陳根記

營業中

休息中

陳根記搬去沙田石門後一直都想再試，但每一日都咁多人，真係好難的起心肝用粒幾鐘等位。疫情下，好多餐廳都少咗堂食客，所以決定趁「人少少」嘅時候幫襯返一次。放工後以最快嘅速度趕到餐廳攞位。到達陳根記時大約6:35，可以自行入座，但目測已七成滿。然後喺不足10分鐘內，餘下嘅三成枱亦已經坐滿。餐廳裝修刻意營造以前大排檔喺禾輋邨嘅感覺，但始終係有分別，營造不來。我哋叫咗招牌蠔餅、孜然棒棒骨、椒鹽白鱔片及白菜仔炒雞柳。嗰期仲要係每叫一個餸就送一罐汽水或者啤酒，去大排檔食就啱晒。感覺係每碟餸無乜點加價，但份量就少咗啲。餸整體都係好味，但就好似比以前少咗氣，我個人覺得仲係唔錯。而且出餸好快，餸又夠熱。可能舖個比以前大排檔時細，再加上客人都幾多，所以繁忙時間限時80分鐘，如果同朋友傾計係唔夠喉嘅，要留意下。不過其實我又唔覺得好嚴格執行，因為我哋食咗個半鐘又唔係太趕我哋。

記得以前成日去舊鋪陳根記食飯價錢平之餘 食物出品亦有水準新鋪搬左去石門都幫襯過好幾次個人覺得水準依然keep 到今次帶埋一家人黎晚飯wasabi 手撕雞材料好豐富 有火腿 海蜇 蟹子 青瓜絲 同雞肉今次比平時食既wasabi 味濃左d 食到有d 眼濕濕作為前菜 可以refresh 一下個口先鹵水分蹄呢度好特別 係唔同出面d 鹵水既分蹄做到爽口彈牙 事必之前需要一番功夫先有既效果蠔餅做到脆口得黎又唔會覺油膩蠔仔都幾大隻 加上又唔腥五味魚柳師傅將醬汁調味得好好 味道酸酸甜甜又係一道開胃菜孜然豬仔脾記得以前舊鋪果時有得揀美極豬仔脾而家餐牌上又唔多見有咁就唯有食呢個孜然味呢個味都唔差 惹味之餘唔會過咸肉質都保持到有小小水份 唔會做到好柴

有日夜晚諗唔到食乜於是住係沙田既朋友帶左我去一間香港老字號大排檔就係大名鼎鼎既陳根記啦個日係公眾假 我地四個人排隊大約排左30mins終於可以入座wasabi手撕雞($88)wasabi手撕雞真係好出色除左雞肉 仲有火腿 蟹籽 同埋海蜇少少攻鼻 但係幾好味有特色之餘 原來d味可以咁夾香煎蠔餅($88)蠔餅炸得好好又唔厚粉 d皮又唔會同d蠔分開炸到金黃色 淡淡蠔仔肉好香口 好juicy 好味道炒蜆蜆肉都幾多 食唔到有沙前期功夫做得好d汁好惹味椒鹽鮮魷正常發揮南乳粉絲雜菜煲($70)d菜好入味 幾好味芒果一口脆crepe再包住冰凍既芒果好好味!外脆內凍 唔會話太甜食到最後有個酸酸甜甜既甜品收尾都唔錯大家一定要去試

叫左4碟野牛河,冇獲氣,食落似撈出黎辣子雞丁,不如叫辣籽雞粒,辣籽多到誇張,成碟野唔辣既,重味精味,雞係雞扒件切粒薑蔥魚雲,有幾舊食到炸粉,應該係未撈好粉就上 炸漿豉椒鵝腸,最正常就係呢碟,爽口既

以前經常光顧禾輋的陳根記，搬去石門之後，都偶然光顧，多數是外賣，因為堂食有限時。已經2-3個月無光顧，今日特登去買了煎蠔餅及椒鹽九肚魚。椒鹽九肚魚是正常，好食的。但食了十幾年的煎蠔餅，今日居然打開個盒已見到有蛋殻，食了幾口都食到有蛋殻。真係大感失望......

第一次光顧陳根記應是二十多年前， 當時還在 禾輋邨裏面的冬菇亭 ，當時他們永遠是那麼多人，水洩不通 。因為當年他的食物的確有水準。 如今 ，他已搬到石門的商場裏面， 裝修仍然沿用大排檔的設計 。摺枱摺凳，當然坐得不舒服 ，但是來吃風味嘛 ...可惜收的絕對不是大排檔的價錢。 沒問題 ,餐廳最緊要食物的味道 。但是 ，他收的價錢絕對對不起食物的質素 ，更對不起特意前來的顧客 。首先所有枱都限時1.5小時 ，想好好享受一餐絕對沒可能。我個人更加討厭限時限刻的食店 ，不過有兩個朋友一起 ，他想回味以前的味道， 所以都沒有轉地方。今次點了五個小菜， 包括焗魚腸， 椒鹽鮮魷，豉椒炒蜆， 豉油王炒腩片及燒乳鴿 。先說價錢， 絕對比附近任何一間酒樓更貴 。那個焗魚腸 ，味道是苦的 ，很明顯魚腸沒有洗乾淨。 豉椒炒蜆 ，有一半是沒有開口的， 我跟待應說裏面有一半是沒有開口的，他叫我自己打開口， 堅持仍然能吃，不知所謂。 我叫他吃給我看，當然倖倖然走了， 不了了之。 豉油皇腩片， 豉油唔使錢 ，鹹到苦 。其他兩個食物平平無奇 ，不值一提。 1.5小時準時叫你埋單。 現今香港號稱大排檔的小菜 ，好吃的已經

陳根記聽左佢好耐，好多人都話好好食，終於試到，6點就排長龍，不過吾知係咩原因食物水準係有少少下降，定我期望太高🤣🤣Wasabi手撕雞好食，幾特色，同平時食既手撕雞味道一樣，但佢多左wasabi攻鼻既感覺，幾得意，海浙都比得好足料，吾錯孜然一條骨都好食既，但如果孜然粉多啲會正啲干炒牛河好食，好有鑊氣下面呢知吾記得叫咩豆腐煲，同吾同既內臟一齊煮，豬肚有啲硬，其他味道都一般，普通茶記既質素與味道砵仔焗魚腸，上面既蛋同油炸鬼係好食好脆，但今日啲魚腸又苦又臭👎🏻👎🏻隔離枱客都係食左幾啖就冇食，有啲失望🤦🏻‍♀️🤦🏻‍♀️黎到甜品，芒果佢係雪到冰硬哂，我略嫌太硬，食吾到芒果味，融化多少少會比較好，而榴連奶露就好食既，不過就係等於cream +榴連，太家屋企都會做到，但榴連係足料既

久仰大名之陳根記，因為無得訂位所以我地一放工就趕去，過到去7:15pm商場入口已見到有幾班人等緊位，因為我地只有2個人所以都好快就有位佢既裝修真係好大排檔感覺，有吊扇，又圓桌，二話不說我地就選擇滷水拼盤（$146）、香煎蠔餅（$82）、砵仔焗魚腸（$48）、白飯2個（$24）、現架叫一個小菜就會送啤酒或氣水一罐（如此類推）所以好抵有野飲香煎蠔餅不得了，炸到好鬆脆同蠔仔數量不少，仲要係有3大塊、而滷水拼盤個牛展都好入味同軟身，係個豬腳有少少失望（有毛）而個焗魚腸我地就真係唔識食啦，可能係佢既風味只係我地唔識食，有魚鱗片但無腥味處理得幾好呢樣，呢餐食得好飽，大滿足！

特登揸車入黎食，夜晚10點幾都仲有好多人排隊等。。。大排擋黎講，呢間環境係幾好及望落寬敞整潔，野食味道好！但貴。椒麻蝦一碟都係得4隻但都百幾蚊，wasabi手撕雞幾fresh同特別，炒面普通得黎好味既，所以吾介意佢貴d既朋友可以一試！間店有做埋糖水鋪，試過芒果腸粉確實好滑，其他甜品無試，但樣貌不錯👍

食物選擇少全部唔新鮮乳鴿肉質硬九肚魚粉厚蒜蓉蒸蝦梅咕嚕蝦球水牛肉醃過龍原本好肚餓即刻冇胃口唔想再夾餸服務態度差十年難遇。原本高興地為陳根記跑到石門現在因陳根記不想再踏足石門

來之前，睇咗好多食評，有聽過朋友講，大家都講到好一般，抱著試伏的心態，反而覺得唔錯大家都話不外如是既wasabi 手撕雞，都真係好一般！但係加左個滷水醋之後，變左好正！炸大腸，好舊式既味道，仲有罐頭菠蘿墊底！好香脆，好好味！最後一個沙嗲牛肉粉絲煲，就真係差啲，同其他評語一樣真係好甜！到最後嗰個芒果一口脆，有股佢唔到有驚喜，雖然原來好細碟，將芒果急凍後，包住麵包炸，放啲忌廉墊，感覺有幾新鮮！星期一至四每一碟餸仲送一支飲品，你可以揀啤酒，汽水，薏米水或羅漢果茶！員工嘅服務態度都好好，坐得好舒服，唔好太大期望反而有驚喜，可以去多次！

好耐都冇食過陳根記了， 對上一次食已經係佢仲喺禾輋嘅時候。今次就決定黎新鋪睇吓佢係咪重係咁好食先。佢而家每叫一個餸 就會送一樣飲品，可以揀汽水或者涼茶。我哋就全部都叫晒涼茶🙈如果冇記錯，好似係羅漢果同埋菊花茶來的 😜兩樣都好飲，唔會話太苦，細路仔都飲得😊Wasabi手撕雞入邊除咗有雞肉之外，仲會有埋海蜇。Wasabi味唔會好重，本身都好怕會辣到攻鼻，因為男友話佢之前食，試過係個醬撈得唔好，wasabi集中喺某d 雞肉度，搞到勁攻鼻的。但係今次食晒成碟，都冇呢個情況。雞肉都唔鞋。都不錯豉油王乳鴿隻乳鴿都幾大隻，一般乳鴿都會切為4份。但係呢隻大隻到可以切左做五份。乳鴿唔會話太鹹，正正常常冇乜特別。都係紅燒乳鴿好食啲冬陰功浸硯呢碟嘢唔好睇小佢，其實可以食得你幾飽的。因為佢下面係會有好多粉絲，啲粉絲吸哂d冬陰功湯汁，真係會飽肚。啲硯好新鮮，隻隻都會打開晒，完全冇死硯喺入邊。食落亦唔會有沙，洗得好乾淨。冬陰功湯酸酸地少少辣，好開胃薑蔥魚雲煲呢個真係唔使叫都得。魚雲本身炸嘅火候未夠，一食落口仲會食到啲炸粉。不予置評

之前中午也有來吃兩餸飯$45, 但價格偏高, 飯餸量也不見多, 味道卻一般, 飲品另計.而今次食的是招牌甜品, ［芒果一口脆］. 每次經過看到心都動的, 今天終於食到了. 下单前, 服務員已講明要等10分鐘的, 即叫即做, 好期待呢！粉皮沾上麵包糠, 包着新鮮的芒果肉, 炸上好幾分鐘, 像切腸粉般切成一件件, 伴上忌廉, 賣相好得令人唾言三尺啊！外脆內軟, 外熱內冷, 真是冰火呢！啖啖芒果肉香, 口感豐富之餘, 酸酸甜甜更開胃. 不錯不錯！

好多人都有講佢的晚飯小菜做得 好出色 ，但好少講過佢有午餐食，今次就係想試下佢個午巿特價飯，海南 雞飯套餐， 睇 落平平無奇，外表簡簡單單，就只有雞，飯同菜，我一試啖飯就 停唔到口， 啖飯好香 ，粒粒分明，不太冧 ，亦不太硬 ，每粒都好有咬口，廚師明顯在煮飯方便面係落了很多心機，簡單一個飯都好有成意，雞肉就好滑，配菜味道就普通，這個飯真係會令人食都到一粒都冇剩，我講嘅係個飯，係黃黃地色的飯，的的確確係好過好多高級的泰國菜餐廳。

🐾 陳根記 (沙田) 🐾-香炸蠔餅✔️滷水拼盤$138✔️-香炸蠔餅:呢個完全OK啊估唔到佢係咁無油炸味，又唔會一食就成口油咁，啲蠔又唔腥- 滷水拼盤:我覺得呢個最抵食，因為我哋咩都想試吓叫呢個就可以一齊食晒想試嗰啲！😻正呀👍🏻——————————————(非專業,完全跟據個人口味☺)食物:8/10環境:8/10服務:7/10人均消費:$100———————————————▪店舖名稱: 陳根記 (沙田)▪店舖地址:🔸 沙田石門安群街3號京瑞廣場二期地下5號舖 -----------------------