉感飽滿更令人回味同喜愛。三款都唔使點檸檬汁/Cocktail汁就好夠味了。配上白酒或者Sparkling wine就仲正。食完咁正嘅生蠔,就到兩款主菜。肉眼扒五成熟啱啱好。入口夠腍同埋無咩肉筋,但個黑椒汁可能啱啱食完生蠔,味道略嫌不足。薯條沾上生蠔嘅Cocktail汁,唔會浪費之餘又好食。墨魚汁意粉味道都幾濃郁,意粉質感係啱啱熟嘅硬度,加上忌廉汁夠杰身可以掛晒係意粉上面。蝦肉都夠爽口彈牙,而且當中加左幾多芝士碎,所以除左有忌廉本身嘅奶香味之餘又會散發出芝士嗰種風乾牛奶味。食完咁正嘅生蠔同主菜後,同朋友點左個芝士蛋糕(跟餐可減$10)配咖啡慢慢傾。芝士蛋糕無咩花巧,質感偏結實同埋唔會好甜,啱晒我地一邊傾偈一邊食。整餐單係生蠔已經值回票價,加上位置同定價係荃灣黎講真係幾唔錯。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-11-14
999 瀏覽
近年在荃灣的活動範圍都集中在荃灣西在一帶, 很久沒有來沙咀道這邊逛了, 其實這邊有不少家常親民的特色餐廳, 雖不屬人氣店子, 但相對親切, 亦免卻排隊和限時之苦. 今次相約友人一行5人來到位於寶石大廈的Artco33. ​地點在舊區之中, 門外是一眾巴士站, 大街人群熙來攘往也很容易看漏眼, 推門而入卻又立即跟繁華街道隔絕一般, 餐廳雖沒有什麼特色裝潢, 卻因為方正和樓底高, 空間感頗濶落, 店員親切有禮, 雖說不上什麼高級扒房派場, 倒適合想安安靜靜, 簡簡單單隨意談天說地的一個聚餐. 晚餐價錢相當公道, 選擇亦多, 其他單點的飯/意粉價錢也合理. 另有不少小食選擇, 反而廚師推介的扒類價錢相對稍高一點. ​ ​​ ​點了兩個扒餐, 均附上餐湯, 沙律和蒜蓉包.餐湯是火腿粟米忌廉湯, 比較稀, 但味道頗香濃. 沙律菜配黑醋, 味道開胃爽鮮, 蒜蓉包也香脆.​主菜點了招牌的美國頂級肉眼斧頭扒($288), 加$30可跟餐, 加$50改轉為二人餐. 因為有5個人, 所以索性加$50轉二人餐, 多一份餐湯, 沙律, 意粉和飲品.​斧頭扒真的好像一把斧頭般, 十分巨型, 也頗厚身, 另伴碟有一些沙律菜, 烤脆肉瓜及茄汁意粉.斧頭扒要了5成熟, 容易切開, 色澤粉嫩, 在餘熱下吃時約有6-7成熟, 這個熟度剛好, 不太生也不會過熟, 扒身有約1吋厚, 十分有分量. 肉味頗濃, 肉質甚有嚼勁卻不鞋不韌, 雖不至於十分頂級, 但以肉質和食味來說, 品質也不錯, 一塊絕對夠幾個人分享, 能滿足牛魔王.​另一個扒餐點了西班牙I Berico黑毛豬鞍伴烤菠蘿 ($238) 黑毛豬不用全熟也可以食用, 所以只要了7成熟, 能保持最佳口感和味道. 相對斧頭扒, 黑毛豬鞍餐賣相更豐富, 原塊豬鞍以外, 還有完整兩片菠蘿, 伴菜有沙律菜, 焗薯, 脆肉瓜, 茄子等.​沒有全熟的黑毛豬鞍烤外層得有點焦, 但內裡仍是粉紅色的, 熟度剛好, 切開時已能感到彈性, 入口稔滑和爽脆, 獨特的油脂香氣滲出, 讓人有一吃再吃的衝動. 附上的醬汁不會過鹹, 蘸少許可提升肉味.而另一主角菠蘿片香甜濕潤, 微烤至焦黃, 菠蘿的甜香完美溢出, 吃過肉後再吃口清甜菠蘿, 很能解膩中和鹹味, 是無懈可擊的絕配, 十分欣賞廚師在食材上的配搭和運用.​小食選擇也十分多, 選了最愛的魷魚圈薯條 ($58)魷魚圈約有4塊, 另配上厚薯條, 份量公道.這個魷魚圈特別之處在於並非以原片魷魚沾上炸粉, 而是把魷魚切碎, 混合粉糰和調味料, 再包上脆漿炸成, 口感更為彈牙, 能吃到粒粒魷魚之餘, 魷魚香也很鮮明, 結實香脆, 相當新穎的做法. 薯條也香脆, 內裡粉糯, 不過硬也不會太熱氣. 十分香口惹味.​煙三文魚菠菜意大利飯 ($108) 想像中是青BB的菠菜Risotto, 而實物是頗有美感的白汁忌廉意大利飯, 加上綠色菠菜碎, 菇菌茸, 煙三文捲成玫瑰花型放在中央, 飯粒外軟, 內保留米心, 混合吃味道很濃郁, Creamy, 都幾飽肚和口感十足.​主菜肉氣十足, 若不是女兒嚷着要吃雪糕, 應該吃不下甜品. 這裡供應的幾款甜品如焦糖燉蛋伴雪糕, Tiramisu, New York Cheese Cake都是傳統大路款式. 最後選了心太軟伴雪糕($38) ​心太軟跟梳乎里一樣, 不能等太久, 要即焗好即吃才能保持最好的口感. 草草拍照後即切開, 心太軟內的朱古力漿熱呼呼緩緩流出, 是合格的心太軟. 朱古力味相當香濃又不過甜, 應用上濃度高的朱古力所做, 蛋糕外層鬆脆, 伴上暖暖朱古力流心和雲尼拿雪糕, 又是不能挑剔的組合, classic而有水準, 女兒吃得滿足快樂.​餐後飲飽食醉的感覺強烈, 走出餐廳一陣清風吹來, 清醒一點, 很滿足的一餐, 散步到西鐵站回家去. 沒想過在荃灣舊區也有如此具水準扒房西餐廳, 雖沒有很高貴的氣派, 卻是服務親切到位, 員工都醒醒目目也會按客人需要提出建議, 沒有任何甩漏. 環境寧靜愜意, 比起貴價餐廳更令人感到舒適隨意. 埋單800元左右, 每人也不用200元, 很超值抵食. 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-12
1436 瀏覽
荃灣既餐廳真係唔少,不過當要揀既時候就好似無咩邊間想食。睇戲前要先去醫肚,見到係寶石大廈附近既Artco33好似唔錯。望落食一般西餐,見到OR有人分享過扒同焗飯都唔錯就去試下。六點去到人流唔多,七點接近爆滿。餐牌上有小食、扒、焗飯和意粉,仲有廚師推介同晚餐Set,價錢可以接受。我地兩個總共叫左一份小食、焗飯和一個廚師推介套餐。(另加一收費)套餐中既羅宋湯同蒜蓉包,羅宋湯好夠味有微辣,幾好飲。煙肉洋蔥芝士焗大蘑菇 $58大蘑菇裡面釀左洋蔥同煙肉,面頭加左塊芝士拎去焗。大菇一切落去已見到好多汁,配埋芝士煙肉洋蔥無得輸既組合,簡單又好食。忌廉魚柳焗飯 $78小妹妹鍾意呢個焗飯,見到面頭焗到金黃色既芝士嗎?用匙羮畢起仲拉到絲添,而且忌廉汁份量適中剛好覆蓋成個飯,每一啖都有忌廉汁同芝士味,仲有滑滑魚肉既魚柳,好食。烤西班牙黑毛豬鞍伴烤菠蘿跟薯菜 $228不得不讚份黑毛豬鞍煎得幾好,食落唔落乾爭爭,富肉汁之餘都食到肉香,唔使蘸汁食都可以。另外仲跟左兩片清甜既菠蘿同一碟熱辣辣既粗薯條,食完都夠飽,不過份薯條無咩味就真。友人的飲品紅豆冰,佢話好重椰汁味。 繼續閱讀
(以上食評乃用戶個人意見 , 並不代表OpenRice之觀點。)