隆姐泰國美食館 (已搬遷) 新店位置

朋友常常投訴常光顧的食市水準不穩定。小妖精有一間餐廳光顧了許多年， 水準一向穩定。（但亦代表新意不多， 菜式傳統！）。還記得多年前朋友知道我喜歡吃泰國菜， 就和我去了九龍城南角道的“隆姐“ 午膳。自此以後， 我常常去光顧 ﹣ 外賣。因為， 隆姐的食物是很地道的泰國口味， 而餐廳的環境也是很地道的泰國街邊小店。至於廚師及服務員，她們都是泰國人， 因而食物水準高且穩定。我看有些食評投訴 服務員的態度， 我要說一句公道話 ﹣ 她們人都很好， 只是實在太忙了， 這二年的生意太好， 每次去拿外賣， 門口都是人在等位置 ﹣ 沒辦法， 食物平靚正。星期天， 和小狗去西貢溜躂， 大家都一身汗， 累得要命 （回程時， 小狗在車上已經睡著了）。好， 回程就去了隆姐買外賣吧！

成日聽人講去九龍城一定要去試下隆姐，好，趁得閒，就去試下入到去，裝修無，格局好似地踎店咁，都好泰國feel中午胃口有限，但都點了幾道菜食，難道我又要跟大眾點碟頭飯麼？點了個酸辣湯，老實講，唔掂，普通料豬手飯尚可以，湯河麻麻地要數最正的，只有外面少有食到的黑胡椒炒皮蛋，好味，但要等好耐，做到尾聲先上枱，我仲以為漏單辣辣地，夠惹味不算什麼，可點杯凍咖啡，泰國咖啡帶點榛子味，不錯最差係服務態度，以為泰國人熱情好客，唔係囉，叫極唔理你，落埋又黑面好難再幫襯

上星期某一晚一行八人來到九龍城食泰國菜，由於人生路不熟就選擇幫襯過嘅隆姐。是晚未算熱鬧，未出現排10張8張籌的局面，可能是閒日關係，等左15分鐘左右就有位。上次被逼試分店，聽說正店比較好，今日誓試正店。地方不大，新店只可容納約20人左右，有如舊式餐館。見到Ｍenu有個8-10人套餐，正好適合我地8人，當中有2人是大胃王，數數手指，8 + 2 = 10個剛剛好，所以就無再多睇Menu。眼見全場只有3 - 4 人工作(包括執檯,清潔,收銀,上菜,茶水bar)，人手嚴重短缺，等左好耐都未有野食，相信廚房人手亦未見足夠。終於第一道菜”生蝦刺身”上場，另配炸蝦頭一堆，本人不好辣，配醬對本人屬8分辣，但味道中上,唔只有辣味,酸酸地，有感味道同其他泰國菜館唔同！抵讚！！其後都係每食完一碟等一陣先上第二碟,好似去飲宴咁，好明顯人手唔夠,整唔切～其後的餸菜都無咩特別可言,普通唔難食，但份量勁少，例如炒飯一碟,每人都分唔夠半碗，通菜如是，8個人三兩下就夾完碟菜，好奇怪8-10人套餐唔係應該按人數就番份量，10個人又豈能食咁小一碟飯呢？套餐包括所謂的店主推介”咖哩炒蟹”，起初都有D擔心，如果連哩個推介都唔好

終於返黎隆姐到食飯喇! 係附近行完街, 見有d餓, 所以雖然未夠6點, 都坐低 jor (而好處當然係完全唔駛等位).兩個人 ordered jor:柚子沙律 ($40): 酸酸地, d 柚子幾新鮮, 好開胃冬蔭功湯 ($55): 夠酸同夠辣, 同最緊要夠熱咖哩炒蟹 ($220): 超正!!! d 膏多都不得了, 差 d 食唔sai. Highly Recommend!下次要返黎試個鐵板蠔餅同生蝦刺身至得

我寫咗成3百幾篇食評, 都未試過咁勞氣咁俾人搵笨, 所以今次會將被騙經過講得一清二楚俾大家知, 因為我覺得食家有呢個知情權.尋晚5人特登搭車過九龍城食咖喱, 之前己經响 openrice 做足功課, 確保萬無一失, 點知… 大家食到一肚氣, 其實食物都 ok 架, 之不過火就火在隆姐唔老實, 突然暗地起價, 被我哋揭發咗之後, 一句唔好意思之後但又擺明要您屈服 !!! 話說我哋5點半己經到咗, 係第一枱到, 初頭係坐圓枱架, 但驚近門口會阻住同被撞, 所以轉咗長枱, 起初諗住5人要3格枱, 點知隆姐話地方細所以俾2格, 家姐諗住坐得舒服d再要求3格, 點知隆姐串爆眼啤啤走開咗, 既然佢唔想俾, 我哋唯有坐迫d無所謂喇, 跟住叫咗好多嘢食, 大家都覺得好好味好抵食, 甚至連送既南瓜西米露都正, 但到咗埋單喇, 大家見總數咁平都無諗住check單, 再睇清楚下就開始十萬個為什麼, 點解有d價錢好似貴咗 ? 點解有d價錢唔知係乜 ?? 因為張單無寫明係乜架, d 冧把同符號只有佢哋先識睇, 跟住我哋當然慢慢勾返d數出嚟啦 ! 一勾就勾到 4 樣不知明既嘢, 當然要搵人問下啦, 消費者嘛...

今天我又同家人專程來用膳,見食評都ok,就決定一試.當我們一進,就問了多次{你們究竟有幾多位,而且態度不友善}跟隨我們點菜:生蝦 : 無味$70椒鹽軟殼蟹 : 比較咸$55($60)鐵板蠔餅 : 不過不失$58咖哩炒蟹 : 一般$220豬頸肉 : 這個算是全晚最好的唯一一個$50辣椒膏炒蜆 :$50($55)一容蒜茸飽＄20二個白飯$16($20)大家估下埋單要多少錢....$563.點解？因為（ ）是新價錢，價錢沒有改，但耍收新價.(另外每人還要付$2 （這也是無寫明）事情還未完結，工作人員還說我們在攪事，佢地不用做生意啦!九龍城我都經常去，我仲好鍾意食泰國菜，相信今次都是我第一次最不愉快的經歷。＊＊請各位朋友們，當你們想去食泰國菜時，這間不是你是的選擇＊＊

隆姐厘間係較為舊式的泰國菜館，環境唔係咁乾淨,家庭式的經營，雖然係咁，但係網站的好評，真係忍唔住，所以今日得閒就去試下由於太早去到，未到食飯時間，店入面只係得幾個人，所以根本就唔使排隊，可能人唔多，d店員就係店內拜佛，真係好虔誠a…order左…海南雞飯真係好傳統,d雞係一d骨亦冇，雞油飯較為軟熟和油份均勻,份量幾大碟,最緊要係價錢好合理$25碟，包埋湯，不過太鹹la，落了好多味精，唔我口味！鴨肉湯河份量多,湯河的味道幾好，湯底唔會好鹹，河粉的口感唔錯，價錢亦可算合理另外再加了小食，但要等好奈炸蝦餅口感幾脆,蝦肉有咬口o,但因為即叫即炸的關係，好熱a…最後送埋糖水，但因為好飽的關係所以就冇叫待應上,後來上網睇番，個糖水唔係咁好食，看來唔食亦唔會蝕底下次一定會再來！

從未試過在九龍城食泰菜,說起來也羞愧。誰叫九龍城甜品店呀,麵包店多的是,來打個「白鴿轉」,已吃得滿肚腸肥。著姊姊的呼喚,決心來食「地道」泰菜。她推介了「隆姐」。生蝦x2,泰式生蝦沒有日式牡丹蝦的黏性、鮮甜味,但勝在有酸酸辣辣的佐汁,與爽口蝦肉,非常合配。跟生蝦的炸蝦頭,預先整好,涼的,不是人人會吃。鐵板蠔,珍珠蠔頗大隻,跟鐵板上熱騰騰的汁,和芽菜一起吃,非常JUICY!看過食評,很多人也說她的炒野,不夠鑊氣,所以也規限了點菜範圍。兩個人,無理由就係食兩碟蝦,一碟蠔ga!所以都叫了一碟炒金邊粉。果然係濕炒架吓!(不夠鑊氣,炒野唔得)不過南乳和茄味都好濃,又多料。附送的南瓜西米露,除了南瓜肉,不要奢望有南瓜味,只有椰汁味。不過很多西米,西米,中粒size的!非常彈牙!!見到不少人吃海南雞飯,唔通真係咁好食!?

到九龍城食泰國，不知哪一間泰國菜館好，因為較早前來午飯，覺得整體來說是不錯，所以這次晚飯前來預訂了位，由七點玉我們離座時已九點半客人雖不至於客似雲來但也是不少的咖哩炒蝦咖哩汁濃而帶奶滑感一般泰式咖哩都會加入一些蛋絲，洋蔥，大蔥頭等配料色、香、味道俱全咖哩談不上出色蝦肉較老身有點韌，這方面大打折扣了黃咖哩雞餐牌上有紅咖哩，青咖哩及黃咖哩因為爸爸提議咖哩以黃色較傳統所以就選黃咖哩其實是做法及香料不同所以味道也不同咖哩汁甚濃，泰式咖哩就是加入一些蛋絲，(不辣的)青辣椒，紅辣椒，薯仔及洋蔥等配料大部份的雞肉都是去了皮，肉質很滑但無雞肉味吃咖哩就是這樣，大部份是吃不到菜味或肉味或是海鮮的鮮味烤魚這條絶對不是好魚，但烤出來的魚肉仍有肉汁再點上店肉提供的魚露辣椒汁即時將魚肉的鮮提升鴨肉湯橡粉鴨肉是一塊塊肉，完全沒有鴨味試過多間泰國餐廳都如此，對比之下在港式餐廳食到的燒鴨肉米粉較有鴨肉味但綠色的粉卷很特別，雖然是由豆類做成的一種粉但在本港少有可以食到雞肉濕炒河粉雞肉和鴨肉都是沒有肉味無他，因為價錢不高所以合理所以一碗湯粉也好一碟炒粉也好，都是沒有肉味的，唯靠味精搭夠整體來說這碟濕炒河粉是濕最多，雞肉多

今日我地去食母親節飯為了避免多人~我地通常都遲一星期先食最後選左隆姐 打左去兩間問佢地都話冇得book 位咁我地有2個小朋友同老人家~只好早d去等位啦先來到這一間要等3張台~我地見入面好細~所以就去另一間看看點知有個女人話自己book左台...我咪即刻問law 有得訂台既咩我打左去問3次佢都話冇架wo跟住個女人最後都要等台~雖然佢一臉不悅~我又返黎呢間到等，等左半小時左右終於入左去~起初因為怕d野太辣所以我好多野問個女人個女人態度衰爆~但之後唔知係咪見到我地不停影相怕我地寫衰佢~態度轉左180度...最後都算唔錯啦有禮貌返好多~到左~叫野食時間我好似叫左個4人餐同外加食物明爐烏頭 - 感覺一般 可能我屋企人冇咩興趣吧咖哩蟹 - 我地愛d咖哩汁多過d蟹law小吃併盤 - 還可以吧炭燒豬頸肉 - 呢個幾好食生蝦刺身 - 唔夠新鮮蠔仔煎蛋 - 好吃~結果要叫多一碟蒜蓉豬仔包 - 唔錯~最緊要有咖哩汁陪海鮮冬陰功 - 我屋企人話太咸law~但我勁鐘意~因為我本身喜歡吃冬陰公蝦醬炒飯 - 我食左一啖~都ok既椰青焗飯 - 好好食....又香~又多~超級好味~好似仲有個飯~真係唔記得佢叫咩名~"~

昨晚同男友係九龍城附近拍拖, 所以一早諗定左晚飯食泰國菜, 祇是選邊間而巳.而一向選擇餐廳及菜式都係我呢個女朋友既責任, 所以當晚我地係九龍城街頭一路行一路選餐廳, 出名少少既門口都排左一堆人, 而見到呢間隆姐門口人少少, 而印象中好似OR有唔少人講過呢間都唔錯.我地拿左籌無耐就巳有位, 呢d餐廳仔唔好寄望坐得好舒服, 我地就要同其它二人共用一張四人枱, 唔知既還以為我地係一齊, 因為唔想食太飽而食唔到甜品, 所以我選左個細既冬蔭公湯, 一碟炒金邊粉, 一個炒通菜, 半打串燒雞, 點知男友見到隔離枱碟炒蜆好大隻即刻追加一碟碟炒通菜最快上枱, 同我之前食的泰國餐廳食既唔同, 呢間的似港式多d, 最奇怪入面有麵鼓?跟住到的冬蔭公湯味道唔錯, 相信落左唔少泰式香料入去煮, 但d蝦就淋左少少,如果個湯再辣少少就正炒金邊粉相信炒呢碟粉難度唔高, 但好明顯唔夠鑊氣, 味道一般, 無驚喜.再來的串燒亦沒有即燒出來的香味, 而且都幾乾.失望!男友追加的泰式炒蜆更加唔掂, 我都話佢啦, 唔係大隻就正, 呢碟蜆就係因為太大隻而好難噬, 而且又係無鑊氣. 男友都話呢間野麻麻地, 收到!! 下次出街食飯前都係

突然心血來潮想食泰國菜, 所以我與友人2條友就來九龍城搵食.星期六晚預左多人, 為免要排隊,所以我地都預早到隆姐處睇下有無位.好彩都唔算太多人等左一陣就有位. 2個人叫左個冬陰公湯, 生蝦, 豆醬炒椰苗&炸蝦餅. 個生蝦仲會跟埋炸蝦頭, 不過d蝦頭可能一早炸定唔算十分脆卜卜可以唔食都得, 反而d生蝦就唔彩叫新鮮. 成晚最喜歡係個湯,可能太耐無飲啦所以特別喜歡,加上佢用料新鮮又成2隻中size既蝦在內而且又唔算十分辣夠醒胃. 平時出去食都係蒜容椰苗見到此店有豆醬炒就試下..不過我覺得佢用豆醬好似少左d唔算十分出味...不過整體都算ok

星期六嗰日,有啲事要去九龍城做啲嘢.諗緊去食乜,行過一間泰國嘢,見到貼咗蔡生既報導,諗住都應該有一定水準,就入咗去.入到去,有兩三張枱坐咗人,有啲係度食緊,有啲就已經食完.我地一行兩個人入到去,坐低,陸陸續續都有人入嚟.見到咁既情況,拿拿聲叫咗嘢先,蝦醬炒飯同埋香芧豬扒河.嗰陣係12:50左右.五分鐘後,其他人開始叫嘢.我就諗好在我叫咗嘢先,如果唔係就奶晒嘢,因為嗰度都由我地兩三張枱坐到滿晒(雖然都係講緊多4/5張枱)但係如果要等都真係唔少嘢.過多五分鐘左右,大概12:55,碗粉嚟咗.我見到件豬扒,好老實講,件嘢炸到仲乾過我個河包.但係咁喎,佢又唔係熱到入唔到口喎,咁即係點呢?咪就係隔夜買唔晒,第日又攞番出嚟再番炸囉.味道係比較咸,但係如果放湯就可以.我係度諗如果我係蔡生,可能會有件新鮮啲.其實碗嘢唔平,成$32,粉唔係多,豬扒一件,但好又一餐,唔好又一餐,算啦.再等多五分鐘,奇怪,點解其他枱開始有嘢上既?嗰陣大概係1:00.再等多五分鐘,有個著黃杉帶住眼鏡既女人笑笑口咁同我講話煮緊.OK啦,既然妳咁講,咪再等吓囉.再過多五分鐘,碗粉都食完再加上其他枱陸陸續續有嘢上,我真係有啲火火地,

Since my school is situated in Kowloon Tong , I used to have lunch in Kowloon City. Seldom do i go to Lung Jie Thai Restaurant as it takes time to walk.That afternoon, before going to Sai Kung for Barbecue, I brought my parents there for a Thai lunch. As their faces told, they were satiated with the food there Three of us ordered a papaya salad, lettuce wrap with minced pork and a Hai Nan Chicken in Thai Style. The best is the papaya salad though it is quite hot. The portion for papaya salad and

餐廳環境不算新淨，但似乎已有了不少的客戶流量，觀其午市及晚市而得知，地方淺窄，生意好而做大了，已擴充營運有分店了，若非大班朋友食飯，仍是總店較好坐，分店太大了鴨肉湯橡粉第一次食這名為橡粉的湯粉，因其顏色是綠色，第一感覺是令我想起在印尼餐廳食到的三色冰，估計橡粉是的綠色是天然樹葉製成的，感覺就像在食切片的涼粉一樣，加上充滿泰國風味的湯底，竟然有點仿似置身在泰國食湯粉鴨肉全無鴨肉味，全靠湯底帶出其他配料的味道或者是無湯就無食慾豬雜卷河泰式豬雜與港式的大致相同，精髓就在於其湯底，泰式湯帶陣陣香茅味以及一種說不出只有在泰國餐廳才感受到的泰國湯粉湯味烤魚因為完整一條魚連鱗同烤的關係顯得魚皮厚極了，亦因此種烤的方法才不會使部份魚肉被烤焦魚肉也因此保留著原汁原味，雖然不算多汁味美，但可從這點食得出這條魚在烤製前是否死了很久魚肉不用點醬汁也好味，證明魚肉保存得新鮮點些醬汁食更好味，酸酸辣辣更是開胃基本上一條魚長度大約20cm 不會食過多而滯