阿來泰式地道風味

營業中

休息中

sawadika～最近都冇得去旅行，唯有食下唔同美食過下癮先啦，今次我地去泰國。。。餐廳！環境，餐廳冇特別整泰國風，但係裝修簡約整齊光猛，有上下2層，上層空間大d，要行樓梯上，我地坐下層，因為有e個窗口可以偷師，望住大廚煮野食，可惜。。。本人唔夠高睇xd食物，海南雞，雞脾位係滑嘅，雞胸位係實嘅，重點佢個醬非常好食，好似泰式辣醬 + 泰式沙律果種酸酸辣辣嘅感覺，正！炸蝦餅，正常泰式蝦餅口感冬陰功湯，d料多到呢，佢個份量係2碗湯，但係d料係足1碗咁多，3隻蝦，菇，蕃茄等等，佢整到唔係好辣，連唔係好食得辣嘅我都飲到半碗青咖哩豬，e個咖哩偏甜，令到個辣味更易入口，另外d豬肉量又係勁多，每塊有2個硬幣大小，有10塊 + 左右馬拉盞炒通菜，好中意馬拉盞味，好食！蒜蓉包，佢包包上面有d小蒜粒，仲要個包係脆身嫁！！！龍眼冰，飲落好有紅棗味XD，完全冇曬罪惡感椰汁三色冰，e杯野帶左我番泰國，椰汁味一d都唔會hea我地叫左個378二人餐，非常抵食，2個人食到抱住個肚腩走，而且佢個組合都係好食，重點，佢樣樣足料，絕對冇hea底，就算冇泰國環境，食物都帶左我地去泰國咁

突然好想食泰國野，咁岩收工約左人去旺角，於是openrice search左下，決定去試下呢間阿來泰式地道風味~去到見到門口都幾多人排隊，直覺話我聽應該揀左間幾好味嘅鋪頭🤣本身驚咁多人等會唔會等好耐先有得入座，無諗到等左一陣就已經入座了🥳原來間餐廳有兩層！餐廳好多食物選擇🤤🤤辣椒膏蝦頭油海鮮炒飯🦐 $68由於返左日工實在太肚餓了，決定叫個炒飯頂頂肚🔥於是揀左個有👍🏻嘅辣椒膏蝦頭油海鮮炒飯，一上菜後就迫不及待拿拿林舀黎食。炒飯一入口，哇，有啲驚喜。成個炒飯好夠味好有鑊氣，飯粒粒粒分明，咸道剛好，有少少辣但又唔算好辣，即使唔太食得辣嘅都應該無問題Handle到~隻辣係辣得黎好惹味個隻，令成個飯嘅氣味味道提升左！飯粒之間夾有蟹柳、新鮮魷魚粒、炒蛋同埋好幾隻爽口大蝦。$68食到個咁足料，咁好味，咁有份量嘅炒飯我覺得真係完全良心價👍🏻👍🏻👍🏻🌶️泰式鮮蝦冬蔭公湯(小）$7810次食泰國野我有9次都會叫冬陰公湯飲，無他，就係中意😆😆😝由於我地得兩個人食，所以order左個細份量嘅湯~ 湯一上枱就已經聞到個陣酸酸香香嘅冬蔭公味🤤湯一入口有啲嗆喉嚨，但飲多啖真係🤤🤤十分夠味，湯酸得黎又好夠辣，唔會稀身同

美味泰國菜份量足「阿來東南亞風味泰式餐廳」餐牌上每樣主菜好吸引🤩搞到我懶眼花撩亂最後叫咗幾個嘢未睇過小菜加椰青「咖喱軟殼蟹火山包」呢款係招牌菜火山爆發中黃咖喱🍛精華向上訊息音樂玄學蟹一齊食風味十足「蛋黃單骨雞中翼」蒜香牛油雞中翼，唔油膩之餘，外皮非常脆口，龍龍散發著濃濃的蛋黃香「椰青」清甜嘅健康飲品☺️☺️「飛天炒通菜」泰國地道風味炒通菜🌶️炒得很香，極具鑊氣，頗為出色，呢款炒菜甚佳！推薦👍🏻

餐廳位於旺角，非常方便，旺角地鐵站落車，行幾分鐘就到， 地理位置好優越， 餐廳食物價錢非常之抵食。小食有好多唔同款嘅泰國小食。 有小食拼盤 ，雞翼 等等， 非常之吸引。海鮮有蝦，有軟殼蟹， 有好多唔同嘅選擇， 價錢一啲都唔貴， 地道嘅價錢， 食到好靚嘅泰國菜。 非常之抵食。泰式金邊粉， 賣相好靚， 材料都好足， 有大大隻嘅蝦， 而且彈牙可口， 而且炒得好香， 好有泰國嘅風味。炭燒豬頸肉 ，燒得好香脆，配上特製嘅汁， 好好食， 豬頸肉好爽脆好香口。蒜蓉炒通菜， 青菜好新鮮， 加上蒜蓉炒， 非常之好香口，同有鑊氣。 值得推介。 甜品係椰汁芋頭西米糕， 椰汁西米糕下面嗰層， 有好多西米同芋頭， 口感非常之好食， 芋頭大大粒， 用料豐富。

去到男人浪漫既街，就去食返間男人浪漫既餐廳 — 阿來東南亞風味。店舖非常之地道嘅港式茶餐廳， 依家香港地買少見少兩個人，叫左三碟野，本人係麵包控， 一見到有軟殼蟹火山包，二話不說係必叫。所謂火山其實就係炸軟殼蟹放係個法包度，再加 d 咖喱汁。 不負眾望，個包係精華😝 完全索哂啲咖哩汁👍師父其實 d 功夫幾好，咖喱打得幾好，幾好味，有 d 蛋花，辣味再出 d 會更好。飛天通菜係真係出色，師父炒岀鑊氣！ 係正嘅 🔥食過陣好有泰國風味，夠火侯。鑊仔蠔仔餅都可以試，大大份。 個人中意食濃味啲, 食個陣自己落左魚露去吊起啲蛋嘅香同蠔仔嘅鮮味食咁多炒野要飲下佢地 d 鹹寧 7 下火下火啦😊非常解渴同舒服😌正呀

約左fd係旺角行街,想搵間就腳既餐廳, 於是係先達附近搵到呢間泰國菜試下一坐低侍應就放低杯插住餐具既熱水,比你清潔餐具用...檯面仲有支搓手液, 幾貼心👍🏻🍽 燒豬頸肉飯 💰52個飯好抵食, 呢個價錢既豬頸肉飯通常都系得幾塊豬頸肉,呢度係成片上豬頸肉燒得剛好, 夠焦香,腌得好有泰國風味,加埋酸辣醬汁👍🏻 CP值非常高🍽 生蝦刺身💰98生蝦屬於中size, 肉質爽口彈牙每隻生蝦都有辣椒同蒜片仲有生蝦必備既醬汁,非常開胃擺盤都好有誠意,大量碎冰墊住,慢慢食都保持到冰爽既口感🍽泰式肉碎生菜包💰78生菜包一上碟我地都哇左聲因為肉碎既分量真係好多😂多到好似碟炒飯細食既話,兩個人絕對食唔曬係街食生菜包最怕d菜唔新鮮同洗得唔乾淨呢度d菜好新鮮,洗得好乾淨,食得好放心肉既分量太多,多到生菜唔夠包😂肉碎係半肥瘦,充滿油香同埋爽甜生菜由於每碟餸既分量都多,叫3碟已經好飽尤其生菜包,如果多d人食會更好,可以留肚試其他菜式, 💁🏻‍♀️ overall 地點方便,性價比高

今天，我和朋友放工去吃晚餐，想吃泰國菜，來到位於旺角通菜街的阿來泰式地道風味。大约6時去到，見店舖不大，在近門口位置坐下，服務員立刻放下一個放了熱水的杯子，插着筷子和湯匙消毐，在疫情下這個安排好貼心。我們叫了4個菜，包括泰式肉碎生菜包、泰式鐵板蠔仔蛋、柚子沙律和泰式炸蝦餅，全部大碟好食。泰式肉碎生菜包的肉和菜结合一起吃，辣度適中，適合愛辣人士，很好食。泰式鐵板蠔仔蛋的蠔仔多，蛋也多，味道適中。柚子沙律賣相靚，柚子微酸，加上有些花生碎，有大大隻的蝦，又有菜配合，一起吃覺得很好吃。泰式炸蝦餅有6大件，加上酸甜醬，大件夾抵食，又好味。大约到了7時，全店已爆滿，仍有客人不停入店，我們才知道原來還有樓上。

去唔到泰國旅行🤷‍♀️食唔到最地道嘅泰國嘢點算好，唯有響香港度度試吓邊間泰國菜夠正宗，今日出咗旺角，心思思又想食泰國嘢，經過呢間係通菜街嘅阿來泰式地道風味，望入去店舖內有啲疑似泰國樣嘅姐姐喺度，我估應該係正宗啦，唔理咁多因為好肚餓，照衝入去，坐低諗到唔洗諗，一定會叫我的必食3寶😋冬陰公湯🥘（小）$78每次食泰國嘢我一定要飲，但真係唔係間間整得好味，呢間我找對了，味道係我想要嘅，香茅，酸味，辣味，係泰國飲到嘅口味，湯料亦超級多，香茅，南疆，乾蔥頭，檸檬葉，香菇，小蕃茄，大蝦足足有三隻，食到嘅材料我全部都食晒，好正😋串燒沙嗲半打 🍢（豬/雞）$78🐷豬肉鬆軟Juicy幾有咬口🐔雞肉我估係雞肶肉，因為都幾嫩滑食沙嗲最緊要梗係嗰醬，濃厚沙嗲香加上食到少少粒粒花生，好味，同埋$78有半打真係好抵食炸蝦餅 🦐$78外皮炸得脆脆，蝦餅爽脆彈牙，份量足太太件，唔會揸流攤，真係性價比超高

想食泰國菜？唔一定要去九龍城嘅，去旺角就得啦😋🤗店舖位於旺角通菜街，交通方便🤪而且嘢食都比起大部份九龍城泰國菜平，CP值十分高！🥰-泰式生蝦刺身 ($98)大大盤共8隻蝦🦐，鮮甜多肉，食到舐晒脷😋😋真係必嗌之選呀！！-泰式鮮蝦炒金邊粉 ($58)呢個真係大件夾抵食😍正路炒金邊粉，唔會失望，咁大碟2個人食到捧住個肚出返嚟🤣🤣入面仲有幾隻大蝦，爽口彈牙，不錯不錯！🥰-泰皇咖喱火山軟殼蟹法包🦀🥘 ($148)本身唸住叫嚟打卡，點知成餐最好食係佢🤣🤣麵包外脆內軟，仲要非常吸味😍索曬啲咖喱味😋但咖哩唔算辣，大家應該都食到嘅🤣連埋鬆脆嘅軟殼蟹一齊食，口感非常豐富🤪，又脆又軟🤣

朋友想食泰國野，純粹見呢間都幾多人係門口等位，食完發現多人食嘅果然有質素保證😎芒果糯米飯粘粘的糯米飯上, 淋上味道濃郁,熱騰騰的椰漿, 再配上甜甜的芒果肉,好吃,實在是一道不錯的開胃甜品。大蝦粉絲煲份量十足,足夠四個人分享, 很喜歡粉絲的調味, 不用沾上任何調味料亦覺惹味可口。柚子大蝦沙律酸酸甜甜的柚子, 配上鮮蝦而成, 正宗泰國的味道, 不錯的一道醒胃菜。泰式烏頭魚熱騰騰的烏頭魚原條魚上檯,味道酸辣!店鋪自製湯底用料十足, 味道相當不俗,愈吃愈開胃。

行完街搵野食，openrice見呢間阿來唔錯，平平地又幾好味咁，試試先。6點嚟到見地下果層滿座，心諗咁誇張😎好彩上層仲有位，不過都半滿，應該無揀錯🤤呢度好多選擇，後尾發現揀menu旁邊有👍🏻推介嘅就穩陣；或者睇睇牆身圖片，幾乎都係必食之選😬泰式明爐烏頭魚 $158烏頭魚大條，夠3人食～湯底酸酸辣辣，入面有好多芹菜、秀珍菇、香葉…等等嘅配菜，就咁飲已經好好味。連埋烏頭一齊食，無得頂！烏頭本身已鮮甜，再吸埋湯料味，又啖啖肉，勁快食哂成條魚🤣泰式粉絲大蝦煲 $158如果好似我哋咁，想食炒粉絲+炸大蝦，叫呢個就prefect😬蝦肉彈牙，而且已經好入味；底下d粉絲實在太多，好努力食，都只係食咗一半；但真係好好食，又惹味，最後清哂🤪芒果糯米飯 $58呢個超乎想像咁好食，必食🤗糯米飯熱辣辣上枱，加上濃厚椰漿，煙韌美味。見到芒果偏淺黃色，以為會酸；點知甜過甜心，夾住糯米飯食，又增添味美。金柚大蝦沙律 $68泰式柚子沙律係我至愛，每次都要食，因為金柚一定爽甜、無澀味，加埋泰式沙律汁，正！而呢度加埋大蝦，只係$68，咁平又好食，一定要叫🤤

Happy Sunday, we go to Mongkok shopping. And we did not eat Thai food for a long time, so we openrice and search for good restaurants nearby. Aroy Khao Man Gai, we tried once in Cheung Sha Wan and had a good dining experience, so we go to the Mongkok shop. We order the 2 people set, including Hainan chicken, Clams in Thai Curry Sauce, Thai Stir-fried Morning Glory, rice, garlic bread, longan drink and lime soda. All the food are in Hong Kong-style thai favour and feel full for the set.

今日同個旺角地膽食飯，佢帶我嚟阿來食泰菜～平時比較少去通菜街覓食，閒日夜晚嚟到呢頭都幾旺阿來都幾乎坐滿客，好彩朋友有book定位。阿來海南雞飯 （餐）　$54睇緊餐牌嗰陣聽到有幾個人嚟買外賣，都係買海南雞飯，咁我梗係跟大隊揀呢個啦海南雞飯好快就送到～有畀雞翼位，肉質嫩滑，有雞味，雞皮亦都夠爽滑，以呢個價錢嚟講，分量同質量都物超所值；油飯好香，飯粒挺實分明，唔怪得咁多人點海南雞飯！泰式滷豬脾（例）　$78地膽朋友推介嘅豬脾，有得叫豬脾飯（$54）或者例牌，我哋想食多啲肉就揀咗後者。肉質非常之腍，口感一流；個豬脾本身都滷得好入味，再點埋酸辣醬就更加正伴碟嘅酸菜都好好食，唔會好酸，重可以減輕油膩感。椒鹽軟殼蟹　$88邪惡之選，即叫即炸，一上檯已經熱辣辣香噴噴。軟殼蟹大隻飽滿，炸得又香又脆，惹味香口！椰青 跟餐+$22／散叫$35食泰菜梗係要飲原隻椰青，椰肉好滑好腍，椰汁冰涼清爽，真係非常滿足嘅一餐

餐廳位於旺角先達對面，成日都有人排隊。餐牌選擇都多，而且價錢相宜。因為樣樣都好平，所以我哋兩個人叫咗好多嘢食椰青　$35新鮮清甜，啲椰肉好易「不」同好滑。阿來海南雞飯　$54雞嘅份量都幾大方，大部分都冇骨，重畀埋雞翼，啲肉夠滑唔鞋口；油飯色澤誘人，食到好香嘅雞油味同黃薑味。泰式滷豬脾　$78肉質軟腍，豬皮近乎入口即化，連一向唔食皮嘅我都忍唔住食曬。豬脾好夠味，點啲酸辣汁食就更添風味。椒鹽軟殼蟹　$88超級惹味嘅椒鹽軟殼蟹，炸得非常酥脆，啲油夠新鮮，食落香口而唔會覺得好油膩，我哋食到停唔到口。泰式明爐烏頭魚　$158湯底酸酸辣辣，非常醒胃，呢種泰式酸辣湯底幾時都係我嘅favourite，無論配咩海鮮都好正～烏頭魚分量足秤，肉滑少骨，兩個人食都幾飽　順帶一提，啲秀珍菇好吸汁好好食，好食到我哋想再追加呀！

今日同媽咪係旺角行街，食左呢間泰國嘢都幾多人食，全部菜都大大碟，好抵食🤓青咖哩豬肉 💰68 白飯 +💰12有少少辣味既青咖哩，香料味十足，係一種叫金不換既香味，用嚟撈飯一流👍🏻泰式炒金邊粉 💰58食泰國菜必叫菜式！呢度份量超多😂 好似食極都食唔晒咁呀~ 材料都豐富，吱左青檸檬汁會更加清新豬勁肉炒通菜 💰72因為唔想淨菜咁dry，就試下炒豬頸肉，都幾入味。媽咪第一次食馬拉盞炒，惹味又特別👍🏻椰青 💰35重點推薦‼️‼️ 椰青水清甜不在話下，入面既椰肉超級軟滑，用匙羹一刮就有肉食，唔係平時硬挖挖個d！好好食😋 當左甜品咁樣😇-人均消費: 💰135 (已加一)-環境:💛💛💛💛服務:💛💛💛💛推薦:💛💛💛💛-餐廳: 阿來泰式地道風味 地址: 旺角通菜街97號地舖