阿來泰式地道風味

營業中

休息中

阿來泰式地道風味 #旺角❗️抵食泰國菜❗️一直都想試呢間係OpenRice度有好多好評嘅泰國餐廳，今次終於同朋友有機會試到！價錢唔算太貴，性價比的確幾高🤩！泰式生蝦刺身 $98有成八隻生蝦🦐每隻都夠爽口彈牙。配埋佢哋製作嘅蒜頭酸汁，輕鬆食晒八隻🤤！味道: 4/5性價比: 4/5青咖喱雞🐔$68好欣賞呢個青咖喱雞❤️只係$68但係入面係有超多雞肉，仲唔鞋，而且啲青咖喱汁多到可以送三四碗飯都冇難度，真係好抵❗️青咖喱椰汁味重，少辣，加埋泰國茄子九層塔等等，夠曬惹味。味道: 4.1/5性價比: 4.5/5泰皇咖喱炒大蜆🐚$108啲蜆隻隻脹卜卜，好大隻😵一啲沙都冇！加上平時食炒軟殼蟹嘅嗰種咖喱，甜甜地帶有蛋香，送飯都唔錯😋只係略嫌爭咁啲鑊氣，而且啲蜆唔夠入味🤭推薦青咖喱多啲。味道: 3.7/5性價比: 3.8/5整體來講以呢個價錢來講真係唔錯❤️夠抵食❗️特別係佢個青咖喱，去嘅話一定要嗌佢啲咖喱！

以為正常泰國嘢, 夜晚同朋友去食, 本身鍾意食青咖哩, 就諗住嗌個青咖哩飯, 點知呢間野夜晚咖哩得小菜另外加白飯, 冇碟頭, 青咖哩雞再加白飯80蚊, 夜晚旺角食都覺得價錢差唔多, 感覺還可以, 朋友就嗌咗個菠蘿炒飯。唔係等咗好耐嘢食就送到嚟, 一到見到青咖哩比較水, 可能係每間烹煮方法唔同所以覺得都ok, 但係食落啲雞, 超級「鞋」, 舊舊都一樣咁「鞋」, 完全係可以用難食去形容, 而且雞嘅份量唔多, 每嚿都頗細, 但係都可以咁「鞋」, 68蚊（淨青咖哩餸）咁嘅質素完全接受唔到, 味道同抵食如果有我想揀負分。

好多好味又抵食嘅餐廳都隱藏喺通菜街，以前返學嘅時候好鍾意特登去旺角通菜街食lunch，選擇多而且平靚正，今日同樣嚟到呢邊覓食，見到呢間泰國菜選擇多而且價錢好親民，一於試試。《串燒沙嗲》$78我哋左豬、牛各半，肉類嘅份量好大，沙嗲醬味道都好濃，唔稀，而且沾滿肉既表面，食起來一啲都唔乾，有肉汁👍🏻《泰式鐵板蠔仔蛋》$78份量好多，蛋炒得好嫩，蠔仔都幾肥美，仲保留到鮮味，不錯。《泰式豬髀飯》$50有驚喜！ 滷水豬髀好入味，皮同肉都好稔如滑，而且唔會dry，個汁甜甜地，撈飯食好正！《泰式炒金邊粉》$58金邊粉乾濕度岩岩好，而且唔會好甜，好岩我口味！如果有埋辣椒碎就更好。《豬頸肉炒椰菜苗》$72豬頸肉好爽口彈牙，椰菜苗同樣炒得岩岩好，出色！ 阿來真係值得一來再來，因為味道好，價錢又平，咁嘅質素去邊度搵？

阿來東南亞風味朋友講油麻地有間唔錯既泰菜，當然要試下啦二人餐有三個選擇，唔同價位，有不同配搭，定價都幾合理。套餐可選白飯及油飯，俾大家多個選擇。泰式生蝦刺身估唔到小舖都食到生蝦刺身，夠大隻爽肉。冰鎮上的生蝦，再配旁邊配的青辣醬，十分入味。生菜包大大份的，很抵食。好香好熱，生菜好新鮮同青綠，包住啲熱辣辣的肉碎，啲肉碎加左青檸汁，同埋用左好多香料去炒，口感好好。生菜包較濃味及有點油膩的炒肉碎，包在生菜內吃，確實中和一點。菜夠新鮮而且洗得勁乾淨飛天通菜炒得好香好食，又份量多！真心好食既。飲品則點了我最愛的椰青超滿意既一餐飯，會再食

喺女人街呢條街，2邊位置D食檔通常都係價錢經濟實惠，至於食物質素就比較參差。今日約左同朋友過黎阿來食泰菜，因為之前食過覺得好味之餘又抵食，所以返黎再ENCORE一下今次就點左個 二人餐(C) ($378)，即係有鮮蝦冬蔭功湯、泰式滷豬脾(例牌)、泰式炸蝦餅、青咖喱(牛肉)、飛天通菜、油飯2碗、龍眼冰、咸檸七，另外再加多碟 辣椒膏炒大蜆($108)泰式滷豬脾(例牌)：呢樣差唔多每次黎親都必食豬脾滷得夠入味，而冄煮得夠淋，食落去好嫩滑，再點一點佢提供嘅 酸辣醬，食落去真係非常之正同埋佢仲有D咸酸菜同滷蛋伴碟，可以當開胃前菜咁樣食飛天通菜：最滋味嘅通菜煮法一定係呢隻，所以食親泰菜都好中食嗌，炒得夠鑊氣，味道少少辣辣地夠晒惹味同埋佢落調味料嘅比例好好，太重手就過鹹，唔輕手就唔夠惹味泰式炸蝦餅：泰式拼盤嘅小食當中最多人中意食嘅一樣小食蝦肉夠彈牙，炸得唔算油膩，同埋份量夠多兼大，抵食鮮蝦冬蔭功湯：飲落味道幾足料，唔算太過死辣，夠香濃又有D蝦同什菌菇食下青咖喱(牛肉)：青咖啯我自己就比較少食，食落都算OK，牛肉數量都唔算少辣椒膏炒大蜆：炒得有鑊氣之餘又夠香辣，D蜆夠大隻，最正係事前處理得好好，食落冇

今日剛巧在旺角先達廣場附近van仔站落車，外面落住微微細雨兼有少少涼意，於是乎想快快搵間餐廳坐低食個晚飯，在對面街見到一間食泰國菜既小館，喜歡食辣既我即刻上前搵位，再打電話俾老公過黎。餐廳內座位不算好多，大約三十零個位到，一坐下即時番開menu睇下食咩先, 有二人餐A，B, C，四人餐，又或者可以散叫 。最後我地唔太想諗食咩，叫左二人餐A先黎兩杯椰汁三色冰，唔太甜，幾好泰式滷豬脾（例牌）跟油飯，豬脾肉好淋身，豬皮應該經過處理，一D都唔肥膩，以酸菜及滷蛋伴碟，配埋泰式酸辣汁，好開胃咖哩炒蜆，每隻蜆都好大隻肥美飛天通菜，好夠鑊氣，而且都幾辣下二人埋單盛惠$288，全日不用加一我地埋單後走既時侯，原來門外已經有人等緊位，在而家疫症下，仲有甘多人光顧，簡直逆市奇葩！

今日冇約人，一個人落左旺角行一陣~ 行到餓餓地~ 見到有間泰國野~ 鐘意食泰國野的我當然唔會錯過!!入去的時間岩岩7點，人唔算多，得2,3台客，但到我走個陣...全場爆曬...都幾勁....都叫左幾多野~ 第一樣係柚子大蝦沙律入面有椰糖，蝦乾，魚露，椰子碎，大蝦同柚子肉~係幾正宗的泰國味道，因為加左椰糖同蝦乾，就一定會有個種好泰國的味道!柚子係整得好乾淨的,唔會有的白色皮係到!蝦算大隻，唔係好入味，但都爽口!另外叫左一個比較小香港人會點的湯~ 椰汁雞湯，大部份香港人都會叫冬陰功，但本人就對椰汁雞湯情有獨鐘!!呢間的椰汁雞湯算唔錯，因為佢都有落真椰醬...唔係拿湯料加水...有太多香港的泰國鋪頭剩係加水...完全冇左個湯的精髓!當然呢間都唔係好似泰國咁用全椰汁，如果唔係味道會再濃的!值得一提的係個湯有雞味......真係估佢唔到,因為平時多數都係用雪雞....冇味的....但唔知點解佢會有....再黎就係青咖哩，相比起其他紅/黃咖哩，我係比較鐘意食青咖哩，因為我覺得佢有種獨特的香味，同其他咖哩唔一樣。今晚都係叫左青咖哩~雞~~~~因為青咖哩真係要配雞先好食.....都係個句，佢有用椰醬去

🇹🇭🇹🇭🇹🇭好久沒有吃泰國菜了，今晚放工特意過來阿來，竟然爆滿，看來大家都是真愛❤️餐廳不大，特別有街坊餐廳的氛圍。價錢合理，還有好多抵食套餐選擇。人均100左右，就可以吃到地道正宗的泰國美食，真是令人想要再來光顧。.酸辣鳳爪沙律🥗$68份量很大，鳳爪酸辣香甜，特別開胃。咬下去，脆脆的，最喜歡的是那種泡椒的酸辣味道，口感清爽之餘，又有微微的辣味提味。.冬蔭功湯$78下雨天☔️喝點冬蔭功湯，祛濕的同時，又開胃爽口。.炒通菜$68通菜好新鮮，多吃蔬菜🥬補充維生素和礦物質。身體棒棒，吃麻麻香❤️.椰青$35必點健康飲品，今天你喝了嗎😘...阿來泰式地道風味 (旺角)旺角通菜街97號地舖

今日夜晚上堂前自己一個食晚餐喺旺角買完口罩，經過就入嚟食泰國菜。辣椒膏蝦頭有海鮮炒飯突然想食泰國菜，梗係要食啲辣野先得呢碟炒飯炒得好驚喜，辣度適中都見到有唔少辣椒碎。炒飯粒粒分明，海鮮都算新鮮，蝦好大隻推介！蒜蓉牛油雞翼😳食牛油雞翼最怕太油膩，呢碟惹味得來又唔會太heavy。不過略嫌蒜蓉味唔夠，如果多啲更好味👻👻👻香葉椰汁西米糕係我的最愛🥳🥳🥳凍冰冰超涼快椰汁味適中，唔會太甜，正呀！

依家出去食飯平平哋都要每人一百蚊以上埋單，如果想食泰國嘢，預算又唔多，可以選揀黎呢間阿來泰式風味餐廳。一個海南雞飯或者其他炒粉麵飯先五十幾六十蚊，好抵食。海南雞例牌$78雞肉大概有8至9件，大部分都係雞髀同雞胸位，完全冇骨，肉質好嫩滑。但唯一美中不足嘅地方，就係佢剩係得一個醬汁，冇咗平時啡色甜甜地同綠色嗰個sauce。飛天炒椰菜苗$68出面嘅餐廳好少會見到有椰菜苗食，雖然飛天炒我想像中辣，但係都幾嘢味。泰式香芒蟹肉炒飯$68估唔到用芒果來炒飯都幾好食，甜甜地酸酸地好開胃，但係係肉嘅份量就好少，食落去唔係好覺。

旺角係美食集中地，而黎間泰國菜性價比好高泰式鮮蝦冬陰功湯(小) $78(美味指數: 😋😋😋😋)冬陰功份量有d小，僅僅足夠兩個人，不過香料夠多，冬陰功好香好濃郁馬拉盞炒通菜 $68(美味指數: 😋😋😋😋)通菜炒得好惹味，不過如果馬拉盞味更加突出，更加鹹香就prefect啦泰式濕炒河粉(牛) $58(美味指數: 😋😋😋)河粉炒過好香，蔬菜牛肉份量都好足。不過美中不足既地方係濕炒河d芡汁實在太多，😂多到似湯河阿來海南雞飯 $54(美味指數: 😋😋😋😋)黎度既海南雞飯係配油飯，份量一d都唔少，而且雞肉嫩滑又無骨😋整體食物質素：3.5 / 5💰性價比：4 / 5👍推薦指數：4 / 5

餐牌有好多款食物同飲品可以揀，花多眼亂，最後揀左二人餐(C)，另外散叫左碟辣椒膏炒大蜆。炸蝦餅有六件，大大件，剛剛炸起十分熱，要放涼一陣先放得入口，外香脆內彈牙，泰式辣醬酸酸地正好減少油膩。冬蔭功湯落足料夠正宗，濃郁酸辣味直擊味蕾，蝦有三隻，都算大隻，肉結實，唔霉。滷豬髀雖然唔大碟，但其實堆到滿，足料。滷水帶微甜唔會大鹹，好味，豬髀肉炆得夠腍夠入味，豬皮乾淨無毛，好滑，索晒d汁。伴碟ge酸菜同蛋都不錯，無論係泰國定德國，豬手要配酸菜先更好食。辣椒膏炒大蜆都幾大碟，真材實料有蜆肉，唔會得個殼，蜆肉無沙，加上辣椒膏非常刺激惹味。青咖喱好香濃，雖然油飯本身都有味，但撈埋青咖喱更好味，可惜牛肉韌左d，配雞可能較好。飛天通菜夠鑊氣，通菜新鮮爽脆。鹹檸醃得夠味，撞落七喜爽到飛起。

我呢個偽日韓妹鍾意食嘅野有好多 不過泰國野真係少食 其實我都鍾意食嘅 不過我同朋友每次出去食飯都會比其他嘅多姿多彩吸引咗😅呢一日嚟到阿來泰式地道風味 價錢唔貴之餘相對高質💓◽生蝦刺身◾泰式肉碎生菜包◽泰式滷豬脾◾燒豬頸肉根本樣樣都好好味😍尤其是滷豬脾 滷到好淋入晒味 識食一定連皮食🐷而生蝦刺身同肉碎生菜包食泰菜係必須嘅 要特別讚下肉碎唔會太咸 入囗有微微嘅酸辣味 開胃呢~而家嘅環境好多人都少咗出街食飯 而當晚我去到係爆晒場 可想而知佢幾受歡迎 而且咁嘅價錢食到呢個質素 仲要全部大大份 我有啲覺得我發現得佢太遲🥢

又係一個要外出工作的日子, 約我親愛的母親大人接我放工, 睇睇異常寧靜的旺角, 再食埋飯先返屋企! 金柚子鮮蝦沙律 $68 ~ 好多柚子啊…唔苦澀, 多汁唔乾, 好新鮮! 醬汁唔辣, 微酸, 蝦夠大隻又爽口! 海南雞 (例牌) $78 ~ 賣相靚, 去骨雞肉又滑又彈牙, 仲有啫喱! 一半雞胸一半雞肶, 醬汁少少辣, 好味! 例牌份量都多, 仲多過我上次去漁牧嗰半隻填鴨!  紅咖喱豬 $68 ~ 份量多, 好多咖喱汁可以沾蒜蓉包食! 豬肉以薄片上, 爽口有肉味, 大量小茄子及豆, 好滿足! 紅咖喱唔辣, 滿滿椰汁香! 蒜蓉包 $25 ~ 脆, 唔係隔夜麵包, 讚! 再多啲蒜蓉就好喇…(橫掂之後只係返屋企又唔駛見客) 龍眼冰 $22 ~ 唔會太甜, 仲好多粒龍眼, 飲落好舒服! 註: 全場爆滿, 記得訂枱! 

我懷疑我前世係一個泰國人，特別鍾意搵正宗嘅泰國菜，原來除咗九龍城，旺角阿來都十分之正宗。咖喱軟殼蟹絕對係啱我呢啲懶人，非常之鍾意食蟹，但係又懶得去剝殼，炸到香脆嘅軟殼蟹🦀，吸晒咖喱嘅香味，再配埋蒜蓉包，一啖咬落去，有三重嘅享受。•金沙炒大蝦開咗邊又炸好咗嘅大蝦🍤，脆到連殼都可以食埋，加埋人人都鍾意嘅鹹蛋黃，可以配上幾碗飯。•蒜蓉炒椰菜苗喺香港好少會搵到餐廳有椰菜苗，佢嘅口感會好似芥蘭咁，偏向爽脆嘅蔬菜🥬，又帶有少少苦，係我最鍾意去泰國餐廳叫嘅一道菜。