雅高·33

18:45去到餐廳內只有一兩枱客人，點了兩個晚餐, 一個是肉眼扒配黑椒汁，另一個是羊扒。餐湯冇得揀只有紅湯，但味道不合格, 好淡而且冇菜湯味....配一件蒜蓉多士，多士不過不失。餐飲我地點左一杯雜果賓治同一杯檸檬橘蜜，兩杯飲品都可以但不出色。再加配左半打生蠔，$15/隻, 唔夠肥美但這個價錢這個品質是可以的。主菜來了，先黎個肉眼扒，因沒有抱太大期待但比想像中的好！雖然沒有牛味(可能比黑椒蓋過了)，但肉質夠冧，足夠挽回分數！然後就係羊扒了，驟眼望落有點韌一切粉嫰羊肉同肉汁都出左黎，一放入口係羊味香草味重點係佢個肉質真係好冧, 但個蜜糖芥末醬就唔得喇, 配唔到羊食…查看更多

是日又是同男朋友仔拍拖日佢住大西北~我住大東北所以經常搵個中間點既荃灣來拍拖拖男朋友仔係超級鐘意食生蠔佢朋友介紹佢有間$10生蠔既西餐廳所以我就比佢捉住左啦食XD來到餐廳門口就見到$10生蠔同埋肉眼斧頭扒 $288既宣傳牌個肚仔已經開始餓了~!餐廳以西式工廠風做設計牆上面掛左幾塊黑板上面畫左唔同既食物推介坐落去睇到餐牌真係花多眼亂最緊要係我依個牛魔王見到甘多牛扒既選擇十五十六唔知揀咩扒好…有美國肉眼斧頭扒、美國西冷、澳州肉眼、加拿大牛仔骨、澳州M5和牛難得岩岩出糧我地兩個決定豪番餐！就叫澳州M5和牛 ($298) ~去歎番餐和牛本身已經好高級 其實揀番自己岩既熟度 再加少少鹽已經可以變左一個美食 再加埋店家炸到脆卜卜既薯仔依個價錢~食到和牛真係人生一大樂事而男朋友仔當然就係瘋狂食愛爾蘭生蠔 $10 ($10/隻) ~食餐飽為止愛爾蘭生蠔同埋法國生蠍係好相近，但價錢就相對親民好多店家提供既生蠔好新鮮，係即叫即劏同埋依個價錢絕對比自己係市面買更平！真係咪話唔抵！而愛爾蘭生蠔既肉質係相對爽脆、薄身、清甜，帶微量既海水鹹味不論初接觸蠔定話係愛蠔人士，都係一個好好既選擇！仲叫多左一個主食~牛肝菌大啡菇意大利飯($108)牛肝菌同埋忌廉汁混和之後呈淡啡色而意大利飯由生米煮成熟飯既過程中可以吸收到牛肝菌同埋忌廉汁既香味同甜味店家相當足料放左大量既大啡菇每一啖食到香氣十足既飯同時又有好JUICY 既大啡菇相當惹味~最後我地兩個大食怪都係每人洗左$200多~真係好抵又可以滿足到我依個牛魔王又可以滿足到愛蠔人士既需求正~…查看更多

見到同事去Artco.33餐廳的食物相，被那超巨型斧頭扒深深吸引。 按奈不住即時相約朋友去荃灣，想著要被那美食俘虜了。餐廳有很多不同套餐，當然有我今天主角~ 超巨形斧頭扒放題生蠔 (可以無上限加＄10一隻生蠔。 生蠔又新鮮又大隻，只需擠少少檸檬汁，品嚐到新鮮生蠔帶少少海水鹽味，令人欲罷不能。)香炸雞翼(看似平凡，但炸功一流，炸至雞皮香脆仍肉嫩）紫薯波(紫薯波有點似麻薯波波，好有質感)煙肉薯皮(在薯上擠上薯茸，再放上大配煙肉及芝士。 焗至薯皮香脆，薯茸香滑，煙肉鬆脆，芝士味濃。)芝士西蘭花(西蘭花加上大量芝士醬汁，令到平凡清淡蔬菜，也增添無窮魅力。)36oz 美國頂級連骨肉眼斧頭扒 (超巨形，肉質鮮嫩肉味香濃。 燒至表層焦香鎖肉汁，入口油香滿瀉，真的回味無窮)夢幻薄荷特飲(好幻彩飲品，越睇越開心。)日本紅豆雪糕冰(大大粒紅豆，配上椰汁加雪糕，美味配搭。)…查看更多

朋友話知道我鍾意食生蠔，又知道呢度好抵食又大隻又好食！$10一隻咋！😍😍😍😍所以就帶我嚟咗呢度食晚飯啦！我哋叫咗個斧頭扒餐，之後呢叫咗個法式田螺焗薯蓉同埋四隻生蠔！😋😋😋味道好唔錯呀！其實好抵食！呢個價錢食到呢個質素其實真係好好！依家出去是但食個飯都要一二百！今晚我哋食咗呢個生蠔！大隻！又食左斧頭扒仲有一個小食添！都係每人$200！正！斧頭扒餐$288法式田螺焗薯蓉（唔記得咗幾錢）生蠔（$10一隻）餐湯（其實覺得有啲少）…查看更多

又到左Happy Friday ，一諗起生蠔就即刻諗起荃灣有一間餐廳做緊特價每隻生蠔都係$10隻，仲要係即刻開，夠晒新鮮，味道好重海水味，我自己一個叫左一打生蠔食，12隻生蠔裏面，唔係每一隻味道都一樣，有啲比較鮮甜，肉質厚身，總括口感、味道、價錢都係中上，抵食…查看更多

同朋友去開千色行街，買完野就去醫肚，見到呢間出面有張生蠔poster，作為蠔痴的我就決定試下！本身想叫法國吉拉多，但店員話今日冇曬，就試左法國水中花，size都幾大隻，海水味唔重，易入口，sauce冇提供檸檬，茄汁另外叫店員上。本來好想試佢個招牌菜斧頭牛扒，但係竟然賣曬，店員話招牌菜好快賣曬，佢建議我地叫呢個澳洲肉眼扒，煎得幾香口，肉質都不錯。薯條洋蔥圈，個醬好味道。白酒煮青口，酒味幾濃，青口新鮮。田螺份量都幾多，味道唔錯。德國咸豬手，好大份呀！外脆內軟，值得一試！…查看更多

荃灣一向多一d無乜人知，但質素一d都唔差既西餐廳，今日同朋友係千色附近行完街，諗住出完糧獎勵下自己食餐好既，行經寶石大廈就發現左呢間Artro.33就埋去試下。忌廉白菌龍脷柳飯（$78）忌廉夠香，略嫌面頭芝士唔夠多，而且即叫即焗，上到黎個鐵鍋勁辣手，雖然望落去好似無乜特別，但其實禾稈冚珍珠，入面個飯係炒飯底，而且有兩塊手板咁長既魚柳，$78黎講，份量同誠意收足曬貨。新鮮生蠔 （$15-$45不等）平時真係好少食生蠔，因為自己唔好魚生之類既生冷嘢（因為怕腥），但見佢價錢唔貴，抱住試下既心態同朋友叫左半打，一上到黎，生蠔色澤通透，望落去好新鮮。配埋檸檬汁食落去，成個口都係海水味同埋蠔既鮮味，係一d腥味都無，食完呢半打我同朋友最尾都忍唔住追加多兩隻，因為真係無幾可我食到自己真係覺得好食既生冷海鮮。美國16安士斧頭扒 $288重頭戲黎啦，呢塊斧頭扒仲大過我同我朋友兩部iphone 6s加埋，一切開，d肉汁係舊肉表面浪下浪下，大大啖食落肚真係好滿足，我地叫左5成熟，師傅手勢好，完全唔會overcook，咁大塊肉都唔會好難咬。唯一美中不足既係配菜麻麻地，三樣配菜份量多但味道黎講唔算好出色。總括黎講，價錢親民但可以食到咁既質素既西餐絕對抵食，希望小店繼續努力，以後我黎荃灣行完街，食飯又多個選擇lu…查看更多

之前睇食評好有期望，但食物屬普通水準。價錢一般，意粉pizza餐較抵，扒餐就熱愛生蠔嘅本人比10蚊隻吸引，味道唔太好。但28蚊隻嘅就唔錯發生不愉快事件本人叫左個B8號餐羊架，結果黎左個t骨。同佢講反，已經黑黑地面，講到係我叫錯。我話我真係見到寫住羊架，成個meun都無t骨嘅選擇。搞左一輪先話原來係個侍應比錯尋日個menu我，一句道歉都無仲話呢個都好食，叫我要左佢！我老公話羊架$148要 t 骨$218，唔想比貴食唔係自己想要嘅野。之後不太滿意地即刻收走。無下次…查看更多

週六不用上班的話，週五就是想要吃得好點吧。但奈何臨近月尾，想吃好點卻是有心無力呀……然後就是這時，朋友推薦了這間餐廳，抱住姑且一試的心態，我便拉著友人去試一試了。餐廳的燈光調至昏暗，讓人感覺挺舒適的，似乎營造了三五知己可以好好聚會聊聊天的環境。這裡的餐點也不算太昂貴，跟一般餐廳晚市時份差不多，但是已經有什麼扒餐、咸豬手等等吃了。一個晚餐會配上蒜蓉包，餐湯，咖啡或茶，還可以加少少錢配個甜品。這跟普遍餐廳的晚市配搭差不多——蒜蓉包還是讓我有點期待的。廚師推介的餐牌上可以看到不少似乎更高級的食物，像是安格斯牛肉芝士漢堡鐵板，又或是黑毛豬鞍等等，看名字都教讓人垂涎了。還有這裡似乎挺有名的16安士大大份肉眼斧頭扒——嗯，我們還真的衝著這有名而吃這個。這裡的甜品餐牌。因為怕胖的關係，我並沒有點這個。但是看到那個心太軟在眼前飄著濃濃朱古力香的送到別人餐桌上……還真是有點可惜。唉，其實胖又有什麼所謂！這裡還可以點酒喔，白酒紅酒任君選擇。點餐時，店員會好好的給客人介紹餐點，滿臉笑容的，很親切。我們點了那個斧頭扒餐，她會推介說六成熟就好，所以我們也是選了六成。然後還有咸豬手餐，加上這裡很有名的生蠔——我聽著一側的客人對這裡的生蠔讚不絕口。把餐都點好後，便餓著肚子等吃晚餐，然後，很快便上頭盆的食物了，要為這裡的送餐速度之快而鼓掌。最先上餐的是蒜蓉包，一口咬下會發出脆生生的「啪」一聲，蒜味不算重。作為餐前小食的話，這樣不重的蒜味才不會蓋過主餐的味道吧。除了蒜蓉包外，咱們都是點白湯，忌廉蘑菇湯，濃稠湯汁配上切得細小的蘑菇，方便客人食用。視覺上認為，白湯外加蒜蓉包賣相挺不錯。這是頭盆沙律，配這沙律的汁不是沙律醬或胡麻醬，而是一種帶點酸酸甜甜的醬汁，沙律菜新鮮爽脆，蠻開胃的。然後就是聽到客人讚不絕口的生蠔了。我沒有吃過生蠔的經驗，店員會頗貼心的問客人是不是常吃，我也回答了這是第一次嘗試的。首次嚐生蠔，感覺帶有淡淡海水味，口感滑溜得很，嚐著蠔味，倒是挺鮮的。友人說這個價錢吃到這個品質的生蠔很抵，而且他對這生蠔頗愛吃的感覺。接下來是主菜之一，德國咸豬手配蜜糖芥末汁。這裡的蜜糖芥末汁是店家自家製的，就只是淺嚐一口，芥末味不太濃，更多的是蜜甜，味兒挺好，值得一試喔。咸豬手的肉頗軟嫩，所以挺好切開的，入口便更能體會到那嫩身的肉質，而且咬一口肉汁濃郁，沾上些醬汁再吃會更能嚐出這肉的美味。這嫩肉搭配甜甜的醬汁會讓人停不了口。終於是期待已久的肉眼斧頭扒到了，以木板盛著，入目可見份量十足的16安士形似斧頭的肉眼扒……一眼便把人給震撼了。我點這個就是聽推薦的要六成熟的了，這種扒好像不用太熟但當然也不要太生才好吃，然後我配的是蒜蓉汁。一開頭跟友人吃時都沒有先沾一點鹽來調味，但是已經挺不錯，它的味道就是沒有醬汁也沒有灑鹽也夠味，就是不算太濃味。然後沾上鹽來吃時，味道重了整整一倍，感覺把整個肉味提升了。它的口感雖不及和牛那種入口即融，但也嫩得很，不會很韌以致難嚼下。週五晚也見周圍頗多人光顧，也有很多人在這聊天聚會。友人也點了杯紅酒給放鬆心情，說是挺醇。若是想要平價但吃到不錯的扒餐或是生蠔的話，這餐廳挺值得一去喔。…查看更多

昨晚約了朋友食晚飯，因為開夜關係所以大約八點先去找地方食飯。問起朋友係大窩口有咩好野食慰勞下大家，朋友話食生蠔～都好喎⋯⋯就帶了我去Artco33到試食生蠔，鋪內空間感十足(樓底都幾高又環境舒適).朋友先落單半打生蠔點解後蠔殼～因爲⋯⋯芝士焗生蠔我就點了名字很長叫(燒烤蘑菇美國安格斯牛肉芝士漢堡伴鐵板薯條)的漢堡扒包，飽面係用一隻大的菇當頂，汁多肉厚的安格斯牛肉同芝士夾夾在漢堡內，配薯條同醬汁一起食。飯後甜品～心太軟好濃濃暖笠笠的朱古力～正。生蠔食完先知忘記了影相～咁就補影食完個樣啦。漢堡排即叫即做好新鮮好味，芝士焗生蠔好味，不過我地點了用細生蠔焗，下次可試用其他大隻蠔焗會更加有口感。心太軟朋友試過話好好味⋯⋯整體滿分。…查看更多