雅高·33

筆者一向是名生蠔控，一有機會動輒都會吃上廿多隻而毫不動容，可能因為物以類聚的關係下，身邊亦有很多朋友對生蠔情有獨鍾。最近筆者就跟朋友造訪了荃灣沙咀道一間西餐廳，店內設計帶點工業風，牆上掛了幾塊懷舊黑板寫上了不同的菜式推介，整潔的環境配上昏暗的燈光，頗有舊式港味情調。細閱餐牌，想不到這餐廳一點也不簡單，除了大熱的斧頭扒外，熊本、澳洲M5和牛、美國安格斯CAB級牛肉眼和西班牙I Berico級黑毛豬均有供應，選擇實在不少，頗有驚喜。而原來這裡最近還在做推廣，除了有$288兩小時任食斧頭扒放題外，還可以以$10一隻的優惠價任點即開指定品種生蠔；不食放題的話，惠顧一般套餐也可享用$10一隻生蠔優惠（每個套餐只限最多12隻)，聽到有如此筍價放題，筆者當然不會錯過，即時點來試一下。先來一打生蠔，當天店家提供的生蠔來自法國南部，即點即開十分新鮮，蠔身不算大隻但尚算肥美，口感爽脆鮮甜中帶淡淡榛果香，海水味亦頗突出，如此質量$10一隻實算超值，筆者轉眼間已食完再點。享用生蠔過後，當然到另一主角登場，美國頂級連骨肉眼斧頭扒，燒得外焦内粉嫩，扒身算大塊亦頗厚身，肉味香濃，唯油脂比例不太均勻，邊邊一大片肥膏未必人人接受得了，肉身亦有點點過火差不多近七成熟(本身點了五成熟)，以至肉汁偏少較乾身，肉質亦略嫌不夠鬆軟。雖然這樣説，其實斧頭扒本身質素是不俗的，將扒身佐上少許脂肪添上油香，配上黑椒汁後其實也脂香惹味，只是可能期望過高，所以有點反差，加上以放題質素來說，實算抵食。伴碟還有胡麻醬沙律和炸薯角，沙律清爽薯角粉脆，食完生蠔加一客斧頭扒已飽了大半，老實説要吃上一塊或以上未必人人能辦到，但優惠在前引誘實在太大，修身計劃一再壓後，當晚也吃上了兩客方休。筆者整晚只試了即開生蠔和斧頭扒也已吃得捧著肚子，生蠔質素實在無話可說，新鮮味美，性價比高；而斧頭扒亦算不俗，改善一下將會更好，但都是那舊調，以放題來說有這樣的質素，又夫復何求呢？！加上店員招呼有禮，環境亦算舒適，一衆自命食肉獸或生蠔控的讀者不妨來到挑戰一下。`…查看更多

今晚約了朋友在荃灣晚飯，早已留意到這間雅高·33的斧頭扒，於是今晚來一試水準。餐廳特色的$288斧頭扒，加$30/$50可轉套餐，經濟實惠。亦有多款晚餐選擇，另外跟餐可任叫$10愛爾蘭生蠔。餐湯餐包羅宋湯酸甜微辣，濃郁的肉味與蔬菜的清甜融會，滋味豐美。熱烘烘的蒜蓉包蒜香撲鼻，香脆可口。愛爾蘭生蠔$10一隻的愛爾蘭生蠔，性價比無懈可擊，蠔肉味道鮮甜，口感爽脆，海水味偏淡。美國頂級連骨肉眼斧頭扒足十六安士的斧頭扒是牛上肋的位置，斧頭扒的脂肪豐富，油花分佈均勻，要了medium，生熟程度剛好，入口肉味濃郁，肉質軟腍，配撘上烤茄子及沙律菜正好解膩。香賓忌廉白菌魚柳焗飯鑊仔即叫即焗，上枱時仍熱辣辣，份量十足，香賓忌廉汁香濃但不過膩，魚柳味道與忌廉汁十分配撘，令人吃完一口又一口。…查看更多

見到同事去Artco.33餐廳的食物相，被那超巨型斧頭扒深深吸引。 按奈不住即時相約朋友去荃灣，想著要被那美食俘虜了。餐廳有很多不同套餐，當然有我今天主角~ 超巨形斧頭扒放題生蠔 (可以無上限加＄10一隻生蠔。 生蠔又新鮮又大隻，只需擠少少檸檬汁，品嚐到新鮮生蠔帶少少海水鹽味，令人欲罷不能。)香炸雞翼(看似平凡，但炸功一流，炸至雞皮香脆仍肉嫩）紫薯波(紫薯波有點似麻薯波波，好有質感)煙肉薯皮(在薯上擠上薯茸，再放上大配煙肉及芝士。 焗至薯皮香脆，薯茸香滑，煙肉鬆脆，芝士味濃。)芝士西蘭花(西蘭花加上大量芝士醬汁，令到平凡清淡蔬菜，也增添無窮魅力。)36oz 美國頂級連骨肉眼斧頭扒 (超巨形，肉質鮮嫩肉味香濃。 燒至表層焦香鎖肉汁，入口油香滿瀉，真的回味無窮)夢幻薄荷特飲(好幻彩飲品，越睇越開心。)日本紅豆雪糕冰(大大粒紅豆，配上椰汁加雪糕，美味配搭。)…查看更多

聽荃灣的朋友介紹十蚊有超正生蠔，胃食肥貓搜查過還有斧頭扒手工啤，正巧妹妹是食肉獸；而本人海鮮控，就找個假日夜晚出動，嘩滿座等位。-🍴愛爾蘭生蠔 $10（溫馨提示：不可只叫生蠔）咁平怕質素唔好，先叫半打試試。竟然沒有將貨就價，隻隻超新鮮，蠔邊緊貼著殼；加檸檬汁已好甜。比以前訂生蠔回家自開仲抵仲正，再叫半打連不愛蠔的妹妹也淺嚐。十蚊蠔賣完就無九點幾已叫不到。-🍴特式焗蠔 $48原本妹妹說不吃生蠔便叫了個焗蠔。四隻焗蠔兩隻味分別是蕃茄及basil，雙式芝士香口，蠔肉幾好味但略細。-🥩美國頂級連骨肉眼斧頭扒 $288十六安士斧頭扒上檯份量頗驚人，我們細食分著吃覺得夠；五成熟；外面煎香；裡面好粉紅，幾juicy，肉味還算可以，不沾醬也很夠味。略嫌邊邊的肥膏一大片女生怕怕。-🍺Pilsner比利時手工生啤 $29配餐半價有精釀手工啤當然要試，幾正有麥香夠氣夠凍，配肉好爽。-整體性價比算超級高，難怪九點後還要等位，人多服務有改善空間。下次蠔癮起可以再來。…查看更多

今日同朋友行荃灣，見到有間餐廳門口大大個牌寫住有特價生蠔＄10隻，見到咁吸引咁就行左入去食晚餐。入到去睇菜單，原來斧頭扒先係佢哋招牌菜。之前喺討論區睇到人哋食斧頭扒一路都想試但係都冇乜機會，今日難得見到有得食，緊係要試緊下啦。同朋友兩個人唔係好大食，叫咗四隻生蠔同一份斧頭扒再加多一個焗飯。最先到既係晚餐既餐湯同蒜蓉包，要左西湯，個湯同其他餐廳比係出奇地甜既，都幾鐘意飲，而蒜蓉包都正常好食。之後上菜既係生蠔，雖然＄10隻，但比我想像中大隻好多而且都幾新鮮，仲有檸檬同生豪汁做佐料，特價黎講係滿意的。之後就到主菜斧頭扒，叫左五成熟。肉眼斧頭扒肉味濃郁，配上洋蔥汁令斧頭扒更加好食，所以配汁都好重要。至於啲肉口感唔錯，仲要好大塊兩個人食啱啱好。不過切開黎都有一兩舊比較韌，但整體黎講係食得過既，下次有機會會試下三成熟，因為覺得五成熟都好似唔夠生。最後到藍青口海鮮飯青口，青口有4個好足料，有兩隻口感唔錯但有兩隻就軟林林咁，如果可以全部都好食就好。其餘既海鮮有蜆、蟹柳，唔記得有無魷魚條，都好有味道，有焗既味道。而飯，好熱辣辣，幾乾身，所以總括黎講值得食。環境都可以，雖然地方唔算好大，但枱櫈都好多，基本上善用左成間店。…查看更多

斧頭扒@荃灣16 安士美國頂級連骨肉眼斧頭扒！睇個名都覺得勁就點佢啦 😂Dinner Set 都好抵食 👍🏻加咗 $30 轉跟餐，有餐湯、蒜蓉包同嘢飲無花無假真係連骨㗎！仲好大塊𠻹呀！叫咗 medium rare，肉質幾淋、又多肉汁 😋牛肉味都幾濃，好食！配菜有沙律、grill 過嘅翠玉瓜同茄子grill 得幾好，唔油膩除咗薯條，牛扒後面仲有啲薯仔，好豐富另外點咗個 dinner set 就唔駛加錢都有餐湯同蒜蓉包～藍青口海鮮焗飯即叫即焗熱辣辣 👍🏻青口都幾多每一羹都有餸 😂…查看更多