阿甘蝦餐廳

營業中

休息中

阿甘蝦餐廳係電影「阿甘正傳」嘅海鮮主題餐廳📽️，主打美國南部風味嘅鮮蝦料理。餐廳設計貼近美國平民家居風格，佈置大量電影劇照同道具，播放歡樂愉快嘅音樂🎶。餐廳更設有電影紀念品店，門外有劇中長椅同模型跑鞋，比你扮下阿甘影相。位於太平山頂佔盡優勢，景色真係無得頂🏙️，享用美食同時飽覽維港美景。————————————————👅Shrimper’s Heaven阿「甘」蝦天堂 ($220)👍🏻蝦迷嘅天堂！一次品嘗4款唔同烹調方法嘅蝦，包括黃金椰絲大蝦、炸大蝦天婦羅、燒烤鮮蝦同麵包糠炸蝦，配有3款特調醬汁(Tangy Asian, Cajun Marmalade & Zesty Cocktail)。個人最鍾意黃金椰絲蝦🍤，炸椰絲酥脆又好香椰子味！天婦羅蝦非日式嗰種，炸蝦同燒烤蝦比較普通，下面又係一堆好飽肚嘅薯條，唯一要挑剔係大蝦無挑蝦腸👅Dixie Style Baby Back Ribs美式秘製豬仔骨配薯條 ($238)👍🏻美國菜特色就係份量好多大大碟，一大條燒豬仔骨下面仲隱藏左半條🐷！豬仔骨從豬腰脊中取得，比腰腹嘅豬肋骨更厚肉鮮嫩，搽上自製BBQ醬慢燒而成，炭烤風味濃厚，連皮幼身薯條同椰菜沙律，

建議：Fd 子表示：個個去睇景 唔通個個都想去觀景台咩 😌Cajun shrimp (蝦+蒜蓉包) $68叫份小食，再叫杯野飲chill 下😉🍸 如果唔點酒精飲品，大概HK$150-200埋單~ 望住個景真係好舒服❤️ #homekong 平日嘅山頂，真係無咩人🙈 靜到不得了。如果打算去食飯，最好8點前去到餐廳 #cheers 🥂 仲可以睇埋幻彩詠香江😂

疫情期間，同朋友行完西高山之後就食左個好早的晚餐!最後我地決定黎食阿甘蝦餐廳!!聽聞都幾出名下!!後尾我上網了解下, 先知道原來呢間係由阿甘正傳作為主題的餐廳，所以入面好多裝修都好特別!!!由於當日是聖誕週，所以佢地都營造左聖誕氣氛出黎!!我地點了Shrimp's heaven HK$220包含左四款制法的蝦美食:1) 炸椰子碎蝦2) 天婦羅蝦3) 炭燒蝦4) 普通炸蝦剛上菜的時候外皮熱辣辣，蝦肉亦都好彈牙好有口感!!!味道一流!!!同時, 我地叫左個steamed mussels HK$172我地略嫌比較淡口，帶唔出白酒味道最後因為我地坐纜車的關係，坐左張COUPON俾我地，我地就決定食BROWNIE!!好濃郁的朱古力味，都唔錯架!!!

假期上山頂一遊，坐下好耐無坐過既山頂纜車🚠揀黎揀去，都係揀左之前已經想食既阿甘蝦大約等左10分鐘就可以入座，要window seat就要提早預約啦.我地都坐到張半window seat, 都開心仔啦😁- Ribs Combo：豬仔骨肉質唔算鞋，加埋附上既bbq sauce一齊食好惹味。蝦燒得好香，只係食落有小小乾。- 蕃茄青口意粉：青口唔會好煮到老晒，意粉都ok，只能講無咩特別🙈總結：食物份量好足，味道不過不失啦。風景係加分既。

阿甘正傳做主題嘅主題餐廳， 電影道具及服飾都用咗嚟點綴間餐廳。成間餐廳所有菜式都以蝦為主，碟碟都蝦，不過好似比較多炸物。枱上面有個牌，需要侍應就轉一轉個牌，跟住就有人過嚟服侍你㗎啦！叫咗一個雜錦拼盤，有白汁焗菠菜/墨西哥片/辣雞/炸蝦/炸魷魚圈/炸蝦丸。個辣雞真係有啲咸，肉又好似梅梅地咁，又整得唔似韓國啲辣雞酸酸甜甜咁好食，食咗一嚿就放棄咗！炸魷魚圈又係唔掂，冇彈怕冇質感，街邊檔個炸魷魚鬚好食好多。可以讚下就真係嗰墨西哥片，完全無添加，純天然粟米定係麥香味，拌個乳酪醬或者白汁食都可以嘅。另外仲有個香蒜檸檬蝦意粉，個味道好創新，古怪但我中意，唔中意係隻意粉好似天使麵咁幼！唔啱我，我中意食粗麵！老實講，喺冇味道㗎！不過有浪漫feel咋，因為餐廳就位於凌霄閣3樓，可以睇住夜景談心！

疫情中最享受的戶外活動應是行山，今天相約好友選了簡單方便的路缐，由半山出發步行上山頂，花了不少氣力斜路上山，再在山頂走了個圈看看風景；又是時候吃午飯了，好友選了這間以蝦為主食的「阿甘餐廳」。餐廳地理位置優越，擁無敵山景和維港兩岸美景，落地玻璃令風景一覽無遺，居高臨下景色份外優美，如疫情過後一定要多來一趟欣賞夜景。餐廳室內設置甚具美式風格，牆壁掛滿與阿甘相關的畫和「甘句」，食客可回味當年紅極一時的「阿甘正傳」。啤酒灼鮮蝦桶（garlic recipe) - 以小金屬桶盛載，茄紅色的醬汁，入口不覺有啤酒味，反而帶點辣。蝦肉有質感不會＂梅＂，連殼煮吃起來有點不便，但整體味道不錯。豬仔骨配燒蝦串 - 豬仔骨肉質軟熟不乾身，燒烤醬汁惹味，份量比想像中大；燒蝦串沒有配合醬汁，所以味道較清淡，入口有質感不會＂梅＂。Caesar Salad - 蔬菜新鮮爽脆，沙律醬份量剛好，麵包糠也香脆，如果灑點煙肉碎更能提升味道。Louisiana Lemonade - 冰凍清新，偏甜，不吝嗇加入酒精。Bubba’s blue Hawaiian - 朋友讚好，清新帶甜，重洒味。

𝕋𝕙𝕖 𝕨𝕠𝕣𝕝𝕕 𝕗𝕒𝕞𝕠𝕦𝕤 𝕓𝕦𝕓𝕓𝕒 𝕘𝕦𝕞𝕡’𝕤 𝕤𝕙𝕣𝕚𝕞𝕡 𝕔𝕠.𝚂𝚑𝚛𝚒𝚖𝚙𝚎𝚛’𝚜 𝙷𝚎𝚊𝚟𝚎𝚗 $𝟸𝟸𝟶The shrimps were underwhelming. Felt like I was only paying for the beautiful view of victoria harbour.There were 4 different styles of shrimps: breaded coconut shrimp, grilled shrimp, crispy golden shrimp and tempura shrimp. My personal preference was the grilled shrimp, but like neither was any better than mediocre. The fries were similar to mcdonalds quality, or maybe worse.In addition to this, none of the three dipping sauces were

上個月頭禁晚市前，係klook搵到山頂🌄阿甘蝦餐廳🦐超值既全天餐單!!🍽每人$288就有湯、主菜、甜品仲有埋飲品！ps第一次去個陣係散叫都唔平ga! 雖然價錢平左但份量足且質素keep到！推介大家😋😋不過用餐時間係90mins內🤓1️⃣蕃茄蔬菜湯+媽咪蒜香麵包 味道唔錯幾開胃！比想像中多蔬菜🤩麵包都脆😙2️⃣主菜三選一我地4個人揀咗2個海鮮盛宴&2個後肋骨海鮮盛宴賣相好豐富！最鐘意炸魚同炸蝦！炸粉唔算太厚，肉質都算新鮮！點埋3個醬好食！他他醬最正！兩個人share都差點食唔哂😭後肋骨肉質好淋身！醬汁恰到好處唔會太咸！薯條就中規中矩😛又係好大份！3️⃣奶油朱古力布朗尼反而最失望係甜品，雖然唔係難食，但朱古力味唔濃，唔夠moist指定飲品係lemonade soda望落平平無奇，點知幾好飲！酸甜味幾balance☺️首先喺Klook買左餐券, 再去bubba gump官網網上訂位(註明用klook voucher), 去到餐廳reception 講係用klook 優惠卷就ok!! 網上訂位是可以要求坐窗邊位🌃，但卡位裝飾都靚🤩🤩生日會有幾個侍應一齊dem 生日beat幾有趣。

我係上網訂咗山頂纜車（來回）+摩天台+阿甘蝦野餐package, total $438兩個人，係期間限定嘅套票去之前打俾餐廳準備就可以，跟住俾$100 按金就有野餐籃，食完還返野餐籃就可以拎返$100～野餐籃入面會有野餐墊（可以帶走，質地唔錯），有咸有甜，有埋飲品，望落去感覺幾好～嘢食包括：卡真蝦伴青瓜，香脆炸蝦，芒果沙沙三文魚卷，雞翼棒棒，火腿芝士意包，煙肉碎蛋包，蜜糖鬆餅，青檸撻，提拉米蘇，鮮果撻，芒果意大利布甸，芒果&草莓檸檬汽水整體食物質素都ok, 係凍咗少少，可能咁啱呢日大風，影一陣相就吹凍咗不過鬆餅太硬，麻麻地Overall都幾鍾意呢個野餐package, 因為可以輕輕鬆鬆咁去，乜都唔洗準備，淨係去餐廳拎哂成set嘢就可以去野餐，超方便

可能係2020最後一次6pm後堂食🙆🏼‍♀️呢間山頂嘅酒吧餐廳氣氛食物都正呀，今次點𠽌一個炸炸海鮮桶，一次可以試晒魚蝦蟹🐠🦐🦀，全部要晒就唔駛頭痛啦🐵其中嘅軟殻蟹好大隻而且特別好食😋炸蝦每隻都好香口彈牙，而炸魚柳都香脆好味，雖然好熱氣，但難得上黎山頂都要試試，薯條都好正呀。味另外點咗蝦飯，醬汁撈飯正，蝦嘅煮法不同炸蝦，但一樣好味彈牙。點咗杯香桃味沙冰特飲，酸酸甜甜好消滯，個杯仲會閃閃下，飲完即場洗乾淨俾你帶返屋企

之前係OpenRice 買左半價餐飲卷，用$100買左張$200既卷，於是就係bubba gump 既official website book左今日，慶祝anniversary，book既時候仲可以mark 底係慶祝咩日子，如果叫甜品，佢會係碟到寫happy xxxx，幾貼心。由於18:00 後冇堂食🙄惟有中午13:00 黎食，book到位都要等一等侍應執台，不過都好快，5分鐘左右入得，今日係平日中午時間，俾我想像中多人，都差唔多坐滿，好好彩我地坐窗邊位，個view唔錯😊第一碟黎左呢個意粉，意粉正常冇咩特別，個source 就好香牛油檸檬味，仲掛哂係意粉到，唔錯，蝦冇殼幾方便，除左有蝦既鮮味，其實都冇咩特別，配左個脆包，以為係蒜蓉包，原來只係牛油包，都好食，但係有蒜蒸會再好d。呢個set我都唔記得叫咩名，要成$2xx，4個筒分別係有4種唔同做法既蝦，包括：天富羅、烤、炸、仲有一款甜甜地好似糯米滋咁，做法幾特別，但唔係款款都咁好食，個人覺得烤係最差，因為太濃，糯米糍個隻最好食，甜甜地口感又特別。仲有一樣可惜既地方係，3種醬既味道都好奇怪🙈又甜又酸，同蝦好唔夾，得一隻類似番茄醬比較正常。

現時政府是要求餐廳展示安心出行二維碼，但只是呼籲市民使用 安心出行碼，但餐廳已經強迫必須掃描安心出行碼才能進入餐廳。跟門口的兩個職員理論左三四個字，未食已經一肚火。我地已經又肚餓又攰，他們仍聲稱現時政府已強制市民掃二維碼，十分不愉快的一餐。各位注重個人私隱的人請考慮，避免排隊後才獲通知要掃碼才能進入!餐廳內景觀環境是不錯，window seat 可以看到夜景，但食物的質素也只是普通，山頂附近還有其他選擇。

平日上山頂食晏真係好舒服，今次試阿甘蝦，想試咗好耐不過因為之前太多旅客好難Book位，但係今次我之前一晚打電話想訂位打咗一晚都唔人聽電話都係要上去等位今次三人行叫咗沙律、阿甘蝦拼盤、蝦意粉同甜品，最好食係個蝦芒果沙律其他都oK，而且價錢唔貴，下次一定會再去食沙律

估唔到平日去尼度午餐都有限時個半鐘。好彩除咗近窗邊嘅位滿座， 都唔係好full， 所以個半鐘都冇被趕。 叫咗一個前菜同一個主菜， 估唔到個主菜仲細碟過前菜。 青口唔夠熱， 有冇乜味道。 主菜超級細碟， 亦都冇乜味道。 原本諗住留肚食甜品， 最後興趣試。 個風景都ok嘅， 係山頂都係食景多個食味道

同男朋友上山頂拍拖慶祝，上網search山頂推薦既餐廳黎黎去去都係個幾間🤣一落車即刻衝去呢間醫肚，點知佢話我地無book位，要等起碼20分鐘...但明明我見到入面仲有大把位等左大約十五分鐘就比我地入去，staff建議我地食野先好除口罩。入到去好開揚，咁岩坐個位置可以睇風景當你Ready落單既時候就將呢塊板由STOP轉做RUN，佢地就會過黎serve你。Drink Menu - 成塊乒乓球拍🏓️咁🤣$199 - Forrest’s Seafood Feast 阿『甘』海鮮薈炸蝦🍤+ fish & chips + 海鮮球一堆炸物，基本上食落去都差唔多味😆$198 - Shrimp New Orleans 特色蒜香牛油辣汁扒大蝦配茉莉香飯呢個反而有驚喜，好多蝦，個汁送飯好正，忌廉辣汁，如果佢比多d汁會更好！塊包一凍左就硬哂唔好食，記得襯熱食呀！呢到定價唔算平，但味道質素OK，又有景色睇，拍拖慶祝黎講係一個唔錯既選擇