陳漢記 (已結業)

鵝腸麵 $24 - 鵝腸份量不少, 很爽, 配上辣豉油很惹味! 雖然只有數條菜, 但很新鮮和爽口!爽滑魚皮 $28 - 很爽很滑, 但好像太多油了, 感覺有點油膩, 所以也不想再點辣豉油, 因為辣豉油上面已經有一層佷厚的麻油!凍咖啡 $13 -這個不行, 很難飲! 太酸和太甜...就是沒有咖啡味!

蠔豉魚腩粥 $29 -很入味! 蠔豉的味完全滲入粥裏, 魚腩也很鮮!叉燒鮮蝦腸 $20 -果然皮薄餡靚! 而且很滑!很想試煲仔飯, 但要過了六點才有...不過粥的選擇也很多, 而且很有水準! 果然是名不虛傳!

上星期放學,十點後都不知往那裡吃飯,與友人在大埔行了一大個圈,最後還是回來這裡.又叫了一個排骨滑雞煲仔飯和瑤柱腸粉.先講煲仔飯,飯粒還算分明,但排骨不夠肥,雞也不夠滑,冰鮮的時代,會否到最後,大家都忘記新鮮雞是什麼味的呢?腸粉因友人不想吃肉,便叫了瑤柱腸,原來味道都好夾,只是口感會比較乾,如加小小蝦或肉就會非常好了.不過即拉的滑腸粉,還是令我不用一轉眼眼就清了此「粉」

想食宵夜.不知道有什麼好選擇,還記得這間店鋪,那一次本想早上去食,原來11時才開店\今次大約晚上十時左右去食一次吧~坐下有很多種類,粉麵,腸粉,煲仔飯等等,當然今次來到要食腸粉,最後選了牛肉腸,加杯凍檸茶,~看到個女人即拉那些腸粉~過了一會兒,牛肉腸也來到我面前,皮很薄可以看到裏面~薄而不散這才是好的皮~牛肉和它分佈算平均,啖啖食到肉~豉油下得足夠不用自己添加~3條也滿足到自己~說腸粉這間也勝過很多酒樓~

吃罷美味排骨飯繼續四處逛,途中見到不少有興趣食肆,連新果香林也見到,大埔美食真的多!不過還要留待下次,今次還要到下一個目標陳漢記即拉腸粉!本打算只吃腸粉,但配粥也只貴一點,那就來個及第粥+鮮蝦腸粉套餐吧。想不到即煮粥比腸粉還早送到,粥底濃稠度不俗,但不太見有米花,還算可以吧;及第材料以3條豬肚份量最多,其餘只有豬潤2片和肉丸一大枚,似乎單薄了點,豬肚沒苦味,其中一片豬潤有丁點苦味,稍為失色!!豬肉丸裡有點點紅色在內,相信應混了點蝦肉,只是味道偏淡,三樣材料吃來都是爽爽的,要不是吃了飯,相信可以完全清掉它。腸粉千呼萬喚始出來!薄得見到餡料的鮮蝦腸粉油光閃閃的送來,單看其晶瑩剔透的外表都相當吸引,腸粉皮薄薄的相當軟滑,筷子功力少一點的都難以駕馭!鮮蝦仁份量真的不少,每條腸粉都有兩隻左右,蝦肉新鮮爽口,質素真的不賴!!醬油味道偏甜,很對個人胃口!唯一缺點是不夠熱!!不太明白為何剛剛蒸好的腸粉溫度竟如此不足,奇怪?!看到其他食客的牛雜麵和麵包也相當像樣,有機會要拉大隊來勁試其他食品!同場見到陳小春先生在鄰桌,再次印證很多藝人都是真人較上鏡好看的。

一諗起想食粥....現在就會諗起陳漢記.....最愛吃...蠔豉鯇魚粥.......d鯇魚好滑.....艇仔粥.......仲有最愛吃腸粉......蝦腸叉腸都咁好味.........仲有好多都未試......好想試.....的............哈哈...........

知道這裡的即拉腸粉做得不錯，趁一日下午入大埔，就來吃吃當點心。要了叉燒腸，接近下午四時，仍然是即叫即拉的，熱辣辣很是對辦。腸粉皮晶瑩，透見裡面的叉燒餡料。吃起來軟滑，亦有點糯口，很特別的口感。叉燒餡略嫌遜色，乾乾實實的，已經是下午四時，也明白好一點的也應該早早賣清了。不過以腸粉來說，很有水準的。腸粉套餐還有咖啡一杯，埋單19蚊，非常經濟。見這裡的餐牌，也有不少特色的粥類，如泥鯭粥及花蟹粥等等，下次再來，要吃這些了。

前排同個fd去食環境就預左佢無咩特別喇不過都幾乾淨叫左牛腸,炸兩同花蟹粥牛腸皮好薄,,好味!!不過料就唔係好夠炸兩就麻麻喇入面條油炸鬼凍左林晒花蟹粥好鮮甜!入面有2隻花蟹好味道!!值得再去一試

其實d野食味道都算平均啦~特別最好食就係煲仔飯, 夠香口, 足料, 大煲

上來openrice, 見d 人講到呢間野點正點正, 腸粉無敵咁, 點知一食, 又係舔野啦! 係, 腸粉皮拉得又薄又透光, 又如何呢. 開漿實在太稀, 味道無米香, 質感尤如鼻涕. 咁樣完全唔叫滑呀唔該, 腸粉之滑, 係要爽滑, 帶落煙韌, 唔會黏牙黏筷子. 炸兩內油炸鬼淋晒, 死得. 豉油得個咸字, 無豉味, 又無油香. 粥麵檔豉油唔得, 死罪. 蝦場d 蝦叫做有少少味, 不過咁既名氣本山人唔expect d 蝦落過小蘇打lor 好啦講粥, 粥底味精我食唔到有, 但係有落米碌 (即係米碎, in case u don't know), 並非硬橋硬馬用米煲到開花煲到綿. 鯇魚片煲到熟透爛晒, 顏色帶灰, 兼且好腥, 太不新鮮. 肉片滑則滑矣, 又係蘇打之功, 誠可恨. 如果佢平日水準就如本山人今日所食, 都可以咁多好評, 本山人真係懷疑D 食網是否已成無幾可食粥之小朋友天下. 食得粥少, 係唔識分好壞.

聽朋友講，o個度夜晚好多人食，要等好耐為左唔使等位，我六點鐘就去到坐低之後就叫左鮮魚片腸粉、花蟹粥、白灼墨魚鬚仲有我專程入去食o既黃鱔牛肉煲仔飯朋友果然冇講錯，我地坐低冇幾耐，成間舖已經坐滿人野食亦都好快送黎腸粉好滑，d 皮都算幾薄，幾好味蟹粥幾鮮甜，不過冇乜肉食我之前未食過蟹粥，唔知蟹粥係o米就係咁o既呢?墨魚鬚只係隨意叫，不過估唔到又幾好味幾彈牙，份量亦都唔少最後到左我最期待o既煲仔飯賣相唔錯，不過食落又唔覺得好特別同出面其他煲仔飯差唔多o里度有少少相同大家分享http://eat-together.blogspot.com/2008/07/chan-hon-kee.html

陪靚女去大埔電髮, 要攪成日, 靚女話要食煲仔飯 , 於是我下午就去探路順便食埋lunch~午餐叫左個皮蛋瘦肉粥同叉燒腸, 腸粉皮的確很薄, 透明~ 但係凍的! 真係凍, 暖都唔暖..埋單$25蚊, 都ok la.晚飯幾多人下, 冷氣超凍, 我著短衫頂唔順, 靚女著晒外套都頂唔順, 於是叫人調教, 佢地話無得教, 仲有個長尾阿叔仲好燥好惡咁答你serve你, 不過好彩有個後生仔肯幫手教下冷氣...但個後生仔都比個長毛阿叔鬧, 雖然食煲仔飯遮, 都唔駛咁有冬天feel 嘛?!分別叫左個豉汁白鱔同滑雞肉片煲仔飯.味道: 都係一般煲仔飯.環境: 算乾淨, 但靚女話污糟(好彩係佢suggest話黎), 但係冷氣超強, 如果怕凍人士, 請自備羽絨入內進食(註*:本人日常工作地方冷氣16-20度也可不著外套的)服務: 中下翻食指數: 5/10 , 如果咁岩經過, 附近無乜好食都會黎食下o既

今日難得聽到男朋友話想吃粥(因為佢喉嚨痛)，住大埔既我就即時諗到陳漢記喇！之前都只係食佢既煲仔飯，今次第一次食佢既粥。我叫左個魚片粥餐配炸兩，男朋友叫左及第粥同叉燒腸。後黎仲追加左個鮮蝦腸同一杯芽好立克。個魚片粥黎先，好香好甜，軟綿綿的，好好味。不過男朋友個及第粥仲好味，我唔食豬潤既，但都忍唔住試左一啖。我都覺得入面舊豬潤好香，碗粥食落仲有淡淡既豬潤味道，好正好好味！我對豬潤有d改觀。叉燒腸既粉皮拉得好薄，好好味，呢d大家都知唔駛多講，不過可惜個炸兩扣哂分，凍冰冰，d油炸鬼已經淋哂，放左好耐既感覺。鮮蝦腸既蝦鹹左d，同埋唔夠熱，應該話唔夠暖，有d失望。果杯芽好立克甜左少少，下次要記得叫少甜，但我男朋友飲得超開心。今次除左粥品之外，其他野我失望左少少。但價錢都好公道，一個粥餐$25有粥有腸粉，碗粥仲要幾大碗，都算平。

餐廳供應粥粉飯麵之餘，咖哩雲吞奄列以至炸大腸，亦一應俱全。但一心來吃腸粉，無暇理會其他菜式。叉燒腸粉賣相玲瓏剔透，晶瑩可人。粉皮拉得又薄又滑，吃落煙韌，腸粉卷了數層，也不覺厚，筴起來亦不會散開。叉燒餡料新鮮，粉皮有米香，配上甜豉油，確實令人竪起大拇指，大叫‘好味呀’! 粥和腸粉可以散叫，亦各自有套餐，就是兩樣雙併的，也不過是廿多塊錢。而且食物有水準，即使老遠跑來，也要說聲值得！叉燒腸粉：散叫：12元 / 套餐：19元

本來和男友吃海皇粥店，但我提議如果吃粥，不如試下一間大家都未食過既粥粉面店，於是就慕名來到陳漢記。今早雖很大雨，但一於照去吧～我們點了兩個粥餐($25@)：艇仔粥+炸兩：艇仔粥都幾好，料足，但粥不算綿。炸兩一般，油炸鬼好軔，一點也不脆，但包著外面的腸粉很好味！魚片粥+蝦米腸：好味！腸粉好味又煙軔！魚片粥等了十五分中才到，因為服務員說條魚剛剛到，要等一下！雖然等左好耐，但都值得，因為碗粥好甜，這碗夠綿了，魚片好新鮮！可以一試～我們看到貼了一張：胚芽好立克$15杯，餐加$5，於是我們叫了一杯。但伙記在我們的單上寫上15元，我們問不是加5蚊咩，他說我們的不是餐，飯和面才是餐！但我們點的明明在餐牌寫上粥餐字眼，真奇怪！不過最後我們還是要了，不打緊，都幾好飲！