陳根記

營業中

休息中

-呢間係我由細食到大嘅老字號陳根記 😙記得以前細個嘅時候成日同朋友走去禾輋冬菇亭食㗎😍必點嘅 Wasabi手撕雞 唔知大家有冇食過呢到佢哋搬咗去石門之後品質好似冇以前咁好？定係人大個咗 口味都會改變⋯🤪轆轆吓外賣平台突然見到 佢哋嘅甜品❇️ 芒果一口脆 都係我以前必點嘅甜品之一外脆內冰凍 亦都選用左好甜嘅芒果果肉🤤🤤🤤❇️ 芒果拿破崙 雖然外賣來到已經歪哂 但都不減佢既味道😋脆卜卜既餅皮 加上輕型既cream 同甜甜既芒果⋯正！😍❇️ 原味木糠布甸 都一樣好好味 忌廉唔會太甜或太膩 甜度比例岩岩好🤩一啖接一啖食唔停💜...💵WORTH: 7.5/10👩🏻‍🍳TASTE: 7.5/10🤵🏼‍♀️SERVICE : NA/10☣️RETURN: 7/10

陳根記 (沙田)沙田石門安群街3號京瑞廣場二期地下5號舖K先生同屋企人係陳根記常客，一直諗住帶J妹嚟試吓，可惜撞正晚市禁堂食，咁就唯有買外賣啦！可能真係大家口味唔同🤔👨🏻‍💻K鐘意食 ，👩🏼‍💻J覺得期望過高，同一直耳聞「好好食」有距離～芒果一口脆 $38 (8件)👩🏼‍💻J ： 外皮炸得香脆，內裏芒果凍凍哋，唔酸，外熱內冷，但忌廉比較甜膩～ Wasabi 蟹籽手撕雞 $90 (例牌)，外賣盒 +$2手撕雞肉 + 海蜇+ 火腿絲 +青瓜絲 + 蟹籽～ 例牌大約足夠2人份量！ 另外仲有 每隻 $285 ，半隻 $160 👩🏼‍💻J ： Wasabi味幾出之餘唔攻鼻～ 不過海蜇有沙、仲有腥味🙈 鹽水手撕雞，正常，肉質唔嚡，但未算好軟嫩～

原來陳根記搬咗嚟呢度，朋友帶我去試。地方好乾淨亦都好光猛，冬天坐室內一啲都唔覺得凍， 平日嘅晚上都好多人坐滿座 。 要等咗一陣先有位入，場面好虛撼。叫咗菠蘿咕嚕肉，蠔餅，乳鴿。三樣都好有大排檔風味，有水準夠鑊氣。尤其是個蠔餅足料， 推介。啲蠔大大隻好厚肉， 新鮮炸起真係好正。隻乳鴿又係正，啲肉好嫩滑，多汁，皮脆。最後打包咗兩個糖水返屋企食，芒果pancake 真係唔推介，冇乜芒果。 啲芒果粒亦都唔甜 。但係個榴槤幾好食。

由沙田禾輋冬菇亭搬到去石門，餐廳天天都好多人幫襯，今日我們都奏一奏熱鬧先。不想等太久所以大約晚上六點左右就去到，餐廳內已經坐滿一半以上了。滷水拼盤點拼盤就最正，樣樣都有因為我喜歡吃鵝片、豬腸、豬耳、墨魚、豆腐等，所以點滷水拼盤就沒有選擇困難症啦！椒鹽九肚魚炸得很乾身，非常之香脆肉質鮮嫩幼滑。XO醬小炒皇這個又是去大排檔必定點的，鑊氣夠好惹味，材料有韭菜花、腰果、魷魚、蝦仁、蝦乾等。最後倒必點個糖水吃的，特色榴槤奶露 和 真。夠薑蕃薯糖水。

見石門好多餐廳,今日同兩老去左陳根記，睇左陣叫左三餸一湯，鮑魚雞湯、椒鹽九肚魚，每日例牌蒜蓉蒸中蝦同埋豉油王豬腩肉。鮑魚雞湯：估唔到個豉油勁好食，用來點雞肉一流，不過要另外叫人比，唔會跟湯上，湯都好飲又夠熱，同埋個湯勺好特別，可以隔油。椒鹽九肚魚：好瘦好少食咁瘦嘅九肚魚，不過因為咁都比平常九肚魚香脆蒸蓉蒸中蝦：普普通通，淡咗啲要另外點豉油食豉油王豬腩肉：呢個落單個時都有問佢點煮，佢話炒之後個底有芽菜推介我地兜亂，咁信佢喇照落單，點知來到好似盤翻炒隔夜餸咁，肉片抄芽菜加蠔油汁濕揼揼咁，唔明咁嘅垃圾組合點解會放係餐牌，真係三餸飯都唔會見到🙃🙃🙃最後埋單四百五到，應該就唔會再來

其實我住九龍區所以唔係成日都可以食到陳根記！佢搬之前我食過一次嗰陣時覺得好好味，大排檔風味，好夠鑊氣👍之後佢搬咗都未試過，今次係附近行街，所以當然就想試下陳根記啦！搬咗之後佢喺商場裏面，感覺餐廳環境係衛生咗好多既，不過食物就比之前差左少少！d野無咁有鑊氣魚香茄子煲都好食既 送飯真心一流♥️👍個菜就唔太夠味同埋太冧～ 依個係佢個招牌蟹籽手撕雞，但有d失敗係d雞唔新鮮，成碟淨係食左海哲個骨都幾好味😋🙌🏻最後想食甜品要去隔離佢地既甜品鋪買，買完拎返黎堂食咁，依個芒果要大推🙌🏻🙌🏻 好好味，芒果唔會酸，好甜，個炸皮亦唔會厚！

陳根記呢個名聽左好多年，但以前又無特登去禾輋邨食，前排有晚去到石門搵食，友人就提議去呢間新舖食。大排檔搬入室內，樓底夠高仲係鐵皮頂幾地道，裝修白色為主簡樸又光猛，全場摺枱並排鋪著膠枱布，枱上攞放著一個經典膠水壺，加埋膠櫈甚有傳統大排檔情懷，重點是有冷氣以及衛生環境唔錯。雖然望唔到廚房，但見到出餐好快，亦食得出有鑊氣。Wasabi蟹籽手撕雞 $90（例）第一啖係嗆的，但青芥末味之後無咁濃。手撕雞大小剛好，加埋青瓜絲及蟹籽，口感豐富，幾開胃。茄子鵝腸煲 $82 好足料，好多鵝腸，茄子軟硬適中，味道略鹹，最啱餸飯，但真係比較油。椒絲腐乳炒通菜 $68幾大碟，菜算嫩，不過味道偏淡，唔係好食到腐乳味，一度懷疑自己落錯單。.兩個人三個菜其實都食唔晒，呢啲地方應該要一班人去叫好多餸開心Share！

星期日同朋友行完山，就去咗排好出名嘅陳根記，我哋六點半去到排咗半個鐘到。Wasabi手撕雞評分: 9/10 份量都幾多，手撕雞肉質嫩滑，配上wasabi超夾金銀蛋時菜評分: 8/10因為我哋有一個朋友係食齋嘅，所以就叫咗碟菜俾佢，今日嘅時菜係白菜仔，配上鹹蛋同雞蛋絲同清甜嘅湯底剁椒白鱔片評分: 8/10白鱔幾好食，好新鮮，但可惜份量偏少，底仲有啲粉絲，湯底配飯一流黃金頭抽雞評分: 7/10 好普通，冇咩特別椒鹽魷魚鬚評分: 8/10炸得好香脆，正！

一直都有去開禾輋邨個間陳根記，確實係好食嘅。所以都有啲想試吓搬咗地點後，質素有冇變咗。 當晚同家人一家六口 (五大一小童)去咗石門依間陳根記。我哋叫咗酸菜魚、蒜蓉蒸蝦、乳鴿、炒飯、wasabi炸魷魚等。初初我哋都擔心酸菜魚會唔會有魚骨，因為我哋都有老人家同小朋友。幸好完全食唔到有魚骨，而且味道一流。蒜蓉蒸蝦，蝦味尚可，至少蝦肉唔會感覺好「霉」。乳鴿同炒飯都不錯，當然亦唔算特別出色。至於個wasabi炸魷魚，味道確實不錯。既可以出都wasabi味，亦可以出到炸魷魚味道。環境都算闊落，感覺唔算太迫。到晚上食飯時間，仍然見到好多人等位。整體感覺唔差，但如果諗住想食返大排檔嗰種感覺，就真係唯有喺冬菇亭食，先至攞得返依種感覺。

陳根記喺禾輋都算幾出名，咁啱入去沙田就同朋友去試下，8點預咗要等位，點知去到完全唔洗等，我哋坐低就點左四個餸之後朋友去洗手間，都未返嚟啲餸已到齊，四個餸唔洗10分鐘到齊？即係話所有餸都係整定，唔係即炒？上到檯啲餸係暖唔熱，有沒搞錯！！！我係鍾意大排檔有鑊氣先至專登嚟食，仲要係味道一般，炸大腸炸得太乾冇乜肉食，馬拉盞通菜過鹹，椒鹽九肚魚唔熱唔好食，燒乳鴿同一般酒樓一樣冇驚喜，但酒樓坐得舒服過佢，地方好逼，4張檯黐檯成一行。想叫餸要自己落單，仲要加一服務費，完全冇服務！唔會再去冇下次⋯⋯

沙田大牌檔名店 只做walk-in 星期日5點半到已經8成滿 人氣依然爆登 大牌檔例牌菜式應有盡有，有冷氣食鑊氣小炒係正既，叫咗5樣餸埋單$488唔算特別平而且碟頭偏細，性價比唔特別高，仲要山長水遠入石門就唔值得啦😕咕嚕蝦球 ($98) 個汁酸甜平衡得幾好，炸漿好鬆化香脆但太厚重，望落大大嚿其實都係只係炸漿厚，蝦球普普通通。特色甜麵醬魚雲煲 ($88) 個煲細到…. 裡面都唔知有冇半個魚頭😅魚雲亦當然只有一嚿..魚頭有先走油所以有脆感，用甜麵豉醬煮味道夠惹味既，但份量上真係有啲太迷你..椒鹽九肚魚 ($88)新鮮炸出都唔覺油，外脆裡面魚肉熱辣辣軟腍，略嫌炸漿太厚。金銀蛋白菜仔 ($70)呢碟的份量就乎合返大牌檔標準啦，好多鹹蛋同皮蛋，鹹香十足夠哂味。薑蔥炒豬什 ($90)又係好細碟，豬什亦唔係好足料，只有粉腸、豬心、豬肝、豬肚，感覺唔太抵食，不過薑蔥炒係好惹味既。芒果一口脆($38; 8粒) 甜品係分開另一個檔賣 要自行去買帶返位食，脆蛋漿皮蛋香十足，口感外微脆亦帶軟糯，包著冰凍芒果一齊食有多重口感，又真係幾好味果然係招牌甜品。

🤔 石门｜陈根记｜138 HKD #丁丁香港探店地址：沙田石門安群街3號京瑞廣場二期地下5號舖-从东平州回来离得不远就来打卡陈根记一句话点评中规中矩 打卡过就行 不会特地来吃-「芥末蟹籽手撕鸡」一口下去！好呛蛮特别的菜可以一试鸡肉很嫩-「芒果一口脆」特色甜品底下有奶油非常作弊因为脆皮不够脆多蘸点奶油之后满脑子都是奶油的甜味会忽略不脆的事儿了-「孜然一条骨」肉稍微有一点老但是很香个人更喜欢这个牛仔骨偏肥我牙口不好-「椒鹽九肚魚」确实是我来港吃过的九肚鱼倒数了但也不算差劲-「特色榴莲奶露」还是一样太多奶油作弊！只有底下一层榴莲上面全是奶油-「排骨陈村粉」陈村粉不错！偏甜口但排骨很好吃-「XO 酱小炒皇」这个菜怎么都不会差

陳根記如今大不如前, 待客態度差、味道差、食材差、份量也大不如前, 今晚之後不會再幫襯！1、接手老闆的新一代及新伙記, 態度都比以前禾輋的差！食肆要限時90分鐘, 這點明白的, 想生意做多轉, 這算是食客與食店之間的約定, 但這店卻自己破壞限時約定, 在這90分鐘內由坐低、落單、進食都會不斷騷擾食客, 務求要令你少於90分鐘離開, 令你食得趕、催促你盡快離開！這樣為何要定90分鐘, 倒不如定60、30分鐘？！新一代後生接手後, 本末倒置！究竟係要先賺客, 才有生意賺到錢, 定係而家啲生意太好, 疫情期間都唔憂無客, 要趕客呢？！2、食物味道及質素差今晚叫了幾道菜, 都大不如前：“椒鹽鱔片” ---- 炸到乾哂水、鱔片無味、肉質嚡唔新鮮；“粟米斑塊” ---- 獻汁都無, 粟米粒加一少pat蛋就算, 斑塊炸粉厚, 硬嗗嗗；“Wasabi手撕雞” ----- 份量比以前禾輋老店的, 少起碼三份一, 甚至接近一半.以前禾輋老店, 企喺度等位就算等一個鐘, 也沒有怨言, 因為廚房夠鑊氣、份量足、加上老闆同伙記忙極, 待客也算不錯. 搬去石門之後仍有經常幫襯, 雖然石門泊車極之不便, 但疫情期間

今日同太太放假去咗石門既帝逸酒店上一次有幾家學生家長來酒店STAYCATION晚上FOODPANDA咗陳根記外賣今次2人拍拖照舊外賣了陳根記除了因為方便可以叫外賣送到地面一田門口取餐外最主要是食物的確係好味上到酒店房開餐時餸係熱的真係即叫即整即送。今日點了三餸兩飯：魚香茄子煲 ： 好美味，如果可以改善的話，我喜歡茄子煮耐一點，淋一點，會更入味生炒骨 ： 好味梅菜扣肉煲 ： 好味呢間食物質素一流加上現時外賣送餐方便快捷兩樣配合得宜時就算不在店舖吃叫外賣時也能吃到熱辣辣的美味外賣

超難食，皮厚又淋……失望👎……差，應該放耐咗之後再返炸咕嚕雞球有點酸…..好普通無驚喜椒絲腐乳通菜，正常合格梅菜蒸肉餅，正常合格下次應該唔會吸引再來幫襯。有啲失望