大排檔搬入室內，樓底夠高仲係鐵皮頂幾地道，裝修白色為主簡樸又光猛，全場摺枱並排鋪著膠枱布，枱上攞放著一個經典膠水壺，加埋膠櫈甚有傳統大排檔情懷，重點是有冷氣以及衛生環境唔錯。雖然望唔到廚房，但見到出餐好快，亦食得出有鑊氣。
Wasabi蟹籽手撕雞 $90（例）第一啖係嗆的，但青芥末味之後無咁濃。手撕雞大小剛好，加埋青瓜絲及蟹籽，口感豐富，幾開胃。
茄子鵝腸煲 $82 好足料，好多鵝腸，茄子軟硬適中，味道略鹹，最啱餸飯，但真係比較油。
椒絲腐乳炒通菜 $68幾大碟，菜算嫩，不過味道偏淡，唔係好食到腐乳味，一度懷疑自己落錯單。
.
兩個人三個菜其實都食唔晒，呢啲地方應該要一班人去叫好多餸開心Share！
