阿木台灣麵 (廣華街) (已結業)

宅左咁耐，難得出街一次，當然要食下好野。肉噪撈面（麻辣），正正正，麻辣味好正宗。我食曬！仲有炸大賜～外脆卜卜，點少少麻辣醫，好食😋鹹芝士奶蓋綠茶🍵鹹鹹地，茶底又夠香，係我幾鐘意既！招牌蛋捲都有叫既，店員介紹，又真係好食哦！有芝士同肉鬆。果然係招牌呀！就係脆卜卜既佢啦！岩岩炸好，又熱又脆！值的一試。順便影下環境。我係同閨密來既，傾下心事，不過下午茶時間好多人，所以都好意思座太耐。但環境係幾好架！野食又好食。（有個純台灣人既員工/老闆）仲有好多自製手工食物。推薦

今日唔洗返工，同個朋友出左台灣食飯，試咗呢間台灣麵館。晏就兩點左右都好多人食，爆滿咁濟，應該都唔錯！一入去有個好似老闆娘既招呼我地，講普通話，應該係台灣人尼，我唸應該鋪頭係台灣人主理，所以野食應該幾正宗。我兩個都好肚餓，每人叫左個麵加2個小食加2杯野飲。首先我叫左珍珠奶綠四季春，幾好飲，唔係平日飲開既紅茶而係換左清清地既綠茶，飲落清新不膩；而朋友點既係奶蓋四季春，有芝士係裏面，比我果杯飲落多左幾分香濃奶味，更加好飲。第一樣小食係炸大腸，都幾足份量，切得唔太厚，炸到外脆內軟咁。而另一個係芝士肉鬆蛋餅係招牌小食尼，蛋味夠香，又夾埋芝士同肉鬆，味道好豐富、好好食😋。兩個麵終於來左喇，我朋友食肉臊麻辣撈麵，佢覺得好開胃，麻辣味好香但唔太辣，成件事好夾，麵質好彈牙。而我食紅燒牛肉湯麵，湯頭飲落香濃、唔會死咸，的飲得出用足料去煮湯頭，牛展好林、易咬口，配上麵條食簡直一流。湯麵另外加左酸菜，真係好開胃！旁邊仲有一罐麻辣醬可以落既，仲要自製既，我加左啲落牛肉麵度食，真係好香，唔太辣，但成碗麵食落感覺昇華左，正呀！個麻辣醬有得買返去架，另外仲有好多自家製既可以買返去！

自從由台灣旅行回來後，一直念念不忘台灣菜的味道，晚上難得有朋友提議吃飯，立即推介了位於廣華街中的阿木台灣麵！店門外擺滿了酸菜，青瓜，蘿蔔，辣椒油等，原來老闆是真正台灣人，用了自家秘方醃製，而且店內食品都有在用，於店內吃過真的不錯！與朋友各點了一碗牛腩牛筋麵，牛筋腩炆得極淋，而且很入味，難得豬大腸即場炸起，皮炸得香脆，洗得乾淨肥膏不多，咬落嫩滑不鞋，配上餐廳自製辣椒醬，讚芝士肉鬆蛋餅於香港的台灣食店較少見，餡料十分多，蛋內還加了蔥花，極之香口，必點！飲品點了黑糖珍珠鮮奶，有淡淡黑糖香味，不算太甜，珍珠質地不硬，不錯阿木的性價比十分高，絕對值得推薦！

是日同朋友系Op search到依間台灣美食店，所以決定一試。大概4點去到，當時8成既枱已經坐滿哂，到走個陣出面已經大排長龍，所以大家晏就去應該會較為好。食台灣野點都要食魯肉飯，依到既魯肉飯油而不膩，食完都唔會有口渴既感覺。另外，白飯唔會係一團團。飯上既滷水蛋亦十分入味！另外，都叫左2款小食，分別係豬耳同蛋餅豬耳放耐左啲油會成為左一舊啫喱，可見油很多。但十分入味，而且豬耳亦十分有口感，同爽。對箍緊牙既人黎講都仍然咬到。我地叫左個芝士粟米蛋餅，蛋餅十分有口感，而「煙硬」。裡面既材料亦十分足料，十分有滿足感。

黃黃的台灣食物(⁎⁍̴̛ᴗ⁍̴̛⁎)心中不停諗住: 阿木 你不如唔好叫阿木🤣🤣🐽 紅燒牛肉牛筋麵🐮($69)最招牌菜式 好好食!湯超濃味🤤牛筋勁腍🤤🤤麵質感亦都軟硬適中🤪🐽 鹽酥雞便當🍱 ($54)個人好鐘意飯個魯肉 肥瘦比例好好🤩鹽酥雞外脆 內嫩✨🐽 芝士肉鬆蛋餅🧀 ($42)唔會乾爭爭既蛋餅🥰芝士肉鬆份量幾好 唔會太漏😗🐽 炸甜不辣🖖🏻 ($29)點埋佢個自家製麻辣醬 jeng🤩🐽 芝士奶蓋四季春🍵 ($19) & 黑糖珍珠奶綠四季春🍵 ($16)野飲跟主食有得半價 上面價錢係平價左的個人叫左微糖覺得岩岩好🤣飲品都不錯喔🥰

讚1. 排左半個鐘先入到，但服務幾好，侍應係有安排大家盡量坐得開啲咁2. 炸爽肉係幾好，外層薄得黎脆身，爽肉有肉味又爽口，滷水蛋亦都好味彈1. 滷肉飯實在要進步，飯太硬身，滷肉太硬，最奇係有舊排骨，咬咬下係有舊軟骨，個人唔太接受呢種做法

**阿木台灣麵-旺角**又一高質台食店！同事介紹我黎食宵夜，咁就收工同老公黎，就算係22:00，都坐滿哂人，絕大部分都係後生仔，雖然坐得逼，但人人都食得好滋味我地要左一個鹽酥雞滷肉飯，仲有三樣伴菜都好好味😋店員介紹自家製麻辣醬 我地本身唔食辣 但係都覺得好正！個飯質就淋左少少🤏我就食紅燒牛肉麵，湯底都幾濃，牛肉亦好淋，麵質軟硬適中奶蓋四季春重點推介-芝士肉鬆蛋餅！好足料，一食就愛上左無時無刻都想食啊！

今次食台灣野🤤🤭 呢間想食好耐啦！😆 多謝朋友陪我試🤪 一去到係勁多人排緊隊！證明真係受歡迎！..首先當然唔少得來個牛肉麵🤤 牛展牛筋🥩爽爽der～～～試埋佢地自家制既辣椒醬，不得了！再來個酥炸排骨魯肉飯便當🍱 好香口！未夠喉既我地再叫多個鹽酥雞！🤣🤣🤣 好正呀好惹味！🥳 然後，點少得叫杯台式珍珠奶茶呢～～～😍 食完好想去轉台灣🤣🤣 鋪頭裡面有好多卡片，有好多有心人寫既打氣卡片，而且更多的是世界各地既人寫俾香港人💛 好有愛啊～

之前有朋友介紹呢間阿木台灣麵係真係台灣人開既麵店差唔多黎到店面既時候 見到門口都有條小人龍可能大家都要「懲罰」呢間店係排隊既時候 老闆娘都比定餐牌比客人睇排左十幾分鐘左右 就入得去因為排隊既時候已經睇晒餐牌所以好快就落得單我地點左蕃茄牛肉牛筋麵麻辣拌麵，台式炸大腸同埋一杯凍既金鑽鳳梨四季春麻辣拌麵味道唔錯 如果覺得唔夠辣 仲可以落埋佢地店自家制麻辣醬 非常美味個台式炸大腸炸得十分出色 好香脆 十分喜歡朋友話個蕃茄牛肉牛筋麵 好香濃 好有蕃茄味 啲牛肉牛筋都好淋 好易咬開金鑽鳳梨四季春味道唔錯 仲有粒粒鳳梨果肉店內環境氣氛溫暖，唔同角落都有不同的佈置老闆娘十分友善 會同客人聊天 十分有人情味 真的有台灣的感覺值得再來 會推薦給朋友

很久沒有到旺角，今天終於出城。由於最近都很想吃台灣美食，今次都不例外，選擇了在廣華街的「阿木台灣麵」進餐。食物種類繁多，價錢也相當宜人。拌麵麵質煙韌，跟日本拉麵有像，也非常掛汁。麵條滲入了麻辣汁，每一口都惹味帶麻辣香。醬汁剛好，不會過少，能把麵條拌勻。肉燥以瘦肉為主，還附有青瓜絲。拌麵的麻辣汁應該是用店內自家特製的麻辣醬調成，辣度適中，也帶點蝦香。筆者當天忍不住購入了一瓶回家佐麵吃用。香口的炸大腸，灑上香葱粒點綴。外皮炸得脆脆，再配上有嚼勁的腸身，口感豐富。大腸乾淨，處理工夫做得不錯。飲料是用鐵杯盛載，但以這個價錢來說，份量有點少。芝士奶蓋有岩鹽咸香，四季春綠茶點了微糖，但更像無糖，看來本身的甜度也是偏低。就這樣在「阿木台灣麵」渡過了一個週末的下午，店員熱情的態度更令人感到親切。

一直都好想試吓呢間有台灣人開嘅台式料理，閒日夜晚7:00嚟到已經要排隊，不過大家如果真係唔想排隊嘅話，呢條街附近都好多黃店～呢度環境坐得有少少迫，我哋三個人安排咗我哋坐六人卡位嘅其中一邊，會好近咁對住其他食客，大家兩邊傾計嘅時候，會有少少唔衛生嘅感覺。雖然嚟得呢啲餐廳食飯都預咗唔會坐好耐，但成個體驗就真係麻麻。整體來講，呢度食物質素唔錯，又多選擇，最重要係價錢合理！只係多人嘅時候環境就麻麻～.Always wanted to try this Taiwanese resto which is actually opened by a Taiwanese 🇹🇼 😂 came here on a weekday and there was a line at 7pm 😮 we were a group of 3 but we sat with 3 others at a table of 6 ☹️ not the best place for talking or catching up! even though i am not expecting any 5 star service o

旺角好西多今次黎到呢間台灣人開既阿木台灣麵首先今次係食午餐人有d多 所以要排隊不過都唔洗好耐大約十五分鐘都入到排隊果陣老闆娘就比左張menu我地填午餐menu普通menu飲品menu一入到去 環境比較細 有d逼不過店員好有禮貌應該係店員人手不足所以食物飲品都係要等耐少少我呢碗係 紅燒牛肉麵 $58飲品 泡沫紅茶首先 食落個感覺有少少得意因為d麵係甜既 但係d牛肉係鹹既一碗麵食到兩種唔同味牛肉幾有口感 唔難咬 幾好味麵就偏甜左少少 但可接受泡沫紅茶好好飲 用呢隻杯可keep住熱度朋友叫既 鹽穌雞便當 $50份量其實都幾多有少少飽肚感總括而言食物方面 ok唔錯飲品方面 好飲 讚 又keep到溫度環境方面 偏細 有少少逼服務方面 店員有禮

星期六獨自一人周圍去，想食個簡單又輕便既午餐，人來人往既旺角，想搵間有台灣風味既食店，位於旺角廣華街8號 - 阿木台灣麵，係一間可以食到正宗台灣味道既店舖，店員親切有善。未到店舖門口就已經見到好多人係到排隊等位，排隊時就可以係餐牌📜上✔上想自己想食既美食，排咗一陣隊先入到去坐。店內有啲好特別既擺設，簡單得黎，又有家既感覺。牆上掛有餐牌內美食圖片。店舖仲售賣自家製既🌶辣椒醬 ，$48一樽，啱哂愛刺激又愛食辣🌶既人士購買。我既午餐當然就要選擇一碗麵🍜，一份小食🥡及一杯飲品🥤。🍜阿木拌麵 -肉燥拌麵 $42肉燥夠嫩滑又煙韌仲好有咬口，拌麵仲有好多汁，夠濕潤，麵條夠煙韌，配搭埋青瓜絲。感覺到自己飛咗去台灣食番碗台灣地道既美食。🍡台灣小食 - 炸花枝丸 x4粒 $29四大粒炸花枝丸，炸到金黃色，又香口，仲要外脆內軟，爽口彈牙，包你一個人食四粒都唔夠喉。🍵四季春青茶 - 話梅四季春（微糖，少冰） $24杯內有3粒話梅襯托住帶有香味濃郁既四季春茶，飲咗就更加開胃，清涼既感覺番哂黎。

最中意食台灣野，去到旺角search下openrice 又search下黃店，阿木台灣麵評分都好好！6點多到達，唔洗排隊，入到去好有黃店氣氛，食得開心！店員又有禮貌又親切，感覺上女店員好似係台灣人。講番食物，炸物外脆內軟，送到黎仲係熱的。個麻辣拌麵好正！！！枱面仲有個自家制辣醬比你加辣，岩曬我呢d食辣愛好者～個黑糖珍珠鮮奶都好正，好香～友人飲的冬瓜茶都好飲，唔太乖甜又健康！離開時7點多，門外已經有人開始要等位。一定會再來幫襯！抵食！支持小店！

呢排武肺來勢洶洶，的確令好多人無意欲出街食飯，夜晚好多鋪頭都索性閂門唔做生意😥 雖然廣華街不嬲都好多食店，但平日夜晚去都真係得返一半鋪開門😕 不過成條街最旺一定係呢間黃店🤣 要排隊都無損大家幫襯嘅意欲😌 店員好搞笑 話唔洗派飛等位，因為佢會認得哂啲人😬 面盲症的我表示佩服不已🤪——————————————————🍜肉燥拌麵 $42微暖嘅台灣麵質地充滿彈性😆 肉燥比我想像中多肥豬肉😝 不過夾埋啲配料食係好豐富嘅口感 一啲都唔膩 份量又剛好🤩 特別要提係個自家製麻辣醬😍 一定要撈埋嚟食😍😍😍 唔食辣嘅我都覺得好惹味🤤 佢係得麻味無咩辣味 所以用嚟撈麵真係一流💯-🧀芝士玉米蛋餅 $40呢個係第二推介要食嘅😋 超多芝士 仲要係流心㗎🥰 大大舊 料俾足😗 不過有小小膩 都可以接受嘅🤪 當小食咁食嘅話 要兩個人食呀呢個😎-🐤鹽酥雞 $38舊舊都炸到好香口又大大舊🌞 唔會死咸味 食得出係醃過一段時間😛 記得趁熱食😌—————————————————❌不設加一服務費🕰星期一至日 11:30 - 23:00🔄Encore 指數 9/10 (間鋪超黃 好多poster⚡ 質素不錯 要幫襯多幾次呀‼️)