阿來泰式地道風味

營業中

休息中

今天我要去吃一家位於旺角的泰國菜餐廳阿來泰式地道風味！這裡絕對是一個讓你品味地道泰國美食的好去處！今天我點了炒金邊粉、海南雞飯和泰式生蝦，價錢便宜，性價比超高！我尤其要推薦他們的炒金邊粉，味道一流，簡直是讓人回味無窮！首先，我們來品味這道令人垂涎欲滴的炒金邊粉。這道菜絕對是阿來泰式地道風味餐廳的招牌之一！金黃的粉條搭配著新鮮的蔬菜和豐富的香料，每一口都能感受到那獨特的泰國風味！粉條Q彈有嚼勁，口感豐富多樣，而且還帶著微微的辣味，讓人胃口大開！這道菜的味道真的是一流，讓人一吃就愛上！接下來是海南雞飯，這裡的海南雞飯絕對是物超所值！鮮嫩多汁的雞肉搭配著香噴噴的米飯，每一口都能感受到那濃郁的雞肉香氣！而且他們的雞肉份量超足，讓你吃得超滿足！搭配著醬料的海南雞飯，簡直是一道絕配！這裡的海南雞飯不僅味道美妙，而且價格超親民，真的是超值！最後，我們來到了泰式生蝦！新鮮的生蝦搭配著泰式的香料，每一口都能嚐到那鮮甜多汁的蝦肉！而且他們的調味料恰到好處，不會蓋過蝦肉的原味，讓人愛不釋手！這道泰式生蝦不僅口感出眾，而且還有一種令人上癮的辣味！

今日又留港消費，支持下香港飲食業先😂😂呢間泰國野係旺角已經好多年，但一直無食過！見到門口有人排隊，所以就想試下喇（今時今日香港地、多人排隊個啲實無死）入到餐廳見到真係爆曬場囉🤩我地叫左個泰式濕炒河、同埋泰式肉碎生菜包、同埋沙嗲串燒。啲野食既份量都幾大份，兩個女仔食都好夠飽，我地仲加左兩杯野飲。一共都係$338。同朋友AA每人都係百幾蚊，真係幾抵食。呢度啲食物除左份量幾大份，佢地個沙嗲串燒真係好好食。一份有成六串架都，ps:個醬汁係最令我念念不忘的✌️另外個泰式肉碎生菜包都唔錯。濕炒河個份量相對就比較細份左小小。如果啲河粉份量多啲就正喇！下次想試下佢地啲咖哩😋

同朋友約咗食飯，但係諗唔到食咩，無意中入咗去呢間旺角平民地道泰式餐廳🇹🇭✨大部份菜式味道中上😍呢個價位嚟講性價比高，當然環境就唔會係好好嘅~📌香葉肉碎生菜包泰式風味肉碎微辣，非常惹味，配合生菜中和肉碎的油膩，令口感層次更豐富。➖📌阿來海南雞(例牌)海南雞肉質嫩滑，配合酸酸辣辣嘅泰式醬汁，令口感唔會太油膩😍亦好開胃✨➖📌大蝦柚子沙律滿滿嘅柚子絲，配大蝦、花生碎等配料，好足料豐富👅➖📌芒果糯米飯食泰國菜點少得芒果糯米飯🥰糯米飯係新鮮起，上枱係熱辣辣出晒煙😍淋上香濃椰漿，再配合整個芒果肉✨

去完泰國真係會有鋪癮成日都會想食泰國嘢但係香港都唔係間間做得咁地道🫠🫠呢間我覺得算係性價比算高，而且味道好👍🏻基本上次次食泰國嘢都係叫呢啲生菜包 肉碎煎蛋飯 冬陰功 豬頸肉 炒通菜🤣真係冇得傾🤣呢啲係常駐班底🤣冬陰功極度推介好足料 而且唔係好似出面咁剩係得椰奶味夠酸夠辣 超級欣賞完全係泰國的味道🥹通菜就係點炒得好食😚😚😚生菜包啲肉多到好似唔使錢咁😂咁多餸入面我認為飯係最冇特別的可以有進步空間但係都係好食的🤣

講到食泰國嘢，一定第一時間諗起九龍城，但原來旺角都有一間高質泰國菜！首先，我哋點咗個生菜肉碎包，上到枱超多肉碎，食落去辣辣地，但同時又充滿青檸味，愈食愈開胃！另外我哋點咗個雞肉青咖喱，食落第一啖係充滿着椰汁香，不過食多兩啖之後啲辣味就開始湧出，配埋蒜蓉包同埋白飯十分惹味，簡直係白飯小偷！另外我哋都嗌咗半打串燒，三串牛三串雞，好欣賞個醬汁係甜甜地嘅花生沙嗲，咬落仲有粒粒花生粒， 十分有口感，個人比較喜歡牛肉多啲，因為有咬口啲～另外泰國菜必食嘅馬拉盞通菜都係水準發揮～最後我哋都嗌咗青檸梳打同埋椰汁三色冰，將我哋火辣辣嘅口腔降溫！

每次經過阿來泰式地道風味，都見到不少人等位，跟朋友說要找次機會來食，今次可以早收工去排隊試試。套餐價錢相當經濟，另外單點也有多款海鮮、肉類、小食選擇，選擇眾多。沙嗲串燒 $88上檯時看到滿瀉的沙嗲汁，賣相吸引、又壯觀。豬及雞每款3串，相當大大串又肉厚，肉質嫩滑，整體幾惹味。海南雞 $88 （例牌）賣碟好有心思好靚，份量不少，雞皮夠黃又爽脆，雞肉嫩滑。鹽燒鰂魚 $148魚肉仍保持濕潤嫩滑，鰂魚好少骨啖啖肉好美味。

今日放工又係去食泰國菜，今次去試試旺角既阿來，食物質素令我忍唔住要出post讚讚佢。首先餐廳員工服務都好好，值得一讚。食物性價比好高，我地叫左五樣野400百蚊都唔洗，又好食又大碟，食到勁飽。首先值得推介係佢地既冬蔭功湯，湯好濃郁，好夠酸同好夠辣，我覺得係我食過既泰國菜餐廳中排頭三名既程度，真係一定要點黎試下，試過番唔到轉頭。跟住叫左馬拉盞通菜，因為個冬蔭功湯真係好辣，所以通菜我地叫左唔辣既馬拉盞。通菜炒得好香，本身中意飛天通菜既我，馬拉盞都岩我口味。主食叫左泰式炒金邊粉，都幾大碟，小小酸酸地，加埋花生碎，好香口仲有叫左酸辣鳳爪沙律同芒果糯米飯，酸辣鳳爪好夠味，酸酸甜甜辣辣好開胃。芒果糯米飯作為今餐既收尾真係非常完美。

今晚食泰國菜，餐廳位於旺角，地點都幾方便。點了泰式小食拼盤，飛天炒通菜，泰式奶茶，咖哩炒蜆，後加蒜蓉包。泰式小食拼盤，好豐富，有炸蝦餅，炸魚餅，春卷及雞翼。蝦餅大大件夠脆口，啖落啖啖蝦肉，真材實料，口感彈牙。魚餅食落口感較淋，有香料同冬蔭功味。春卷咬落滿滿餡料，有粉絲蘿蔔絲等等，口感夠脆夠香口。炸雞翼熱辣辣都幾好食。飛天炒通菜，都幾大碟，見到配料都幾多蒜蓉辣椒，食落有少少辣，整體炒得好惹味，同通菜好夾。泰式奶茶，茶味夠濃味，不錯～泰皇咖哩炒蜆，蜆肉每隻都大大粒，好飽滿，配咖喱汁食夠惹味。咖哩汁非常出色，微辣，用蛋白令個汁較杰身！由於個汁太好食，唔想浪費個汁，加多碟蒜蓉包點埋！蒜蓉包真係好掛汁，推介！另外想讚一讚呢度服務都幾好，主動拎碟俾我地放蜆殼，夠細心。

今日要同大家分享一間超正嘅餐廳 - 泰式同海南菜嘅結合，性價比高，絕對係首選！叫咗二人餐（A）嚟食，餐牌上面最吸引我嘅就係「泰式海南雞」！啲雞肉好滑嫩，完全唔乾身，配上泰式酸辣醬汁，風味十足。每一口都飄散出濃郁嘅酸辣香氣，令人回味無窮。加埋咖哩炒蜆，真係新鮮又鮮美，大大隻又份量足！蜆肉爽口多汁，同咖喱醬一齊炒，真係一絕！飛天通菜都好好食，香辣，好清爽又開胃。油飯同+$10蒜茸包作配菜。油飯真係一絕！飯粒每一粒都長條形，水份平均；而蒜茸包就更加正，厚身香脆外皮，每一口都好有香脆口感，最岩加埋咖哩一齊食。飲品方面揀咗特飲泰式奶茶同龍眼冰。泰式奶茶好香濃，甜度啱啱好，飲落去真係一陣清涼。至於龍眼冰，冰涼爽口，龍眼肉鮮甜多汁，喝完真係令人心情愉快。裝潢設計好簡約舒服，有種家庭式嘅感覺。服務員都好友善，服務效率亦都好高。設90mins用餐時間，整個用餐環境都好乾淨整潔，令人感到舒適放鬆。

今日行過先達 突然又想食泰國菜見價錢相宜，就入左去。間餐廳有二樓, 裝修都幾地道兩個人, 有二人餐， 但今次就想散嗌一個香葉炒河,材料好豐富， 係我鍾意嘅粗身泰國河粉， 有炒過嘅香味，少少辣，幾惹味泰式海南雞飯，無骨，大大份， 係黃油飯，有辣汁， 其實正常人真係食一碟就飽。豬頸肉炒椰菜苗， 都係份量十足， 有炒過嘅蒜香味，豬頸肉都多，椰菜蕃唔會苦， 幾好。蒜香牛油雞翼， 份量又係想像中多，一上碟果陣好香蒜味。炸到金黃色，賣相吸引。芒果糯米飯大大份， 有成個芒果d 汁夠濃， 掛到去d 飯到。overall:抵食夾大件

平時食泰國嘢多數都去九龍城食，今次去左旺角依間小店食，雖然餐廳細細間，但係都幾有泰毒風味，值得一試！馬拉盞炒椰菜苗椰菜苗好多時都整得太硬身，但依間餐廳炒得好有鍋氣，食落唔會太硬身，馬拉盞好惹味。泰式明爐烏頭大大條烏頭魚好厚肉，魚肉都好鮮甜，而且仲有好多配料，有秀珍菇，芹菜，椰菜，加上泰式酸酸甜甜嘅湯汁好fresh好惹味。咖喱炒蜆泰式咖哩食得多，第一次食咖哩炒蜆，啲蜆好大隻好鮮甜，咖哩微辣有好香椰汁味，又唔會蓋過蜆肉嘅鮮甜，都幾特別。

每次來旺角shopping，想食平靚正泰國菜， <阿來泰式>泰國菜都會係好選擇，今晚來到，小店人氣依舊，好彩好快就有位。<泰式滷豬髀>每次來到我都要叫呢一個泰式滷豬髀，豬髀肉醃得非常之嫩滑入味，而且仲配有兩隻醬汁鹵水蛋及鹹酸菜，非常好食。<泰式鐵板蠔仔蛋>呢個鐵板蠔仔蛋熱辣辣咁用鐵板上枱，蠔仔蛋仲用上好多芽菜一齊來炒，份量非常之多，有勁多蠔仔，啲蠔仔隻隻都脹卜卜㗎！入口感覺非常新鮮，爆汁好味！<泰式肉碎生菜包>生菜包嘅肉碎炒得非常之香，充滿鑊氣，非常之惹味，用新鮮生菜包住肉碎來吃，特別好食！！<泰式炒金邊粉>呢個泰式炒金邊粉同樣係招牌菜之一，成日都賣曬，佢用上新鮮大蝦來炒，蝦嘅size非常之大，而且入口爽口彈牙，味道酸酸甜甜，炒得非常乾身好味。最後當然要來一杯泰式凍奶茶，茶香夠濃，非常好味。

當晚七點左右來到餐廳，餐廳已經超過九成滿座，只剩下最近門口的相連的兩張檯，用來放他的外賣，我們兩個人坐了相連的另一張枱。招待的哥哥姐姐也不太有耐性，因為我們坐下後等了一會也沒有餐牌，我們問他們攞餐牌，他們也展出不耐煩的神情。因為之前已經吃了小食，而且這間舖的招待態度有點令人卻步，但想着已經來到，所以我們只點了三個菜，分別是泰式鹹魚炒通菜、泰式鮮蝦冬蔭功（小）以及一個泰式香芒蟹肉炒飯。第一次來未知份量如何，如果味道好/份量不夠的話，可以再加菜。🤔 泰式鹹魚炒通菜（$78）不清楚是否旺角舖位租金太貴，一碟炒通菜的size只有平時碟頭飯飯的大小份量；至於味道方面，通菜還通菜的味道，旁邊散落的鹹魚完全和通菜，好像是兩個材料混合一起而已；炒菜用的油也很多，某程度上也說明了火候不足才會用這麼多油，但通菜的溫度只是一般熱。通菜咬落都脆身，只是一邊吃一邊要用紙巾擦嘴上的油，減肥的女士慎吃。推薦指點：3/10😐泰式鮮蝦冬蔭功（小）（$78）湯底有少許椰漿、香茅枝、䓤，溫度也正常，湯味道微辣、鹹味適中。而湯料有頗足份的秀珍菇、兩三塊番茄，以及圖中看不到的三隻中型蝦。說實在，蝦的質地尚算有彈性，蝦殼仍然黐住

好耐都冇喺旺角食泰國菜🇹🇭附近要搵一間平靚正真係好難🥲呢間平日會full house 建議book位🫶🏻餐廳款式多，而且上菜快🔥幾好～📍泰式鮮蝦金邊粉（$68）份量超級多 多到男仔都食唔哂🥲配料有蝦、蛋絲、豆腐乾、芽菜仲中意加少少青檸汁💚味道更昇華～整體炒得乾身、幾好食🍤味道如果再酸啲會更惹味🤪📍泰式明爐烏頭魚($168)黎到已經出晒煙🔥勁大條魚🐠湯底夠酸 仲有肉碎、蘑菇、葱好彩叫咗走辣🤣唔係越煲越辣食唔到～魚肉好嫩滑 骨唔算多 小朋友👧🏻都食到🫶🏻可以3-4個朋友share🙂📍海南雞飯 （$58）小編覺得好抵食 超多份量！！雞肉係好嫩滑+無骨🐓唔算特別油～真係好送飯🍚仲搭配泰式醬汁更加惹味 正！📍香葉肉碎生菜包 ($88)食泰國菜一定要叫🇹🇭 好送飯同埋成日感覺好似有菜健康啲🤣肉碎醃得好香 連埋洋蔥辣椒一齊炒～整體味道酸酸辣辣🌶️

今晚去旺角行街食飯，係通菜街見到間泰菜館🙊 門口都幾多人排隊等位同埋等外賣👭👫👬 ，雖然附近都有好多食店選擇，但只有呢間泰國餐廳門口有客人拎飛等🥴 ，所以就決定一於同朋友一齊試下佢🤭 食泰國野首先梗係唔少得海南雞🐥 ，海南雞肉質嫩滑，雞味出眾，雞皮彈牙又香口，半隻都只係賣緊$138，真係大份夾抵食💕再叫咗個飛天通菜💓 ，廚師火喉熟度掌握得好好，通菜食落爽脆，味道唔會太辣，香口又開胃🫶 最後㨂多個麵食，泰式金不換肉片炒河是也🌟 河粉同一般常見嘅款式完全唔同，係成大塊落鑊炒，食落好有口感，油香又不會太膩👍 肉片尺寸都頗大，肉質嫩滑又鬆軟，越食越惹味🤤