阿來泰式地道風味

營業中

休息中

今日去到旺角食泰國菜，貪呢度夠方便，喺旺角先達廣場隔籬。辣椒膏炒蜆 $ 108啲蜆size系中等嗰隻，所以裏邊啲蟹肉都幾肥美。辣到我叫咗小辣，對於我嚟講呢個辣度係適中。嗰啲蜆肉嘅汁，可以用嚟撈飯，味道唔錯。泰式香芒蟹肉炒飯 $ 68芒果果肉好甜，另外啲飯炒到粒粒分明，食得出係好夠鑊氣炒出嚟嘅飯。68元都唔貴，呢個係必食推介。串燒沙爹 $ 78三串係雞肉，另外三串係豬肉。其實雞肉同豬肉個肉質係差唔多，食落唔會有太大分別。啲沙爹醬有落花生，所以食落都幾香口。