阿來東南亞風味 (已結業)

M先生舊時喜歡和朋友來這裡附近看槍Game用具等等，隔了一段時間，都沒發現原來在這裡新開了一間東南亞菜，我們趁沒太多人的時間就入去試試星馬蛋黃雞翼 (HKD 68)超正的蛋黃配上雞翼，M先生之前都有努力試做給我吃，但可惜揀不到靚蛋黃，起唔到沙，味亦都不夠。結果在這裡就可以一圓我所想的，鹹香的蛋黃已起哂沙，好香鹹蛋黃味，雞翼亦是微微燒香的味道，吃得出是早已醃製好，但不會太重味，不會遮蓋蛋黃的味道，但雞肉一點都不悶，而且很嫩滑由於雞翼是單骨上，份量大概是4-5原隻雞翼，單骨更易吃，醬汁沾面更平衡泰式炸蝦餅 (HKD 68)一共三件，全部都切半，蝦餅是即點即炸，熱辣辣又炸到脆卜卜，入面滿滿蝦肉，一D都唔空氣，好彈牙，蘸上泰式甜酸醬，超級好吃串燒沙嗲 (HKD 78)這裡只有豬和雞兩種一共6串，串燒燒得好香，沙嗲醬汁好豐富充滿花生香，還有粒粒碎增加了咬口，肉都不會好韌，吃不到肥肉，質素很好咖哩軟殼蟹火山包 (HKD 138)已經唔係好多地方可以叫到這款咖哩包啦，而這裡的是配軟殼蟹，咖哩汁反而不會很辣，我喜歡吃辣的，可能是迎合香港人的口味，但真的好香蛋味，咖哩裡面加了好多蛋，還有青椒、辣椒、蔥、

今日同朋友出黎波鞋街到買波鞋，行到咁上下大家都話肚餓，就睇下附近有咩野醫下肚，行左幾分鐘就見到呢間食東南亞既餐廳就一於入黎試下我地一坐底就見到個蛋黃雞翼同咖哩軟殼蟹火山包好吸引就叫黎試下蛋黃雞翼完全想像唔到地好食，蛋黃起沙包住炭燒味既雞翼，特別得黎又好食而個火山包裏面既咖哩，蛋味重，將個咖哩味提升，加埋個包做點綴，真係好食到停唔到口之後叫左個蝦餅同沙嗲串燒，蝦餅蝦味重炸得香口，個串燒炭燒味好香，加埋個沙嗲精髓冇得頂，然後再叫左個馬拉盞椰苗，好有鑊氣，馬拉盞個汁好野味，馬拉盞椰苗呢個組合真係絕配最後甜品叫左個芒果糯米飯同椰青，椰青非常清甜，芒果糯米飯，糯米同椰汁好香，加上芒果好甜，為我地餐飯劃上完美句號

新開喺屋企附近既餐廳，懶得煮飯見近近地就買外賣番屋企電視撈飯。行到門口見倒好多人仲驚要等好耐，好彩都好快就有！菠蘿炒飯$53 好足料同埋好大份，不過略嫌啲蝦無味同埋如果有埋腰果會更好！但都好好味！海南雞冬陰公湯河$54 海南雞都有五至六舊👍完全無骨食落仲好滑！冬陰公湯底甜甜辣辣，有啲椰汁味又唔會太辣，越食越上癮！份量都好多！我諗細食既女仔可能食唔哂添絕對可以再試！見倒餐廳仲有咖哩軟殼蟹農夫包，睇落好吸引不過餐廳設計同茶餐廳差唔多，座位唔算好舒服，不話以呢個價錢，份量都味道，好抵食！

成日都會出旺角食嘢，好多餐廳都試過亦都有試過有伏。見到呢間新開嘅餐廳，咁得意嘅，東南亞菜？平時通常泰國就泰國，越南就越南，東南亞即係呢啲嘢都有？天氣咁熱，一坐低就梗係叫番個椰青飲吓先啦！餐牌上琳琅滿目，搞到我哋心大心細。問店員介紹下幾樣佢哋比較招牌嘅嘢食，本身都好想食肉骨茶，但係同行朋友麻麻哋所以我哋就唔叫啦！首先就叫咗一個泰式滷豬髀，講真， $68真係物超所值！入口即溶，味道亦都剛剛好唔會過分調味！每次去食泰國嘢，都一定會叫炒通菜， 睇佢炒出嚟會唔會好油或者會唔會已經淋哂，其實已經知道呢間餐廳夠唔夠鑊氣。呢度完全冇失望，唯一就係豬頸肉可能比較乾左少少，但係菠菜都冇得頂呀！朋友唔鍾意食辣，所以我哋就叫咗個pad Thai～ 串燒都真係幾有驚喜，平時好多時候出去食全消都會乾爭爭，呢度除咗個汁好好味之外，連啲肉都好好味。我哋食咗六串都唔夠喉，但因為真係已經有啲飽，所以唔再追架。下次一定要來再食多啲先得！

泰國菜當中豬肉生菜包系my favourite，試過甘多間，呢家既味道顯然不同，豬絞肉吾新鮮，有陣豬肉既腥燥味，比較辣，少左青檸既清新。不過碳燒豬頸肉食落爽脆，燒得剛好，份量又多。青咖哩豬肉飯抵食，香濃椰汁味，少辣，抵食！呢家上菜快。

阿來有幾間分店，近地鐵站就有一間，這間就位於廣華醫院旁，位置不太顯眼，但人流不絕，大多都是後生仔，晚上到要等位，證明今次無黎錯。海南雞係必食之選，雞味相當濃，雞size很大，又熱辣辣，汁有兩款，薑蒜和泰式酸辣汁，配上雞油飯一絕。小食方面叫了炒蝦餅，裏面有大量蝦肉，非常足料，蝦味濃又多汁，一份有齊6件，這個價錢黎講很有驚喜。另一道主菜叫了泰國豬手，豬肉味香，豬皮和豬肉份量比例適當，又不會太多肥膏，賣相非常吸引。

旺角出名多美食，選擇泰國菜的話，我首選阿來。這裏位於醫院旁，裝修簡約，較像茶餐廳，掛上一隻隻海南雞。晚市時段食物都係走平價路線，但質素相當高，海南雞係招牌菜，chicken很滑，有雞油香，份量很大，配上泰式醬汁一絕，叫了半隻已經夠4人分享。油酥餅即叫即做，份量亦很大，只需3十多元，酥香又脆，食完一塊又一塊。炒菜亦有很多種煮法，例如蒜蓉，馬拉，辣椒膏，香濃人味，個人覺得配通菜最正。飲品就最推薦椰汁三色冰，大杯又解渴。

話說呢間餐廳都幾出名, 我今次去果間係分店, 唔知係咪真係甘好食呢, 好食到開分店我係下午5點幾6點, 襯未甘多人既時間去雖然唔係話好多人, 但已經幾枱人客啦我肯定夜晚更多人, 好彩早到坐低之後那那林睇餐牌先~真係東南亞既菜式都有, 都幾豐富黃金雞翼有用炭先燒過, 然後再用咸蛋黃沙炒, 雞翼有汁, 唔乾身, 咨蛋味亦幾濃, 啖啖咸蛋味加炭燒味真係唔知食左幾舊串燒拼盤(細)豬雞各3串雞肉汁好豐富, 唔乾身, 徽徽咖哩味更帶出雞味豬串更好食, 又係好嫩口, 一D都唔乾身, 又多汁, 口感好豐富軟殼蟹包軟殼蟹雖然布炸過, 但保留到蟹既鮮味包就更加唔駛講, 好入味, 咩味? 咖哩加蟹味啦仲駛講?黃咖哩唔算辣, 岩哂D唔係幾食得辣既朋友仔, 椰汁味亦偏重少少, 我都幾LIKE蟹油混合埋D咖哩, 更鮮味更好食, 邊個話咖哩一定蓋過D海鮮味?有青紅椒配搭, 都幾爽口炸蝦餅幾彈牙, 蝦味亦幾濃, 唔會話只食到面粉整出黎果D外脆, 點少少泰式酸辣醬更惹味椰青水"酸酸美美", 幾開胃, 我朋友果個話幾甜唔知係咪我果個未岩時間飲?如果夏天飲都幾解暑架仲可以食埋D爽口椰肉, 正~

去茶餐廳諗起嘅食物，自然大多數都會想起港式、乜餐物餐、炒粉飯麵。最近，就去咗一家「茶記」，賣嘅喺東南亞菜，名字叫「阿來」，有好食嘅意思。先總結一下，食物唔算超高班，但亦絕不失禮，比起正式賣東南亞嘅菜館，收費大概平兩、三成，收咁嘅價，性價比高，所以，真喺太抵食！可能跟你平時去嘅東南亞菜館唔同，無傳統嘅東南亞風裝修，一入去完全喺茶記格局，環境以光猛為先，牆身貼上唔少食物相，水吧位疊起「黑白奶」，唔睇餐牌你就一定覺得入咗間茶記。無豪裝，更唔收加一，換嚟嘅就喺抵食嘅東南亞菜。餐牌就喺底面兩頁A4紙印晒出嚟，小食、沙律、湯品、小菜、海鮮、蔬菜、飯麵……多款星馬泰菜式。另一版就喺啲套餐、特色飲品及甜品。留意，點粉麵飯，都有飲品加配優惠。柚子鮮蝦沙律 $68雖然無講到明喺唔喺金柚，但質素唔差，柚肉拆得大大件、一梳梳，清甜爆汁，而且，份量都唔少；鮮蝦亦唔喺細細隻嗰啲，去晒殼，大隻爽甜；淋上酸酸辣辣嘅醬汁，此外，灑咗唔少炸椰子片，好有泰式風味之外，越食越開胃。馬拉盞炒四大天王 $68老婆喜歡食菜，故一眼就睇中呢道四大天王：秋葵、椰菜苗、臭豆同豆角，不過，臭豆改咗荷蘭豆，因為臭豆都曾經食過，好似蠶豆咁，一

這是和他的最後晚餐..係食我地最中意嘅東南亞口味黎到旺角 可以黎下阿來 星馬泰嘅菜式都有我地先點左個每日限量嘅肉骨茶 ($78)藥材味同肉味混和得啱啱好 味道十分香濃之後叫左個阿來海南雞飯 ($51)雞肉好嫩滑 配上油飯係一流的味道至於呢度最特別就係咖喱軟殼蟹火山包 ($138)隻軟殼蟹真係有拳頭咁大隻㗎配上惹味出眾嘅咖喱 令人不停繼續食啊！最後叫咗個星馬蛋黃雞翼 ($68)呢款雞翼鑊氣十足 而且鹹蛋味十分出眾🤤________________________裝修環境：✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

下個月約左幾個老友去華欣加曼谷玩。今晚約出黎食飯，當係茶會，順便plan 下個trip. 諗起泰國美食，按摩。。正！為左止住渴先，我地揀左食泰國野！哈哈係廣華對面街，超易搵。晚飯時間預左會多人，好彩等左兩個字度就安排到四人枱卡位。見到呢三樣調味就流口水，泰三寶。炸豆卜超香脆可口，釀左d墨魚滑，好夾好好味。金柚大蝦沙律，柚子鮮甜，柚子肉大大粒又多汁，蝦夠大隻，無雪味，成個沙律好清新。炒pad-thai, 好大碟呀！相當足料，蛋多，粉多，豆平同芽菜都多，仲炒得好夠鑊氣，真係好好食。黃金蝦，邪惡小菜！！極之好味～～咸蛋王沾滿成隻蝦，連蝦殼都想食埋！好惹味好開胃。招牌馬拉盞炒通菜，泰菜基本野，都好有水準，唔錯。象啤同椰青又點少得呢。要一讚係個椰青多水又清甜，d肉仲要滑嘟嘟，我食哂全個呀 哈！

好耐冇同屋企人食過泰國菜啦，今次去咗廣華街呢一間泰國餐廳食飯，真係好驚喜呀！我哋四個人叫咗一個二人餐再加多咗一個生蝦同埋豆腐，都食到好飽要打包拎返屋企🙈平時去餐廳食蒜蓉包好少咁多蒜蓉，呢度啲蒜蓉包外面脆脆地，入面又好軟熟，上面仲有層好厚嘅蒜蓉，好香好好食！呢個蝦膠睇落好細舊，但係其實舊舊都好大粒，而且好鮮味好彈牙🤤炸豆腐層炸粉好吧，炸得啱啱好，出面好趣，但係入面仲好軟林林，唔會炸到舊豆腐乾晒水！生蝦好大隻！ ！而且好新鮮好爽口，點埋個辣汁食一流🤤飛天通才好大份呀，我哋四個人食都食唔晒！最鍾意佢夠多葉，好吸味！軟殼蟹咖喱真係冇得頂呀！ ！ ！佢個咖喱汁用咗好多蛋嚟整，食得出好有蛋味而且仲一啲都唔辣好甜好適合撈飯！軟殼蟹炸得啱啱好，都唔會話浸左係啲咖喱度而唔脆！海南雞皮好薄，好重雞味！

有個舊同事就黎要移民去台灣，佢話台灣既泰國野同香港完全唔同味,趁過去前回味一下!我地就簡左係公司附近既阿來!泰文"阿來"即係"好味"咁解!我地點左木瓜沙津，小食拼盤，馬拉盞炒雜菜，咖哩雞配薄餅，生菜包豬肉，鹽燒鰂魚，芒果蟹肉炒飯木瓜沙津我都係第一次食，佢地話係泰國街頭都係呢種味，好地道拼盤當中我最欣賞係個豆卜同埋黃金雞翼，豆卜點埋個酸辣汁好鬼正!黃金雞翼因為有d咸蛋係表，超惹味咖哩雞配薄餅，個薄餅好熱好鬆化，點埋咖哩汁真係一流，雞肉份量都好多下!生菜包豬肉d豬肉味道調得相當好，唔會太酸蓋過左肉既香味，加埋微辣，正馬拉盞炒4樣菜，味道不錯，可以一次食唔同菜，幾好燒魚係即叫即燒所以最後先上，魚肉好滑，鹽味都滲曬入去，呢個價錢非常抵食!芒果蟹肉炒飯蟹肉好多，雖然唔知點解會有呢個配搭，但係又幾好食!

望落似茶餐廳，其實係食東南亞fusion菜。油麻地站行要差唔多8分鐘就到，而行去旺角東站都要成差唔多10分鐘島。試左青咖哩雞飯同埋辣椒香葉肉碎煎蛋飯。唔算太辣，煎蛋有點太熟，但係味道好夠，蛋白呈金黃色，肉碎量夠多，肉夠多汁而且夠乾身，飯夠多，飲品（凍奶茶+凍檸茶）唔會太甜夠大杯（港式)，一個餐+飲品都係$50埋單（午餐）。總括而言性價比算頗高。當Greyhound 即使連埋湯要成138+10%，呢間真係算抵食。

是晚我負責做代表為所有朋友領取美戰，小櫻的周邊，之後再約大家吃飯和認領心頭好，未拿的朋友下次再約吧。然後朋友看見我拿住一袋二袋，加上下著大雨，她說不如附近吃飯好了。她隨意拉了我入阿來，我在想是不是天橋下那間阿來，有段時間我經常帶媽媽去吃它的冬蔭功和生蝦刺身，如果是阿來的分店的話，味道一定有水準。咖哩軟殼蟹火山包超級好吃的一道菜，咖哩汁濃稠夠味，雜菜豐盛，酥炸的軟殼蟹一咬下去鮮嫩多汁，整個咖哩的味道都吸收進去，然後再配上又熱又鬆軟的麵包一起入口，人間美味。朋友就是愛吃蒜茸牛油雞翼，讓她一吃上癮，吃完一隻還想再吃一隻，獨特的蒜茸牛油的好滋味回味無窮。經過酥炸後的雞翼外脆內嫩，混合牛油蒜茸香酥滋味，更是惹味非常，亳不油膩，可口極致。饑餓的朋友馬上來一碟泰式蝦醬炒飯，阿來的泰式蝦醬炒飯粒粒分明，炒飯的技術很不錯。蝦醬和臘腸的味道很濃，一端上桌就聞到香味，鹹香完全融入飯中，十分下飯，蠻不錯的。泰式鐵板蠔仔蛋滿瀉似的，裡頭蠔仔超多，顆顆飽滿，並彈性十足，盡是蠔仔鮮美的精華。雞蛋細滑得很，看似簡單，味道卻不平凡，墊在蠔仔蛋下的芽菜也為我們帶來清爽感，我們一致推薦大家吃。今晚我們齊齊喝椰汁三色冰，可能