阿木台灣麵 (豉油街) (已搬遷) 新店位置

📍阿木台灣麵📍💡旺角去開旺角買嘢，難得見到lunch冇乜人，諗都唔諗即刻入去食，不過坐低咗就好快滿咗🤣原來係快人哋一步咋🐥紅燒牛肉牛筋麵($74)麵好大碗，牛肉牛筋都好多舊又好厚切，好似食極都仲有，牛肉質幾好，煮得軟腍，牛筋煮得入味入口香軟。湯底方面好濃牛味，麵條軟硬適中🐥芝士肉鬆蛋餅($44)蛋餅幾香，入面有芝士、蛋同肉鬆，份量好多，好厚實，芝士有拉絲效果，足料🐥珍珠奶茶 跟餐 +&15茶味再濃多dd就更好，珍珠好彈牙😋#旺角 #旺角美食 #美食日記 #食好西 #大滿足#香港美食指南 #香港美食 #香港美食 #香港 #hkfoodie #hkfood #bbq #hkfoodie #homekong#hkrestaurant #hkiger #hkfoodstagram #hkfoodlover #hkig #hkfoodshare #阿木台灣麵 #紅燒牛肉麵 #蛋餅 #foodiesinternationalchat #globaleats #indiandailybread

經過旺角豉油街阿木台灣麵幾次都見有人排隊，好想食。今日好彩人龍不算長，有時間便趁機試下，好彩等了一陣便有位。餐牌所見，好多台灣麵食，飯和小食都吸引。最终叫了碗紅燒牛肉牛筋麵，一份芝士肉鬆蛋餅和一杯芝士岩鹽奶蓋炭燒烏龍茶。紅燒牛肉牛筋麵大大碗好正，不愧是招牌貨。湯濃甜美味，關廟粗麵有咬口合味道，紅燒牛展大大片又厚身，炆得夠火喉，吃入口淋滑有筋唔韌，有水準，很好吃! 牛筋也很淋滑，充滿膠質，正! 點埋有蝦成份的自家製麻辣醬更有風味，讚! 吃完一碗已很滿足。芝士肉鬆蛋餅也有風味，多肉鬆有蛋味，好吃! 芝士岩鹽奶蓋炭燒烏龍茶愈飲愈好飲，茶味適中香滑不甜。我叫了少冰，多些冰應更美味。消費滿$100憑單在阿木台灣生活百貨門市可享九折。店中海報見到阿木有中秋套餐，送禮似乎不錯。

台灣風味的牛肉麵見朋友推介這間，有時間就去到旺角試一下，點左個紅燒牛肉牛筋麵，加份炸酥肉同一杯海鹽奶蓋烏龍茶。牛肉麵湯底香濃，有加左酸菜，味道沒那麼膩，而牛肉厚切，咬落好有滿足感，又唔會黐牙，牛筋軟糯，沾上湯汁一齊食-正而炸酥肉，剛炸好出黎，酥肉扎實香口。海鹽奶蓋烏龍茶則跟平常喝的差不多，跟麵一齊點，飲品可以有半價，可以一試。**買單後，見到單據有，消費滿一百的單據，可到附近的一間商場買東西有九折呢。

第二次食阿木台灣麵，同第一次一樣，都係排滿曬人，所以要食真係要早少少排隊😆阿木嘅價錢比較其他台灣食物嘅鋪頭相對較低。因為兩個人去，所以我地叫左一個鹽酥雞便當同埋一個牛肉麵。便當嘅肉燥飯比想像中大碗好多，係正常size嘅1.5倍，啱曬所有大食嘅人try try。至於牛肉麵嘅牛肉煮到好淋，成碗麵好有牛肉鮮味🥳另外阿木除左堂食，仲有賣其他唔同類型嘅食物，啱曬最愛台灣美食嘅大家😚。個人極力推薦可以係平日午餐或者晚飯一試，包你一直難忘😝

好耐冇得去台灣旅行，好掛住台灣嘅食物，今日咁岩經過呢一間舖頭，突然好想食牛肉麵，再入去試下！之前見到呢間都好多人排隊呢！半筋半肉麵🍜牛肉肥瘦相間，而且炆得好淋好入味，食落軟綿綿好正！牛筋都係好軟綿綿，完全唔會好似其他果啲硬掘掘，每一啖都係滿滿骨膠原，好正呀！芝士肉鬆蛋餅🫔呢個蛋餅都係招牌菜之一，餅皮熱辣辣軟綿綿，裡面既肉鬆有好香，睇圖就知道肉鬆份量好足，配埋芝士一齊食簡直一絕！白桃汁🍑呢杯桃汁一上台就聞到好香桃味，而且仲有粒粒桃肉，又唔會太甜！不錯！總體來講呢間台灣菜味道都幾正宗，絕對值得encore！btw，佢地除左有餐廳之外，仲有百貨店，專賣台灣嘢，係佢地度食完張單可以當coupon用，如果唔夠喉行過一條街就可以買佢地既product返去自己煮添！

蕃茄牛肉麵(片切) 一上台就已經覺得好香，飲咗啖湯，蕃茄味濃而且一啲都唔油，配上嘅酸菜唔會偏酸又唔會偏鹹，仲好爽口，同個湯好夾！另外要讚下佢個牛，雖然係片切但係好厚，食落去仲好冧，基本上都冇牙都咬得開😌 同埋佢啲筋膜同肉係一層一層梅花間竹咁，超好食！❤️ 而佢嘅麵條都好好食，煮到岩岩好，唔會太硬又唔會太冧，食麵嘅時候可以吸埋啲湯，正！另外如果食得辣嘅朋友，好建議大家試下佢個自家製辣椒醬，加落個湯上面好香，可能因為佢有蝦嘅關係，有種鮮味😍鹽酥雞鹽酥雞皮薄鬆化有肉汁，可能迎合香港人口味，無係台灣食既咁味精，感覺清新d，很好❤️珍珠奶茶叫咗少甜走冰，啲珍珠係有少少口感一咬開佢就開嘅果種，飲得出有奶味同茶嘅澀味，最開心係佢做到真正嘅少甜。而家喺度食完飯仲可以過對面嘅阿木台灣生活百貨度買嘢，憑單據買滿100蚊仲有九折！喺舖頭見到生活百貨原來有得買台灣生乳捲仲有蜂蜜蛋糕！😍食完飯就走去睇下先🥰

阿木台灣麵 - 未食過既人一定一定要去試吓啊！🥳平日午市套餐就最抵食！👍🏻 $60就有埋野飲！加$10仲可以飲珍珠奶茶🧋紅燒牛肉麵（片切） $60食咗咁多次都冇失望既牛肉麵！🥰🥰🥰啲牛係每次都好！足！料！而且係厚切😂細食啲既女仔真係食啲牛都可能飽到🤣仲要啲牛肉已經係煮到超級淋！啖啖肉😙湯底又真係有牛味，而啲麵又掛到汁，好味好味。😋珍珠奶茶 （套餐+$10）奶茶好香茶味～同埋係好台式既奶茶泥😛！不過啲珍珠就比較硬，個人泥講鐘意煙韌嘅珍珠，建議就咁叫奶茶泥飲。😗😗😗鹽酥雞（小份） 追加$23 唔建議！！！😮‍💨冇諗過小份係得4粒仔，如果係想食建議大家直接叫$36成份了👍🏻加多十幾蚊多好多😂呢個表現一般般啦～但炸咗入舊肉都仲好滑同juicy既🫶🏻麻辣牛肉麵（片切） $60係另一次去既其實！因為想試吓麻辣味會唔會仲吸引🥳一泥到都幾紅，其實淆淆地😂FYI三哥食十小辣😗食落都仲接受到，但係因為有辣油，成個感覺油膩左容易會食到濟，都係食返原味開心啲🥰總括🥄未食過既大家一定要去試吓！同埋食閒日去食午市套餐真心抵食又好食😋啊～不如就唔好加配小食了！直接單叫會抵食好多👍🏻—————————————————

星期日中午黎到，唔洗等位叫咗鹽酥肉便當、鹽酥雞便當、芝士肉鬆蛋餅鹽酥肉便當好好食！！酥肉軟嫩得黎帶點爽口，好正！！👍可惜嘅係調味太輕手，好淡味，就算自己加重椒鹽粉都覺得唔夠味（平時食嘅台灣野都比較重口味）。便當配埋肉燥飯，比起其他台灣餐廳，呢到嘅冇咁油膩，白飯超多，下次再食要叫少飯先得。另外仲跟咗三款配菜，有榨菜、麵麩（？）同半隻滷水蛋，一樣都係比起其他台灣餐廳，冇咁重口味。鹽酥雞就正正常常，都係唔夠調味，同埋感覺份量冇酥肉咁多。芝士肉鬆蛋餅，我覺得芝士唔夠多，但肉鬆有驚喜～佢地係用魚鬆，好香，類似柴魚片嘅味道👍總括黎講食物質素係滿意嘅，價錢都抵。唯一唔好係冷氣唔夠，我一路食一路出汗😥

紅燒牛肉麵$67牛肉超級厚之餘又淋又入味！而且牛肉份量都唔少！麵條掛湯有彈性🫶🏻湯底普普通通但有少少偏咸食完超飽肚，平時經過諗唔到食咩都會考慮佢，係平價足料之選

🇹🇼每次經過豉油街，都見到經常好多人排隊嘅呢間台灣菜餐廳「阿木台灣麵」。到底係乜嘢咁吸引大家光顧呢？咁啱有唔使排隊嘅下午茶時間，小編立即去試一試～🍜蕃茄牛肉牛筋麵（$71）：濃郁蕃茄湯底，一啲味精口渴感都無。酸菜比較淡口，有數片半筋半肉嘅牛肉片，以及大量青蔥。🥩家傳鹽酥肉（$40）：係豬肉條裹粉之後再拎去炸！肉質鬆軟，炸豬扒變奏版。分量十足，兩次三個人分都好足夠。餐桌上附有鹽酥調味粉，食客可以自行添加。🫔芝士肉鬆蛋餅（$44）：蛋餅餅皮好軟熟，肉鬆多到溢出嚟。肉鬆味道濃烈，稍為遮蓋咗芝士及雞蛋嘅味道。但係對於重口味，或是愛好肉鬆嘅朋友嚟講係好正嘅選擇。🥤凍柑桔檸檬紅茶（$12）：清爽，搭配油炸食物之好選擇。當然珍珠奶茶係絕對唔會錯嘅配搭。😗整體而言：1. 食品性價比高，道地嘅台灣風味。2. 座位相對緊密，餐枱相對細張。3. 阿木台灣生活百貨，直接訂購台灣美食。4. 喺附近又唔使排隊嘅話可以一試。5. 下午茶時間已經好多食物飲品售罄，想試多啲嘅朋友要早啲到訪呢～阿木台灣麵 地址：旺角豉油街60-102號鴻都大廈地下3-4號舖電話：98622272營業時間：11:00-22:15#香港食好

久遺的台式味道好耐冇去台灣，諗起不如食過台式午餐啦，途經旺角就入咗去阿木台灣麵店午餐分別有主食+小食+飲品鹽酥雞便當🍱，肉燥鋪得滿滿，鹹味適中，有台式風味，鹽酥雞外脆內軟,剛剛炸起，亦都香脆，另外亦都有三種配菜有滷水蛋、滷水腸及酸菜，味道不錯芝士肉鬆蛋餅🫓蛋皮非常軟滑，厚度適中，充滿蛋香，芝士味濃，蛋餅夾住大量肉鬆，這是店中人氣之選，香港好少食到這麼台式口味檸檬四季春檸檬四季春茶味香濃，在夏天飲十分清涼解渴此外，去唔到台灣可以買啲台式小手信，這裏有好多台式雜貨可以選購

日前去到頗有名氣嘅阿木牛肉麵用膳，估唔到我人生入面嘅頭兩篇食評都會獻俾豉油街上嘅兩間食肆。/小弟琴日真係好肚餓，就叫咗一碗紅燒牛肉麵加個鹽酥雞，同埋一杯台式奶茶。/首先紅燒牛肉麵係越食越普通（我稱唔上係難食）😐。通常肚餓嘅時候基本上真係食咩都覺得好食，今次都唔例外。但當我食咗幾啖回復返理智🧠，入返半個聖人模式嘅時候✝️，我就立刻發現到碗麵嘅一啲問題。第一，個湯頭雖然有味卻太稀，冇台灣牛肉麵嗰種濃郁。🫤另外個湯同牛肉同麵好似各自為政咁，唔多配合。😕而咁樣亦都帶落另一個問題，就係我認為個湯底並非炆燉牛肉嘅湯，因為啲牛肉（特別係片切）真係好淰，淰到幾乎一夾就散，但咬落口嘅時候又缺乏拎嚟炆燉牛肉嘅醬料嘅味道，細果啲牛肉咬多兩啖就係淡而無味。😵‍💫/鹽酥雞真係好細份，細份到爭啲要用顯微鏡先睇到😃23蚊4舊我覺得係離譜咗，就算係嘉佩嘅價錢都可以有6-8件。味道就好普通🤣又唔係「酥」，鹽就係有嘅😵‍💫/最後杯凍奶茶，唔夠凍，又冇咩奶，唔好飲。/總括而言，唔食都冇咩咁大不了😃//

外出去旺角公幹完畢已經過了午飯時間，於是找又平又好食的下午茶餐，平時已知鼓油街的亞木臺灣麵要排隊等候入座，但下午三時見有空位不用等候，即入去叫了一份三十八元的下午茶餐，主食有麻醬撈麵，麵質軟滑混合麻醬非常美味。也可加點麻辣醬提升層次。小食可揀三樣點心，有酥炸雞二件，一條臺灣腸，三件甜不棘，食後已覺飽。可惜環境並非寬敞，坐位很逼，冷氣又不凍，食完己背脊出汗，於是加了幾貴的四元換杯凍奶茶飲用才稍覺舒服！

見IG、OpenRice幾多好評就試試，但食完完全失望😢首先一入到去，可能太多人嘅關係，店員特別老闆娘嘅態度都唔太好，黑口黑面不過唔緊要啦，最重要嘢食好食就okay叫咗紅燒牛肉麵、麻辣肉燥飯試試.紅燒牛肉麵湯底係濃郁嘅，牛肉亦都好厚切但食完呢碗麵，口渴左全日🥺估計落咗好多味精達到濃郁嘅效果狂灌水都解唔到口渴😭.麻辣肉燥飯有少少顛覆咗對肉燥飯嘅理解啲肉燥完全冇口感，就咁一pat肉，得個咸字好多蒜頭鋪喺面，可能想掩飾豬肉唔新鮮嘅味道.只可以話呢度價錢係幾平，幾十蚊食到一餐但要排隊的話絕對唔值得，如果為咗牛肉麵而去嘅絕對會令你失望

放工在旺角吃飯，這家小店裝修簡單，繁忙時段卻大排長龍，一定有它可取之處。原來餐廳還開了一家阿木台灣生活百貨，有不少台灣貨品或食物。下午時段有下午茶，價錢很相宜。⭐️紅燒牛肉牛筋麵$71大大一碗牛肉麵，湯頭清澈，麵條掛湯能力不錯。湯入口有牛肉的甘甜，濃濃的牛肉味，很好喝。咬一口牛肉，熬煮得非常軟腍，入口有濃郁的牛味。牛筋熬煮得很入味，入口香軟無比。⭐️梅子地瓜條$39地瓜條外面撒上梅子粉，生津解渴。粗切地瓜條入口酥脆，很好吃。⭐️金桔檸檬汁$24金桔檸檬汁另外加上仙草，入口酸甜解渴，很有台灣風味。