阿來泰式地道風味

營業中

休息中

超級抵食又大份嘅泰式午餐😱$53連熱飲特色飲品都只係加$6一上枱超。級。大。份大食嘅男仔都一定食得飽😎..我仲叫咗份豬頸肉做小食都好大份😂而且味道一啲都唔hea呢間嘅性價比真係超級高☺️而且午餐仲有好多選擇------👻回頭指數/Coming back?🍽食物/Food: 🔘🔘🔘🔘🔘📷環境/Ambience: 🔘🔘🔘🔘⚪️🛎服務/Services: 🔘🔘🔘🔘🔘💸性價比/CP: 🔘🔘🔘🔘🔘------🐶寵物友善/Pet-friendly: ❌🏖室外用餐/Outdoor seating: ❌------

去到旺角，突然想食泰國野係OpenRice search發現佢既評價都唔錯就試下，叫左個清湯金邊粉雙拼，豬脾肉拼海南雞豬脾肉夠淋，但海南雞就唔算滑，份量不過不失，但最正都係個泰醬，每一啖肉都要點佢先得另外叫個菠蘿海鮮炒飯，都食到有幾多海鮮粒，大大舊菠蘿，但就冇腰果，我以為間間泰國嘢都會有飲品檸檬茶同奶茶，正常

今日突然好想食咖哩蟹，但因為疫情下好多食肆都唔開，最後出開旺角食lunch，就上網搵左呢間阿來，外賣番屋企做晚餐。最後因為冇蟹，所以揀左咖哩軟殼蟹、生菜包、蒜蓉包、波蘿炒飯、串燒、冬陰公湯。咖哩軟殼蟹：個咖哩汁超正，好香，係可以用好好好好味黎形容，個汁點蒜蓉包食超級好味，平時唔係好食飯既我，仲忍唔住即刻煲左啲白飯去撈個汁食，個個食到讃不絕口👍🏻👍🏻👍🏻👍🏻👍🏻生菜包：試過好多間生菜包，呢間真係我食過既數一數二好食，又係個個都認為好好食，真係好耐冇食過一間好食既生菜包👍🏻👍🏻👍🏻👍🏻👍🏻冬陰公湯：酸同辣都好夠又有啲啲甜味，配料都合理，份量都多，又係一句….個湯好好味😍👍🏻👍🏻👍🏻👍🏻👍🏻波蘿炒飯：配料足！好味👍🏻👍🏻👍🏻👍🏻串燒：佢得雞同豬，個汁OK，不過啲肉就鞋左小小，就爭啲。👍🏻👍🏻整體黎講，個個都食得好滿足😬好開心☺️極力推薦，一定會再幫襯。

阿來泰式口碑一向都唔錯，於是約左朋友喺度小聚，店仔細細，我地去度嘅時候已經差唔多full曬。泰皇咖喱火山軟殼蟹法包成個軟殼蟹法包既賣相非常吸引，香濃既黃咖哩淋係法包上面，麵包變到軟熟容咬開，再包裹住炸到鬆脆惹味既軟殼蟹，每一啖既口感都好豐富，不過就法包既份量太足，兩個人都食唔完。泰式肉碎生菜包呢款都幾啱我口味，唔會太辣，肉碎嘅調味比較重口味，但喺配埋爽脆多汁嘅生菜中和下，鹹淡都啱啱好，肉碎肥瘦適宜，而且肉碎份量好多，所以食到最後都唔夠生菜包肉碎。椰青食泰國菜就當然要嗌翻個椰青，一如既往地清甜可口，而且椰青都大大隻，飲極都仲有咁。奶茶泰式奶茶既味道都算非常正宗，茶味濃郁而奶味份量適宜，飲落去感覺啱啱好，唔會太甜亦唔會太漏，啱曬食完重口味泰國菜之後飲番啖中和下。

📍無骨鳳爪初初諗住小食會比較細碟，一上台估唔到都幾多😛鳳爪拆骨拆得好乾淨，配埋酸酸甜甜嘅醬汁好開胃🤪📍鮮蝦炒金邊粉炒金邊粉同樣都係份量好大，不過相對上就乾咗少少，不過蝦肉都幾爽口😉整體都唔錯嘅，可以另外再落醬汁調味📍雞肉豬肉串燒雞肉同豬肉都燒得啱啱好，亦都保留到肉汁，上枱嘅時候熱辣辣🤤配搭埋濃郁嘅沙嗲醬，特別惹味🙆🏻‍♀️環境：餐廳有兩層，繁忙時段都唔需要等太耐，店員服務都唔錯😛

今日同朋友喺旺角行街，中午諗住搵啲有特色而且性價比唔錯嘅餐廳坐低食飯。所以我哋就嚟到呢間旺角通菜街嘅阿來泰式地道風味。呢間餐廳裝修企理，簡潔乾淨。可能我哋嚟到嘅時間尚早，樓面人客唔算太多，坐低食飯感覺都好舒服。泰式清湯金邊粉配豬頸肉平時食泰國餐廳都食得好濃味，今日就想試吓泰國嘢食清淡嘅一面。呢道清湯金邊粉有香濃雞湯熬製而成，配上分量十足嘅金邊粉，飽肚得來味道清新濃郁。如果覺得湯嘅份量太少，夥計仲會不時走過來同你加湯，味道中帶有一點人情味。豬頸肉食落唔會太油膩，兩面煎成悅目嘅金黃色，令人胃口大開。金不換香辣肉碎炒河呢一道同樣係令人讚不絕口嘅菜餚。上菜嘅時候，香噴噴濃郁嘅氣味已經隨着熱辣辣嘅蒸氣揮發出嚟。河粉、肉碎、同埋其他蔬菜嘅配合，都好平均，可以極速清碟。飛天炒通菜呢道炒通菜鑊氣十足，用料新鮮，賣相晶瑩。配上香辣嘅香料同埋指天椒，將呢道曼谷嘅傳統菜藝發揮得淋漓盡致。汁燒原隻魷魚筒每次去泰國餐廳食飯都唔少得嗌呢一道餸。將原隻新鮮魷魚筒燒到外脆內軟，配上餐廳獨門熬製嘅汁醬，實在令人一再回味。

今日同男朋友喺旺角行街，經過通菜街見到呢間泰式餐館，一於入去試下佢，入到去餐廳唔算太大，但係位置同位置之間都幾闊落，坐得幾舒服。我哋兩個人叫咗一個原隻椰青海鮮炒飯，一個泰式小食拼盤，同埋一個椰青。 椰青海鮮炒飯嚟到好壯觀，因為真係好大個，啲飯係由椰青頂去到個底都係滿滿嘅，同埋海鮮炒飯食落creamy，咸度啱啱好。入面係有啲椰青粒同埋海鮮炒埋一齊，有咬口得嚟食落好惹味開胃，比起平時食嘅菠蘿炒飯或者蟹肉炒飯更加特別同好食，呢個真係驚喜。至於泰式小食拼盤就有好多款式，有炸蝦餅炸魚餅，春捲同埋雞翼。個炸蝦餅夠厚夠彈牙 ，唔會好多粉，同埋春捲入面係咖哩味嘅好特別。最後我同男朋友share嘅椰青超級無敵清甜，椰子肉都好好食夠嫩滑好容易刮落嚟。整體嚟講質素高，價錢都算抵，性價比幾高 👍🏻👍🏻

之前見到呢間泰國嘢午市好抵食，於是同朋友一齊嚟旺角食，午市套餐送嘢飲🤣同埋個日慶祝生日都唔收切餅費，侍應仲幾好畀啲碟我哋食蛋糕🍰不過我哋就加$5轉咗特飲，青檸梳打幾清新，而且啲冰唔會點融，椰青就要加$22，但個人覺得都幾大個，加錢都抵🥥泰式炒金邊粉 ($50 包嘢飲)炒得幾香口，加埋青檸汁酸酸地平衡返油膩感🤩呢個最推介🤪泰式菠蘿炒飯($50 包嘢飲)就有啲普通菠蘿亦都唔算好多，而且唔算好多海鮮，識落就係冇咩配料，而且炒飯唔算好乾身，不過都算有鑊氣，不過不失🤏🏻沙嗲串燒 ($78 半打; $128 一打)有啲乾，沙嗲味亦都唔算好重偏甜一啲，有啲花生粒但唔算多，相對其他菜式比較失色一啲🤭總括嚟講呢間午市套餐都幾抵食，但主食會好食過小食～但服務加咗分，經過都可以一試呀😆

就黎過新年，要四周圍去辦下年貨😂途經呢間「阿來泰式地道風味」見環境都幾乾淨企理，價錢仲幾親民，於是就決定係呢間填埋個肚先出發🤣. 【阿來海南雞飯 $56。凍泰式奶茶 $6】全日套餐包埋飲品都係$56，呢個價真心抵食！海南雞切好連皮上，肉質嫩滑吾會嚡，仲要啖啖都係肉架😍蘸上秘製雞醬汁，令味道更富層次感，酸酸辣辣，更係開胃😎跟餐送包嘅熱飲加$6可轉成泰式凍奶茶，泰式奶茶嘅濃香加上順滑嘅奶香，味道香濃更唔會好甜，適合香港人嘅口味🤣.【泰式炸蝦餅 $78】炸蝦餅係即叫即炸，外層黃金脆面，內裏係彈牙蝦肉，入口香脆Q彈，蝦味香濃，沾上酸甜醬，超正呀😍

出旺角睇野0係附近搵食呀見呢間有SET LUNCH好少食泰國就揀左呢度呀點左~辣肉碎配白飯呢個係堅惹味呀平時唔好飯既我用呢個肉碎撈左好多飯可能辣辣地啦好想繼續食肉碎又唔算好多肥豬肉呀~香芧豬扒飯呢個黎到係有點詑意既我無諗住香芧豬扒係有汁既仲幻想會有蔥油添雖然有點同想像唔同但食落又唔差呀個汁都係好送飯豬扒質感又幾好淋淋地但唔會OVER左PS 兩個飯都大到一個點呀

旺角美食種類繁多多不勝數.這次我們選擇了泰菜餐廳 - 阿來..從外面看似狹窄的小店.但內裡坐位排列井井有條.完全沒有擠迫感覺🪑而且還設有閣樓🐒較多人數聚餐都可以在閣樓舒適地用膳🐵▫️小炒▪️🐟明爐烏頭在這冬風陣陣的天氣.當然不容或吿缺泰國知明的-明爐烏頭🐟在小小焯熱的火焰🔥慢慢加持之下.令滾燙的湯汁深深地滲入魚肉中.令每口都帶著酸酸甜甜的鮮味😋除此之外.濃湯更附上大量香菇🍄&肉碎🐖令味道更濃郁.口感的層次更上一層樓💃🏼個人超級建議一口鮮嫩魚肉再配一口鮮甜濃湯一起進食更為津津有味👯🕺🏻▪️🍢串燒沙嗲串燒以雞肉🐥&豬肉🐷兩款為主打. 陣陣煎焦的肉香配上傳統花生🥜沙嗲醬..入口不但香滑.更平衡了燒肉的油脂.令每口吃上來都絲毫不覺膩😚▪️🥬豬頸肉炒芥蘭蒜蓉炒菜本已是家家戶戶的拿手小菜.但這小店加上秘製豬頸肉後令嘴巴變成更為雀躍🕺🏻💃🏼已被燒香了的豬頸肉吃下口感特別香口🧚🏻‍♀️再加上芥蘭一起炒用.令每根菜苗都融入炭燒之中.不但爽脆更帶來香口的層次🙆🏼‍♀️🧉椰青享受完美食後💁🏻‍♀️當然不少得泰國知名的清甜飲品-椰青🥥🧉因先前味蕾上充積着大量濃厚的味道.最後加口清甜爽口的椰水就更畫龍點睛了🐒

旺角出名多地道人氣小店，阿來係其中一間CP值高又就腳既泰國菜館。係旺角先達隔離既阿來泰式地道風味餐館，鋪位一共有兩層提供既位置不少，傳統舊式裝修，賣既係高CP值。.椰汁青咖喱雞飯 💲50 ⭐️4/5呢度嘅午餐非常之抵食，選擇好多，每款都只係💲50已經包埋嘢飲。青咖喱唔算杰身但椰香味濃，辣度唔算高。雞肉同配料份量唔少，以午餐來說份量十足，性價比滿分。.金不換香辣肉碎炒河 💲50⭐️4/5呢個都係午餐選擇之一，上檯熱辣辣夠哂鑊氣，肉碎有少少辣，一樣係份量滿滿。.蒜蓉包 💲25/4⭐️4/5見到價錢唔貴額外叫咗一下蒜蓉包。泰式咖喱一向同蒜蓉包都係絕配，啱啱烘起嘅蒜蓉包，配上香濃嘅青咖喱汁，極速清碟。.大蝦柚子沙律 💲68⭐️3.7/5泰國版本嘅柚子沙律，沙律醬汁一向以酸辣鹹香為主。柚子清甜配上酸辣嘅醬汁，特別惹味。不過美中不足係大蝦份量比較少。.青檸梳打 午餐+💲5凍柚子蜜 午餐+💲5.總結：性價比十足嘅一間泰式菜小店，如果唔貪心唔叫小食嘅話，午市人均消費共實50蚊已經可以食到飽飽。難怪下午茶時間去到都全場爆滿，入嚟搵食嘅人絡繹不絕。.不專業食評nei.foodie

外賣咗5款菜式回家慢慢食👇🏽泰式小食拼盤$139有4款小食，特別鐘意炸蟹餅，好彈牙；炸春卷幾特別，食到有咖喱味😋海南雞（半隻）$129雞肉算滑，但無乜海南雞風味，似食白切雞多😛泰式鐵板蠔仔蛋$79好大份，蛋的比例較蠔仔多好多，唔係好食到蠔香味。泰式蝦醬炒飯$59唔係好食到蝦醬味，味道和個色有啲差距，無乜料的炒飯。芒果糯米飯$59芒果幾甜，糯米飯普通。整體來講，每盒份量都算多，價錢正常，但味道就一般。

旺角超好食泰國菜🤓位置咁方便，星期六日去堂食都好容易🤩 叫咗個$288嘅餐💁‍♀️ 咖哩炒蜆🤭呢個咖哩真係好香，好重蛋味椰味，惹味得嚟又溫和。炒蜆大大隻，肉質都幾彈牙。 海南雞💁‍♀️呢度嘅海南雞香嫩，調味恰好。有一兩舊仲有埋靚靚葉雕花，刀工一流。 油飯海南雞配油飯好香💜 馬拉盞通菜本身個餐配飛天通菜🤓不過店員好細心，問我地食唔食得辣，我地因為都唔食得好辣，所以可以免費轉馬拉盞🤩通菜全部惹味爽口，味道均勻有鑊氣🤭 龍眼冰好清甜💁‍♀️好味。 椰汁三色冰椰味好濃💜好鍾意好滿足。

最後一晚堂食然後又要等兩個禮拜了， 巧合要去旺角，所以順便吃飯才回家🥢。 到阿來泰式地道風味吃晚飯， 地點位於旺角通菜街97號地舖。 餐廳有兩層， 我被安排到二樓， 一上到去就記得原來之前已經與朋友來過。 晚餐 ～ 🔹🔸泰式鐵板蠔仔蛋$78、 黃咖哩牛腩煲$88、 冬陰功炒飯$58、 蒜蓉包$25、 泰式奶茶$22。🔸🔹 🔹泰式鐵板蠔仔蛋🔸 ～ 鐵板上才能夠保持熱度， 蠔仔粒粒飽滿， 配上酸辣醬汁😁， 食得更滋味。 🔹冬陰功炒飯🔸 ～ 冬陰功炒飯十分開胃， 鮮辣酸香四款味道都有👍🏻， 會食到停唔到口。 🔹黃咖哩牛腩煲🔸 ～ 黃咖哩很夠味😋， 薯仔和牛腩吸滿濃濃的咖哩汁， 香而不辣。 🔹蒜蓉包🔸～ 蒜蓉包脆卜卜當然配黃咖哩啦， 每次點咖哩一定不能少蒜蓉包🥖。 🔹泰式奶茶🔸 ～ 泰式奶茶的味道比較香甜， 與我們港式奶茶都有不同的優點。 整體價錢貼地， 份量多， 地點又方便， 所以門口經常排長龍的。