阿來東南亞風味 (已結業)

椰青 $35，椰青水超甜，部分的椰青肉夠薄可以食到。泰式鮮蝦炒金邊粉 $53香噴噴好吸引，而且都幾大碟~隨個人口味，加份花生碎、青檸汁質地較濕潤，酸酸地好開胃，有好幾隻大蝦，還有炒蛋、芽菜絲等，用料豐富。蒜蓉炒椰菜苗 $58椰菜苗質感爽口，香濃蒜蓉味。咖哩軟殼蟹火山包 $138第一感覺是「嘩」一聲，賣相好吸引咖哩麵包作火山，而火山上就是好幾隻炸軟殼蟹大大隻軟殼蟹香口，點咖哩汁更正，而麵包浸滿咖哩汁夠惹味。

廣華街一帶有唔少地舖食肆, 今晚同朋友突然來個沒有計劃之下既飯聚, 路經廣華街就隨意搵左間餐廳醫肚。呢間餐廳平日入夜時份已經幾旺, 繁忙時間會安排搭檯; 呢間餐廳主打泰國菜, 但餐廳格調似港式茶餐廳。野食款式多, 價錢亦不算太貴, 除左散叫亦有二人餐選擇, 套餐合我地心水, 所以就直接揀【二人餐】HK$228【泰式海南雞(例牌)】估唔到例牌份量都幾多, 海南雞雞皮金黃不帶瘀黑, 賣相已經很吸引! 每件海南雞已被去骨, 沒有肥油層, 肉質就連雞胸位都非常嫩滑, 點上海南雞醬汁, 味道更加昇華! 呢個套餐跟兩個飯, 有海南雞我地當然揀油飯啦!油飯粒粒分明, 但唔係生米粒果種, 好軟熟, 微微油香味, 而不會過油, 正!【星馬蛋黃雞翼】雞翼表面有粉粉地既鹹蛋黃包住, 表面幾油, 蛋黃味很突出, 雞翼keep到豐富肉汁【飛天通菜】炒得幾有穫氣, 加左辣椒粒炒, 當辣椒粒連埋通菜食, 係有少少辣, 夠惹味!【三色冰】椰汁味幾出, 唔會過甜另外再散叫左【炸蝦餅】HK$68呢款炸物表面唔會油膩, 夠香脆, 蝦餅鮮甜彈牙, 值得一試!!!餐廳全日免加一, 價錢亦不算太貴, 對於快食而不是嘆環境既餐廳黎

旺角shopping後，行經此地，攰攰地，諗住行入去飲杯凍檸茶... 點知睇睇餐牌，原來咁多好食嘢... 又已黃昏6點，不如食個早飯～飛天通菜，半圓形上枱，賣相十足，味道不錯～以我食慣嘅新咖坡麥皮蝦計，呢碟完全不合格👎🏻... 但天外有天，呢度嘅麥皮炒蝦，經過大廚改良，別有風味... 麥皮深炒，係焦糖炮谷嘅味道呀😋，仲好味過星洲麥皮蝦呀... 屬於大廚原創... 但可以改返個名做爆谷蝦嘛... 咁樣... 我會有啲心理準備，唔使咁驚喜～😆😋蛋黃雞翼，諗起已覺得係一項無得輸嘅菜色... 但上枱呢一碟，比幻想嘅，更出色，雞翼炸得鬆脆多汁，配酥鬆嘅蛋黃嚟炒，yummy呀～飲番啖椰青、咸懧7... 超爽～

果日約咗朋友影相，一影就影到3點幾...餓到暈...朋友話想食泰國嘢，見哩間阿來唔太貴，所以就入去食。我哋一嚟就即刻嗌咗個椰青先，又餓又渴，椰青幾清甜，不過略嫌有啲貴，我記得平時啲餐廳好似賣廿幾蚊一個，定係我記錯呢?之後就叫咗馬拉盞炒四大天王，有秋葵、芥蘭、臭豆同豆角，正!一次過食4款蔬菜!而且啲菜幾新鮮!泰式鮮蝦炒金邊粉啲蝦幾新鮮，蝦肉結實，金邊粉味道帶點少甜少辣好開胃。由於乜都想試下，所以叫咗個小食拼盤，有蝦餅、蛋黃雞翼、豆卜同春卷，最好食係雞翼，咸蛋味很惹味，仲要係用單骨雞翼，方便入口!蝦餅同豆卜就是正常水準，而春卷就比較特別，裡面竟然有西芹，我就覺得ok, 我朋友就麻麻地。總括嚟講啲嘢食唔錯，價錢合理，而且啲服務員很友善。

從曼谷回來一個多月，仍很想念泰國美食，這晚約了朋友吃晚餐，忍不住又選了泰國菜。這間阿來地點有一點點隱世feel，沒有華麗時尚的裝潢，卻坐滿了人客！這裡的食物款式好多，價錢相當經濟，還不收加一，難怪客似雲來！點了一個東南亞小食拼盤，其實是被蛋黃雞翼吸引到，我是咸蛋黃控！拼盤有蝦餅、蛋黃雞翼、豆卜蝦膠和春卷！果然，蛋黃雞翼沒有讓我失望，甘香的咸蛋黃包著炸到脆口的單骨雞翼，縱使邪惡，但停不了口！豆卜蝦膠也很有心思！蝦餅外脆內彈牙！吃了很多熱氣炸物，來個金柚子鮮蝦沙律清清口腔，解解膩！酸酸甜甜的醬汁，鮮蝦爽口彈牙，柚子清新，好match！菠蘿炒飯夠鑊氣，上枱熱辣辣，有雜錦海鮮，肉鬆等配料，不錯！菜類有不同烹調口味，我們選了馬拉盞炒芥蘭，惹味！整體來說真的不錯，價錢又新民，食物又好，推薦！

朋友一直推介我食呢間東南亞菜行過幾次都無入去 今晚一於試下到底有幾好味啦員工都好好服務 又怕我地坐係路口位會唔方便又怕我地被冷氣風口吹親 照顧好周到我地叫左好多人都大推嘅金磚豆腐仲有咖哩軟殻蟹 同蛋黃雞翼當然唔少得泰國菜必備嘅生蝦啦落左都無五分鐘就有野食 果然係好照顧香港人快嘅需要生蝦好新鮮 又唔係薄切果種生蝦蛋黃雞翼未食都聞到果浸香味同朋友食食下仲見到員工捧左一盤蛋黃雞翼 插住塊happy birthday牌架 原來可以咁樣慶祝好盞鬼 下次朋友生日都試下先 哈哈金磚豆腐 啲豆腐好實 唔會一夾就碎哂重頭戲就係呢個咖哩軟殻蟹啦啲咖哩撈埋啲蛋 再淋落啲蟹度 簡直就係完美我地仲要個包黎點啲咖哩黎食 好正架叫左個椰青同埋三色冰 兩杯都好入味

久唔久想食下泰國菜，於是揀左呢間免收加一既阿來東泰式。佢係位於廣華街，搭去油麻地站會近d。先講講餐飲服務方面，侍應好熱情，會推介菜色比我地，又知我地食唔到太辣，冬蔭公湯幫我地轉左小辣。我地首先叫左個阿來海南雞飯墊下肚先，記住，雞一定要點個醬，個醬好味。另外，飯既份量足夠我地兩個女孩子墊肚。飲品方面，我地點左兩個椰青！清甜解渴，食泰國野必點。佢地會比埋個匙你刮d肉食。戲肉來了，就係呢個冬蔭公湯！椰味濃郁，香香辣辣，愈飲愈想飲，好似上左癮咁！，同埋我叫細size都有三隻蝦哈哈哈。足料。我friend同我都唔食得太辣，有小辣呢個choice。最甜品點可以錯過芒果糯米飯！香甜清新既芒果配上椰汁糯米飯，食左幸福落肚。

旺角唔一定要食韓國菜，台灣菜。今次經過E間泰國菜望落唔錯，所以入左去試下食泰國野黎講價錢都算貴 一打開menu諗住搵金邊粉食點知得一個鮮蝦金邊粉可以選擇 選擇唔太多 我地叫左個小食拼盤，4人份量 雖然大部分都係炸的，真係好熱氣 但係蝦餅魚餅熱辣辣又脆卜卜 真係好好食😂個豬頸肉賣相就麻麻地啦 可能本身比較鐘意食果種簿簿地既炭燒豬頸肉 依個相對地較肥同埋有d油 但整體黎講點埋個醬就好惹味仲有個黃咖哩 唔記得左個名 但係係用個包裝住d咖哩 上面果d係蟹 唔辣咖哩味偏甜 個包點完咖哩食完都幾飽

旺角區一向出名多唔同種類嘅野食，今日經過呢間餐廳見到好多人食，又諗起幾耐無食過泰式茶記，一於入嚟試下！東南亞風味自然唔少得馬拉盞，先嚟一碟「馬拉盞炒四大天王」呢度所謂嘅四大天王分別係：秋葵、椰菜苗、荷蘭豆同豆角，健康之餘配上馬拉蝦醬嘅馬拉盞炒，鹹鹹香香，惹味得嚟又唔會太辣，一級滋味。再叫左一個見到好多人叫嘅小食「蛋黃雞翼」價錢合理😊而且好味，😝外層包滿咸香蛋黃脆，內裡啖啖滋味香味濃郁，也充滿蛋香味，香脆可口，未食過甘好食既蛋黃雞翼，認真一流👏🏻👍🏻！！另一款小食燒豬頸肉同樣係非常惹味，食落相當驚喜！最後叫多碟辣椒蟹蝦頭油海鮮炒飯🌶️，平平地諗住唔會有太大驚喜，估唔到竟然都幾有水準，炒得既爽身又唔油，味道唔錯而且辣度適中，大大碟份量十足，認真抵食😉！呢度食野價錢唔貴，而且非常美味，以後出嚟MK又有多個新選擇😀

仲有6日就最後一個考試啦😵小恩妹緊張到無氣抖之制還好仲有朋友拉我出黎食野放鬆一下☺️位於旺角廣華街既阿來東南亞風味從油麻地站A1出口經後街行過黎亦好方便😆呢度環境裝修簡約設計充斥住茶記特式風味🤪配合港式茶記環境亦煮出東南亞特式風味食材☺️👨🏻‍🍳精選午餐我地兩個先叫一人一份套餐價錢合宜抵食😆泰式海南雞脾飯海南雞轉脾是常識吧🤪脾位較為少骨食得方便之餘肉質更為嫩滑😆🐔另加10蚊轉脾絕對超值☺️而黃油飯煮得均勻入味啖啖黃油香☺️泰式蠔仔蛋飯相信食過台式蚵仔煎既朋友們一定有似層相識既感覺☺️配合薄鹽更入味既蛋皮煎到金黃香脆之餘🤩濃郁既蛋香配合肥美大隻既蠔仔🤤回味無窮🤤配合兩款醬汁帶出更多鮮味😆蛋黃雞翼精選午餐另加既小食方便客人食用既單骨雞翼盡顯大廚既細心☺️煎香既雞翼再拌以煮溶既鹹蛋黃一齊煮👨🏻‍🍳帶出濃郁鹹蛋黃香之餘🤤更做出外脆內軟流沙既絕佳口感😋阿來金磚豆腐要講到外脆內軟既口感呢道佳餚發揮到淋漓盡致🤩大廚細膩既工藝👨🏻‍🍳將易散爛既嫩滑豆腐拌以炸漿、黑芝麻等配料混合再掌握時間高溫油炸至金黃香脆之餘😆亦唔會影響到內裡豆腐既嫩滑口感🤤製成外脆內軟招牌金磚🤩配合泰式酸甜醬更增添味覺🤤豬頸肉炒椰菜苗煎至嫩滑脂

之前上網見到旺角有間新開嘅東南亞餐廳做緊生日送雞翼， 但係十月生日嘅人生日前後七日內 可以免費享用24隻單骨蛋黃雞翼， 仲講明唔幫襯齋食雞翼都得， 於是適逢今個月生日嘅我即刻去試下！先要預先三日前book位， 因為嗰時聽電話個阿姐都好好人會祝你生日快樂book咗六點去到冇乜人， 送咗個雞翼之外因為有啲唔好意思我哋仲嗌咗個炒金邊粉同一杯三色冰。侍應疑似係老闆超級好人，服務態度超好，又幫我哋影相又叫我哋唔使嗌咁多，最緊要唔好浪費食物，好似驚我哋唔好意思咁， 仲會再祝你多次生日快樂碟雞翼一上碟我哋都哇咗一聲！ 因為真係好香同好靚！ 仲加咗啲小裝飾好有心思！ 真係一座金黃色嘅雞翼山！雞翼食落有鹹蛋黃味但係唔會好咸或者好漏， 雖然明知佢有炸過但係一啲都唔覺得熱氣， 只係略嫌雞翼啲皮肥咗少少， 但係都係好好食！呢間餐廳啲嘢份量好足，兩個人淨係食雞翼同金邊粉都已經覺得好飽。由服務態度都食物都非常高水準，有機會會再來幫襯

最近見到有報導話10月生日既朋友只要生日前後7日去餐廳，出示身分證就可以得到一份蛋黃雞翼山，所以拿拿臨同女朋友今晚就黎試食地址唔太難搵，一行入條街就見到，門面好光猛入到去唔覺得好逼，因為我地夜晚6點去食，所以暫時唔太多人見到餐牌有好多東南亞野食，而且價錢合理，於是叫多左個金邊粉同泰式三色冰叫完餐見到牆身有蛋黃雞翼既圖樣，心諗唔知免費既會唔會得幾隻就算呢點知黎既時候真係嚇親我地，估唔到咁大份而且勁香，上面仲有少少裝飾慶祝生日。食落覺得咸蛋味好出，但又唔算太咸同太油，師傅炸得好好，份量多到我地差d食唔晒！老闆仲話呢個係佢地獨創，其他舖頭都未必食到，最重要係完全免費，唔收其他附加費。之後上左個金邊粉，算係中規中矩，唔係太特別。感覺我係會為左個蛋黃雞翼而再次光臨既

今晚朋友帶我黎到旺角食DINNER, 價錢好抵又飽肚.我先叫一個海南雞飯， 冇骨，雞肉又嫩滑～朋友叫左豬脾清湯米線，豬脾啖啖肉，米線份量又勁多。我地仲SHARE 左一碟通菜同一碗椰汁雞湯(小)！！通菜健康又翠綠，而椰汁雞湯入面好多菇同雞，飲落去有少少酸甜，唔錯之選！OVERALL 埋單原來唔洗加一, 依家好少餐廳會唔洗加一囉~~所以每人都係$100 鬆D, 真係又抵又滿足!!下次可以再黎試下其他野　=]

今晚去到旺角嘅煙廠街附近， 天氣開始轉得較為清涼一點， 我們 四處逛逛附近的小店， 行到近廣華街那裏搵食， 見到有阿萊東南亞泰菜， 之前喺太子試過 幾抵食而且味道唔錯。 荔枝梳打$22 次次食泰菜都飲青檸梳打，今次一於試新嘢。非常唔錯， 荔枝梳打好夠氣好夠凍， 飲到最後都 仲有氣而且唔會淡。椰青(+$20)椰青水好清甜， 冇個種酸酸地嘅青澀味。 而且裏面嘅肉更加甜滑。 泰式柚子蝦沙律$68 平時想食有時都大費功夫， 而家可以成盤柚子肉， 仲撈入乾蔥頭，炸蒜，其他香料同好多泰式蝦米仔， 口感豐富惹味。 反而隻蝦冇咩鮮味。海南雞飯$51價錢親民， 預料份量會好細。 竟然有驚喜雞件都算多。 雞皮爽滑雞肉肥美， 估唔到仲啖啖肉， 沾上特製秘製海南雞醬， 係越食越開胃。 仲有個雞油飯， 唔會好油且有好香嘅雞湯味， 軟熟香甜。 馬拉盞炒芥蘭$58芥蘭嫩綠冇苦澀味， 馬拉盞唔會太鹹， 同樣都係有好多泰式蝦米， 風味十足。星馬蛋黃雞翼$68薄薄嘅一層鹹蛋黃漿包著炸雞翼， 非常甘香惹味，唔会好咸或者好乾， 雞翼熱辣辣裏面仲好juicy。 好美味嘅小食。餐廳越夜越多人， 似乎好多都係街坊街里嚟開餐。

旺角多野食個個都知，今日咁岩行到廣華街哩邊，見到間泰國菜都幾抵咁，所以試下。餐廳環境似一般茶餐廳，都算乾淨。生菜包嘅肉碎都幾多，同埋唔會好辣，所以岩啲唔食辣嘅朋友。金磚豆腐超好食！個人誠心推介！個皮新鮮炸，好酥脆，而入面啲豆腐又好嫩滑，真係食唔停。串燒沙嗲叫左雞同豬，烤得岩岩好，唔會好乾。因為有朋友食素，所以叫左雜菜薄餅，青咖哩汁比想像中稀，雖然味道都唔錯，而且都多雜菜，如果濃啲會再好味啲有店員都推介肉骨茶，但今次實在太飽，只好下次再試