陳漢記 (已結業)

我同老公去聽完古巨基演唱會,跟住想去食宵夜,唸起好耐無去過嘅陳漢記,我地叫左雲吞牛腩河..勁正牛腩好味,夠"冧",湯好有味,雲吞沒有大驚喜义燒腸..义燒好硬,無以前咁好食,有啲失望及第粥..啲粥好有味,好"綿",配料就好普通,豬潤幾好,好大件,但老公食左粒..立即吐出來嘅肉丸,快啲改善吓服務態度仍好好,成零晨十二點幾,仍有好多支持者,..我下次唸起宵夜,都仍會去

星期天，早上天氣晴朗，但入夜後忽然刮起大風，仲下了毛毛細雨。太座與友人同是中大人，此際有涼意，忽發思故之情。遂於深圳玩樂完畢之後，到大埔「陳漢記」食煲仔飯，順道緬懷一吓讀書時嘅快樂回憶。時值晚上十點幾，但門外仍有輪候人士。為節省時間，一行人預先點了煲仔飯，計有臘腸排骨及北菇滑雞。等了大約十五分鐘，我們終於可以入座。除了煲仔飯之外，大家還點了叉燒腸粉及炸兩。筆者欣賞煲仔飯有兩方面，第一係飯有冇油香，呢啲油香可以嚟自臘味，亦可以嚟自肉汁；第二就係飯焦，第三當然係後加上嘅甜豉油啦。呢度嘅煲仔飯以石油氣爐泡製，好處係火力夠，好快就熟；唔好處亦因為太猛火力，不及炭爐因煮嘅時間耐，裡面嘅飯更加入味。所以，圍在臘腸、肉附近嘅飯才有點油香，其他地方嘅飯就只有撈甜豉油才感覺冇咁平淡。另外，可以鏟出嚟嘅飯焦唔多，而且已變得過硬。論出色嘅飯焦，以筆者嘅經驗就只有西營盤嘅坤記可以做得好。至於甜豉油調配尚可。叉燒腸粉及炸兩也是太座及友人於大學時代必食之選，叉燒腸粉皮夠薄，叉燒肥瘦也不俗，但略嫌唔夠香；炸兩就令人失望，油炸鬼已老，軟淋淋，嚴重影響口感。特別一提呢度嘅服務。首先，落錯單已唔再講，當服務員拿了錯咗嘅飲

今日帶左小朋友去大埔 海濱公園既昆蟲屋一遊, 出發前先醫飽肚, 出發前已做定功課, 上網睇下有咩好食, 就揾到 "陳漢記" 人人都讚, 不妨一試.一個大人, 兩個小朋友, 我地叫左:1. 淨雲吞 -- 好味道, 不過唔啱小朋友食, 唔知係落左胡椒粉, 有D辣辣地.2. 炸兩 -- 粉皮滑溜, 但油條好UN, 而且凍哂, 因為侍應攞錯左去另一張枱, 轉左幾個圈先攞番同一碟比我地. 3. 免治牛肉粥 -- 好味道, 粥夠綿, 牛肉味道好好, 我的小妹妹一個人已食左2/3 ... 很好很好4. 凍朱古力 -- 朱古力粉攪極都攪唔混.5. 凍阿華田 -- 好味道但係最緊要係侍應D面口真係唔多好, 有D悔氣添.整體黎講, 不過不失LOR.

今日打波前開飯，已經6:30PM去，都係人山人海，等了一陣就有位！四個人點了：油菜：選了西生菜，OK！白灼新鮮魚皮：好爽脆，好新鮮白灼新鮮魷魚：好爽口，唔會林PATPAT，勁新鮮白鱔煲仔飯：白鱔新鮮，反而飯粒略硬！炸雲吞拼炸鯪魚球：一般，過咗火少少！叉燒腸粉：好滑嘅腸粉，果然熱賣！炸兩：一般，油炸鬼「UN」咗少少！服務員哥哥都快手快腳！

今晚去到大埔，見OpenRice咁多朋友都讚陳漢記好味，梗係要去試吓啦！<br/><br/>我哋兩個人，叫咗五樣嘢食（真係大食呀！）<br/>牛肉腸粉：粉皮好滑好薄！半透明的腸粉包住滑牛，白裡透紅好誘人！一啖滑入口，軟綿滑溜！好味~！可惜只係微暖，如果熱辣辣就更好！<br/><br/>炸兩：油條好un~！粉皮再滑都冇用…<br/><br/>蠔油芥蘭：好味~！芥蘭爽口，莖夠粗又冇渣~！<br/><br/>北菇滑雞加雞蛋煲仔飯：飯夠乾身，比一般煲仔飯好吃，但係飯焦比較少~<br/><br/>蠔豉滑雞粥：材料份量唔算太多，粥底好綿，食完唔會覺得口喝，不過個粥冇乜蠔豉味。<br/><br/>總括唻講都唔錯，而且仲好抵食！食咁多嘢都只係$98！

是晚太公又去探班；經太公之公的引領，前往陳財記。未知是否因為同區馬民為數不少，賽馬夜的八時，客人不算多，尚有幾張吉檯，屬爾等唔熱愛賽馬之人的朝拜吉日也。兩個人，要了：白灼墨魚鬚 ($40) - 黑魚鬚勝在夠新鮮，味道鮮甜，質素爽脆，加上薑葱油，略添香味；點加了麻油的豉油同吃，風味一流。炸兩 ($12) - 這裏的腸粉皮很好，非常滑溜。不過油條實在有點嚇人，不新鮮，非但不脆，而且很韌，連帶破壞了腸粉的食味；下次來要吃齋腸 - 因為這裏的麻醬也非常香濃，不能錯過！滑雞排骨煲仔飯 ($35) - 製作需時十分鐘以上 (視乎人流而定，據悉若唔好彩多人叫分分鐘要等廿分鐘以上！)，不過時間就換來了質素：雞夠滑夠鮮，排骨也富肉鮮而不韌，配上不俗的絲苗米，肉汁滲了飯裏，配上甜豉油吃，風味配佳。記得要吃到底 - 這裏的飯沒有烤過火，飯焦是淺淺的一層，香脆而沒有燶味，稍為用點力就刮出來，實屬極品；雖然價錢比廟街的貴，用料也沒有好太多，但論飯焦，陳漢記嬴了一條街。是日要了$16/三小支的藍帶，後來才發現原來有青島和藍帶的大支裝...哎，眼大睇過龍又發作...

住大埔咁耐唔知呢間野既存在都係睇openrice先知道間野賣既粥真係一流叫左一個肉片粥同埋叉燒腸真係食過咁多間大埔既粥店最好食係呢暫時講叉燒腸先皮聽人講係即叫即整 又流又透明我叫外賣既今次 包鼓油係分開上 粥綿 又係正肉片係比較普通衰在呢間無菜乾排骨粥

14-3-2009之前見過一「陳漢記 -- 大埔」的 Facebook group, 加上睇了大家的食評相片, 對呢度的興趣比人氣豆腐花更大 一心想食的蝦腸售罄, 唯有食牛肉腸... 即叫即拉的關係, 都等了 10 分鐘先有得食, 0黎到果然晶瑩剔透, 賣相勁靚. 腸粉皮好薄好滑, 黏口又帶點米香, 正; 牛肉餡亦唔馬虎, 滑滑的, 啖啖肉, 加埋份量剛好的甜豉油, 正! 又由於朋友被爽腩伊塞飽, 一客 3 條腸粉我一個食晒, 哈哈. 跟餐的熱奶茶就麻麻0地, 茶澀味太出了; 唔知凍檸蜜好唔好 d?下次再0黎希望食到蝦腸啦.(P.S. 腸粉餐 $19)

想不到晚上九時還是這麼人山人海！等位的時候已經要睇定食咩煲仔飯，要先落單。等了二十分鐘，便有位。坐下先叫左個腸粉頂住肚先，我的白鱔牛肉很快也送上來了。先講腸粉，好滑，皮好薄，好好味。到主菜，一煲熱騰騰的白膳牛肉煲仔飯，連飯都滲入了白膳的味道。我會再來吃！

不爱粉面却不讨厌肠粉因为你们的用心所以小心的接纳这种特别的南方食物文化融合说到底还是心和心的交融————————————————————果壳苏三饕餮走四方 餐厅名称 香港陈汉记 餐厅地址 大埔運頭街91B地下 交通 大埔火车站随人流走到乡事会路，不拐弯直走，穿过广场就是。 餐厅电话 2658 2277 营业时间 星期一至日: 11:00-04:00 就餐时间 2009 年 1 月 11 日 15 时第几次用餐 第 1 次 可否刷卡、八达通 现金 如何知道该餐厅 約了人一起在大埔尋覓沒食，做大埔美食天后，通過openrice找了一些食店，一一吃過。 用餐目的 午餐加下午茶 菜名 瑶柱虾仁肠粉 价格 20元 评价 普通的长粉9-16元不等，双拼20元。我们选了两个平时不常见的馅料——虾仁用料实在，口感扎实润滑，瑶柱更是让人怦然心动。整盘肠粉样子不出色，但是味道鲜美至极，是当日觅食之旅出鹌鹑蛋烧卖外的又一亮点。 环境如何 干净的餐厅，简单的桌椅，没有豪华的装修，虽然已经下午快三点了，人还是很多。因为肠粉要现做，所以上菜时间稍长。 卫生间如何 没去卫生间，不太清楚。 服务如何 服务很好，耐心解

個日去大埔食埋晚飯至走,睇openrcie見陳漢記入頭三名,咁7點左右走去搵下,在東江雞附近搵唔到,朋友話後面好似有幾間食肆,咪走過去,真係在個度,門口有一枱客,唔見有伙記招呼,行入去有張空枱坐低,點知有個聲大肥佬的亞叔,大聲話你兩個起身,出面排隊,原來有另一個入口在另一面,出面有很多人等,面矒矒行出去等,原來間嘢都幾大,看一看單張,煲仔飯都幾貴,朋友費事等,而且個肥佬的態度好差,一D都唔尊重人,有趕客的威勢,好食又點呀,服務態度唔好無下次!

去完<廣成冰室>食0左個下午茶之後, 祖安就話不如趁依家早, 去大埔食<陳漢記>. 雖然我唔係好肚餓, 不過之前兩次想去光顧的時候都好多人, 而且見祖安咁想食, 就去啦. 其實多有多食, 少有少食, 都冇問題的, 最緊要係開心!!! 1. 艇仔粥($19) ~ 因為牙有d 痛, 所以就食粥啦, 同埋聽人講呢度d 粥都幾出名0架, 最後我叫0左艇仔粥, 真係好多料0架喎(有魷魚, 碎肉, 豬片等等). 仲有我覺得佢會將d料同埋d粥一齊加埋再煲先攞出0黎, 因此d粥都唔會淡"某某", 好味道!!! 2. 牛肉肉片煲仔飯 ($35) ~ 首先好有飯香啦, 正!!! 牛肉夠曬嫩滑, 豬肉都唔錯, 不過就略厭太大舊, 係呢度就減0左少少分. 但整體都好味的!!!整體評價：粥飯都好味, 下次試腸粉!!!

抱著福源花生醬回家，已經在想今晚吃甚麼好。又要值得介紹，但有不可太飽(有福源花生醬在等我呀！)，下巴士後，便不自覺的走到了陳漢記。雖然陳漢記只是一間粥麵店，但腸粉的出色吸引了很多區外人來見識見識，卻從未令人失望過。 腸粉其實是很簡單東西，薄薄的米漿拉成粉皮，蒸煮後；先下料，再人手捲成條狀，配上醬油，便可以上碟。不過，要找一碟好吃的腸粉，一點也不易。首先，米漿不能太稀，否則出來的粉皮不夠米香。蒸煮時間要拿捏準確，才可以達致煙靱有彈性。餡料要足夠，不能下得少。最後連醬油也要調味得恰到好處，不能過咸又不能只有甜味。我點了兩碟腸粉，前面是魚片腸粉，遠一點是豬肝腸粉。魚片腸粉，還沒吃已經知道質素不會很差，粉皮薄得連餡料的看得到。餡料超多，很實在。魚片，醬油和蔥，根本是廣東蒸魚的點心版。粉皮又香又Q，醬油味道剛剛，不會是死咸。唯一缺點是魚片有一點點骨頭，讓我吃得要很小心，沒有很暢快。豬肝腸粉又是超多料，HK$16，我覺得沒有很貴。平常可以吃到的叉燒腸，牛肉腸或是蝦腸，我認為都沒有豬肝腸粉的搭。三者配在一起根本是絕配，淡淡的粉皮，加上粉粉的豬肝，有一點點獨有的臊味，苦味卻被甜醬油全中和掉，我最愛的腸

年初三到大埔拜年，本想順道到群記試試，怎知關門休息，轉角到了陳漢記，見坐滿了人，未嘗不可一試。我們三人點了兩碗牛腩河，一碗牛筋麵和一碟齋腸。過了五分鐘，送來齋腸，真的很齋，連芝麻也沒有，沒啥味道。不一會，店子預約了的舞獅隊到來採青，適逢其會，我們滿懷高興著有免費娛樂，服務員著近門口的食客移至一旁，因兩隻獅子會舞入店內，我們又到門外看獅子採青，返回座位，不經不覺已過了二十多分鐘，三碗粉麵仍未見影縱，著店員查看，店員說知道落了單，其間多檯食客也追食物，大家都顯得不奈煩，店員都用一般的口敏應付，說食物要時間煮。過了三十分鐘，食物終於送來了，但其中一碗是要麵的，卻來了三碗都是河粉，我不敢張聲，怕不知又需多少時間來更換，兩碗牛腩河，其中一碗大部份都是肥膏，另一碗則尚可，牛筋很淋，但完全沒有丁點兒嚼勁。邊吃邊看著門外等入座的客人，他們已等了好一段時間，店員又安慰他們很快有位。走時經過粉麵檔，發覺負責粉麵的師傅是慢工出細貨的門徒，怪不得一眾食客都在新春等運到。

搬到大埔幾個月，今晚同老婆終於有機會試他的煲仔飯。晚上八時依然要等位，但入坐前可先叫定煲仔飯，到有位時就好快有得食(夠晒細心)，我地叫了腊腸滑雞飯同埋腊腸排飯，入坐等咗五分鐘就有得食。啲雞同排骨勁好味超滑，最重要係啲飯滲滿咗鼓油同啲腊腸香味又軟又香，差唔多完全無飯焦，火喉經驗老到。試過陳漢記之後先知天下第一煲仔飯果然名不虛傳。