雅高·33

噚日(9-2-2024 Fri)年三十公司放半日,由於肚餓,返荃灣至諗食咩啦,記起好耐以前有幫趁過呢間,但𠲖 o家搵唔返嗰個食評,於是走嚟,我嚟到時都有人等位,咁我攞咗飛先,大約等咗10分鐘有位,俾我坐半卡位,喺等嘅時候我睇咗menu先,都有好多選擇,坐低後,我就要$56.00嘅B03 lunch set,伊雲士燴雞焗意粉,要熱奶茶,加$28.00要法式田螺焗薯蓉.熱奶茶先到,熱騰騰嘅,飲落,茶味唔太夠,口感係滑嘅.2.7分之後等多9分鐘, 伊雲士燴雞焗意粉到嚟,見到雞扒已切件,面上有芝士,熱騰騰,食落,又酸又鹹,我覺得鹹咗啲,唔知呢個係咪應該係咁,而佢都幾厚身同唔嚡;意粉係港式腍身嗰隻,冇問題,不過好似好碎,攪到我用叉卷嚟食時,都只係卷到好少,咁就食耐咗,而個器皿係好保溫,食到最後都仍然係熱.3分法式田螺焗薯蓉都喺1分鐘後到,有6隻田螺,焗到啱啱好,又滑又juicy;而滑薯蓉就食到蒜蓉味.3分…查看更多

星期日嚟到荃灣雅高33，食個late lunch！差不多下午三點先入座，當然就見到佢有好多唔同嘅下午茶餐選擇；但我和朋友都希望食番個豐富嘅午餐，所以我哋就選擇咗個羊扒午餐同埋一個原條嘅燒鰻魚飯！當然都加咗唔少嘅小食，如三文魚沙律、洋蔥大蘑菇和焗田螺蒜蓉；因為係午餐，所以有例湯送！例湯忌係忌廉黑松露湯！估唔到跟餐嘅竟然係新鮮嘅牛角包！雖然未係好脆但係都有驚喜，黑松露忌廉湯果然好香黑松露味，亦都算creamy飲落唔錯，跟住就係三文魚沙律，三文魚切得比較後厚身，沙律菜亦都好新鮮，值得一讚！焗田螺薯蓉上面鋪滿焗了香嘅芝士，田螺雖然細細粒，但係加埋芝士同埋薯蓉一齊食，味道都唔錯；至於洋蔥大黑菇，食落都好多汁，亦都值得一讚！跟住嚟嘅主菜原條燒鰻魚飯真係好大條足足有20cm長！亦都燒得唔錯，醬汁亦都到位不過不失，羊扒燒得好淋，再加上芥末醬都好醒胃，唔錯嘅選擇；最後嘅熱奶茶，雖然未係好香濃，但係起碼都冇苦澀味；凍檸茶就水準之中！總體來說都係一個唔錯嘅餐廳，亦都可以帶來驚喜，可以睇得出老闆係好用心咁樣去做每一個菜式。…查看更多

荃灣雖然人流多，但係勝在餐廳又多商店亦都多元化，週末假期過嚟行返轉感受吓新事物都幾好。 😍睇返啲評論對於一間西餐Mix茶餐廳都有幾好嘅評價，呢間雅高33睇嚟值得一試🤭喺呢一度可以食到港式食物，但主打嘅都係西式為主。😋而且叫套餐仲可以加埋小食，就算兩個人叫一個套餐，再加幾個小食都冇問題😗特式焗蠔— 🦪喺蠔上面，再加上煙肉洋蔥同埋芝士，🦪然之後焗完就變到出邊好有奶香嘅芝士美儀裏面嘅蠔依然保持係好水潤而且好嫩，汁水都零舍飽滿🦪炸吉列大蝦— 🍤呢一個相對就要等多些少時間，畢竟要新鮮即炸，🍤但係炸完之後確實係好新鮮，連蝦尾都係咁脆卜卜🍤法式田螺焗薯蓉—🐌咁多款小食，呢一款性價比算係最高，而且夠晒飽肚，經典嘅法式田螺，🐌每一隻都係大大粒又夠晒飽滿，裏面冇腥味，亦都冇沙非常乾淨，底部再襯托埋香草薯蓉，咁就係香噴噴嘅田螺薯蓉🐌香草烤西冷羊扒配法式芥未醬🥩— 至於主菜方面牛扒已經滿足唔到食肉獸，反而呢一度新推出西冷羊扒，🥩無論外表定係厚度都同西冷牛扒差唔多，但係切嘅時候相對輕鬆好多，🥩大約七成熟，裏面仲有少少粉嫩，食嘅時候都依然係好啖啖肉，🥩羊嘅味道香濃，但係唔羶，而且處理得香淰，認真一流🥩雅高·33 (荃灣)荃灣沙咀道328號寶石大廈地下21號舖…查看更多

這晚又要加班😭，下班後快要餓昏的人妻🐷，帶上了同事妹妹👧，在公司附近覓食😋。記得早前午飯後🤔，途經一家西餐廳🍴，剛好在做斧頭扒的推廣✨，馬上向那方向前進🚀。法式田螺焗薯蓉🔥：前菜小食在所難免😁，新鮮烤焗後被端上😌，吃的時候要小心被燙到呀😳。螺肉肉質爽嫩😊；薯蓉入口幼滑😋。蒜片辣椒欖油炒田園蔬菜🥘：再點了一件蔬菜🥗，畢竟也不能只有肉嘛🥩。蔬菜加入了蒜片及辣椒炒成🌶，入口清甜👍。美國頂級連骨肉眼斧頭扒(16安士)🐮：主角隆重登場🌟！大大片的斧頭扒🥩，配上了翠玉瓜及茄子等配料🥒，肉質細嫩😍，再點上了黑椒醬汁🖤，更是滋味😁。黑牛🥤：飯後再來一杯朱古力雪糕🍫及可樂的經典飲品🍹，一日完滿結束了💞。總結：價錢親民💵，加上正有多款優惠✨，難怪食客滿滿的😲。…查看更多

朋友話知道我鍾意食生蠔，又知道呢度好抵食又大隻又好食！$10一隻咋！😍😍😍😍所以就帶我嚟咗呢度食晚飯啦！我哋叫咗個斧頭扒餐，之後呢叫咗個法式田螺焗薯蓉同埋四隻生蠔！😋😋😋味道好唔錯呀！其實好抵食！呢個價錢食到呢個質素其實真係好好！依家出去是但食個飯都要一二百！今晚我哋食咗呢個生蠔！大隻！又食左斧頭扒仲有一個小食添！都係每人$200！正！斧頭扒餐$288法式田螺焗薯蓉（唔記得咗幾錢）生蠔（$10一隻）餐湯（其實覺得有啲少）…查看更多

今日同朋友喺荃灣行街，相信大家都知道荃灣真係好多餐廳，而且間間都有佢哋嘅特色今日同我好朋友行過呢間Artco33，見個名好特別，所以入嚟試吓一坐低睇下個餐牌，見到都幾多嘢食，而且嘢食都唔算好貴，加少少錢仲有嘢飲同埋甜品我同朋友都叫咗個餐，今餐有香噴噴嘅蒜蓉包、湯同埋沙律可以見到佢個羅宋湯入邊都幾多料架，而且個湯都好濃，唔會有味精嘅感覺餐飲我就叫咗一杯熱奶茶，大家見到都幾香濃，入口都算幾滑首先嚟嘅就係呢個小菜—田螺焗薯蓉，我同朋友都幾鍾意食田螺，呢度嘅田螺入口都有彈性，薯蓉都好香，成個小菜都算幾好味呢個特色焗蠔都算幾犀利，芝士味好強烈，但入口又唔會好肥膩，都算幾高質素再嚟就係主菜啦，牛肝菌野菌忌廉意大利飯嘅菌味真係幾濃郁，入口好香，鍾意食菌嘅朋友一定唔可以錯過嘩！英國德國鹹豬手真係冇得頂，可以見到佢肥瘦剛剛好，入口即溶嘅肥膏，加上好有口感嘅瘦肉，＄168呢個價錢食，真係抵到爛最後我哋揀咗個甜品—心太軟加雪糕，好多餐廳嘅心太軟基本上都唔會流心，等呢間餐廳又真係做得到流心喎，加埋雪糕一齊食真係極品總括嚟講呢間餐廳嘅性價比都算幾高，好啱一家大細嚟食…查看更多

昨天生日，就選了這家餐廳吃晚餐。星期四，明天還要上班，就選間近的，跟男友靜靜地過好了。事緣因為早前已經慶祝了一天XDD6點到達，餐廳內的客人不多，我們可以自由選擇位置，最後選了角落的二人卡位。 餐牌有數個，有晚餐 menu，亦有whole menu和廚師推介。看過所有的介紹後，我們點了3種食物，加配了套餐，最後滿足而回。 餐湯和餐包：餐廳當天沒有提供蔬菜湯，所以我們都是喝忌廉湯配蒜蓉包。忌廉湯內除了有玉米外，還有煙肉，很特別。 蒜蓉包上塗抹了不少蒜蓉，未食已經聞到香濃的蒜蓉味。要是蒜蓉包可以烘得更脆身就perferct了！特式焗蠔 $48 男友喜歡吃生蠔，但我不愛，所以就點了「特式焗蠔」。這蠔賣相吸引，舖上芝士烤焗至金黃色，令人垂涎。焦香的芝士層下就是蠔肉，蠔不算大，但焗起脤卜卜，挺有口感，不錯呢。法式田螺焗薯蓉 $38 之前在法式扒房吃過焗田螺後，我就被這食物深深吸引住，所以看到餐牌上有這焗田螺，就不猶豫地點單。這個是以焗薯蓉為主，跟我想吃的焗田螺有點出入。薯蓉面上滿佈半溶的芝士，我便能否拉出芝士絲來！果然，如我所料，這是個拉絲芝士薯蓉。 薯蓉內，藏著數顆田螺。田螺沒想像中的厚肉，不過味道不錯，跟軟糯香滑的薯蓉一起吃也相當配合。這個當然不能跟我在法式扒房吃的出品相提並論，畢竟在價錢上已經有很大的距離。就這價格而言，這裡做到的已很足夠。美國頂級連骨肉眼斧頭扒配薯菜，燒汁 $288這是全晚最期待的菜式！在網上看過圖片，所以上桌時沒有被嚇倒。不過，當它真的呈現在我們面前時，我跟男友都笑了，哈哈。因為真的很大塊，我們很興奮！ 那條骨很長，肉也很大片，本來想拿起來拍照；但扒肉太大塊，又太重（16安士），所以也不能完全提起來。 拍照後，男友便有風度地切扒，我這次就「翹著手等食」。牛扒的筋部同油脂散發著陣陣誘人肉香，正！扒點了5成熟，所以有點生是可以接受。斧頭扒雖只簡單以鹽及黑椒調味，但這樣反而可以帶出肉味，吃到「真」牛味。 不過，吃到中間位，就覺得不夠熟，太生，於是跟侍應反映，餐廳亦聽取訴求，幫我們處理。最後，再度回來的扒，在數分鐘內便被我們吃個清光！薯菜的粗薯條香脆有薯味，是我喜歡的口感！這個扒實在令人吃得十分滿足。 餐飲方面，我選了熱檸水，男友就想懷舊一下，點了「黑牛」。黑牛是甚麼？其實就是可樂加雪糕，小時候總是喜歡點這個飲品。 甜品呢？我們的胃已經裝不下了。下次有機會來的話，可以試甜品呢；而$288一個的斧頭扒絕對是不可不吃的項目！…查看更多

早放工的晚上，跟媽媽2個人撐枱腳，經過<Artco. 33>，看到餐牌上豐富的晚餐SET，決定入內一試。六時半餐廳的食客不多，我倆坐在寬闊的四人卡位，慢慢點餐。MENU上的選擇琳琅滿目，而且價錢大眾化，當中以德國咸豬手配蜜糖芥末醬最為吸睛，我們失控的點了2個主菜及2款小食，準備飽餐一頓! 鮮蝦忌廉野菌意粉 $98晚餐SET有田園沙律、餐湯及蒜蓉包，給人一種完滿的感覺。鮮蝦忌廉野菌意粉有4顆大蝦，蝦肉彈牙、爽滑，忌廉汁十分濃稠，掛在每條意粉上。最吸引是表面灑上滿滿的芝士粉，入口帶咸香，凹凸有致的口感更滋味，的確不錯，如果野菌粒多點會更佳! 德國咸豬手配蜜糖芥末醬 $168德國咸豬手配蜜糖芥末醬是今餐的重頭戲，份量驚人，焦紅酥脆的豬手和厚肥的薯條，令人垂涎! 焗豬手即叫即製，製作需時約20分鐘，但好味的東西值得等待。豬手皮脆肉嫰，皮脆而充滿彈性，刀可以輕輕切開。入口肉質軟腍、濕潤，皮下的肉呈啫喱狀，骨膠原十足，使我大快朵頤! 薯條粗身、綿密，熱至燙嘴的感覺，超級滋味。調配剛好的蜜糖芥末醬，濃甜微辣，惹味之餘，正合我怕辣的口味。法式田螺焗薯蓉 $38法式田螺焗薯蓉的芝士完美舖面，焗至半溶，可以拉成長長的拉絲，十分邪惡! 一口軟綿的芝士，配合順滑的薯蓉， 是雙倍的口福。特式焗蠔 $48特式焗蠔單憑賣相已經相當吸引，焦焦的芝士外層，包裹著滑溜的生蠔，香脆可口。芝士外層下，生蠔還有香草粒粒調味，令整體味道更豐富、鮮香。心太軟伴雪糕 $38完美的一餐，不少得甜品。心太軟伴雪糕即叫即製，新鮮熱辣，用叉拮開外層，朱古力漿洶湧流出，超級美味! 朱古力漿濃稠、蜜甜，配上雪糕一冷一熱的口感，十分幸福! 總括而言，<Artco. 33>的食物水準不錯，性價比高，可算是優質的平民西餐廳。德國咸豬手配蜜糖芥末醬令人難忘，有機會再來一嚐招牌斧頭扒! …查看更多