陳儀興飯店 (崇齡街)

營業中

休息中

出開九龍區，朋友介紹過新蒲崗陳儀興打冷幾好食，順道就黎試下。我地兩公婆叫咗黃油烏頭、鹵水鵝同鵝腸墨魚雙拼。老公唔鍾意食魚架，除咗烏頭。呢條烏頭肉質嫩滑鮮甜，不過黃油唔係好夠，同埋如果咸多少少就好，個人比較重口味。鹵水鵝都好出色，鹵水味並唔係留於表面，仲係入埋肉度。有時，鹵水鵝仲會有陣壓味，呢隻完全無。份量又夠。最後仲有鵝腸同墨魚。我無諗過鵝腸可以咁爽口，咬落去真係Chok Chok 聲。啲肥膏唔知係咪處理過，一啲怪異口味都無。當鵝腸咁驚艷下，墨魚就變得普通咗啲。總括黎講，整體都好滿意。