陳漢記 (已結業)

6月7日　超大雨 係女友屋企睇完VCD...傍晚6點幾~... 想去群記食個爽腩 ^_^點知門口貼住 "牛什粉麵, 全部沽清"... (太快鳥... )於是就黎左佢屋企對面既陳漢記食小小野~~~相對於平日既旺場大雨下既陳漢記顯得特別冷清... 叫左牛什麵... 炸兩 & 牛肉腸粉牛什麵... Menu入面寫住"金牌牛什麵"woo... 食落果然唔錯呀... d牛什好爽口個麵又好好咬口... 湯底又清~~~ 讚呀 ( 不過我都係有德發情意結... )炸兩... 又係好味呀~~~... 好脆~~( 其實呢味無乜特別... 因為炸兩實在好難整得唔好食的... 個人喜好only xd )牛肉腸粉... 因為係即拉既... 所以等左一陣先黎腸粉非常得... 外表晶瑩剔透... 又煙齦... 作為餡料既牛肉好鮮味... 非常正呀 唉... 愈來愈羨慕女友... 竟然住係咁正既地點一行過馬路就有 陳漢記... 群記 同 清遠雞我屋企附近...? 得 快餐店 快餐店 & 快餐店 咋 ........

朋友跟我在娘家過節...住了一天...約好了大清早一天自由行..因為上次試的花蟹粥太好味..決定同父母來這裡一試12時多..叫了肉丸粥...及第粥...花蟹粥...齊腸....牛腸....魚片腸花蟹粥比上次更甜.....$24肉丸粥....媽咪都話好味及第有豬肝..豬肚..也有肉丸腸粉是即拉....當然好吃但今日的服務太差...腸粉明顯是是走了單....話幫你跟....不了了之....再話幫你跟...腸粉去了那裡?遲來過我們的4,5,6,7,8檯客...他們的腸粉均到了....跟父母一起...我們忍你....父親請客...多謝哂!!!!

個多月前首次踏進陳漢記, 吃了皮旦瘦肉粥及腸粉, 全都是水準之作。尤其腸粉, 皮很薄, 很滑," 魚片及豬潤" 都很新鮮, 餡料充足。炸両就比較失色, 油炸鬼很好軔, 但這都無損我的心情, 因很久沒有吃過這樣好吃的腸粉, 好像回到兒時。白灼魷魚鬚, 新鮮, 份量充足。待應反應很快, 有禮。 很滿足的一餐, 一定會再去嚐其他食品。

20年都唔會專程到大埔(踏單車除外)今次亦因某些原因而來在OR搜尋了這間出名腸粉的店子...店子內,客人不多,與侍應生比例差不多一比一齋腸-等了約五分鐘,初初還以為是腸粉燒賣,那些切開一段段的..誤會了,真是齋腸...與叉燒腸走叉燒的腸粉外形無異. anyway, 腸粉是滑的,皮薄得可看透對面呢...不過感覺有點像別人形容腸粉很'cert'的口感呢

與同事兩人尋日下畫走去大埔陳漢記食好嘢，兩個狂叫：1.叉燒腸粉($14)-----叉燒粒夠多，粉皮好滑，好食。2.鮮蝦腸粉($14)-----蝦都好爽，亦好好食。3.炸兩腸粉($12)-----隔夜油炸鬼，好軔。4.咸魚肉餅煲仔飯($35)-----飯到唔掀煲蓋，從煲蓋邊淋小小豉油，再等多幾分鐘先掀煲蓋， 正 呀！好香。飯香同餸香，令人胃口大開。5.蠔豉花蟹粥($29)-----蠔豉夠味，兩隻花蟹仔好鮮味，成為一碗靚粥。兩個佬再叫多兩支大啤，真是飲飽食醉。

早兩個月 首嚐了 花蟹粥自此念念不忘粥 很 鮮甜內藏一只半花蟹一只新鮮,有蟹味不過另外個半隻唔新鮮囉/_\不過食個陣..就有d困難喇冇手套提供...本來有隻碟 用黎俾你擺 殼既不過個阿姐又冇俾到臨啦尾先拎上黎見我將d殼擺係台,先遞上黎另一個阿姐 行過見到以怪責的語氣叫我地dump係碟上 雖然係咁.., 都想試埋大家讚既腸粉 同食多次花蟹粥話唔定下次d 蟹會新鮮啦..=_=

25.05.08 朋友說要到大埔遊樂.....由港島南區.....到新界北....當然要做定功課...本人是粥痴...叫了花蟹粥... 5/5...不愛蟹及粥的朋友也大叫鮮味...相信他在吃方面會有新看法....由於太好味....再來一個肉丸粥...4粒肉丸...自家做的......好像比蟹更鮮當然也有叫即拉腸粉....也是一樣...好掂魚片腸...有小小骨...但可以接受蝦腸...一條腸粉一隻蝦...朋友好喜歡真的不往此行...一定再回來服務及環境在這區...算是不錯

一直無幫襯过大埔的陳漢記, 因為見地方較差.好似服务也差. 今次Franco 俩仔爺番黎話要食番d地道野,所以就到訪.可能过了午膳时间，有位。伙计还叫人换台比我们。环境，食具有点怕！ 点了飲品, 魚旦河, 魚旦麵,菜芯及牛腩麵. 魚旦河有旦,片及鱼皮,鲜甜份量不大. 湯好清,合格. 菜及蚝油分上,菜甜但买相不佳。似乎黄了。食牛腩麵者回家后拉肚子，是否水土不服呢？

一直誤認為大埔的陳漢記,係只開晚市,原來,早上十一點就開門營業.腸紛同粥全天候,有心吃煲仔飯,要到晚市才有.我不是夏天都一定要打邊爐/煲仔飯的火山孝子.來到當然是腸粉搭粥這個組合.陳漢記的腸粉是即拉,要吃就要等.我的蝦腸,外表晶瑩,蝦球在腸粉皮包著之下若隱若現.粉皮有米香,吃落點點煙齦夠實淨,最怕一夾就散,彈到成件衫都係豉油.腸粉得,餡料又如何?蝦球爽口兼很鮮味.果然名不虛傳.花蟹粥賣$24,價錢上就很便宜.一整隻花蟹放在粥內去滾,很難說不鮮甜.此店的粥底偏稀,吃落軟綿綿,中午時段的花蟹,味道也很新鮮.有說此店的水準比年前下跌,我這次是第一次來,也覺得不錯.難道之前真係好到天上有,地下無?

行完山...老公指定黎呢間, 但夜晚先有煲仔飯, 兩人叫咗幾多嘢食!一. 水餃米+凍奶茶, $25 + $2, 水餃一般, 奶茶帶點苦!二. 叉腸, $14, 皮薄, 叉燒唔太靚, 不過, 因為皮好薄, 所以做得出色!三. 灼菜心, $8, 夠腍, 唔錯!四. 金牌牛什, $45, 牛蒡, 肺, 腸, 金錢肚....分量唔少, 最鍾意食肺, 肚都唔錯, 腸就怕怕, 好肥!

很久沒寫過食評了是晚到了聞名已久的陳漢記吃晚餐兩個人點了:油菜---大大碟油菜只售$12,菜不油也不老,很好花蟹粥---內有1只半花蟹,相對價錢來說可謂相當足料,粥底亦分量十足~要知道這裡賣的是花蟹粥,當然不能期望它能如水蟹粥般鮮甜的啦田雞粥---田雞的分量不少,粥也夠綿,但同樣的價錢的話,本人則覺得花蟹粥比較值得吃白灼墨魚鬚---無心插柳的一道,沒想到卻是全晚的驚喜,爽口鮮甜的墨魚鬚跟薑絲,蔥花,醬油伴著吃,讚!兩個人吃到捧著肚子也才100出~下次試一下煲仔飯和腸粉吧~~*

有點掛住佢哋嘅粥及腸粉，是日專登响沙田坐幾個站來幫襯...人依舊多。小弟見到上次坐過近粥檔附近嘅二人枱冇人坐，馬上飛奔而至...同上次一樣，都係蠔豉花蟹粥加牛肉腸。叫完後都覺得自己冇喱新意...粥依舊綿。甜當然係肯定嘅la，成隻花蟹放入去，點會差得去邊? 不過，如果係用上水蟹嘅話，就真係甜上加甜，ichiban lei...蠔豉本身味道還可以。但食慣咗北角王記嘅蠔豉粥，總覺得呢度做唔到嗰種水乳交融嘅境地。蠔豉是蠔豉，粥是粥，兩者有點兒互不相識嘅感覺...腸粉絕對比粥更出色。皮薄薄，晶瑩通透，餡料依舊睇得清清楚楚。牛肉鮮甜，食得極高興...煲仔飯本係佢哋嘅得意之作，但自己卻與之從未碰頭，究竟何時有機會相遇呢?

和JKY來大埔墟，唔識路，繞了個大圈才到陳漢記，時近2點，店內顧客不多，感覺挺寫意，peaceful。專程來試蟹粥，兩人一碗，當然不夠飽，不過卻很滋味。十分肯定粥的美味是鮮甜，不是加味精的。一個不算小不算大的麵碗盛著的果真有1.5隻花蟹仔，我們吃得津津有味。哈哈。$24，不錯。不夠喉，再來一碟蝦米腸。蝦米的顏色和形態看上去有點怪。不過呢，吃過為實，腸粉皮不錯，豉油配合得當，不會太鹹，亦有蝦米味。不過到最後我仍對這外表非比尋常的蝦米感到十分疑惑....舒舒服服的，滿足地結了賬，留點肚子到熟食中心去。如果有機會，很希望嚐到這兒的煲仔飯。

老公話大埔有間煲仔飯好出名，於是就搵，就係呢間喇！我地6點幾到，有人排緊隊等位喇。我地又排，個大叔就比張紙我地揀左飯先，因為煲一個都要半個鐘。我地揀左黃鱔白鱔煲仔飯，入到去，又揀左個豬潤&叉燒腸食。不過唔係咁鐘意搭台姐，但人太多無計，食物補返數。食左腸粉先。見到d腸粉皮好薄，透透地，但又唔會夾爛果下好正！料又多，豬潤唔會有怪味，我唔鐘意食呢d野既但都覺得ok。豉油又好味！最緊要唔油！超好食，值得推介丫！等多陣個飯都黎喇。熱辣辣香噴噴，加埋個豉油落去，一食，only食d飯已經覺得好香。d黃鱔白鱔好爽好彈牙，好味丫！食剩d飯焦，老公唔食呢d野比哂我食！好開心。服務都ok架，雖然忙但你問多佢兩句佢都唔會呼呼喝喝。又唔算有禮貌，但你都會覺得ok唔會受氣。不過老公對煲仔飯唔大興趣呢....如果唔係實食好多次！

4月12日 今日原本係去食buffet既gehtering, 但因為發生左少少事而順延, 所以今晚無節目....等到男朋友收放工, 咁點都要出街食番餐, 所以近近地就係大埔食....選左"陳漢記"...叫左: 芥蘭: 好爽, 一d都唔多油豬潤田雞粥: 豬潤幾爽口, 田雞又爽又滑, 粥夠棉...白善煲仔飯: 即叫即整, 要等十零廿分鐘, 好足料, 但白善比較林, 飯焦好味...略嫌佢既豉油甜, 喊少少好味d埋單八十幾蚊, 一d都唔貴...下次要再試下其他野食, 佢地既蟹粥都好出名架....環境算乾淨, service ok啦