阿來泰式地道風味

營業中

休息中

今日去到旺角食泰國菜，貪呢度夠方便，喺旺角先達廣場隔籬。辣椒膏炒蜆 $ 108啲蜆size系中等嗰隻，所以裏邊啲蟹肉都幾肥美。辣到我叫咗小辣，對於我嚟講呢個辣度係適中。嗰啲蜆肉嘅汁，可以用嚟撈飯，味道唔錯。泰式香芒蟹肉炒飯 $ 68芒果果肉好甜，另外啲飯炒到粒粒分明，食得出係好夠鑊氣炒出嚟嘅飯。68元都唔貴，呢個係必食推介。串燒沙爹 $ 78三串係雞肉，另外三串係豬肉。其實雞肉同豬肉個肉質係差唔多，食落唔會有太大分別。啲沙爹醬有落花生，所以食落都幾香口。

成日都好想食泰國嘢，今晚嚟到旺角，因為疫情問題條街都少咗好多人。我哋叫咗飛天通菜、蒜蓉包、咖喱軟殼蟹、生菜包、黃金大蝦、青檸梳打、鹹檸七～～～先講飛天通菜，通菜炒得好入味，不過淨食會咸左少少，但送飯一流！咖喱軟殼蟹，配蒜蓉包簡直一流！蒜蓉包要等耐少少先至出爐因為佢係即叫即焗嘅，蒜蓉包沾上咖喱汁真係好夾。軟殼蟹份量勁多仲好脆添！生菜包啲生菜勁新鮮，肉碎炒到辣辣地配埋生菜夾住食真係一個好好嘅配搭！生菜包份量都唔少，勁多肉碎有嗌飯可以撈飯食！黃金大蝦亦都係一個邪惡之選，滿滿嘅鹹蛋黃包住大蝦啲蝦仲好新鮮添！飲番杯青檸梳打同埋鹹檸七簡直係解晒油膩感呀！

原來去食泰國菜唔一定去九龍城㗎，喺旺角有間喺先達附近嘅阿來泰國菜係非常值得一試嘅，佢嘅地點非常容易搵，食完附近都有糖水舖，我哋叫咗生蝦刺身，無骨鳳爪沙律，海南雞，燒豬頸肉，炒金邊粉飛天通菜，上菜嘅速度好快好啱我呢啲好肚餓嘅人，店舖亦都有分隔座位，入鋪探熱，實施呢個防疫措施。生蝦夠凍，肉質厚，鳳爪沙律味道剛好好開胃我連配菜都食晒，海南雞肉質都好嫩，豬頸肉燒得岩岩好，再配上啲醬料好食到停唔到，最有驚喜嘅係炒金邊粉份量多可以媲美九龍城嘅泰國菜館，店內推介嘅飛天通菜亦都好味，呢間野值得推介，份量多，味道好，會再去架。

喺旺角好難搵到一間方便又就腳嘅泰國菜，原來呢間就喺先達隔離，鋪面雖然唔大但座位闊落坐得都OK舒服。餸菜方面，都係叫咗平時食泰國嘢嗰啲嘢，上菜速度快到痴線，份量亦都好多，可能係太肚餓嘅關係，兩個人都食晒五個餸，醬汁嘅辣度適中，食唔到辣嘅朋友都可以試吓。我自己最鍾意佢個泰式金邊粉，非常之有泰國嘅味道。材料方面都好新鮮，生蝦都冇嗰種霉霉嘅感覺，鳳爪沙律好開胃，酸辣適中，連配菜都食曬。d野食份量絕對足夠，我仲睇過下個菜單，佢嘅菜式都好多元化，有好多選擇，勁想眼闊肚窄咁叫多啲！

今日去旺角做完野想早啲食飯番屋企，行到先達個邊見到呢間泰菜5點前仲有lunch set，另外仲有全日set同多人set，仲全日免收加一，幾吸引咁所以去左食。我同朋友各叫左一個set（雖然我地係食緊晚飯哈哈），另外加左一份木瓜沙律，同馬拉盞通菜。我既泰式冬陰功湯河粉配豬頸肉，湯底幾岩我口味，都幾夠酸。河粉唔係港式幼幼個種，係大大片，比較有口感的。份量仲十分之多！豬頸肉唔夠肥，口感有啲似瘦肉，所以我覺得普通。朋友既海南雞飯，雞皮唔肥，可以食埋，雞肉都算滑，不過我覺得油飯唔夠香。馬拉盞炒通菜炒得剛剛好，唔會過淋，又夠味，而且菜葉都幾新鮮，同樣地份量都係好多！食左好多菜好健康哈哈！木瓜絲沙律幾夠味，同平時唔同既地方係，呢間加左豆角落去，都幾得意。同平時一樣有啲花生碎，青木瓜絲，車厘茄，蘿蔔絲等等。呢個係我每次食泰菜都必點～特飲只係加5蚊～椰汁三色冰好味道！朋友既泰式咖啡我就唔覺得太特別。

每次去開旺角一諗起要食泰國嘢，就會嚟呢度！首先，餐廳地理位置方便，價錢便宜，份量足味道也不錯！呢排少出街，見餐廳既防疫措施都做得幾足，枱同枱之間唔會太近，又有樓上坐位，坐得幾舒服！平日兩個人食開套餐，因為真係好抵！今日我同朋友都想食魚，就冇叫到套餐。椰青新鮮，十分清甜，我仲刮埋入邊嘅嘢肉你食添啊！呢度嘅生蝦都幾好食，特別係特有嘅醬汁，配埋真係好夾！我哋食咗豬同埋雞嘅串燒，食口味道夠濃！我最愛既生菜包，俾左好多菜我地，肉醬都好juicy!呢一個冬蔭功芋頭真係冇得輸，一嚟又可以飲冬陰功湯啦！二來烏頭好新鮮，配埋冬蔭功好夾，我哋兩個人食晒成條啊！最後買單都唔使$500 ，真係幾抵！

泰式生蝦刺身食泰國野不可缺少既前菜..1碟8隻都幾抵食.蝦肉新鮮爽口..配埋蝦上蒜頭辣椒再點埋甜酸汁...酸甜又帶辣..勁開胃泰式肉碎生菜包肉碎超多..多蔥多蒜好惹味...生菜新鮮. 包哂生菜都仲有好多肉...送飯一流泰式明爐烏頭魚（冬陰公湯底）叫左冬陰湯底可以飲幾啖...滿足埋想飲制作需要話要等20mins..所以要食就最後一早落單...烏頭魚好滑..熱辣辣..一啖魚肉配埋啖湯一齊食..夠哂味串燒沙嗲豬肉雞肉各一半串燒叫左半打.沙嗲醬有好多花生粒...沙嗲醬好味..雞肉串燒好滑好juicy 而豬肉串燒唔鞋燒得剛剛好椰青清甜多水..仲有好多椰子肉食..好爽口..刮哂成個椰子肉食最後要讚係疫情下加左膠隔開枱之間另外搭枱中間都有膠板遮住

三個朋友一齊去食，環境麻麻地，食緊飯嘅時候都仲有烏蠅，不過不得不說啲嘢真係好好味👏🏻覺得有泰國嘅風味，而且價錢都算合理😼三個人食咗幾個餸，樣樣都好有水準👏🏻

下就去開旺角先達整電子野好肚餓 見到對面有間泰國野 即刻入座入座前量體溫是常識吧😎有好多選擇 左睇又睇先諗到食咩好最後叫左以下食物：🥢泰式蝦餅哩個小食係每次食泰國野都會叫既有驚喜 好食呀 夠厚肉 炸得幾脆 一d都唔粉唔會好油口 6件份量又夠多 GOOD🥢海南雞飯 配 青檸soda海南雞係滑既 我好鍾意點個醬😍大部份都係雞髀同雞胸位 唔洗點lun骨配埋黃油飯食好香🤩 會想食多碗🥢泰式咖喱炒大蜆個咖喱汁係唔錯既 比較甜 唔算太濃味配菜有洋蔥 大蔥 青紅椒好啱香港唔食得辣既人 事前功夫做得不錯 無沙既每一粒都不過蜆肉就唔係大蜆size....如果多反小小鑊氣 可能蜆會入味d 🥢青檸梳打食親泰國野 解渴必點 唔可以小左佢整體而言食物不錯 食左咁多野都未過$250員工服務有禮👍🏻

個人都喜歡食泰國菜, 選擇多而且價錢較親民。今日約左同朋友過黎旺角先達, 見到旁邊有間阿來泰菜, menu睇落都幾抵食炒椰菜苗炒得夠鑊氣，味道少少辣辣唔會太重手過鹹泰式炸蝦餅係泰式拼盤嘅小食當中最鍾食嘅一樣小食, 蝦肉夠彈牙，同埋份量夠多串燒沙嗲, 豬肉牛肉各半，沙嗲醬味道都好濃，醬汁沾滿肉既表面，食起來一啲都唔乾辣椒膏炒大蜆炒得熱騰騰又夠香辣，D蜆夠大隻, 咖喱汁可送蒜茸包椰青挺大好解膩。下次可以點 二人餐包括，即係有鮮蝦冬蔭功湯、泰式滷豬脾、泰式炸蝦餅、青咖喱、菜、飯同飲品

出開旺角食晏想搵啲泰國野食下，就搵到黎阿來泰式。星期六都重有set lunch比大家揀，我今次就揀左佢地既海南雞飯同埋青檸梳打，另外叫多左個小食就係炸蝦餅。好多泰式海南雞飯都係去骨既，同樣阿來泰式提供既亦都係去骨海南雞飯，只要你比多10蚊就可以升級比隻雞髀你。我就揀左平民版，個飯一上枱，雞應該係雞胸部份，再加飯髀仔，配黃油飯，再加個微辣既汁，基本套路冇問題，食落正正常常，份量足夠一個成年男人食，合格過關，餐飲加錢轉青檸梳打，除左多冰左啲之外都冇問題。最後一提既係蝦餅，食落個蝦餅比其他餐廳既蝦餅結實，覺得比重料，係值得推介既餐點!

今晚約左朋友來旺角行街，見好多店舖都比以前早左收，甘不如早d食晚飯回家吧~ 行過見到有間泰國餐廳小店<阿來泰式地道風味>，竟然全日免收加一，仲要價錢吾貴，立即入去試下!!~<泰式滷豬髀 例牌 $78>見餐牌極力推介呢個泰式滷豬髀，例牌衹係$78,便order來試下。豬髀肉已經去骨，肉質非常嫰滑淋身，秘製滷水醬汁令豬髀肉醃得非常入味，味道鹹中帶甜，連豬皮都滑到好似啫喱甘，晶瑩狀態，入口啖啖肉，又滑又彈牙，仲配埋滷水蛋，完全冇浪費過甘出色既滷水醬汁，真係一試難忘!!<黃咖哩牛腩煲 $88>牛腩煲個咖哩汁好惹味，亦不會太辣，材料不少,有薯仔，洋蔥，青椒和蕃茄等。牛腩肥瘦適中，肉質不算鞋口，不過如果牛腩份量可以再多些就更好啦!!~<泰式炒金邊粉 $58>金邊粉用上酸酸甜甜既泰式醬汁來炒，有鑊氣之餘，味道仲非常開胃，仲有爽口彈牙既大蝦，以$58來講，真係超級抵食!!<原隻椰青海鮮焗飯 $78>呢個椰青海鮮焗飯，味道清新，入口有淡淡椰青味，連埋大蝦，魷魚和椰青肉一齊來焗，味道不錯。整體來講，餐廳地方不算好大，但乾淨企理

去開旺角做野搵間泰國野試下. 去到叫左個燒豬頸肉飯,同事叫左卥豬脾飯. 豬頸肉燒得幾香,但乾左少少, 點埋d甜酸醬一齊食好d. 瘦肉比例多, 食落唔會好油膩. 豬脾應該醃左一段時間, 好入味. 食落去好林, 送飯一流. 50幾蚊有埋野飲, 份量都大份夠飽, 算幾抵食.

終於到左星期五 同gf去旺角食泰國野 話晒係半個泰國人 希望食到高質泰國野 7 點幾去到 要等10 分鐘 有2 層都要等位 叫左個炒金邊粉 有蝦 非常普通 唔夠入味 同埋少左d蛋花 冇咩wok氣叫左個炸蝦餅 但太失望冇影相 因為太咸 同埋個層炸皮太厚太硬 完全食唔到蝦肉 烏頭以為係跟爐上 原來係應該用錫紙燒完 個汁幾酸 幾好味 仲叫左個炒耶菜苗 普通多油 得好少叫左杯青檸soda 竟然唔係係比泰國最出名個樽soda水 賣單2 個人要400 左右 整體失望 完全去唔到泰國街邊既質素 有更好既選揀

剛好和朋友一同買消毒用品，約到旺角取貨。突然很想吃泰國菜中的炸蝦餅，朋友就找了這一間的泰國餐廳。她說這一間的口味是比較地道的。剛到門口的時候看到有2-3桌要等，所以我們就去了隔壁的零食店買一下東西才回來繼續等。大約等了30分鐘左右就有位子可以進店了。2人桌有點少的喔~ 我們2個女生點了生蝦刺身，海鮮炒金邊粉，咖哩軟殼蟹麵包還有我想吃很久的泰式炸蝦餅和每人一個椰皇。放了2道菜跟2個椰皇就已經不夠位子了。生蝦刺身不錯，會吃炒金邊粉是因為之前同事推薦我吃所以才想試試這一家的風味。咖哩軟殼蟹麵包真的很好吃，麵包跟咖哩的配搭很好，吃著吃著就吃了大半呢。最後炸蝦餅因為是現炸的，所以是最後才上，它好吃在不單單只有蝦肉，裡面還摻了蟹肉呢! 所以第一口咬下去是充滿了驚喜呢~~這一間一家會再去，但下次可能要叫多點朋友去才可以點多點不同的菜試一下。還有!店家只收現金的喔~~要注意了!