隆姐泰國美食館 (已搬遷) 新店位置

開頭去到見到有小曼谷好多人等,但呢間就小貓3,4隻咁..入到去都幾擔心會係唔好食..點知一食令我地改觀!!加喱雞個汁好惹味!! lo飯好好味^3^串燒好抵食!! $38(?) 6串!!通菜都抄得好好味!價錢都算okay!! 好味!

八人飯局，各自各來到，同檯相對望，各帶著不同的目光。吃泰菜，人夠多菜式從來不難點，鮮蝦刺身、冬陰公、小食拼盤、豬手、滷水鴨、明爐燒魚，木瓜沙律，笑問菜式如何？既沒讚成也沒反對，這邊的飯局從來如是。鮮蝦刺身冰鎮而上，鮮味欠奉肉質爽脆，此品從來都是滿足大眾口味，可有可無。吃不得辣，卻喜歡冬陰公，酸、鮮與辣的組合，隆姐只做到酸與辣兩種複合層次，獨欠鮮，加多蝦頭的話，海鮮感覺將更強烈，不懂泰冬陰公的底蘊，引自席間應酬的胡言。目光由此至終沒離開過豬手與滷水鴨，前者滷水炆過伴著鹹菜上，貌似潮式煮物，也難關朋友說是吃著「打冷」。滷水味輕描淡寫帶過，豬手色澤淺薄，皮層油脂精華盡在汁中，肉不美，汁倒適合撈麵吃，同類作品，偶是比較欣賞對面舖的同心。滷水鴨是醬鴨加滷水之物，再次成為朋友口中「打冷」之物，薄薄的滷水，如蜻蜓點水般點綴了肉嫩的醬鴨，席間響起「唔夠味」聲音，偶喜歡點道即止的感覺，不夠味嗎？浸到方才的豬手汁去吧，保證夠香夠濃。木瓜沙律姍姍來遲，一時忘記餐牌中有著鹹蟹木瓜沙律，是集鮮、酸、辣一身的佳品，沒有鹹蟹的沙律，雖酸辣爽脆，卻不是那味兒，朋友卻吃得大呼過癮，未幾清碟。同時間招呼不同目光，也沒興緻

冬蔭公、柚子沙律、波羅炒飯、炸蝦餅、豬串燒、酸梅水、青檸梳打食完餐飯飲左3支水。一坐低轉身正想弄好個袋，發覺前面一陣風，原來個侍應飛了個餐牌上，我再望一望佢，佢已經行左去!?!?!?波羅炒飯整得好好味，最鍾意面頭的肉鬆炸蝦餅外面好脆，但裡面的蝦打得唔夠，有D｛鞋｝柚子沙律的柚子唔凍，除左花生魚露，佢仲落左D細蝦仔，味道一般啦豬串燒真係燒出來的，唔係一般舖頭話就話係串燒，其實係串煎，個醬好好味，呢個串燒真係好好味冬蔭公唔錯，朋友話好辣，我就覺得一般辣酸梅水，原來係好難飲，飲左一啖打冷震翻炒指數：低

好耐無食泰國野朋友仔難得地肯陪我去九龍城食飯見咁多人讚隆姐d海南雞飯好味就決定去試點知去到舊舖時見人多朋友仔又話佢平時買開新舖就拉左我去隔離街既新舖食因為時間較早入到去一個得我地兩個俾朋友仔拉到我傻傻地竟然忘記左今次一行既目的只係叫左炸蝦餅($38),鴨肉河粉($23)同蝦醬炒飯+凍檸茶($26+2)不過原來唔係得我一個傻幫我落單個姐姐仲亂先黎錯凍奶茶跟住又煮錯菠蘿炒飯(圖左上)我估蝦醬炒飯唔應該黃色問佢先知佢上錯好在舖內另一位姐姐清楚聽到我叫咩於是即時整過蝦醬炒飯(圖左下)～蝦醬份量落得剛剛好, 有蝦香但唔會太多一味死鹹,加左泰式蝦米仔同豆角粒幾有咬口,味道唔錯鴨肉河粉((圖右上)～河粉較闊身,鴨肉亦算多唔韌,豬紅幾滑幾好味可惜得一件,多少少就更好炸蝦餅(圖右下)～新鮮即整有五大件,隔油亦算做得幾好,有蝦味亦幾彈牙overall朋友仔都話樣樣幾好味佢話之前食過香茅豬扒飯味道亦好(朋友仔好少讚街外飯架,好難得!!)睇食評話會送糖水但無囉,好失望

(11/1)（六）　　是夜與9527品嚐泰國菜，原因是題及泰國旅行時的經歷，翟道翟的跳蚤市場，街頭小吃等等，喚起他的味蕾，相約了另一位好朋友前往，當然9527的真實經歷我並沒有提起。　　輕易地點了六款菜餚：冬蔭公（細）、泰式海南雞飯、生蝦刺身、明爐烏頭魚、炸蝦餅、雞牛串燒（半打）、泰式炒通菜，相信他倆也會喜歡。好朋友此時提及：「泰國地道食物多不勝數，在當地嚐外國菜的質素也不差。」我說：「我去泰國也會吃那街頭小吃，特別是泰式魚蛋粉，小小的一碗，美味濃郁。」此時，9527已經垂涎三尺，幸好冬蔭公及時上桌，海鮮豐富，蝦蟹味全然貫出，不是一些添加劑主導，而那香辣味不會過重，再添加一碗又一碗。　　期後的泰式海南雞飯，同樣令9527著迷，我題及：「這是泰式海南雞飯，普遍的海南雞飯，做法複雜。父親經常提起昔日新加坡的海南雞飯如何美味，保留雞味，醃料的分量不會過多，猶其是「瑞記」，叫得他無法忘懷，很自然我也愛上這道菜餚，他強調海南雞飯中雞雜不可缺少，增進食慾。」而談論海南雞飯的來源產地，眾說紛紜，畢竟這又是「揚州炒飯」的例子。是夜的雞嫩滑，但雞味不致全失，油飯不會過油膩，蘸上的醬汁錦上添花。而生蝦刺身

Came here this evening, ordered 3 dishes for 2 people.Chicken in Red curry,Salted Grill fish,chicken feet.I didn't order the appetizer, it was quite spicy. No bones inside, if you like this dish and like it spicy, it should be a dish for you.Then the size of the red curry chicken dish is not big at all, but the taste was ok.Finally the grilled fish is pretty good, a lot of people ordered it. One of the previous comment was correct "上菜奇慢", the problem was, they didn't keep track of the orders v.

金邊粉，炒得較濕，料有豆腐乾，爽嫩牙菜，沒什麼味道的蝦，整碟粉的酸味用來“開胃”，是來的恰到好處。炒通菜，點菜時問是否辣的，店員答不辣，但入口是辣的，相信此店員是很吃得辣才會覺得不辣，幸有座上客也是嗜辣之人，而菜也鮮嫩，否則要退貨了。炸蝦餅，外皮是炸得脆口而不會覺得硬身的，內裡的蝦肉是有味道得來又爽甜的。用迷你沙鍋盛著的咖哩雞，上檯後不太聞到咖哩香味，但至入口又是另一回事，香味濃郁，夾雜了香料椰味的咖哩內，把整煲咖哩的味道提升了出來，材料不多，有少量雞柳，茄瓜，青檸，另點一個白飯來吃，是一道不能抗拒的美食，吸引。泰式雞絲芝麻粉卷，近似港式腸粉的熱食，綠色帶微鹹的腸粉配上了鮮嫩切雞、香口的芝麻，美味！炭燒豬頸肉，等了一句鐘才到仍覺值得的，是正正式式炭燒，上檯已即時聞到炭燒香味，肉質爽口，吃落不覺肥膩，但要提醒自己不宜多吃。還有免費贈送的椰汁西米番薯糖水，椰味香濃又足料，不過太飽，只吃得下半碗，下次來的時候再試其他甜品。食物水準不錯，但上菜奇慢，一次過落單，前後等了一個多小時才上得齊六款菜，當中還要店員一催再催，服務一欄難免要扣分。

一心走來九龍城，都是為了食泰國菜。揀了隆姐，是因為聽聞過口碑之外，價錢又相宜，而且泰國人主理，又有泰國人幫親，種種利好條件，當然揀渠喇。1)鴨肉金邊粉這個本來了河粉，但因為河粉一早沽清，老闆建議金邊粉，就去馬。鴨肉都幾多，幾大件，鴨肉幾入味，肉質比雞肉滑，金邊粉好薄好幼，湯底幾正宗，似是曼谷街頭車仔檔的風味。味精不能幸免，不過適可而止，可以接受，自己落辣椒粉、砂糖與酸汁就更好。可讚的是自動多蔥！2)肉碎炒飯都幾好的，只是平凡了一點，如果當初的肉碎變成肉碎包，食落應該更好吧。3)炸春卷重以為尐春卷炸定，點知係即炸，恁就一定好食過酒樓，炸物始終係食落口熱辣辣的好，重要出煙的。餡好豐富，皮又夠脆！4)豆醬炒芥菜用豆醬炒菜幾時都恁好味，最重要是新鮮熱辣，上檯還在噴煙，非常正。其實那個肉碎飯本來是白飯來的，但上菜時店員(應該是隆姐?)，眼見我們兩人不太喜歡，便主張猜拳贏了給我們換個炒飯！真攪笑，雖然最後輸了，當然也給多加五元我們換炒飯。衛生情況要改善，未收舖先打掃，給食客見到通地垃圾感覺不好。

父親入了醫院，因此探望時亦多到了附近的餐廳食飯，九龍城是一個食泰國菜的天下，叫了一個芝麻雞肉粉皮，一般食開的粉皮都是冷盤，誰不知這是熱的，而且粉皮是綠色的，雞肉都可以，汁都幾特別。泰式炒雜菜，有芥蘭、梛菜花等，都唔錯。炒金邊粉端來時看似沒有什麼材料，不過很大碟，但原來都唔錯，有些蝦米仔、酸酸的很開胃，份量都有約十個碗仔，不可看少。可喜的是送的甜品，是番薯西米露，很香的梛汁味，番薯很"琳"。總結這餐不錯，臨走亦買了個炒飯給父親，看似都不錯，今次試菜成功，下次一家人再黎食過!

六點幾去到~得2,3檯人~茶餐廳格局~仲有茶餐食tim!!唔係睇完咁多好評真係唔會揀佢~冬蔭公海鮮湯(48)唔算太spicy~岩岩好~落足料!!炸蝦餅(38)新鮮炸起~鮮味彈牙!!正!!海南雞飯(38)呢個都ok~不過唔算太特出~下次可以試第二樣全程都係d泰藉呀姐招呼~幾好禮貌~又成日幫我加水可能佢地d廣東話唔係幾好啦~聽落好似好粗聲粗氣~不過事實上佢地係好親切既^0^最值得一提既係埋單既時候呀姐叫我地唔好走住有甜品送!!媽咪唔鐘意食甜野~所以要左一碗呀姐猛話好好食叫我地食完要埋果碗試過又真係好正喎!!南瓜戶頭西米露真係落足料!!呀姐聽到我地要多碗不知幾開心呀!呢d就叫heart喇!!煮完出黎要食果個都開心!!

謹此獻上小弟在貴網第一次經驗..開飯I mean:周未睡至日上三竿，電視播著人妖打排球，心想:吃泰菜吧。末己，愛妻泊在街邊，餓如餓虎撲羊，跑進隆姐懷抱:濕豬頸肉(燒的也可口但濕的夠鬆軟多汁)青木瓜沙律(當我看到阿姐一臉認真、用強而有力的手臂把香料打進石磨內，便知木瓜絲一定入味非常; 少辣而醒胃前菜之選)再吞下骨free海南雞飯，禮成。p.s.阿姐們笑容欠奉..定是倦極吧？

同男朋友落九龍城食個tea,本來唸住去小曼谷食但未開,所以就去左附近既隆姐~一入到去舖頭細細但都有幾多人~我地倆個叫左海南雞飯同炸蝦餅,個海南雞飯好香,D雞又好滑,正!至於個炸蝦餅...嘩!好新鮮又鬆化,真係好好味呀~食食下仲見到隔離杯好濃既芒果汁,睇落好吸引~下次一定要試下!P.S.呢間好食過上次食既同心多多聲~

炸蝦餅（$38五塊）：好味、好新鮮、又鮮甜、又抵食香葉包雞（$38五塊）：好味不過淡左少少炒金邊炒($38)：炒得幾香口，不過好油，油味好勁，味道太淡蕃薯椰汁西米露（送的）：幾好味總結：好味又好平

住在九龍城多年，試過多間泰菜館.但近年去得最多，都係隆姐.唔知點解d人話佢服務唔好，但係本人就覺得侍應態度友善親切，食完仲有糖水送，唔係咩貴野，但都係一種心意. 雖然隔一條街既分店大d，但係裝修似茶餐廳，所以都係鍾意舊店多d. 次次食都會嗌海南雞飯，雖然唔係去骨，但係大大碟又用新鮮雞，而且d飯好好味，唔會太油，又香又軟，好食過金x小食店所謂鎮店既海南雞飯多多聲. (果度又冇雞味又唔飽肚)仲有就係佢既蠔餅，其實係蠔仔炒旦，鐵板上檯，熱辣辣香噴噴，炒得剛剛好，唔會過生或過熟，而且呢味菜式唔係好多泰菜館有.至於同樣在九龍城，好多人鍾意去既小曼谷，我就覺得相當一般，食過兩次，新店同舊店水準都係好一般，所以次次都會介紹朋友食隆姐.

1/7 下午BOOK 枱吃晚飯, 指明要卡位, 準時去到, 只有一張卡位, 阿姐說留了給人(後來知原來是阿姐D熟人), 不可比我們, 我向她表示BOOK 枱時已要求卡位, 她便叫我們等人埋單, 都算喇, 明知服務不太好(在舊舖時已常常吃), 鬼叫野食OK咩。20分鐘後有位轉, 叫了1) 冬蔭公湯- 湯OK, 虾不太新鮮(有時是好的)(2) 生虾 - 少少爽甜, 都可以, 但炸虾頭是一早炸好, 一D都唔"暖" (之前未食過)(3) 辣蜆- 汁多好味, 但份量不多(之前未食過)(4) 豬頸肉沙律- 之前食過豬頭肉好薄少肥膏,好好味, 但今次每片好厚, 肥膏佔3份2, 最離譜是瘦肉好乾好硬(像是風乾咗D隔夜肉), 於是同隆姐講, 她仲話是這樣的,很入味的, 我要求她再做一碟平時的好了,她收了該餸後出來, 黑口黑面的說全部都係咁架, 你唔好叫啦! 我都算, 再問佢今日的咖哩蟹大唔大隻, 佢話梗係大啦, 但我唔知啱唔啱你食WO, 好似頭先碟沙律, 你唔啱食要退, 如蟹唔啱你食又退, 我未死, 你諗清楚先好叫!!!然後走咗去!喂, 依家唔係"唔啱食", 而係唔新鮮, 又太硬, 之後仲諗住叫2隻蟹補