陳根記

營業中

休息中

門口個阿叔淨係識得嗌Number叫人入問佢有冇外賣拎得 死都話冇本身話7點34分拎得我等到45分都見未有我同個叔講 我已經再等多左10分鐘佢就叫我自己入去問你唔知咩事 你一開始就咪同我講話無啦入到去一問 原來一直擺咗喺舖頭入邊無嗌過no. 以後唔會再幫襯奉勸大家如果以後嗌外賣 特別係經OpenRice order嘅一定要自己入去問佢拎千祈唔好信出邊門口個阿叔佢咩都話無 淨係識得叫人嘟安心出行同埋嗌Number希望陳根記負責人睇到依段文字

陳根記名物芒果一口脆‼️甜品同陳根記冇關係，所以大家需要自己行去購買，再攞番埋位食架！🌸芒果一口脆$38⭐️⭐️⭐️⭐️☆外脆內嫩，外熱內凍，有d甜有d酸🌸芒果豆腐花$33⭐️⭐️⭐️☆☆豆腐花都算嫩滑，重豆味，芒果正常，可惜有d太酸了！如果全部甜既會好好多，夠大碗！🌸特級楊枝金露$32⭐️⭐️☆☆☆唔好味的，太重奶味，好微弱芒果味，太稀啦🌸芒果布甸(購買芒果一口脆有優惠價)$22⭐️⭐️⭐️⭐️☆布甸十分嫩滑，芒果味十分濃郁，而且夠大杯，十分有誠意！🌸麻醬蟹籽雞絲粉皮$98⭐️⭐️⭐️⭐️☆不過不失啦！雞絲有咬口、粉皮能掛汁🌸孜然一條骨$90⭐️⭐️⭐️⭐️☆有5條骨，大小不一，味道不錯，孜然味適中，豬脾仔唔嚡口架，夠入味🌸鹹魚雞粒炒飯$72⭐️⭐️⭐️⭐️☆十分大碟，非常夠飽，有超多鹹魚粒，可口🌸檸檬西洋菜蜜$36/3枝味道適中，解膩一流餐廳空間十分大，冷氣足夠，雖然入左商場，但佈局都依然有大排檔既感覺。傻婆們準時5點幾入去食，當差不多7點時門口已經勁多人等位，即使外賣都要等成20分鐘，所以大家想去食可能要早d去就5洗等甘耐！======詳情======陳根記沙田石門安群街3號京瑞廣場二期地下5號舖================#

上網睇過話呢間好好食，我特登由香港仔搭火車去到石門幫襯佢，係第一次幫襯，等咗30分鐘就入咗去，環境OK冷氣OK，我叫咗五碟餸四個人食，諗住再加多兩個餸，之後落唔到單，我問服務員點解，佢話我知你落單時間已經過咗，落單時間係剩返30分鐘之前你一定要落晒所有單，其實冇人通知過我冇人話俾我聽，之後服務員嘩你唔識字嘅咩牆嗰度都寫咗啦！其實我真係睇唔到邊度有寫，之後就見到，都冇問題咁我咪唔叫囉，我同佢講我好遠黎到我想叫多兩個餸得唔得，佢話唔得呀呢度電腦規定咗，你唔食大把人食你夠鐘就要走，我喺度做咗四年係咁㗎喇你可以唔好幫襯，問題係好小事但係啲服務態度勁差。最後我喺堂食剩返10分鐘好早去早舖頭內嘅地方買甜品食，我問啲賣甜品裏面嘅人，出面點解啲服務員態度好差，佢答話，我哋喺度買甜品都俾佢鬧。

聽聞呢間大排檔以前喺沙田禾輋嘅露天冬菇亭好出名，而家搬咗去石門做室內。都差唔多12點就收舖，一場嚟到嗱嗱臨趕住點嘢快食。佢招牌嘅頭抽雞賣晒冇得食，阿姐就介紹佢哋嘅Wasabi手撕雞，另外再叫咗炸蠔餅、海鮮雞煲、川芎蒸魚雲。成晚兩個人叫咗四樣嘢，炸蠔餅係最值得食嘅。呢樣係佢哋推介食物之一，但我就一般般我冇乜掂過，手撕雞我都係鍾意食厚興瑜記多啲。個人認為大排檔就唔應該叫雞煲，偏偏嗰晚就突然好想食，就中伏啦。其實望落都似炒小菜多過煲，比較乾身冇乜汁唔夠惹味。同埋雞煲都係辣嘅好食。佢海鮮份量都好足，有蜆、蝦、魷魚同斑塊，另外落咗好多洋蔥同三色椒。如果醬汁放多少少轉紅洋蔥煮到腍身吸晒啲味會更好～ (依樣都係去返一品雞煲食啦)川芎蒸魚雲可以👌🏼蒸得啱時間都幾滑，鍾意食魚嘅我一人之力清得哂成碟。點解叫可圈可點係因為我相信佢有佢做得成功嘅菜式，只係嗰晚唔好彩叫唔中。少少後悔當時唔知冇叫到芒果一口脆同榴槤甜品。頭抽雞又賣晒。其實服務幾好，環境都好寬敞枱又夠大，鍾意佢吊起晒每道菜嘅名同相喺天花板有啲感覺～未嚟過食嘅來一次試吓無妨，但未必會刻意再回頭。🫡

去得石門住Staycation諗食咩晚餐，突然間叮一聲諗起陳根記～好想食佢個一口芒果，所以就起程去拎飛喇！估唔到7點鐘到都要等成十幾張⋯我地四大兩小要六人枱，等左半個幾鐘先入得！手撕wasabi雞、薑蔥豬雜、薑蔥蠔、開邊蝦、豉油皇炒麵、咕嚕蝦球、椒鹽鮮魷，仲有幾個餸唔記得😂豬雜唔「騷」，手撕wasabi雞好有特色，少少刺鼻但又好易入口，豉油皇炒麵係我食過最好食既，因為佢夠乾身，又唔係淨係得麵，仲有些少配料，好惹味💗💗埋單13xx，飽到甜品要拎返酒店食😂六個人都攬住個肚走喇！

大學生開sem不可少嘅一定係食大排檔啦 食過幾日之後就迷上大排檔嘅味道 今次搵左間好多人推薦嘅石門陳根記食 除左大排檔經典美食仲有甜品部添！雖然係室內 但係就保留左大排檔嘅傳統 用透明垃圾袋當檯布同埋膠凳 但係有超強冷氣加持坐得都舒服！✌🏻🍤黃金蝦💰198雖然定價偏高 但係用料真係十足 尤其係鹹蛋黃落到成隻蝦都沾滿曬！！呢度嘅鹹蛋黃唔同出面一粒粒嘅金黃碎 而好似膏狀咁鋪滿成隻蝦 已經變成蝦嘅外殼咁 鹹蛋黃愛好者真係啖啖都係蛋黃🥺仲可以點其他菜落呢度變成黃金xx蝦本身炸得乾身又脆 沾左鹹蛋黃之後更可以食埋蝦頭 蝦肉都算鮮甜 一隻蝦已經超級大隻 應該係虎蝦！D蝦殼脆到都可以吞落肚～不過美中不足係呢度黃金菜系得呢個 冇黃金鮮魷之類嘅其他菜式🥺🌮香煎蠔餅💰95呢度嘅蠔餅有三大塊 煎得顏色偏黑 都有喼汁可以點（係蠔餅精髓！）入面蠔仔都幾大舊 幾鮮甜 蠔餅麵粉落得偏多 所以會咬到好多麵餅口感 周邊偏脆 不過未算特別薄身 可以試下👈🏻🍗西檸軟雞💰85呢度嘅西檸軟雞同我上次食嘅形態又有D唔同 之前食嘅似白切雞咁一舊舊炸起再淋醬 呢度就係雞肉切開一片片大塊裹上炸粉 所以係白色 再沾滿西檸汁 成個碟底都係

每星期都去石門真的是第一次來吃大排檔點了招牌推薦 黃金頭抽雞 真的不錯 滑滑嫩嫩好吃呀因為叫了半隻雞就沒叫Wasabi手撕雞改了吃wasabi醬骨豬肉不會鞋口也很嫩 豬做得很好只是還是喜歡傳統的沙拉骨再點了3色蒸水蛋水蛋有點咸 匙油太多水蛋是很滑的不錯

蕉媽細個係沙田友，住咗沙田差不多十幾廿年點會唔識陳根記？記得以前陳根記喺禾輋邨大排檔中五畢業嗰年，蕉媽仲組織左全班同學去陳根記食飯聚會，真係充滿回憶不過依家陳根記已經搬咗去沙田石門今次係第一次食沙田石門嘅陳根記中午食碟頭飯，或者蒸飯價錢都好實惠$45-$50仲有嘢飲蒸飯一早已經煮好味道不過不失不過蒸飯用膠兜飲品，飲品用膠樽仲要用完即棄，唔係太環保希望餐廳喺減塑呢方面放啲心機如果中午過嚟，最好食炒嘢廚房即刻炒，可塑性會較蒸飯高陳根記 (沙田)沙田石門安群街3號京瑞廣場二期地下5號舖

📍陳根記同朋友好耐無食大排檔，諗住搵間大排檔食下小炒菜式🤤諗諗下就醒起陳根記！好耐之前係禾輋個邊食過一次，啲菜式好有鑊氣而且份量都大！而家佢地搬左去石門個邊，又近地鐵站，所以我地就諗住去試下啦🤤我地去個時都仲係六點幾算早，拎左飛等一張枱就到我地👍🏻menu款式有好多！有選擇困難症既我地都用左十分鐘先落到單😂佢地而家係要掃qr code落單，不過如果想叫飲品/白飯就可能要同店員落單🙋🏻‍♀️🥩1️⃣沙嗲牛肉粉絲煲黎到大排檔緊係要食個煲仔類既小菜🤣佢係原個煲仔上菜，好有風味😍不過我覺得個煲比較細，一開頭仲擔心得好少，不過食食下發現個底都仲有好多粉絲，我覺得呢個似三人份量👍🏻佢個汁已經係好濃既沙嗲汁，牛肉都好嫩，而啲粉絲索晒啲汁整到好入味🤤🥩2️⃣芥末沙拉醬燒骨市面上比較少見用wasabi汁黎整既餸，咁岩朋友又好鐘意wasabi陣味，所以就毫不猶豫叫左呢碟啦🤤佢個wasabi汁真係好特別，食落仲有少少攻鼻🤭而且啲豬扒夠淋，好易咬開，整體黎講都好推介呢碟餸😍🥬3️⃣馬拉盞炒通菜呢碟菜反而比較普通，佢份量都好足，但略嫌馬拉盞既味道唔係好夠😣如果多啲會再惹味啲！🍹4️⃣米蜜檸我地三個人仲叫左野飲😆聽聞佢地係自家製既

去完吉澳返返大水坑 搭左個站黎食陳根記🤤 ✨wasabi 手撕雞 (例）$95保持到水準👍 有海哲 火腿 青瓜 雞絲 雞絲充滿wasabi 味 食到好攻鼻好過癮😋😋 撈埋所有野一齊食可以中和下✨辣酒花螺 $102呢個就比較失望🥲 賣相麻麻 同平時嗰啲唔同 食落都係好普通 啲螺唔入味 又食唔到辣味又食唔到酒味🥲🥲✨馬拉盞炒通菜 $72都幾大碟 炒得幾靚👍 ✨椒鹽炒魷魚鬚 $98炸得好好食😋 炸漿一啲都唔厚 魷魚鬚好爽 點啲鹽仲好食🤤🍻醇滑嘉士伯大樽裝 $28總括黎講除左花螺其他都好食 最鍾意佢個wasabi 手撕雞😋 服務方面係QR code 落單 落完單勁快就一次過上晒所有野👍 環境方面係室內 幾光猛乾淨冷氣足 味道❤️❤️❤️❤️抵食❤️❤️❤️服務❤️❤️❤️環境❤️❤️❤️💰晚餐人均～$220

今日係石門做野，行過見到陳根記，商場地鋪黎講，佢裝修還原左大排檔果陣既樣貌，入去試一試，男人的浪漫，豆腐火腩飯一定要試，一定會試到師傅手勢，一黎到，飯唔夠色水，食落口試試佢，真係唔夠味道，我個人食野係濃味，不過要做到大排檔風味就只可以講句唔濃唔好味，只好拎d 辣醬幫d 豆腐枝竹加返d 味，全餐最好係飲品包嘉士伯啤酒，大熱天時啤一啤，餐具要自己行出去拎，依樣野係好新穎，員工就一定會好喜歡，對我黎講都ok, 不過一定有d 客人會唔太喜歡

《陳根記》今日收咗工晚餐同老公一齊去食陳根記，聽晚呢間餐廳係沙田好出名，當然要試吓係咪好正啦，去到舖頭門外已經好多人排隊入座，好彩早到咗唔洗5分鐘就入到去，坐低後職員比咗個qr code我地自己落單。芒果一口脆係舖頭好出名嘅甜品，啱啱炸起嘅酥皮外層炸到熱辣辣，食落好酥脆，而裏面個芒果略嫌炸完都係太冰，底層有cream墊底，食落冷熱交融。原味手撕雞有海蜇、火腿、青瓜、大量雞絲，配旁邊嘅醬汁一齊食，食落酸酸甜甜帶少少辣好開胃。香煎蠔餅賣相好吸引，蠔好肥美大粒，炸得好香脆，配埋魚露一齊食令到蠔餅好鮮味。砵仔焗魚腸面頭佈滿香脆嘅油炸鬼食落脆卜卜，裏面嘅魚腸食落有啲腥同好苦，對呢個砵仔焗魚腸好失望。紅燒豆腐食落淡而無味，好似無落鹽，唔值得推薦。

搬咗去石門的陳根記終於嚟試吓，但感覺上好似冇咁好食，$150/位 砵仔焗魚腸，懷舊菜少地方有得食，見幾桌都有食，不過感覺蛋味不夠香，魚腸不少，但太長比較難食到，如剪一剪會更易食紅燒乳鴿仲帶點熱，夠香同脆皮食，$66/隻都可以剁椒蒸魚雲，魚雲都幾大份不過辣度不夠另外再叫了2款餸椒鹽鮮魷和金銀蛋浸白菜仔味道普通但幾大份食小菜當然再配白飯和啤酒，暢談啤啤佢 因為驚多人所以早點六點多已來到，不用等位就可入去，入面裝潢似大排檔，連頂都有整到幾特別，少迫但都幾乾淨。

今晚帶住期待心情去一間好出名嘅陳根記食飯，見到滿牆圖片及菜單圖片食物好吸引 樣樣都好想食 最終我地揀左五樣食物 用QR Code 自己落單 孜然棒棒骨、剁椒鱔片、辣酒煮花螺、避風塘炒蟹及豉油王炒麵，落完單大約5分鐘 d食物已經到齊，上到枱嘅食物與圖片完全唔一樣 一d都唔吸引😓重要d食物唔熱 得微暖 好明顯係一早整定 味道非常之一般😡 服務方面 我地食呢d食物 辣酒煮花螺、避風塘炒蟹 都需要落手去食 我地禮貌地問職員 可唔可以比個兜我地洗一洗隻手 職員答左一句 兜唔係拎黎洗手😡唔提供個兜比我地洗手 唔緊要 可唔可以提供濕紙巾比我地抹手呢？限時90分鐘 都唔緊要 但可唔可以比我地食足90分鐘呢⋯唔夠60分鐘已經叫我地埋單 又不斷幫我地執枱 係到趕客 😡既然收得客人加一 點解唔提供好嘅服務 ？落單已經唔需要職員落喇 整體黎講 一句講晒，食物 服務態度 兩個字 (垃圾) 後話 希望慕名而來嘅食客 去之前要三思 唔好俾個招牌呃咗

之前讀u嗰陣成日約frd子一起去😆😆不過而家搬左去新地方，係石門地鐵站附近🤣新舖就比之前靚仔好多，仲有埋冷氣嘆👍不過仲係好多人排隊🤣我地去得早都要排半個鐘先有位😣下次記得用apps排隊，THE GULU可以排隊😎Wasabi蟹籽手撕雞💰95次次黎都會點呢碟送，wasabi味道唔係好沖！配埋手撕雞啲鹽焗味，真係好開胃椒鹽魷魚鬚🦑💰95次次都要點呢個椒鹽魷魚鬚😆😆就係鍾意佢夠晒煎炸！！豉椒炒蜆💰98應該係啱啱撞到海鮮季節！蜆肉好大隻，超級厚肉☺️☺️黎得大排檔就係鍾意佢夠鑊氣炒海鮮😆😆不過份量稍嫌小😎唔夠食蒜蓉蒸中蝦💰130中蝦呢個size就好貼切🥲不過味道真係好好，蒜蓉蒸海鮮真係最好既煮發，下面吸晒味道既粉絲都吼吼食🥰🥰椒鹽瀨尿蝦💰98最喜愛食瀨尿蝦，幫佢松下骨先開餐😆😆我今次食到有膏！！椒鹽味夠晒濃！芒果一口脆💰38黎得陳根記就一定要呢個甜品啦！最最皇牌就係佢🥳不過敏感牙齒🦷真係要等等先食，芒果肉好凍🤭底部有舖埋cream，一齊食絕配香港大排檔，陳根記肯定排得上號😚😚叫埋3-5個frd子一齊去，飲酒🍻吃海鮮🤩