更多
2021-03-11
5113 瀏覽
阿甘蝦餐廳係電影「阿甘正傳」嘅海鮮主題餐廳📽️，主打美國南部風味嘅鮮蝦料理。餐廳設計貼近美國平民家居風格，佈置大量電影劇照同道具，播放歡樂愉快嘅音樂🎶。餐廳更設有電影紀念品店，門外有劇中長椅同模型跑鞋，比你扮下阿甘影相。位於太平山頂佔盡優勢，景色真係無得頂🏙️，享用美食同時飽覽維港美景。————————————————👅Shrimper’s Heaven阿「甘」蝦天堂 ($220)👍🏻蝦迷嘅天堂！一次品嘗4款唔同烹調方法嘅蝦，包括黃金椰絲大蝦、炸大蝦天婦羅、燒烤鮮蝦同麵包糠炸蝦，配有3款特調醬汁(Tangy Asian, Cajun Marmalade & Zesty Cocktail)。個人最鍾意黃金椰絲蝦🍤，炸椰絲酥脆又好香椰子味！天婦羅蝦非日式嗰種，炸蝦同燒烤蝦比較普通，下面又係一堆好飽肚嘅薯條，唯一要挑剔係大蝦無挑蝦腸👅Dixie Style Baby Back Ribs美式秘製豬仔骨配薯條 ($238)👍🏻美國菜特色就係份量好多大大碟，一大條燒豬仔骨下面仲隱藏左半條🐷！豬仔骨從豬腰脊中取得，比腰腹嘅豬肋骨更厚肉鮮嫩，搽上自製BBQ醬慢燒而成，炭烤風味濃厚，連皮幼身薯條同椰菜沙律，
————————————————
👅Shrimper’s Heaven阿「甘」蝦天堂 ($220)
👍🏻蝦迷嘅天堂！一次品嘗4款唔同烹調方法嘅蝦，包括黃金椰絲大蝦、炸大蝦天婦羅、燒烤鮮蝦同麵包糠炸蝦，配有3款特調醬汁(Tangy Asian, Cajun Marmalade & Zesty Cocktail)。個人最鍾意黃金椰絲蝦🍤，炸椰絲酥脆又好香椰子味！天婦羅蝦非日式嗰種，炸蝦同燒烤蝦比較普通，下面又係一堆好飽肚嘅薯條，唯一要挑剔係大蝦無挑蝦腸
👅Dixie Style Baby Back Ribs美式秘製豬仔骨配薯條 ($238)
👍🏻美國菜特色就係份量好多大大碟，一大條燒豬仔骨下面仲隱藏左半條🐷！豬仔骨從豬腰脊中取得，比腰腹嘅豬肋骨更厚肉鮮嫩，搽上自製BBQ醬慢燒而成，炭烤風味濃厚，連皮幼身薯條同椰菜沙律，非常飽足！
👍🏻加$48可選用田園/凱撒沙律，或加$55選用串燒蝦一客，今餐食咗好多蝦所以無加點~
👅Secret Mango Sparkler 芒果檸檬特飲 ($55)
👍🏻好大一杯足夠兩個人share，芒果同檸檬味酸酸甜甜🥭，開胃清新，餐牌寫Mama秘方係加咗啲橙汁，唔知你飲唔飲得出呢？
————————————————
🚩總結：富有美國色彩嘅美國菜大餐
————————————————
🌟注意：當日等位時間約15分鐘，另收加一服務費
————————————————
📍 Bubba Gump Shrimp Co. 阿甘蝦餐廳
地址︰山頂山頂道128號凌霄閣3層304-305號舖
.
🗺地區：#bem中環
📥分類：#bem西餐
💰人均消費：#bem_201至400蚊
張貼
