阿來泰式地道風味

營業中

休息中

有冇發覺好多泰國餐廳都叫「金X」或者「泰X」🤣而呢間就多咗「阿來」呢兩個字。原來係泰文嘅意思就解「好味」， 咁今日就梗係要試下係咪真係咁正啦🤔💗辣椒膏蝦頭油海鮮炒飯($68)炒飯夠哂火喉同鑊氣，飯粒分明入口，乾爽唔油膩，加上蛋花更香口🍳配料包括有大量章魚腳🐙、蟹柳🦀同青口，令整個飯富有口感，海鮮冇雪味但欠缺鮮味，尤其青口食落好淋。放咗唔少辣椒碎同辣膏調味🌶真心係惹味但幾辣，悲傷小姐都食到流鼻水，不過蝦油味道唔突出。面頭仲有兩隻蝦做裝飾，口感彈牙。💗泰式鮮蝦冬蔭功湯($78/小)湯底充滿香茅、南薑同香葉嘅香料味，飲落香濃，唔會得死辣，酸辣平均，已經就番香港人口味偏甜🍲湯料亦非常足夠，鮮蝦有三大隻，肉質結實飽滿，食落彈牙鮮甜🦐爽口嘅雞脾菇🍄同車厘茄🍅吸收晒湯汁。不過對唔食得辣嘅人嚟講都會頗辣。💗豬頸肉炒通菜($72)通菜新鮮爽脆，菜莖菜葉好翠綠無變啞色，食落無渣，唔會炒得過老🥬薄切豬頸肉份量都幾多，咬落軟滑有肉汁，可惜偏肥所以唔夠爽口🐷用咗大量蒜蓉炒，夠哂鑊氣非常惹味，而且唔會好油膩同過鹹🧄如果用馬拉盞做底，味道加番少少辣就仲正。💗椰汁三色冰($22)喝落係香甜濃厚嘅椰奶，不過冰溶咗之後有

今次已經係第二次幫襯，因為旺角呢間泰國嘢真係好抵食！好彩我早放工，夜晚六點半入座都仲有位，食完飯出到嚟見到都真係要等位。餐牌都好多選擇！兩個人叫咗一個泰式炒粉絲，泰式無骨酸辣鳳爪沙律，泰式鮮蝦冬陰功湯同埋兩杯嘢飲。講吓個泰式無骨酸辣鳳爪沙律先，份量都算多，而且好入味，辣辣地好好食！泰式鮮蝦冬陰功湯，都值得一讚！我哋叫咗細碗，都有成三隻蝦，肉質爽口彈牙，有好多秀珍菇，味道香濃，微辣，十分惹味。我哋唔算好肚餓，所以淨係叫咗一個主食，呢個叫泰式Suki雜菜炒粉絲，個名都幾地道。本身我哋仲諗緊要唔要一碟菜，點知呢個炒粉絲勁多菜😍正中我哋想要嘅😝除咗菜之外仲有啲炒蛋粟米同菇，好多料！粉絲味道都幾似喺泰國食到嘅👍🏻，呢個唔算辣嘅，如果唔食得辣嘅人都食到。都係個泰式鳳爪比較辣，所以一定要叫返杯嘢飲解下辣！我要左杯鹹檸七，朋友飲青檸梳打，真係好有泰式風味！呢間泰國菜都好旺場，七點前都已經坐滿！我哋七點半食完，出邊都要等晒位啦，證明真係有質素保證！泰國嘢來講都真係算好抵食👍🏻

1 蟹肉香芒炒飯分量來講，兩個人分就差唔多。蟹肉同埋芒果嘅份量就唔算超級多，但係都幾足夠用嚟送飯。2 鐵板蠔仔蛋啲人話啲蛋好乾，我又唔覺。我見佢塊鐵板下邊有鋪左芽菜，可能都可以保濕，避免蠔仔蛋太過乾身。不過重點真係在於佢有好多蠔，仲要係咬落多汁，加埋辣椒醬過癮嘅🤩如果兩個人返嚟食就會太多，可能要有三四個人share先食得晒。3 蒜蓉燒泰式大蝦最鍾意都算係呢個菜～ 餐廳都好細心，切開咗一半先再上菜、咁樣拆蝦殼就唔使咁煩，不過，其實識落啲蝦殼都唔容易折，怕污糟就要諗下🤣 蒜蓉十分濃烈，我估應該係炸蒜再混合蒜蓉醬🤔 不過蝦肉就唔係完全吸收到嗰陣味，就咁食肉好似有啲乾嘅。不過以燒烤來講，算係一流。4龍眼冰雖然嘢飲份量就細杯左啲，仲要無跟餐會（除非叫二人餐啦）不過，甜度和龍眼味平衡得幾好。重要，你叫佢少冰，佢真少冰左比你👍🏻👍🏻價錢方面：二人餐同我單點食物再叫兩杯野飲比較、其實唔係真係抵好多。🤔（個人覺得），同埋你單點可以是試啲唔同嘅嘢

疫情下冇得去旅行，唯有搵間泰國菜彌補心情，去咗旺角間地方就腳嘅阿來泰式餐廳。6時多到達不用等位，看了餐牌款式多到不得了還有套餐選擇， 不過套餐內有啲唔啱食所以最終散叫。 選擇困難症嘅我諗咗好耐先叫個椰青，椰青好大個裝滿椰水，啲肉都容易刮起很清甜 啱曬咁悶熱嘅天氣飲。泰式酸辣無骨鳳爪沙律，酸甜同辣度啱啱好夠爽口開胃。泰式鮮蝦炒金邊粉, 蝦肉爽口加埋青檸汁配埋爽滑嘅金邊粉 味道一流。泰式小吃拼盤有蝦餅， 春捲，還有雞翼同魚餅，魚餅香茅味突出 juicy好味， 春捲皮做薄啲就仲正。泰式椒鹽軟殼蟹，炸得鬆脆厚肉。 不過我最欣賞係週邊啲椒鹽脆脆 好吃到週邊嘅碎都食曬 沙嗲串燒有雞，牛，豬每樣兩串。 每樣都好大串，尤其個汁做得特別香口， 牛串最好食。整體今餐滿意，上菜速度快 值得一讚

上次講到難得馬小姐話要出街仲搵埋餐廳俾我揀我又點會放過佢啊呢間餐廳係馬小姐嘅名單入面好啦 晚餐就你啦 阿來係香港食飯等位好正常等左大半個鐘 終於有得坐低啦（係出面等位千祈唔好企背向馬路右手邊個鐵閘出入口附近 會俾野咬）等位黎講其實真係唔算耐但一定唔係快不過落完柯打之後就好快有得食我地分別叫左：炒金邊粉、冬蔭功、滷豬脾、鮮蝦柚子沙律、炸蝦餅、魷魚炒金邊粉味道啱啱好曾經食過一間好甜（唔係阿來）滷豬脾亦夠入味冬蔭功真係好好飲雖然好多香茅、檸檬葉等渣但係唔會阻到我飲晒佢架蝦餅就還好 同想像中有啲唔同魷魚有驚喜唔會烤得太熟唔會韌呢幾日一直想再去食多次但日日OT冇辦法希望可以快啲再去食啦 - 念念不忘冬蔭功

好耐冇同舊同事一齊去食飯好掛住又酸又辣又野味的泰國菜。依簡直係我哋舊同事相聚嘅飯堂。抵食夾大件。個人覺得來講冬蔭公人少少叫個細嘅同大嘅的其實都份量都差唔多，同埋唔係個個飲。細嘅酸辣湯有三隻蝦大量嘅菇同埋新鮮嘅車厘茄。拼盤係每次必點。最鍾意食佢嘅蝦餅，魚餅都係好香，唔似得出街嗰啲雪藏味。 春卷係素菜春卷，有粉絲係入邊味道正宗，外層非常脆口。反而雞翼就一般般。軟殼蟹咖喱因為有同事鍾意食蟹所以呢佢要求的建議入嚟呢間嘅咖喱都有好多泰國風味大量嘅洋蔥同埋聽朝咖哩的奶香味同脆卜卜嘅軟殼蟹好夾。可以用佢的汁嚟送多兩碗飯。呢個鐵板蠔仔蛋係我嘅至愛每一啖都有蠔仔蛋炒得外脆內鬆軟好友鑊氣仲有淨係底層嘅芽菜一樣好味。 泰國豬手飯唔係度度都有得食呢個飯就不過不失不過真係好大碟非常抵食鍾意豬手嘅朋友不容錯過。 呢度嘅炒野係好好食嘅好似個炒金邊粉又唔油膩味道恰到好處而且大蝦爽脆大隻非常抵食。 所以嚟到呢度炒金邊粉都係我必點之一。

.因為疫情持續，好少約朋友食飯聚舊啦，但朋友始終要見，飯要照食！好耐冇食泰國菜，今晚一於約妹妹仔去開餐醫肚，順便拎口罩啦！我自己先到，今天被安排上樓上坐，見到店家都有做足隔板相隔搭枱嘅措施！好口喝，叫咗杯咸檸7up，順下個喉嚨先，個咸檸好夠味，好解渴！妹妹仔到啦，開始點食物！首先，來一個半打串燒沙嗲，選擇咗豬肉同雞肉！好香沙爹味，不嗆喉，又多醬，啖啖肉，正！馬拉盞炒椰菜苗，大大碟，爽口！靑咖喱豬肉，不辣但好香，肉質嫩滑，又多配菜喎！當然配蒜茸包（4片），脆口，陣陣蒜香，大大塊，這個組合係最佳拍檔！今次叫咗個阿來海南雞飯！嘩，無骨，肉質勁嫩滑，又多件，個黃油飯好香，不膩！正！特別蒜汁，配上嫩滑雞件，好好味！太飽啦！甜品唯有下次先食！食物水準一直都保持到，值得一讚！

困咗喺屋企咁耐終於可以出去食啲好嘢慰藉下自己， 有排都冇得去泰國唯有食住家鄉菜先， 今次喺openrice見到呢間食評唔錯， 所以就同屋企人去試下呢間成日經過但係又未試過嘅泰國餐館。 位置嚟講地區方便唔難搵， 入到去餐館內地方唔算大有泰國特色。 餐館有提供幾款套餐， 算幾抵食， 雖然呢間舖頭出名食海南雞 ，但今次呢餐唔係好想食雞飯豬髀飯及冬陰功湯， 加埋屋企人唔食得太辣。 天時暑熱先點咗個青檸梳打水解解渴先， 餐牌內種類款式都算多選擇，最後單點點咗泰式酸辣鳳爪沙律， 泰式炒金邊粉， 泰式小食拼盤， 半打沙爹串燒。 酸辣鳳爪個汁覺得幾好甜酸到啱啱好， 清新怡人， 有啲地方食過一係就好酸一係冇乜味。 金邊粉都算乾身個汁既味道都好夠味 蝦肉亦算爽口， 如果多多兩三隻就好啦 小食拼盤味道ok正常嘢, 我嘅至愛蝦餅 蝦餅肉厚 彈牙. 最後係沙嗲牛雞串燒 牛肉串厚肉多汁, 原本想叫埋芒果糯米飯, 但係已經好飽食唔落.

今日放工好累，見疫情無咁嚴重就同老婆去旺角搵下有咩好食，行到先達隔離見到有間泰國店，可能早到無咩人排隊就入去入到去樓下個層坐滿哂人，安排我哋上去樓上，防疫措施整得充足，環境闊落唔會坐得好逼。冬陰功湯$78，啲蝦好大隻個湯酸得來又辣非常嘢味泰式鐵板蠔仔蛋，$78，蛋炒得好好加埋超多蠔好夠鮮甜非常新鮮咖喱炒軟殼蟹，$108，炸得好脆口蟹肉鮮甜又多肉，咖喱唔會太辣配上軟殼蟹簡直一流泰式炒金邊粉，$58，抵食，有好多蝦加上青檸，花生粒，金邊粉唔會太硬太林，軟硬適中，夠哂鑊氣泰式豬髀飯，$58，個豬髀整得好好同夠林加上特製醬汁非常嘢未，重有隻滷水蛋都唔錯泰式小食拼盤，$138，蝦餅春卷炸得好好，雞翼味道唔會太咸，份量又多

To begin with the staff was quite rude to allow a couple waiting far behind me in line to enter first and had no explanation why she would do that , while I was kept waiting for 30 mins straight. I am sorry the food was not appetizing at all after the poorest service so far in HK.

今日出旺角食泰菜，因為之前朋友推薦過話平靚正，所以試吓。出得旺角食，一定要避開繁忙時間，七點已經開始大排長龍。😳二個人叫左五樣野食，以下係重點推介。燒豬頸肉，我好鍾意，厚薄啱啱好，咬落有肉汁，而且個醬料加埋一齊食真係食好多都唔會濟。馬拉盞炒通菜，必點❤️通菜新鮮，用馬拉盞炒法都無得輸，而且份量好多，二個人其實有d太多😅，三至四人食就差唔多。柚子沙律，都有幾舊大蝦，味道偏濃，唔會太辣，可以一試。生蝦刺身，真係好正，因為好夠凍，擺落口就知新鮮，肉質緊實，加埋個醬料，係好好味，鍾意食辣嘅會覺得好過癮。泰式炸蝦餅，基本上食泰國菜都會叫嘅一個小食，新鮮炸起其實一定好食，而且唔油，個蝦餅又夠厚身，食一舊都好飽。總括而言，同我朋友講嘅一樣平靚正，而且啲侍應係泰國人，感覺係好正統既泰菜，絕對會再幫襯😊

約左朋友去旺角行街街，想食平少少又多啲選擇，就向左走向右走，遠離朗豪坊少少睇下有乜食。經過阿來泰式，都有啲人睇緊岩唔岩心水，我又去睇埋一份，ok喎，就入座，估唔到7點未夠就座無虛席，我地坐左最後一枱，但之後先知道原來樓上都有座位，而且有toilet。睇左陣，太多選擇唔知點揀，最後都係要左個唔洗煩嘅二人餐(A)($288) 😂，包括豬脾或海南雞二揀一、咖喱炒蜆、飛天通菜、白飯或油飯2碗或、飲品2杯 。我地揀左食海南雞，雖然賣相一般，但雞好滑，雞皮亦唔算肥，泰式醬汁令海南雞味道更出色。咖喱炒蜆份量算好多，大蜆煮到剛好離殼，唔會食到好論盡。我地將飯轉做蒜蓉包加$10/份，點咖喱食夠哂惹味，蒜蓉包夠香脆，可惜有點硬。泰式炒飛天通菜份量亦十足，夠香辣，條條通菜都好細條易食，但食到中段見到好多豆醬，越食越辣，開始頂唔順喇！🙈飲品就點左傳統泰式飲品，龍眼冰同椰汁冰，食完辣野飲一流。

今日同左個fd食泰國野，兩個人叫太多，食到要打包😂😂————————🔸火山軟殼蟹法包 $148本身好驚淨係得醬同包會好Heavy，點知唔係。個汁椰味好重，配埋個包食好夾，加埋d軟殼蟹係上面好正！評分：🌕🌕🌕🌕🌑-🔸馬拉盛炒通菜 $68香！多料！味道夠😍😍評分：🌕🌕🌕🌕🌑-🔸串燒沙嗲 $78有雞牛豬各兩串，雞最嫩。個沙嗲好香，好味🤩🤩評分：🌕🌕🌕🌖🌑-🔸泰式肉碎生菜包 $78唔食得辣既人唔好叫，因為佢都幾辣。但我就覺得好好食，辣味鹹味都夠，好香，肉碎好多！評分：🌕🌕🌕🌕🌑-🔸泰式小食拼盤 $138呢個抵食！有蝦餅、魚餅、雞翼同埋春卷。我覺得春卷最好食，入面料多，皮又脆又薄👍🏻評分：🌕🌕🌕🌖🌑

今日同朋友黎到旺角，見咁耐無食泰國菜，就搵左一間泰國餐廳。聽講呢到既麵包蟹好出名，好想試下。餐廳環境都幾寬敞，坐得幾舒服。我地叫左個飛天馬拉盞通菜，佢好惹味，d菜又好新鮮好爽口，份量仲要勁多！跟住我地叫左個生菜包。我其實未食過泰式生菜包，所以想體驗下佢同韓國d燒肉包生菜有咩分別。佢都幾辣，你見佢都有落d椒入去，鍾意食辣既朋友記得一定要叫！黎到戲玉麵包蟹。我想講真係無令我失望，佢d椰汁味好重，點包好好味。加埋個軟殼蟹一齊食簡直係無得彈，仲要佢勁大份！非常推薦！我地叫左個串燒，有三串豬肉三串雞肉。佢個汁調配得好味，加上啖啖肉，唔錯！我地仲叫左個小食拼盤，佢入面我最鍾意食春卷同埋蝦餅，炸得好脆又足料。食左咁多野都係呢個價錢，好抵食！

喺旺角先達廣場修理完電話之後， 見到隔離街有間食泰菜叫阿來泰式地道風味， 感覺幾好幾地度價錢非常貼地抵食，見餓餓地就入左去食。叫左個泰式炒雜菜，有椰菜，芥蘭，雜菇，粟米條！ 只係58蚊非常抵食！ 炒得非常香口， 濃郁入味"豬頸肉亦都幾正，配上特製醬汁更為出色， 肉質嫩又唔乾！不錯。香芒蟹肉炒飯大大份，有新鮮芒果肉，非常香甜， 有豐富嘅蟹肉加持！ 非常豐富嘅口感大滿足。Menu上面非常多選擇，有燒魚，燒大蝦，生蝦非常amazing! 而蟹肉炒飯只係68蚊，性價比非常高！