隆姐泰國美食館 (已搬遷) 新店位置

朋友住o係何文田，去朋友家玩前我們去了這裡食個午餐我們先點了︰ 海南雞飯 - 唔覺得好特別...雞好普通，油飯不夠香 生蝦刺身 - 生蝦新鮮，最特別係，我第一次食生蝦刺身會炸埋生蝦頭俾我o地 起初都唔太敢食，因本人一向都不食蝦頭的，但見男友食得咁開心於是試下，又幾好味喎!!! 好脆呀!!! 見食完呢兩樣都仲可以食，於是再叫多個 椰汁芒果糯米飯 - 椰汁好香，芒果好甜，糯米飯還是暖暖的 飽了~

9:15已經到達,但還要等位,至10:00才可入座,係門口等時已諗好,即刻落order.兩人點了: 青木瓜絲沙律 - 係黎度招牌菜, 青木瓜絲同蕃茄都好新鮮, 不過對我地不好辣嘅人, 就真係辣咗d, 但好食. 蠔仔煎蛋 - 用鐵板上, 夠晒熱, 勁多蠔仔, d蛋又滑, 正... 鹽燒烏頭 - 即叫即燒, 要等起碼10分鐘, 雖然無元朗烏頭嘅黃油, 但魚肚放了很多香茅, 味道很清香. 芒果冰 - 用了新鮮芒果加冰攪拌出來的, 無加糖水, 雖然感覺唔夠甜, 勝在原汁原味, 好飲. 西米南瓜糖水 - 免費送的, 也很好味.埋單195元,抵食, 好飽,招呼的全了泰國亞姐,很友善,也看見有泰國同鄉幫襯.

同事大力推介,咁岩另一個舊同事又推介,所以舊同事飯局就向呢度開餐~拼盤 - 無諗過咁有水準,因為出面好多都一般好食,呢度個拼盤真係好好食~~海南雞- 同事推介,不過相對其他既食物,就顯得好普通~~蠔仔蛋 - 好惹味,食唔停口~~咖哩蟹 - 好大隻蟹,好多膏肉質鮮味,個咖哩汁唔算太辣,送豬仔包一流~~豬仔包- 以為係普通野,不過呢度焗左,外脆內軟~~燒魚 - 見到隔離檯嗌,又叫埋一份,個樣有D醜,不過肉質好滑同新鮮,好正~~呢晚係最凍其中一晚,唔使等位,又無排長龍,所以都無趕我地走,服務都OK,起碼笑容好好~~

好耐無去食泰菜，於是心癮又起。原來想去金泰燒王，點知去到先知原來夜晚先開。於是就去咗對面嘅隆姐喇。鋪頭細細，坐滿人。要開張枱仔坐近門口位置。要了一個餐，再散叫少少野食，仲要咗杯菠蘿沙冰。菠蘿沙冰！推介！超正！夠凍又夠味，清新解渴！又唔會太甜，天然菠蘿味，應該無加糖水。泰式鳳爪得呢樣係最辣最夠味。個汁夠惹味。鳳爪雪白無雪味。青木瓜絲沙律木瓜絲切得幾幼。不過汁料唔夠惹味，完全唔夠酸甜辣味。而且木瓜絲未能吸收汁料之味。泰式咸魚炒飯呢個最不濟，好淡味。又無料，得幾粒芥蘭粒同咸魚粒。又無鑊氣又無味。冬蔭公連冬蔭公都唔夠辣又唔夠酸，啱晒唔食得辣嘅人。有好多香料，香茅、薑之類，不過就是不夠濃味。有幾隻蝦，都新鮮爽口。雞肉濕炒河我的至愛，最愛粗河粉配上杰獻汁。味道幾好，夠濃，獻汁杰杰地，包住每條河粉。除咗雞肉，仲有雜菜。仲有南瓜西米露，暖暖地，甜甜地，唔錯。人手唔夠，連調味架都唔夠。全場好似得一個，用用吓都會被人攞走。最搞笑係連調味架裡面d辣粉同酸辣汁都唔夠辣。出野食速度好慢，坐咗好耐先有野食。咁嘅情況，亦搞到要排隊，d 排隊嘅人又擠晒入店度，好迫。

朋友和我食生日飯，因為好鍾意食泰菜的關係，所以便順理成章地去九龍城。以前都食過隆姐，不過已經許久沒去了，於是朋友提議再到隆姐。book了8pm，但都要等位，大約15mins便有位。點了好多款，款款都好有水準，好出色，有人湯水送，湯水應該是有蕃薯和南瓜的，好yummy 不過因為多人等位，所以會趕我們走，連甜品都沒有時間點，有少少遺憾。但食到有水準的一餐，都好開心了

一月一日的記念日, 女友提議去九龍城食泰國野...見到隆姐d comment 唔錯...就老遠搭車去試下。去到真係幾多人...仲要等左一陣位:叫左:1)生蝦刺身 --- 唔係咁得, d 生蝦口感怪怪地....個汁勁辣...入口勁重蒜頭味....勁怪; 另外蝦頭仲炸...不過得個'脆'字囉2)炭燒豬頸肉 --- 好好味....好香炭燒味.....配埋個特別醬汁, 好好味...3)海南雞飯, 雞已去骨, 點個特制醬汁, 加埋個油飯, 好好食. 不過無碗清湯呢...4)泰式海鮮炒河 --- ...唔係好食...唔係難食....5) 珍多冰....無咩味....但幾解辣....九龍城食野真係幾唔方便...不過呢間可以一去....

探完病至知味道上次朋友入住法國醫院,指名想食隆姐既海南雞飯...响店內食都唔覺咁鬼香,去到佢個四人病房...一打開盒飯....嘩............成間病房香哂今晚食左:海南雞飯...one of the best in 香港....無容至異木瓜沙律:為左遷就港人口味,好多泰菜館既木瓜沙律已經唔放咸蟹...好彩呢度重有...不過要俾多兩蚊....正酸辣海鮮湯:外表平平無奇,原來全枱最辣係佢....但呢種酸辣令人更不停咁追住食...口水瘋狂分秘....正黃咖哩雞:其餘三樣太出色....呢樣好似無乜突出...但都係好香,好食既講裝修...隆姐差過金寶黃珍珍幾十倍,但食物質素有過之無不及....仲平好多

希望愈大, 失望愈大!!睇左一個好出名既飲食BLOG(人氣blog), 睇到佢介紹lee間野...都幾吸引就去試下...去到門口....環境比其他泰國菜館差好多....感覺非常之污糟...不過一心要試, 都唔介意得咁多...入到去...阿姐以呼喝聲大叫......"都話入面有話囉" (算.....費事理你)除左門口收錢阿姐好似食左c 之外...其他人都係非常非常之好...經常笑容滿面..兩個人叫左幾樣野食:1)生蝦刺身 --- 個汁好好味....又酸又辣...好鬼刺激2)泰式炒通菜 --- 冇乜特別3)炭燒豬頸肉 --- 好好味....炭燒到燶燶地..好香口...個汁都係好好味...^^ 不過好難整得唔好食ge(4)蠔餅 --- 我未食過泰式既蠔餅....我重以為好似潮州蠔餅咁...大錯特錯...其實佢係蠔仔炒蛋加左d芽菜 (超級多蠔).....再用鐵板上...gimmick 就有啦...不過味道真係好一般..但係我個friend 就讚口不絕....大家口味唔同掛!!!5)泰式辣雞肉炒河 --- ok....唔係難食...又唔係好食...飲品先係今日既主題所在...我叫龍眼冰...

今天突如其來想去九龍城食泰國菜,於是搭車去了九龍城~係手機上來open rice見到"隆姐"呢個名好評如潮,等了一陣位,都好快~入到去,見到大多數人都點了冬蔭公湯,於是都點了,食泰國野我最鍾意食酸辣鳳爪,再點埋菠蘿炒飯+炸釀雞翼冬蔭公海鮮湯:真係好好味,都辣辣地,好正(90分)酸辣鳳爪:都幾辣,但味道都好淡,可建議加少少魚露調味(80分)菠蘿炒飯:可能本人唔係咁鍾意食飯,味道都可以接受(70分)炸釀雞翼:我覺得好麻麻,食落去好似食緊糯米卷的涵一樣....呢樣我就唔推介(40分)埋單都係$180~

今晚7點半到去到冇乜人, 唔駛等位, 我地叫左生蝦刺身, 炒雜菜, 無骨鳳爪, 薄餅, 樣雞翼, 炒米粉, 再加多杯龍眼冰生蝦刺身 - 超級好味, 一碟有8-10隻上面放左啲冰粒喺到, 由頭食到尾啲蝦都咁凍呀! 好新鮮, 除左有汁點外, 啲蝦頭仲炸左添, 如果鍾意食蝦頭既人就岩晒啦, 好脆!炒雜菜 - 可能係雜菜既關係啦, 真係乜鬼菜都放晒落去炒, 上碟望到唔係咁想食, 個賣相好差無骨鳳爪 - 幾好味, 啲鳳爪份量都唔少家薄餅 - 好好味呀! 好薄...比得上去印度餐廳食既印度薄餅呀!樣雞翼 - 啲糯米樣左落雞翼到, 好飽肚...龍眼冰 - 超級甜呀...好似飲糖水咁, 差...埋單$276

因媽媽是泰國華僑的原故, 從小到大也習慣了吃泰菜. 然而, 在香港地, 要找正宗的泰菜實在很難. 為了讓男友試真一點正宗泰菜, 自自然想起要帶他來到九龍城!坐車來到的時候就見到這間"隆姐", 二話不說就入左去試. 無他的, 見到個格局同小時候在泰國街上見到的泰菜館相似 驟看menu, 價錢都算便宜啊! 完全合符哂我的"食得要抵"的要求!二人點了以下菜式: 木瓜絲沙律可能為遷就香港人的口味, 辣度略嫌不足, 且酸汁不夠入味, 令可口程度一減 幸好木瓜絲算爽脆, 口感尚可, 挽回不少分數!蝦醬炒飯蝦醬味濃, 亦見師父混了不少小蝦仔在飯中炒, 伴以帶甜的泰式臘腸, 肉鬆及炒蛋, 這道炒飯不俗!雜錦河粉(有些泰菜館則叫作彩虹河粉)精髓在於河粉裡的"粉紅色醬料". 不知是否混合南乳而成的醬汁, 味道有少許這種味道. 不過, 個人食慣了由泰國"MAMA品牌"的同類粉絲/米粉包的味道, 故此河粉的味道只屬一般的"雜錦"(即有魚蛋, 魚片, 豬紅, cuttlefish片河粉)河粉. 不過, 值得一提的是那些河粉的確很滑! 且是很粗身的那一種, 應該是從泰國運過來的. 香港比較少見. 蝦刺身 + 炸

再訪隆姐, 今次係和朋友"麥兜"去;佢什少到九龍城食飯, 今日我帶佢來到幫襯. 好似出省城咁大陣丈...一行5人, 4 個睇都唔睇就叫海南雞飯, 可知隆姐的海南雞有幾好食了!雞已去骨, 啖啖肉; 肉質唔肥, 其實幾瘦架.點個汁, 加埋個油飯, 冇得頂.個油飯又唔算太油噃, 起碼唔膩啦.仲有碗清湯仔呢.另外, 仲叫了個通菜, 我自己食辣豬肉碎飯, 仲有鳳爪, 生蝦+炸蝦頭~菜係剛炒起的, 勁鑊氣, 我差d燙親咁滯! 又唔算炒得油噃.鳳爪一般.生蝦好新鮮的, 肉完全唔霉, 點d 生蝦辣汁, 成頭汗的茲味, 非一般筆墨可以形容!炸蝦頭唔係度度有得食, 隆姐的炸蝦頭係已去了頭的殼的, 勁脆, 當小食一流.10個頭幾秒便吃光我的肉碎飯, 略嫌唔夠辣, 跟我在布吉街頭食過的差一點點;但炒得唔油, 朋友試過都話正.其實食吓食吓都滿頭汗... 甜品照舊, 都真的好食,來自澳門的朋友大讚又食了唔少.仲有一碗仔糖水送的.食了270蚊.服務很好.

隆姐一直是我們最喜歡的九龍城泰國菜館。青木瓜沙律 – 辣道好像減了，沒有太刺激的感覺，小蝦卻仍也有不少，總體而言夠酸不夠辣。炭燒魷魚 – 真的是炭燒的，魷魚的分量還可以，不算突出，沾點甜酸醬食也不錯。鴨肉撈面 – 我們喜歡加一點糖食，和豬油、醬油等撈起來，實在是一等美味，再加一點酸酸的辣椒醬，甜酸辣咸都有齊，挑戰自己的味蕾。面很有彈性，又吸了醬汁的味道，非常野味。珍多冰 – 最好飲的珍多冰，味道、口感都好，Jelly夠多。番薯西米露 – 送的糖水，以如此水准的糖水結尾，是滿意的一餐了。順帶一提，這裡的泰式燒魚也非常好食，食完是可以拼回完整一條魚的。抵食的正宗九龍城泰國菜。

由過年前已籌備的樓飯終於來了，全層樓有二十三人而最後有九人能夠出席，放飛機的人總令我失望，也許責任感對於年輕人來說實在是一個重擔吧。今次選了九龍城南角道的隆姐泰國美食，依稀記得舖面不大所以還是及早訂位會較為穩陣。九點三已到達，殷勤的泰國姊妹們著我們稍等一會，巧合地有一對情侶已在結帳，結果不消一會即可入內。隆姐店內美食琳琅滿目，點哪樣才好呢？最後我們決定要一個十至十二人的套餐，相信能滿足一眾大胃王。首先來的是頭盤，泰式辣鳳爪和生蝦不消一會便被大家掃清光，眾人辣得高興非常，Gary提議不如要寫飲品，他要了椰青，波波、Vic和威要芒果冰，本來我也是要芒果冰，但最後追隨阿發的步伐要了泰式奶茶。泰式奶茶一到即成為全場焦點，橙紅的茶不禁使我們大問「飲唔飲得架」，我們還是試下去，阿發喝了一口之後便沒有再喝，而我呢，本來也頗抗拒，但後來發現味道也有點像涼粉水，於是也飲了大半杯。馬拉盞通菜、菠蘿炒飯、泰式雞肉炒飯和o加喱蟹食味挺好，但份量太少，本來這個套餐是供十至十二位用的，但現在連九位也不夠食，弄得眾男士要添食o加喱汁白飯才能醫飽肚皮，至於檸檬烏頭則令我這個平時不愛吃魚的人也動起筷子來，這魚實在是鮮甜

女朋友與其良朋的補足生日的飯局，參與其中，想到食泰菜，那真的要到九龍城了，想起其實真的有很多選擇，但水準可靠穩定的就要挑一挑了，最後選了這一間，記住，係要南角道那店。比原定早到一點，在附近吃畢豆腐花還是最早到，甫進店只剩一張「吉」枱，由於地方不大，只可容納不超過十枱客，幸好比較早到，因為其後已不斷有客入內吃閉門羹了。未齊腳，先點了冬陰公湯、炸蝦餅、活蝦刺身及糯米釀雞翼。每次吃泰菜，什麼都可以不吃，但不可沒有冬陰公湯，這兒的冬陰公湯，四平八穩，不是特別好，也不太差，酸辣度適中，金不換及香芧等的香料都下得足，唯一要彈的是D蝦的肉很梅，完全不爽口，不新鮮。在吃炸蝦餅、活蝦刺身及糯米釀雞翼等小食時，唯一另外的男性友人到了，可以一起隊隊啤了，有Singha及泰象，選了後者，貪其名字夠地道，入口順喉，配上上述小食，喝完一杯又一杯，尤其那「一味兩吃」的活蝦刺身之中的炸蝦頭，真的一流，蝦頭炸得很香脆，完全沒有在吃殼的感覺，真乃下酒良品；活蝦刺身的肉質還可以，但稍為覺得辣椒及生蒜下得不夠多，唔夠過癮！幸好其配上的辣汁挺辣的，彌補了，彌補了。炸蝦餅很好吃，可惜每人只分得半塊，蝦肉彈牙，炸得也非常香口，配上