陳漢記 (已結業)

玩了一整天，到了大埔，原想吃個清湯腩，但群記竟賣完打烊，想起這冬天還未吃過好的煲仔飯，便到陳漢記碰運氣。七點，門口排了長龍，但走的人也多，等了十五分鐘左右就可進去。叫了個白鱔煲仔飯和臘腸排骨飯，見到腸粉很多人吃，也順便叫了。飯來的時候等了一會才開蓋，灑了點醬油，沒什麼飯焦，可能火候不夠，但飯香料足，是不會不好吃的。 白鱔雖肥美卻比較淡味，要下多一點醬油。豆豉排骨若可入味一點更好。牛肉腸粉 – 很滑，還吃到米香味，難得，我們覺得比煲仔飯更好。煲仔飯的味道其實也不錯，而且價錢便宜，分量很大，在冬日肚餓的時候來食會最好最滿足，其他時候來食腸粉和粥好像也不錯。

是晚08 01 2009,放工就約埋個老友一齊食野.見天氣凍凍地,就諗住食碗粥暖胃.第一時間就諗起.呢個地方點知去到門口......竟然要等位...超旺場.不過好快就有位啦!炸兩:全部腸粉類,都係即叫即做.所以保証新鮮.蠔豉滑牛粥/豬潤滑雞粥:鍾意呢度D粥.煲得夠綿.超正. 而且又足料.仲見到好多人食煲仔飯添!好似幾正,而且價錢都唔算貴.下次同D Friend再試!

今日天氣涼涼地,最岩食煲仔飯暖番下,就黎左煲仔飯出名既陳漢記~6:30去已經頗多人,好彩重有位,唔駛等!行既時侯見到台台都唔係食煲仔飯就係腸粉,好似好好食呀之後就叫左臘腸北菇蒸雞煲仔飯+皮蛋瘦肉粥!!等左一陣,個煲仔飯竟然黎得先過粥喎~個煲熱辣辣咁,打開左個蓋之後,第一時間就係淋d煲仔醬油落去!<臘腸北菇蒸雞煲仔飯>d飯都幾乾身,食到底有飯蕉得黎又唔太痴住個煲~而d醬油又做得幾好,唔太甜~臘腸有2條,唔多肥膏,應該唔係cheapcheap野黎既~d蒸雞,一流呀滑得黎又多肉汁,正正正!!!如果d冬菇可以多d菇味咁就perfect啦<皮蛋瘦肉粥>都等左都ok耐,估計佢都係即叫即整~碗粥好夠熱,唔水,不過d料唔係特別多,都要搵下搵下~d瘦肉好入味,而d皮蛋唔多,變哂色,可能煮得耐掛~食完呢2樣野個胃暖暖咁,好舒服~下次有機會再試下佢d腸粉先,睇佢地d賣相同食評好似好正哦!!!

一個月內幫襯兩次...因為六時後才有煲仔飯, 既然每晚能賣出四百煲, 必有其優勝的地方! 由於限制飲食....只有魚/豬能吃, 於是叫了白鱔黃鱔煲, $50, 落單後等了約十五分鐘, 我們由五成客滿...等至全滿...見枱枱都叫煲仔飯, 雙鱔都好新鮮, 略亦唔少....不過, 煲底就唔覺有飯焦, 但米飯剛剛好乾身, 唔錯!等飯期間...我們叫了灼菜心, $8 及叉腸, $14, 菜心略硬, 叉腸料好多, 皮夠滑, 埋單 $72, 好平....但泊車連汽油過埋過黎都差唔多!

午睡至七時多才起身，趕不及外出用餐，只好著男朋友到陳漢記外賣煲仔飯。腊味排骨煲仔飯，只售$40，借得一提的是外賣連煲只需另加$5。外賣煲仔飯風味始終不及堂食，至少失去了揭開煲蓋那份期待。打開飯盒，傳來陣陣飯焦味，再細看，臘腸、潤腸、臘肉、排骨，很豐富！可惜的是淋上豉油後飯焦變得韌韌的，沒有了堂食的那份香脆。可以的話，我會到陳漢記堂食煲仔飯，又便宜又好味！

日頭無機會食煲仔飯, 於是唯有食出名既腸粉, 二人叫了碎牛粥, 魚腩粥, 灼芥蘭, 齋腸粉, 咸肉糉, 粥底幾綿, 腸粉好滑滑, 但蓋面既油多了一點點, 糭既綠豆唔腍, 魚腩三四件, 厚厚的, 剛剛熟, 正!我地食野要求多多, 豉油另上, 又甜醬, 又碗仔....侍應都好快手!R19

一心諗住呢間野實會好多人來.......所以夜小小九點才來..............點知門口已經坐滿了等位的人....................諗住去攞位.........點知門口果個哥哥只係比紙我地睇食咩煲仔飯..........要落定單先................等了大約十五分鐘，約於都入到去啦..............我叫了白鱔牛肉、我女友叫了臘味滑雞................由於等候時需時，所以我地叫了個叉燒腸頂住先...................腸粉好滑，好好味...............主菜終於都來啦，兩煲熱騰騰的煲仔飯..............我的白膳牛肉有八片膳咁多.....都幾低食..................連飯都滲入了白膳的味道............臘味滑雞...........雞真係好滑...............飯也有臘味的味道........我會再來光顧..................

今天去試了這裡的粥套餐，我叫了豬膶粥加义燒腸粉，本來想叫炸兩，可惜沽清豬膶粥非常美味，粥底很杰，豬膶很入味义燒腸粉也很新鮮，看得出是即叫即拉，抵讚價錢：25元滿意的一餐

週日午飯時間的陳漢記人山人海,幾乎每檯都有人在等,跟表妹當先頭部隊入去等,幸好收銀靚姐幫忙找位,也得到幾位大埔街坊貼心地加速進食速度給予我們吉桌一張,非常感激!!四個女子雖已吃了點小食打底,坐下來仍狂風掃落葉地點了:炸魚皮當開胃小食,魚皮滿滿一碟連一碗胡椒味極濃的上湯,看她們三個咔嚓咔嚓地吃,單聽聲音已知道很脆,大人評為魚皮撲上薄粉來炸,比用厚粉漿來得好吃。即拉腸粉x3:鮮蝦腸粉仍有不少爽爽蝦仁在內,跟上次水準相若;牛肉腸粉的碎牛肉份量不少,牛肉打得頗為滑溜;豬潤腸粉的豬潤切成幼條方便蒸製,豬潤吃來爽口像黃沙潤,豬潤佈滿腸粉中,極壯觀哩!! 腸粉皮依舊薄得通透,油光閃閃的極漂亮,只是仍然熱度不足,還是那暖暖的溫度,怪怪。粉麵3: 自己點了牛雜撈麵,幼麵梘水味頗濃,應是放得時間未夠,梘水還沒有揮發得妥當所致,自己的撈麵有濃味蠔油掩蓋著還可接受,阿姨點的湯麵則較大問題,幼麵本身尚算彈牙,只是未到銀絲麵質素,要不是那陣怪味分數會高一點,牛雜煮得很淋身,尤其牛腸牛肚真的淋得可以,牛膀份量很大只是質感偏實,沒有那粉粉感覺有點失色,牛腸帶了肥膏只是味道很一般,浪費了那甘香感,以牛雜來說很很很一般!

看完openrice 的食評，昨晚一心去嘗試煲仔飯，叫了白鱔腊味煲仔飯，上枱熱騰騰，非常新鮮，打開煲蓋已能聞到那股香氣，倒下豉油便開始我的晚餐，白鱔很美味，腊腸和腊肉也可以，可惜沒有我喜愛的鴨膶腸，不過最敗筆還是它們的豉油，把整個煲仔飯也破壞了，可惜！坊間外頭的豉油是自家制過，所以帶有甜味，這是整個煲仔飯的神韻，所以不合格。

正值係中午時段,餐廳約滿七成客人,叫了及第粥配炸兩,叧加招牌菜牛什河及奶茶,及身粥size好細碗,味道一般,但炸兩令我好失望,全因係擺咗好耐,十分硬,至於牛什河比較出色,湯味香濃,牛什入味,河粉比較碎........但奈何size都係好細.....如男子肚餓就要食兩碗,奶茶水準一般...總括呢講真係一般茶餐廳

大埔墟食宵夜, 陳漢記唔錯~推薦白灼鵝腸同埋白灼牛肉~上次食過炸兩...唔夠脆麻麻地...粥面17蚊比較貴~service快手, 伙計風趣食得幾開心~

之前喺大埔住過 4 年, 成日都幫襯佢, 而家搬左去沙田, 搵唔番咁高水準的鋪頭了.....上星期入左大埔行街, 叫左個以前無叫過既咖喱豬扒撈公仔面, 一上枱己經聞到啲咖喱好香, 辣度啱啱好, 撈埋啲公仔面度, 超正........不過係塊豬扒稍為鞋左些小, 我諗下次叫咖喱雞翼會好味好多呀........................

蠔豉田雞粥 $29 - 蠔豉很入味, 而田雞也很滑. 田雞份量也不少, 啖啖肉, 很惹味!牛肉叉燒腸 $20 - 牛肉沒有特色, 不過叉燒很淋,很好味呢..看來下次還是不要叫牛肉...不過下次想試試蝦米/瑤柱腸粉, 好像很特別的呢~見到很多人也叫牛什麵...心思思的我很想下次試下~ ^_^

這裏大大話話都已吃過四五次，算是老主顧了。但因為每次來都是午飯時間，所以每一次的配搭都是粥加腸粉(而且差不多每次都是蟹粥加碟牛腸)，連自己都感覺有點千篇一律。除粥及腸粉外，早已聽聞這兒的煲仔飯很有名堂，但奈何只在晚飯時候才能一親香澤。講真，小弟真的很小有機會於晚上在大埔一帶出現，故就與這名聲甚隆的煲仔飯緣慳一面了。前數天要到大圍辦點事，中間有兩個多小時的空檔，並要自己攪定晚上的一餐。立時心想 : "這不就是最好的機會嗎 ? "收工後馬上驅車前往。平日晚上人又不多，師傅可以有更多時間去處理每一個order，應該可以一嘗其煲仔飯的真正水準了....本來想一試她的公司煲(以啄碎臘膶腸為配料)的，但望見林林種種的配料，又有少許動搖了。黃鱔其他地方少有，但好像田雞也不差wor.....內心不停在交戰卒之望着menu，看了很久也未能落單最後都是決定還原基本步，來個白鱔滑雞，再加多條臘腸，一次過吃盡三款料，滿足矣先來一碟芥蘭，淥得太淰，但份量真的很多很多，差不多吃了成斤菜落肚等了十多分鐘卒之端上枱。先將豉油沿蓋邊落下，跟着在焗多五分鐘左右才打開，名符其實的滿室芳香....先吃一口飯，飯粒有點濕，無想