阿來泰式地道風味

營業中

休息中

這家泰國菜在旺角一直人氣高企，門口經常要排隊等位，因為其價錢大眾化，味道又好，在這邊逛街的話都會去光顧。開胃前菜，一定選泰式無骨酸辣鳳爪沙律$78，小酸小辣程度，大部分人都能吃，鳳爪爽口，要多醮酸辣汁，和沙律一起吃，這樣味道才正宗，吃得非常開胃。泰王咖哩火山軟殼蟹法包$158，是這裏的招牌菜之一。咖哩不辣是香甜味的，軟殼蟹炸過香脆，拌著咖哩和法包一起吃，越吃越香，不知不覺就吃完了。法包浸在咖哩會變軟，所以要快點吃。這個價錢，吃到這麼美味大份的軟殼蟹法包，很值得一試。泰式suki海鮮炒粉絲$69，很超值的一道菜，海鮮和蔬菜等配料比粉絲還要多，夠份量！最愛有八爪魚仔和大蝦，其他配料還有蜆肉、魷魚、雜菜等，味道是微微酸辣的，朋友吃得很滋味，就是有酸辣味才開胃！椰青$38，吃完辣的，來個椰青解辣最適合。滿滿的椰青水，清甜滋潤，還有椰肉，喜歡的可以挖出來吃。二人埋單加一服務費$377，吃了美味又豐富的一頓泰國菜，性價比很高，所以一直這麼有人氣呢！

泰國菜嘅精髓與紅咖哩嘅由來🌶️泰國菜以其獨特嘅風味和豐富嘅食材而著名，融合酸、辣、甜、鹹四種味道，再加上各種香料，令人每一口都充滿驚喜。而紅咖哩嘅由來，係因為泰國人喺咖哩中加入紅辣椒、椰奶、香茅同檸檬葉，製成濃郁香辣嘅醬汁，再搭配各種海鮮或肉類，味道真係超讚！🍛 泰式香葉肉碎炒河：肉碎炒河加入香葉，香氣四溢，肉質嫩滑，河粉口感彈牙，濃郁嘅醬汁滲透每一條河粉，令人一試難忘。五十幾蚊足夠兩個人食仲送埋嘢飲，真係超值！🍲 冬陰功豬頸肉金邊粉：冬陰功湯底鮮香撲鼻，酸辣開胃，豬頸肉口感爽滑，金邊粉吸滿湯汁，每一啖都係味覺享受，絕對值得一試。🍗 泰式酸辣鳳爪：鳳爪酸辣適中，入口無骨，25蚊一份超抵食，絕對係小食嘅好選擇。🥬 泰式飛天通菜：新鮮嘅飛天通菜加入蒜蓉調味，口感脆嫩，味道獨特，只需25蚊，性價比極高。🍛 紅咖哩海鮮：紅咖哩醬香濃惹味，搭配各式新鮮海鮮，每一口都充滿海洋氣息，濃郁嘅椰奶香同辣味互相融合，層次豐富，令人食指大動。🍗 泰式海南雞例牌：雞肉嫩滑多汁，配上特色泰式醬料，味道鮮美，每一口都係幸福嘅滋味。📍 地址：旺角通菜街97號#阿來泰式地道風味 #旺角美食 #泰式料理 #香葉肉碎炒河

🇹🇭✨【大份量泰國菜隱世小店！旺角必試高CP值之選】✨🇹🇭 原來唔使飛泰國🇹🇭，喺旺角都搵到份量驚人嘅地道泰菜！呢間「阿來泰式地道風味」真係顛覆我對平價泰菜嘅想像——每碟都大件夾抵食，兩個人食到捧住個肚走，仲要喺2025年都仲keep住呢個良心價位😍！ 🍛 **泰式豬髀飯配酸菜** 豬髀肉燜到鬆化入味，外皮微微焦香，肉質軟嫩唔鞋口！酸菜醃得爽脆醒胃，中和咗濃郁嘅泰式香料味，撈埋熱辣辣嘅香米飯，食落鹹香帶微酸，超有地道風味～ 🥥 **椰青** 原個椰青上枱，清甜到爆！椰肉超厚實，用匙羹刮落嚟食超滿足，解膩一流！ 🦐 **泰式鮮蝦冬隆功湯（小）** 酸辣度平衡得啱啱好🔥！湯底有濃濃椰奶香，仲有大大隻鮮蝦同草菇，飲完喉嚨微微回甘，連唔食辣嘅朋友都忍唔住飲咗兩碗～ 🐔 **海南雞半隻** 雞皮爽滑、雞肉嫩到滴汁！靈魂黑醬油同薑蓉係神來之筆，連底下嘅黃瓜都醃到超入味，半隻份量夠3-4人share😱！ 🥭 **芒果糯米飯** 壓軸甜品超驚艷！芒果甜到漏蜜💛，糯米飯暖笠笠又帶椰香，仲灑滿脆脆綠豆仁，口感層次爆炸，食完即刻想encore～ 📍 **阿來泰式地道風味** 地址：

係旺角行街經過呢間泰國菜，有人排隊等位，望下個menu見價錢幾抵食，決定一試😆◾️炸皮蛋蝦球 將皮蛋同蝦肉包埋一齊，蝦球外層炸得金黃酥脆，味道幾獨特，配上酸甜嘅泰式沾醬，解膩又開胃 。◾️串燒沙嗲 半打（豬肉，雞肉各半） 豬肉用泰式獨特香料醃製，香料味完全滲入肉中，但如果可以Juicy啲就更好😄雞肉串燒嘅雞肉嫩滑，沾上沙嗲醬，花生香味超濃風味十足。記得要趁熱食！◾️蝦頭蝦膏炒飯 炒飯一上枱香味撲鼻，米飯粒粒分明，炒得好惹味！入面有各種海鮮，蝦膏帶鹹香，口感豐富。◾️泰式乾炒河粉嘩左一聲，超大碟，好似平時出面食泰菜份量嘅兩倍！炒河粉再配上豆芽、蝦仁、雞蛋，食材都幾豐富。

火山排骨 $118份量好多，肉都好多，唔乾唔柴，有啲軟骨可以jap下，最抵讚係調味，酸酸辣辣咁勁惹味！辣得都幾辣，大家要小心😂冬蔭功炒飯 $69好足料，入面魷魚、蜆、秀珍菇、蟹柳等，比較特別，酸酸辣辣咁，但係冇火山排骨調味咁重手，幾正~~滷豬髀 $90呢個menu睇仲以為好清，但係都幾多醬，味道意外地幾惹味，另外有個醬酸酸地，幾開胃！推薦泰式奶茶 $25 & 椰青 $38泰式奶茶就不過不失，係可以想像到嘅味道，幾好飲，椰青大推薦，好大粒椰子好解渴，連椰子肉都可以挖出嚟食，正~　　

行到通菜街腳軟，撞正阿來門口陣陣香茅味攻鼻，即刻醒神！今次同大家開箱呢間街坊熱捧嘅泰菜小店，試吓四款招牌菜係咪真係咁堅？<滷豬脾入味到骨>例牌滷水豬脾上枱仲熱辣辣，睇見豬皮泛住層琥珀色滷汁已經流口水！一刀切落去，豬皮爽口得嚟帶少少彈牙，瘦肉位完全唔嚡口，最正係啲筋位淋中帶糯，滷汁甜鹹味啱啱好滲透晒入骨。配埋個酸辣汁點吓，醒胃得嚟唔會搶咗滷水本味，真係大件夾抵食。<海南雞滑到識郁>平時怕食雪藏雞嘅我都要比個like！雞皮薄到透光，啜落仲有層啫喱狀嘅雞油，雞肉嫩滑到用筷子輕輕一篤就骨肉分離。最驚喜係跟嗰醬個酸辣汁仲落咗青檸皮碎，吊味一流！大胃王可以要嗌多半隻。<鑊氣通菜食到舔舌>馬拉盞炒通菜絕對係全晚MVP！菜莖脆卜卜冇渣，菜葉掛滿金黃色馬拉盞碎，鹹香中帶住蝦膏嘅回甘。最正係啲火候掌握，鑊氣足到似大排檔出品，食完成個口都仲留住蒜片同辣椒乾嘅餘韻。呢個價，抵食！<Suki炒粉絲有驚喜>以為泰式炒粉絲例牌油淋淋？呢碟完全改觀！粉絲炒到乾身有嚼勁，索晒啲甜豉油同埋雞蛋香。配料落足本，鮮蝦、海鮮、菜絲同埋炸蒜片撈勻一啖入口，鹹甜鮮脆四

放工約咗朋友出旺角食飯，遇著大家都糧尾，但又貪心，又想食得平d，但又要味道好嘅餐廳😁大家即刻上網搵啦，就搵到呢間泰菜。見係勁多人讚性價比高，而且人氣好高，就一於去試吓啦。地點都幾方便，就喺先達廣場對面。今日係閒日嘅7點幾，但餐廳入面好多人已經full曬，好彩等咗5分鐘左右就入得。- 泰皇咖喱炒大蜆 $128一上枱見爆多咖哩汁😍味道好惹味- 薄餅(4件) $39咖喱當然係要配薄餅啦😍絕配👍🏻- 泰式炸蝦餅 $88食泰菜指定菜式，一定要點炸蝦餅，好味👍🏻- 金柚子鮮蝦沙律 $78食完好開胃，而且係唔辣嘅2個人食，份量啱啱好👍🏻連埋兩杯飲品，埋單$421，人均$210，完全合乎我哋嘅要求👍🏻價錢要平，味道要好😋

泰國街頭風味，泰式地道風味泰式豬脾飯豬脾膠質滿滿！滷汁甜中帶香茅氣，搭配泰國香米，飯吸湯汁精華，棒 阿來海南雞飯雞胸肉滑嫩！秘製雞油飯，滿滿斑蘭香。入口清香不油膩，蘸上青檸辣椒醬，酸辣香，香濃惹味 咖喱炒軟殼蟹香氣直衝鼻腔！咖喱椰香濃，沒有咸，軟殼蟹炸得透徹，連殼帶肉咬下，蘸滿咖喱汁，才是泰式豪邁吃法！ 椰青清甜爽香，椰肉用匙羹刮著吃，降溫青檸疏打現搾青檸汁，氣泡水，中和濃味感薄餅有淡淡面香，層次很多！

今晚黎左一間裝潢充滿泰國風情的餐廳，牆上掛滿了色彩鮮豔的掛飾。餐廳裝潢充滿泰式風情，營造出舒適的用餐氛圍。餐廳坐滿人氣氛輕鬆又舒適。我叫左泰式滷豬脾、滷豬脾滷得十分入味，肉質軟嫩入口即化。豬頸肉炒通菜鑊氣十足，鹹香爽口，通菜爽脆，搭配豬頸肉美味泰國炸蝦餅外酥內嫩，蝦味十足，好香脆。豬肉雞肉串燒和炸蝦餅🍤。再來幾串香噴噴的串燒，雞肉軟熟串燒火候掌握得宜，散發出誘人的炭烤香氣，加埋花生沙嗲醬汁好惹味。

今日就同朋友去左阿來泰式地道風味 餐廳總共有兩層, 食物款式親民, 平日晚上都超多人泰式炸蝦薄餅外層炸得簿身香脆，中間包住彈牙蝦滑, 配撘酸甜汁開胃惹味蒜蓉炒通菜通菜爽脆, 蒜蓉味香濃, 超有鑊氣, 阿來海南雞飯雞肉皮爽, 肉質嫩滑多汁, 雞油飯粒粒分明,配搭自家製雞汁, 酸酸甜甜好開胃泰式炒金邊粉面頭嘅蝦肉彈牙, 用咗多款配料, 炒得乾身香口, 超有泰式風味芒果糯米飯芒果新鮮香甜, 糯米飯熱辣辣好軟糯, 面頭鋪上濃稠嘅椰汁, 椰味香濃

燒豬頸肉🐷 $78燒豬頸肉一份都有好多件，豬頸肉嘅外面都燒到有少少脆口，醬汁酸酸地就特別惹味！馬拉盞炒椰菜苗🥬 $68椰菜苗嘅葉好嫩，用馬拉盞炒鹹香味十足，而且佢哋炒菜油分唔會太多，好味又健康！阿來海南雞飯🐔🍚 $59呢度嘅海南雞飯一碟只係$59勁抵食，海南雞又香又滑，配埋油飯真係一流啊！芒果糯米飯🥭$68my favourite泰式甜品—— 芒果糯米飯！呢度嘅芒果糯米飯全部都係即叫即整，糯米飯全部都熱辣辣，配埋椰汁香甜軟糯真係好好味！椰青🥥 $38食泰國菜點小得叫返個椰青，呢度嘅椰青又大個又清甜，黎到記住叫返個！三色冰🍹$25三色冰又係另外一個勁有特色嘅泰式飲品，嚟到當然唔可以錯過啦～

如果想在旺角找一間價錢親民又地道的泰國菜館，這間絕對值得一試。味道正宗，而且分量十足，不論是和朋友聚餐還是獨自來享受一頓美食，都非常划算。 我最鍾意這兒的🏅鹽燒鰂魚。泰國人燒魚真有一手，魚肚內塞滿一大紮香料，掀開塗滿海鹽的魚皮，吃一口魚肉就知不錯。嫩滑，不腥，有肉汁，還滿有檸檬葉及香茅的清香。 🏅泰式 Suki汁炒粉絲是泰國常見街邊美食，Suki 汁即是酸辣汁，粉絲炒得乾身爽，味道酸中帶辣也惹味非常。 🏅泰式鮮蝦冬陰功湯，湯底濃郁酸辣，用了香茅、南薑和檸檬葉熬製，香氣四溢。裡面有幾隻鮮甜的大蝦，還有大量秀珍菇，入口鮮美，非常開胃。 🏅泰式炸素春卷：外皮炸得香脆金黃，內裡包著新鮮的蔬菜餡料，口感清爽不油膩。春卷沾上特製的甜辣醬，更能突顯泰式風味。

很久沒有相約好友，但是他太忙地點選擇方便的旺角 也不用訂位有時候快食都會嚟呢度 食過豬髀飯或者海南雞 又方便又好食晚餐時間 我哋揀咗樓上 環境再闊落啲可以選擇二人餐或者單點-食過幾次最推薦就係 泰式滷豬髀超級入味 一咬完全感受到膠原很重的豬皮肉質也是沒有辦法抗拒 配上點綴的酸菜又可以平衡一下油膩 到店必食-辣椒糕蝦頭油海鮮炒飯見到旁邊幾台都有點蝦頭油味道好香 辣度也屬於溫和級別海鮮有蝦仁 魷魚等等 炒飯粒粒分明 不錯另外都好鍾意食飛天通菜！大大碟 火候和味道也是很值得青咖喱雞 真係米飯殺手 咖喱汁都幾濃稠 味道有少少椰子香雞肉切細塊方便食用 仲有泰國茄子整體都是好吃 不知不覺吃了很多飯

冬蔭功湯泰式炸蝦餅青咖喱雞馬拉盞炒通菜油飯&薄餅凍檸樂&龍眼冰旺角呢間泰國菜味道夠正宗,長期都滿座建議大家記得book咗枱先過去啦🤣除咗單點之外,餐廳仲有好多唔同嘅套餐俾大家揀,性價比相對唔錯,淨係二人套餐都有幾款㗎😆冬陰功湯用料豐富,無論食材定配料都好足🥰湯底濃郁,酸辣度恰到好處,香茅、青檸葉同辣椒令湯底飲落更香👏🏻青咖喱雞嘅雞肉鮮嫩,椰香味十足,配埋薄餅食夠晒惹味😋而炸蝦餅整得外脆內嫩,配埋泰式辣醬食口感更佳😚

旺角幾時都咁繁忙，Van仔站旁邊隱藏著一家平民泰國菜館—阿來泰式地道風味。菜色地道，而且價格親民，非常適合想要品嚐正宗泰國風味的食客，經常滿座，排隊等一陣就有位。泰式豬髀飯 配 滷水蛋、泰式咸菜首先是招牌菜之一，泰式豬髀飯，十分誘人，色彩鮮明，豬髀肉鮮嫩多汁，經過特製醬汁的調味，味道醇厚，難以抗拒。搭配滷水蛋和泰式咸菜，食慾大開，口感增添了層次感。滷水蛋香醇，豬髀肉鮮美，咸菜的爽脆，中和了肉的油膩感，飯粒吸收了醬汁的精華，充滿了香氣。特飲：椰汁三色冰點一杯椰汁三色冰作為特飲，不僅色彩繽紛，還帶有濃郁的椰香，清新解渴。泰國的熱帶風情，三色冰有層次感。泰式鐵板蠔仔蛋緊接著是泰式鐵板蠔仔蛋，有驚喜! 熱氣騰騰的鐵板奉上，蠔仔鮮味十足，蛋滑嫩散發香氣，口感佳，與朋友分享都好足料。豬頸肉炒芥蘭 必點泰香味豬頸肉，炒得恰到好處，保持了肉質的鮮嫩，芥蘭爽脆，蒜蓉的香氣，增添口感。泰式濕炒河粉（牛）接下來品嚐泰式濕炒河粉，牛肉鮮嫩可口，帶有彈性，炒河粉軟滑入味，濃郁醬汁的味道，不過於油膩。蒜蓉包蒜蓉包是泰國料理的精髓之一，美味親民，平民的美食享受。朋友聚餐是不錯的選擇，旺角探索更多香港泰國美食，感受地