隆姐泰國美食館 (已搬遷) 新店位置

星期一, 拉雜成軍, 五人勇衝九龍城!隨便的叫了幾個! 雜綿鳯爪, 友人誤點的菜式, 味道偏辣, 有d 紮肉米線咁, 麻麻地!串燒, 正! 香得黎咬落有肉汁,有肉味,d沙嗲醬好正tim!明爐烏頭魚, d 肉質好鮮無泥味, 唔錯!xx 炒河, 唔得, 無乜味同料, 又細碟!生蝦刺身, 肉質爽口彈牙, 蝦頭香味好味!柚子沙律, d 柚子好鮮甜, 朋友吃完之後都話幾地道!招牌炒飯, 用蛋包住成個飯, d 飯炒到一粒粒乾身得黎又幾好味, 好!青咖喱雞, 唔得, 搵d 好稀的咖喱浸下d 預先用水烚熟的雞肉, d 雞當然係無味的!馬拉盞炒通菜, 變左唔知炒d 乜野的菜, 都ok!整體黎講, 味道可能較地道d, 賣相同整法都未必比得上其他泰菜館, 但總算合格, 不過應該不會再幫襯了!

其實己提上個月既事, 3個同事加埋我一行四人, 去咗隆姐食, 佢也都係第一次去隆姐, 但大家食過都已經"直豎拇指"！軟殼蟹-- 好味, 好有"肉地", 有鮮味。蝦刺身--清甜, 不過要點埋個汁先好味。但係連埋炸蝦頭食,一食兩味, 一個清甜, 一個香脆, 唔錯！奶茶-- 泰國奶茶係橙色既, 真係好好味, 我本人絕對唔係鍾意飲奶茶既人, 果次都係聽人講話好味, 所以一試。結果...?試出了我成世人最鍾意飲既一杯奶茶！！豬肉生菜包+ 木瓜絲律--同意生菜包組合已經不是新意。不過如果加埋木瓜絲沙律....呵呵...木瓜絲沙律既酸汁, 剛好中和了豬肉的膩,而且木瓜絲又BALANCE了豬肉果D"啖啖肉既口感,...真係正！！！

雖然我在這裡只吃了幾款東西, 但感覺就好family...坦白講,用料及技巧都不是最好...但就幾親切, 好有小店的風味... 而且價錢不貴, 最好的是一些較地道舷家常小菜.

近六點，0黎個晚飯前0既三人小聚。朋友點名話要0黎呢間。點了:冬陰公︰好濃，辣度適中，足料肉碎生菜包(選了豬肉)︰又係朋友欽點0既，冇特別，唔覺得肉碎加生菜起了任何化學作用，同埋唔夠酸~醃粉絲︰好醒胃，當中0既鮮魷好新鮮，驚喜之作最後仲每人奉送南瓜西米露一碗︰一般，加上之後仲有飯局，所以都係食左兩啖就冇食

放工後撘地鐵到九龍灣睇戲，睇完再到九龍城食飯差不多成為每個星期五既指定景點。今次睇既係森魔，看畢後只覺導演被"鬼眼大導演"之名所累，拍成一套兩頭唔到岸既電影，有些許失望。跟女友一早議好試試隆姐泰國菜，所以能夠爽爽快快入店，難得！由於見店鋪作收工狀，同女友亦識趣地快快點菜，又係難得。海鮮乾炒河($36）份量略細，材料為魷魚、青口、蝦、蛋，河粉炒得乾身滑口，醬汁惹味且兜得均勻，唔會做成邊濃邊淡味，不過稍嫌鑊氣唔夠。蝦刺身($58)一客十隻，兩個人食都算過足癮，蝦肉肉厚爽口，雖則不算十分鮮甜，但對比起隔鄰既苖籽葉己高出一班了，加上炸至鬆脆既蝦頭，絕對值回票價。串燒豬雞($35）一客各三串，醃味唔錯，表面略略燒焦，甚得女友歡心，本人比較喜愛串燒豬多一點。蝦醬炒飯($36）碟邊有炸泰國臘腸同肉鬆。炒飯蝦醬味恰到好處，同女友出現爭食情況。飯中夾雜點點紅色物，初時以為乃紅薑，食落發覺味道咸咸的，細看下原來係細粒蝦毛，好可愛。其後店員奉上甜品南瓜西米露，味道清甜，好好味！真想厚住面皮再要一碗。埋單合共$165 ，食得飽飽，想唔肥都難。

前日夜晚去開餐:"咸魚抄介蘭"...一般炒菜"咖哩蟹"...大大隻,好厚肉,最正係個汁!!"薄餅+蒜蓉包"...點咖哩汁食最GOOD呀!!即整,好香口!!"卷粉"...超滑,夾都夾唔住!!服務好唔在講啦!!不時針茶第水,問你飲茶定冰水!!最後阿隆姐仲一人送一碗"南瓜西米糖水",入口即溶,南瓜質感似蛋黃,甜度適中!!總之一流啦!!

非常正宗加正斗!果晚試左生蝦刺身,夠新鮮,連炸蝦頭另上,大碟夾抵食.海南雞飯又香又滑,下次必食.蝦餅好脆好香口.雖然食完好似好熱氣,但係實在太好味!試過九龍城甘多好似黃珍珍依類唔正宗唔好食既泰國菜,相比之下隆姐實在值得推介!!

我都去過3次，真係唔錯~服務都好好，今晚去在去，正

不俗的餐館.價錢平, 質數不錯.值得再次光顧

A very tasty and traditional thai restaurant. It is opened by Thai people, service good, food excellent & very resaonable price!!