陳儀興飯店 (崇齡街)

營業中

休息中

平時我都比較少食打冷，因為覺得無咩咁特別來來去去都係蠔餅🤣今日同舊同事聚會，佢話屋企留下有間打冷唔錯，於是去試下喇～一向都係愛蜆之一🤣 潮州人都好鍾意食蜆🤩即係叫咗個魚湯浸大蜆😝裡面仲有粉絲嫁！真心好正😬食潮汕嘢烏頭可以話係不可或缺😬 唔多骨，肉又多！再加埋個醬，真係好好味！雖然呢啲菜色好多潮汕食店都有，但勝在佢哋服務都好好，所以覺得唔錯啊！蒜香骨其實唔知係潮洲嘢嚟，但朋友想食所以又一試🤣味道唔錯，加埋個蠔仔粥好飽啊😁

今日同屋企人一齊出黎食晚飯，就黎到呢間朋友推介既陳儀興飯店黎用餐😋入到去，d阿姐好nice，好好人仲主動幫家姐個BB搬凳等佢坐得舒服d👍 我地五個人叫左七樣嘢澄海鹵水鵝，真心呢個鹵水鵝超級好味！鹵到好入味之餘佢d肥同個味真心好好食，仲要鵝係好新鮮既感覺，唔會似出邊有d鋪頭有d味！同埋個份量都好多，多過出邊個d鋪頭😋大漠牛柳粒，佢用d辣椒加炸蒜炒到d牛柳粒好惹味，加埋d牛柳粒係嫩既，都好好味，份量大家一睇就知啦，好似係我食過份量最多既牛柳粒😂避風塘茄子同埋避風塘炒蜆 都係唔錯既選擇d蜆幾肥美同埋茄子都係大大舊，因為我好鍾意食避風塘系列既嘢食，所以我好鍾意食呢兩道菜阿爸話下次帶佢d fd都黎呢間食😂份量又足又好味，d姐姐態度又好好😂

我雖然不是潮州人，但就十分喜歡吃潮州菜。潮州菜可以說是豐儉由人，由名貴的潮州涷蟹至平實的韮菜豬紅，任君選擇。今次到這間位於新蒲崗的打冷老店，食品選擇種類多之餘，價錢又實惠。店內的裝潢也十分地道，牆身貼上食物價錢和照片，不需要花巧裝飾，因為味道才是重點。滷水鵝件（$90）👍👍👍👍滷水汁是越久越醇，所以這間有數十年歴史的老店，當然有番咁上下水準。滷水的味道很香醇，可以吃到滷水香料的味道。滷水鵝件的特色是連骨一起上，所以喜歡有骨落地的朋友可以選擇鵝件，但喜歡啖啖肉的則可以選擇鵝片。魚湯浸大蜆（$78）👍👍👍👍👍這鍋熱騰騰的魚湯浸大蜆，我被煲得奶白色的魚湯吸引，先喝一口，充滿胡椒味的魚湯鮮甜又香濃，配合飽滿新鮮的大蜆，湯味更帶點蜆肉的味道。蜆肉鮮甜，加入粉絲和芹菜，就是一鍋簡單得來又美味的湯菜。最後這鍋魚湯浸大蜆只吃剩一大碗殻，所有都全吃過清光。馬友（$188）👍👍👍👍👍潮洲的魚飯是很地道的菜式，所以不要錯過。涷食的馬友幼滑細緻，魚油豐富，可以配合普寜豆醬同吃，但個人就喜歡不點醬汁，這樣就可以吃出魚的原汁原味。韮菜豬紅（$50）👍👍👍👍韮菜豬紅是潮州菜經濟的小吃，嫩滑的豬紅跟韮菜，簡單又惹味。

最近念念不忘上次去潮洲食既潮菜，返到香港都忍唔住口要再搵啲潮野食下，於是乎尋尋覓覓終於搵到間有返咁上下既打冷食下一去到門口便知龍與鳳啦，先唔講佢明顯係間老字號，去到有位姐姐帶我地行勻屬於陳儀興既三間舖，間間都爆哂棚，好生意到咁，又豈會中伏？！呢位師傅好pro睇住佢兩三下手勢就斬好哂拼盤既料，碟碟新鮮熱辣仲出哂煙，下次一定要試！好多潮州打冷必叫菜色，絕對唔野少！食潮州野有時都難免係煎炸野多，叫定個王老吉先！先黎個春菜，友人身為潮州人，都對呢個春菜讚口不絕！菜夠哂稔身，一啲渣都無，勁易咬，岩哂啲老人家食！入面仲放左啲煲稔左既燒肉，成件好香好好惹味普寧浮豆腐絕對係潮州經典菜色，但係要做得出色一啲都唔容易！坊間既炸豆腐啲炸粉放耐左係會硬到爆好難咬碎，入面既豆腐又會有渣。但係呢一間野既普寧炸豆腐好出色，出色在於佢既炸粉係岩岩薄薄地貼住舊豆腐，所以做到外脆內嫩滑，好考功夫！加上再點埋鹽水韮菜，好香好正，食多多舊都唔覺熱氣蒜香骨看似係無咩特別，但係肉一咬就可以同骨分開絕對唔容易做到，有炸蒜加上少許南乳味再點埋陳醋好開胃好岩送飯最後個避風塘炒蜆深得我心！蜆粒粒厚肉兼juicy，冇沙，仲要超級入味，炒得

今日放假原本想係屋企休息，但突然有朋友打電話嚟話去新蒲崗，因為新蒲崗有啲影樓可以影學生相想我同佢一齊上去，見佢自己湊住小朋友唔太方便，咁我就陪佢一齊去啦！影完相，去咗新蒲崗附近嘅遊樂場玩左一陣，見肚餓就諗住去搵嘢食，好耐冇試過打冷，而新蒲崗有條食街好似都有不少打冷，最後揀咗呢間入去試吓！一入到去，啲面見到我哋有小朋友，就俾咗個卡位我哋！店員亦都好熱心咁攞咗一個碗仔同埋一個匙羹仔比BB食用，最後我地揀左元朗黃油烏頭王、魚湯蜆、澄海滷水鵝共三樣餸外加一碗飯兩碗粥同兩支汽水先講下元朗黃油烏頭王，黃油烏頭王肉鮮皮滑，烏頭王內含不少黃油，配搭上潮州黃豆將一齊食樣，必有滋味，就算獨食不配搭任何配料也很鮮味魚湯蜆，如果鍾意食胡椒嘅就啱食啦，粉絲索左啲魚湯食落口大有魚湯嘅鮮味香甜澄海滷水鵝，肉滑皮帶點脂肪，點上白醋中和油肪更可以帶出香味，陳年滷水醬配搭上滷水我竟然唔太鹹，比其他店舖出色，連薦底嘅豆腐都可以吸收陳年滷水醬嘅味道，十分出色

呢間係崇齡街既打冷鋪原來已經開左成30年，係新蒲崗呢區出名既老字號潮州菜館。除左崇齡街之外，係後面富源街都仲有兩個鋪位呢度裝修企理，光猛乾淨，門口隔離有個明檔，掛住d滷水鵝、紅腸、豬大腸等等...而枱上面仲有鹹酸菜、滷蛋豆腐、韭菜豬紅...任君選擇Menu呢度除左主打既潮州菜，仲有四川菜、粵菜、客家菜、港式小炒等等...集百家之大成凍食黃油烏頭$時價呢條烏頭食落新鮮鮮甜，肉質唔鞋夠結實，加埋個豆醬就更醒胃潮州蠔仔粥$55食親打冷都必點蠔仔粥，而呢度既蠔仔粥每隻蠔仔都好飽滿新鮮，加落去d湯飯配埋香芹、冬菇、冬菜同肉碎，仲更加鮮甜大漠牛柳粒$85呢個大漠牛柳粒超夠鑊氣，d牛柳粒除左肉質嫩滑仲好有肉味，加埋d蒜粒仲更加香口，配埋d腰果口感倍增tim呀

契仔回港放暑假，佢話想食打冷，咁我就帶佢去新蒲崗陳儀興，之前都食過好多次，食物都唔錯，但今日再去叫咗小炒皇，鹵水拼盤都好咸，我老豆就話想食麵醬蒸魚頭，牆上寫明$88，咁我老豆指住牆上個魚頭啦，待應姐姐話，半個魚頭呀，咁我就話係呀，點知佢比咗半個魚頭我，埋單先知價錢要$188,真係好嬲價錢有變做咩唔講我知呢，講真野食差咗再加埋咁唔清楚，真係無下次

是晚我們突然好去打冷, 所以去了陳儀興試下, 去到時第一間店舖已經滿座, 我們被帶到另一個店舖, 之後看到牆上貼了很多不同的餸菜, 原來不單有打冷食物, 還有其他菜式, 真是宵夜好地方! 蒜蓉開邊蝦 - 蒜蓉蝦雖然只係草蝦，但大大隻，又抵食，又惹味滷水鵝片- 鵝肉有肉香加上滷汁香濃，如果多番啲滷水汁就更加好豉椒炒蜆 - 炒蜆合格花生雞腳 - 好鍾意呢個雞腳，雞皮軟腍但雞腳根位仍帶有脆口。港式鴛鴦 - 當然要飲番杯啦！

老朋友好耐冇見，諗起我哋以前一齊放工成日去食打冷😛即刻去搵間打冷食先😆黃油烏頭王@今時今日，出街食條魚愈來愈貴，還是一條烏頭來得實際烏頭魚肉味甘甜肉質豐厚，「黃油」入口魚香四溢澄海鹵水鵝@滷水味香濃，鵝肉滷得入味，鵝皮很薄無咩油脂，肉質嫩滑不鞋口，而且無雪藏味，少見好味的滷味送啤酒一流避風塘炒蜆@成碟裝到滿滿嘅炒蜆，殼同蜆肉都充滿豉椒汁，蜆肉唔會有沙，不錯👍🏻炒蜆炒得乾身入味，醬汁微辣濃郁

放假同朋友仔去MIKIK買完野,又夠鐘開飯啦~!朋友仔話唔想食連鎖店,問我呢頭有咩特色少少,我知道呢度有間老店- 陳儀興，食打冷野,開左好多年, 所以就帶左佢去試下。去打冷必點的一定係韭菜豬紅, 滷水鵝啦,老闆娘極力推薦我地食馬友,就信下佢，睇下馬友有幾巴閉~大大舊豬紅,十分足料, 豬紅夾落去唔會散, 食落好爽口, 而且夠晒入味,配埋碟辣椒油，真係一流。滷水鵝出奇地少骨,抵過食鵝片, d肉肥瘦適中，咬落唔膻又唔會靭有彈性，夠曬鵝味。水準之上,連墊底既豆腐都入晒味，好嫩滑。最後登場就係老闆娘推介既馬友, 肉質超級鮮甜細嫩, 點埋咸咸地既豆瓣醬加上馬友本身既鮮味, 老闆娘真係無介紹錯。我同朋友都話係呢度必點的菜~!

今日收工去開新蒲崗，記得朋友話有間老店打冷唔錯！咁為食既我就梗係第一時間衝去試下啦。叫得老店係香港咁多年，一定有番三兩道散手😏要試打冷餐廳有無水準，就一定係要試下佢嘅滷水鵝同鵝腸，再整多碟佢既招牌菜潮州浮豆腐試下先！😋滷水鵝肥瘦適中， 鵝味到位，鵝皮鬆化軟潤，肉質中帶彈性，唔柴口，食落無乜腥膻，油香豐富，啖啖肉好似食緊鵝片咁正。鵝腸無改錯名, 色澤油亮、口感爽脆，新鮮肥美，唔會韌，令人一食再食😍最後就係佢既特色菜潮州浮豆腐，原來係炸到舊豆腐浮起既意思，老闆娘仲教我浸晒成舊豆腐落碗九菜水先好食，食落又真係幾鬼好味。豆腐半嫩又唔會太老，又好有豆香。呢間老店陳儀興打冷，有風味又高質，真係值得推介👍🏻

好耐冇食打冷，朋友推介"陳儀興"，一開始仲誤會打邊爐個間，原來新蒲崗廣場對面都有間陳儀興打冷。打冷有幾個鋪位，我地被帶去另一街口個鋪位，座位都幾年滿座，好在唔洗搭枱👍🏻我地叫左滷水鵝件&蠔仔餅，滷水鵝d汁調配好好味，好香但唔會覺得鹹，神奇！ 鵝肉算嫩口，起碼唔會「鞋」。只係嫌分量唔夠多，鵝件底有花生&豆腐，吸哂滷水咪水，但唔會油，好滿意！蠔仔餅，是打冷必叫小菜，食蠔餅就知道間餐廳功力。 味道不錯，餐廳會提供三款醬料配搭，但我都冇點點都已經好味，因為蠔&炸粉比例剛剛好！

新蒲崗雖然放工搭巴士前來尚算方便，但就是甚少踏足，印象中有很多街坊老舖，陳儀興飯店係其中一間。陳儀興開店多年，已經傳到第二代，主賣潮州菜。潮州人生性節儉，潮州粥就用隔夜飯加水滾成。由於鮮魚上水後很容易就死掉，潮州人將肉質較結實的魚，以海水煮熟後攤涼留待食用。傳統潮州菜就是有這種不浪費獨特性，與其他地方菜有點不同。陳儀興門面十足一間潮州打冷老店，滷水鵝與紅腸梅花間竹的整齊排列著，螄蚶整盆放入櫃內。雖然見到生醃螄蚶很吸引似的，但同行很怕血水，就此作罷。點潮州菜不能不叫凍食魚飯。陳儀興的烏頭魚用上上等元朗貨色，烏頭肉質厚身緊致，略帶獨有黃油，魚肉一梭梭，鹹味適中，配上鹹中帶甜的普寧豆醬，送飯送粥佳宜。澄海滷水鵝亦是潮州名菜，鵝件帶骨，切得略薄，肉地不多，鵝味到位，不見腥膩，下次可改叫鵝片應更有肉地。鵝件下面放有豆腐，嫩滑入味。除打冷食物外，亦見有惹味小炒。大漠牛柳粒牛柳鬆軟可口，帶孜然香味，四季豆及腰果炒得香口惹味，此菜很適合送啤酒或汽水。

成班朋友，講起打冷就有朋友提議黎陳儀興，佢地話呢個小店係幾有水準。就試試佢啦。蒜香骨 - 炸得好鬆脆，而且唔會好似得骨無內食，啖啖肉咁。不過係有少少重口味，咸左少少。滷水鵝 - 滷得幾入味，份量啱啱好，不過滷水料既層次就略略唔足，咸味比較突出。蠔餅 - 炸得好脆身，不過我就唔係特別好太脆身既蠔餅，不過呢個蠔餅唔會太過淡口。而且蠔既分量都唔少。但係講好味，又唔算稱得去好好味。大漠牛柳粒 - 係我最滿意既一道菜。呢味係偏向麻辣，如果本身唔食得辣既朋友就可能會覺得太辣，但係一般朋友就應該會食得好爽。而牛柳既肉質就無令人失望，一樣係好嫩多汁。避風塘炒蜆 - 我就唔係好確定避風塘炒蜆係咪打冷食品啦。不過佢係炒得好香濃，而且最重要就係唔會殼多肉少。春菜 - 我就未食過春菜既，整體菜好淋，湯好清甜。

好耐無食潮州菜, 心血來潮想起之前在網上看過有朋友打卡食過陳儀興飯店, 話有傳統潮式餸菜, 於是便與家人去試試。家中有老人家, 十分喜歡潮州菜。一去到飯店, 已見到牆壁四周貼著各式各樣的菜式和價目。琳瑯滿目, 目不暇給。雖然是老店, 但陳儀興的餐牌毫無殘舊感。一口氣叫了幾款潮菜, 包括生醃瀨尿蝦、滷水鵝腸、炸蠔餅、蜆仔拼咸菜、春菜煲。另外叫了一款廣東菜, 醬爆豬王喉。整體來說, 味道算正宗, 猶其是鵝腸更是驚喜。我很久沒有吃過滷得入味而又爽脆的鵝腸, 這個我非常推薦。至於蠔餅, 由於老人家喜歡, 特別叫廚房炸得「透D」, 送來時還是出煙, 吃落去非常香脆, 蠔仔也沒有任何腥臭味。春菜煲又係好出色, 一黎到我們已急不及待咁夾黎食, 既有豬油香味, 而春菜也炆得夠淋, 食到唔記得影相。至於令我最失望的係事前最滿懷期待的生醃瀨尿蝦。生醃螄蚶有好多潮州店都有, 難得第一次見到有飯店菜單入面有生醃瀨尿蝦, 所以一見到就即點, 也充滿期望。但一吃上口, 魚露味唔夠, 而瀨尿蝦亦太細隻無乜肉, 但卻是全晚最貴的菜式, 價值$128。只能說, 要食得返古法的生醃海鮮, 可能只可以返內地先食到(如果唔怕