185
22
20
港鐵荃灣站 B1 出口, 步行約8分鐘 繼續閱讀
電話號碼
23411388
營業時間
今日營業
07:00 - 22:30
星期一至日
07:00 - 22:30
付款方式
Visa Master 現金 銀聯 八達通 支付寶
其他資料
網上訂座
賞訂座積分
當面支付
有關獎賞計劃
食評 (249)
門面係普通既西餐廳,估唔到入面都幾靚,掛左一幅好大既畫😁係餐廳門口見到招牌寫$10隻蠔,咁就吸引左我地入黎啦😂🐚一打生蠔 ($120)第一時間即刻決定叫一打生蠔😎我同男朋友每人6隻,啱啱好夠分唔洗爭。生蠔新鮮有海水味,不過有少少蠔殼碎,雖然係咁,質素都算唔錯🥘白湯 加 蒜蓉包 Dinner set既湯同麵包。有紅湯同白湯可以選擇,我地同樣揀左白湯。忌廉湯唔算太濃,配料有火腿碎同粟米,頗有港式西餐既味道。蒜蓉包幾香,最重要既係脆身👍不過有點太細塊,俾我一啖就食左luu😂🍅意式蕃茄乾雞肉意粉 ($78)好少食蕃茄乾製成既意粉,蕃茄味足夠而且汁唔會太少。我好驚d意粉唔夠汁,食到最尾乾爭爭既感覺😂意粉質地可以,口感有少少韌,唔會全lum。🍝帆立貝忌廉墨魚汁意粉 ($98)又係食完個嘴會黑曬既墨魚汁意粉😂🍺功夫啤酒 ($29)專登叫杯啤酒配生蠔飲😎平時少飲啤酒😂飲落覺得餘韻同一般啤酒不同,而且麥味比較濃郁亦有草本香氣。睇menu介紹係用煙燻方法把茶葉注入啤酒中👍🍰芝士蛋糕 ($28)美式芝士蛋糕肥膩感不太重👍有d餐廳會加檸檬汁或者酸忌廉,呢度兩樣都冇加,不過味道都不錯,碟上有少少朱古力醬可以沾黎食🍫 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-22
324 瀏覽
有陣時唔需要專登搵地方嘅,行到邊就應該食到邊,肚餓喇,咪停落嚟望望四周圍有咩可以探究,今次嚟到荃灣,見到呢間叫<雅高。33>係食西餐嘅,有理冇理,食咗先講。見到餐牌上面其中一個係我鍾意嘅risotto,(D6)牛肝菌大啡菇意大利飯($108蚊),dinner set有埋餐湯同蒜蓉包,例牌熱飲一杯。估唔到上餐速度超快,唔洗五分鐘就已經有得食,賣相同一般嘅意大利飯冇乜分別,由於醬汁都係比較似白汁所以顏色外型都唔會好討好但係食落味道又唔錯啵,米飯粒粒分明好有咬口,有食緊珍珠米嘅感覺,用牛肝菌做嘅汁唔會太稀水了了咁,比較稠身份量足夠包裹住每一粒米飯,所以啖啖都美味可口,切粒嘅大啡菇亦都爽脆好食,水份充足,令人滿意成個食哂都不為過唔覺太膩。阿肥就叫咗喺廚師推介餐牌裡面嘅G set:美國安格斯CAB級牛肉眼扒($238蚊),見到佢塊扒仲大過我塊面感覺驚訝...呢個價錢值回票價,仲可以配飯或意粉或薯菜添。聽阿肥講食牛扒應該要揀肉眼部位,因為會比較少筋,啖啖肉咁牛味濃郁,再加上脂肪分佈均勻,係佢嘅至愛呀以我所知要有CAB級係需要經過品質驗証,唔怪之得阿肥都覺得抵食夾大件啦~呢度除咗食物嘅味道唔錯之外,周圍嘅環境都幾雅致,員工服務一流,不時睇下客人用完餐未可以收拾,又定時斟下水咁,抵讚 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-21
259 瀏覽
同朋友行開荃灣,住荃灣既朋友介紹我地去食晚餐,話佢又抵食又好食!一於會一會佢!好快有位入座,我地有做功課,見到佢 $10/隻蠔!冇理由唔試下!朋友問左邊個產地,今日係愛爾蘭既!爽口鮮甜!叫半打試一試!呢個跟餐既,紅湯 🤣🤣 仲跟蒜蓉包!比我想像中大隻,個柱位好大粒呀!如果開蠔剪斷埋果粒柱就好喇!生蠔好鮮甜呀!都真係侍應姐姐講既野!唔錯!$10/隻都真係好抵食!黑松露醬炒什菇,呢個都好香濃!菇冇青草味 👍🏻煙三文魚沙律,個醋汁好開胃呀!份量都真係唔細 👍🏻斧頭扒出場,呢件扒可以轉餐,所以我地有湯有包食!件扒燒得好好呀!我地叫五成熟,平時呢類扒會 over cook!但呢道唔會,去到中間都真係5成 👍🏻 不過側邊好多肥...我班朋友切走哂 🤣🤣 食少少都覺得好香牛油味 😏 底層有薯條同蔬菜 👍🏻 附碟既汁都可以選,我地叫左黑椒汁 😋白酒煮青口,我以為份量又係細,點知黎到都有一打架!青口好甜 👍🏻我仲驚份量唔夠,叫多個餐,呢個係狂牛肉醬海鮮薄餅,勁多芝士,薄薄既餅底好脆!牛肉醬唔夠味!可能我地件扒濃味 🤣🤣 但料好足 👍🏻👍🏻 食完大家都抱住個肚走!果然係唔錯既選擇 😋 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-18
196 瀏覽
正當我哋行行吓街諗緊食咩嘅時候,見到門前$10隻生蠔嘅招牌,有晚餐set 選擇很多呢還有我至愛功夫啤功夫啤唔係周圍可以飲得到,在這裏可以飲到真的有點驚喜,甜甜地很香很香😍😍$10隻生蠔,一定不能夠放過!質素比我想像中好新鮮!叫咗4個set dinner 🥘 飽到上心口,事關份量大,每份餐都包飲品餐湯,多士,沙律,而且真係好好味,食下食下全部K.O.晒😅🤭雲酥羊架~有三大枝,伴薯菜,見到份量勁多,羊就是食他的so,我覺得夠so👍👍肉質腍滑,少少肥,這樣才好吃香煎澳洲肉眼扒,隻碟成半張枱咁大,肉眼扒也非常大塊厚度不算厚,反而口感提升咗!五成熟拿捏得剛剛好!牛味很重德國鹹豬手配蜜糖芥末汁~~店員介紹很細心會略略介紹煮法,是焗的,不會太熱氣,同樣地份量超級多,肉質也鮮嫩,筋同高的位置最好吃簡簡單單的意粉也不錯喎!意粉韌度剛剛好而且炒得很香,最喜歡乾蕃茄🤩 繼續閱讀
(以上食評乃用戶個人意見 , 並不代表OpenRice之觀點。)
等級4 2018-11-12
268 瀏覽
常常見肥媽在節目中煮嘢食,最近她煮了一個斧頭扒,非常吸引,搞到我好想食。今晚終於有機會見識一下咩叫做斧頭扒。餐廳位於荃灣寶石大廈,平時專做街坊生意,價錢好親民,經常推出優惠,例如係10蚊一隻大生蠔,所以經常高棚滿座。晚市套餐種類多,幾十蚊的有交易,想食豪啲亦有好多選擇,豐儉由人。今晚特登來是為了食鎮店之寶之一的斧頭扒,單點只是$288,絕對唔貴,轉二人餐只需$50。因為我記得肥媽在節目推介的急凍斧頭扒一塊都要賣$388啦,呢度平成截,仲唔使自己整喎。跟餐餐湯是雜菜湯,材料足,味道濃郁。蒜蓉包好脆口,而且搽咗好多蒜油,都幾好食。餐飲是熱咖啡,味道香濃。除咗食斧頭扒,我哋仲食咗個煙三文魚日式田園沙律。碟頭幾大,沙律菜新鮮;煙三文魚厚切,都幾肥美。主角出場,眼前一亮! 16安士的斧頭扒真係幾震撼,令我想起雷神奇俠的神斧,有點衝動拎起佢,莫彷一下雷神。要了6成熟,一切就已經感到肉質好鮮嫩。肉質又腍又滑,牛味豐富。因為佢係連骨一齊燒,所以味道更香。今餐呢個斧頭扒真好味! 繼續閱讀
(以上食評乃用戶個人意見 , 並不代表OpenRice之觀點。)