阿來東南亞風味 (已結業)

2018.8.22（星期三）今天陪家人出廣華覆診，完左又行下旺角，阿媽話好耐無食東南亞泰式野，突然挑起條根話不如晚餐去食泰菜！我記得廣華街成條街都好多越南泰國野食！見食評寫到呢間價錢相宜而且性價比高，於是就揀左呢間平民化的泰式菜試一試～服務員好熱情有禮，我們一坐底就送上menu,並向我們誠意推薦菜式而我們就先點左個《馬拉盞炒芥蘭》$68，芥蘭新鮮不老！馬拉盞炒夠香夠惹味～食泰式野當然必點串燒沙嗲，我們三人好瘋狂點了12串（豬雞各半）$108, 味道好味，但如果醬和肉串分開上會更好！媽咪必點泰式薄餅$25，整得夠香脆！另外，我們點左個《東南亞小食拼盤》$138，有蝦餅，蛋黃雞翼，豆卜，春卷，款款都整得好香脆惹味個蝦餅好味，雞翼真係好夠蛋黃味我們仲點左《泰式鮮蝦炒金邊粉》$53，好夠大碟，鮮蝦足料，好味同埋點左《泰式香芒蟹肉炒飯》$58真係見到一舊舊的蟹肉！芒果亦夠甜不酸，炒得夠香口乾身總括而言，係一間性價比高，夠街坊親民的泰式餐廳美食夠大碟，價錢夠親民，味道亦很好侍應亦招乎周到！