阿久根和牛立燒店 (已結業)

氣溫下降，要食多點熱辣辣的食身呀☃️🇯🇵是立食燒肉店呀🥩 第一次這樣立食燒肉🍢好地道的日本風味❤️肉類十分優質，更選上100%和牛🔻口感十分豐富！ 最驚喜的一定是調咪料！ 出色的調味料可帶出食物的鮮味，光是鹽已有8種，任你選擇💯唔知大喜唔喜歡辣呢！如果同我一樣喜歡辣，建議大家選十萬辣挑戰一下🌶🌶🌶真係辣得好過癮😌🤟🏻唔同部位都食出有唔同質感，配上唔同調味粉， 真係好過癮呀！ 餐廳更在旺角，岩晒同朋友行完街/晚上來宵夜呀🤫🤗📍阿久根和牛立燒店：旺角白布街2-24號藝興大廈8號舖

唔知食咩好，但係出面風好大，我同朋友都想食啲熱辣辣嘅嘢，於是就嚟到間和牛立燒店。聽個名覺得幾特別，立燒？朋友話係站立燒烤嘅意思，去到發現都有凳坐嘅，讓我鬆了一口氣。我就揀咗燒肉，朋友就揀咗涮涮鍋，價錢都尚算合理。風味和牛定食$98（胸腹肉2pcs 肩胛1pc 肉眼A4 1pc)包埋飯同味噌湯，對我嚟講分量OK，牛肉質素確係唔錯。阿久根和牛涮鍋$148（胸腹肉3pcs 三角肋肉2pcs 肉眼A4 1pc 烏冬)朋友就有烏冬食，我地都一齊share啲唔同部位嘅和牛食，一個打邊爐一個燒肉可以試到兩種唔同味道，幾正。

每次食都覺得番尋味😋😋 今次帶埋朋友黎食，叫左一人一碟風味和牛定食，埋單每人$100都唔使呀，但又食到和牛😎（精明消費者）定食指咩呢？🤔 定食係包一碗飯、沙律、小食同埋湯，而和牛係另外籐碟分開上，雖然份量唔多，但係少吃多滋味嘛🤓 因為和牛係自己燒，基本上你想幾熟都得，但以我經驗，最好係七八成熟，再加醬油食係一流。食肉食到有D飽濟可以食D沙律同飲淡湯！🤣原來呢間和牛係有分支的！係和牛拉麵店，真係唔講唔知，下次會試埋和牛拉麵！😊

聽過呢間燒肉舖頭好耐，不過唔機會食。今日出開旺角就一於去試下，平平地咁食和牛。睇咗menu，食和牛都唔使好貴嘅，一份定食套餐都係百零蚊，想食額外和牛加一點錢就可以，都係$10幾蚊起，套餐已經包括麵豉湯、前菜、沙律及白飯。極尚和牛定食嘅肉質素好高，肉眼同西冷都係A4級，雪花量好高，燒到僅僅熟就食，真係入口即溶，滿口油香。夾埋白飯食就唔覺得油膩，點少少蒜蓉汁，覺得比較惹味，不過加鹽食就最易食出原始嘅牛肉香味。其他配菜都唔差，沙律菜新鮮，加上大量芝麻醬，都好難唔好食。麵豉湯入面有蜆肉、蘿蔔等，係有heart嘅麵豉湯。

已經黎過食幾次啦，再番黎食係因為真係唔錯，價錢又唔算太貴。今次試第二款餐，叫左一份風味和牛定食，埋單$100都唔使呀！每份定食都有飯、沙律、小食同埋湯，而肉就係另外籐碟分開上，自己再跟程度黎燒。今次醒左啦，無燒好耐，因為上次唔太識燒，燒到有D乾，好難咬，今次肉一轉色就反，反完再check係咪全熟，一熟即食，咁就係就軟熟既肉質啦！餐廳有唔同香料，覺得唔夠味就自己再加唔同粉都okay da~連飯、湯同幾塊肉食，其實都好夠飽～

大年初四，祝大家繼續豐衣足食下，身體健康。 今晚同囡囡去咗旺角嘅燒肉店食晚飯 ，囡囡選擇風味和牛定食（$98）。我就係極尚和牛定食（$168）。每個定食包括一個麵豉湯， 一個沙律菜，一份前菜，一碗加咗飯素嘅日本米飯，主角當然是燒肉啦。雖然呢度叫立食，但係其實有得坐㗎，吧枱位置有高凳坐 。呢度佈置得好有日本feel，好多日式海報，有個爐仔自己動手燒。我好鍾意 a4肉眼同a4 西冷，有啲入口即溶嘅感覺好正 。我仲好鍾意個麵豉湯，唔會太鹹，入面有啲白蘿蔔絲，海帶同埋蜆肉，好鮮甜。沙律菜拌麻醬非常新鮮，囡囡就讚啲珍珠米夠軟熟，夠米香，自己食曬一碗都唔夠，我仲分咗半碗畀佢 。囡囡食得好開心，平時出街食得唔多，但係今日自己食得曬一份餐❤️

聽過呢間立食燒肉店係鼎爺個仔開架，有其父必有其子，仲要係和牛，應該唔會唔好食既🤤撞岩豐和牛二人盛做緊promotion，好抵！其中一張餐墊係牛身體不同部位既介紹，亦好細心介紹埋燒肉既時間。每兩個人有一個爐，上面有三款調味醬汁，黑椒，生果同蒜汁，唔同風味，任君選擇😊仲有三種辣粉，不過略嫌太辣，搶左牛味，所以無乜用到。先黎一份蔬菜同有飯素既白飯🤗牛肉拼盤，有晒佢地既名牌係度，唔怕唔知自己食乜😂先食左牛舌，燒耐左，不過都唔韌👍🏻燒牛肚比較少食，燒乾身，同平時滷水既食洗好唔同，別有一番風味🤗三角肋肉，第一次食，同牛舌完全係兩個層次，勁重牛味！西冷同肉眼都分別有A4同A5 grade，入口甘香鬆化，十分軟腍。個人較愛A5，口感滑，油香出🤤用生菜包住食，牛味更出！

行完旺角肚餓 途經白布街食埋個飯先去旺角東搭車返歸 白布街一向都聚集左好多間好野食 今日經過見到呢間燒肉店 裝潢唔錯 又唔洗等好耐 望落價錢合理 就簡簡單單食個一人燒肉雖然呢間叫做和牛立燒店 但原來係唔洗企起度燒既 店裡有高椅 bar抬凳俾客人燒肉 中間有幾個人燒既位 兩邊有一排面壁位 一個人黎燒都輕鬆 自在 過癮一坐低見到枱上有一張紙說明牛既各部分既簡介同介紹燒幾耐先好 幾貼心 員工好友善 推薦左一款風味和牛定食呢個風味和牛定食 有 上胸腹肉 後胸腹肉 牛胸爽 A4肉眼 🥩各一塊 仲有兩塊牛肚 同埋一碗飯 一碗飯🍚同沙律🥗 起每塊肉旁邊仲有塊牌寫住個塊肉起牛既邊個部位 照返張說明黎燒肉 等一啲唔太認識牛肉部位既人都可以自己燒肉燒得岩時間 唔會燒過火 而呢度既肉都係薄切為主 所以都係介乎燒5-12秒就食得 牛胸腹肉 油脂比較細緻 切片放上爐燒幾秒 充滿油香肉味濃郁 A4肉眼油脂分佈均勻 好鮮紅有光澤薄片入口幼嫩細滑 口感軟軟地肉味濃 沙律撈左和風醬 夠醒胃 沙律菜 脆口爽甜 餐湯有蛤蜊既鮮味同昆布香 略帶酒味 鮮甜 好飲呢度環境唔錯 燒肉質素幾好 岩曬撞岩放工無時間既人 唔洗餓住個肚

早排約朋友去旺角食dinner，但周圍都很多人排隊，最後選擇食這間和牛定食。餐廳的裝潢似日本燒肉店，以木系為主色，擺放很多清酒作為裝飾，亦可以看到廚師即時切肉，保證夠新鮮😍 而本身座位不多，所以等了大概15分鐘才入去🙈朋友和我同樣點了風味和牛定食，起初看見只有幾塊肉，以為會不夠食，最後超飽😋——————————🔹風味和牛定食 $98這個定食有兩塊胸腹肉、一塊肩胛和一塊肉眼A4。由於我哋Liked佢哋Facebook page，所以會送多兩塊牛柏葉，正！另外有麵豉湯、沙律和一大碗飯～沙律加入很多芝麻醬，整體口感新鮮爽脆，食得出蔬菜的甜味☺連平時不太食沙律的好友都食晒，證明好食😋麵豉湯一飲就知真材實料❤裏面有幾隻連殼蜆肉和海帶，不似其他店只有豆腐粒，飲起來很濃且很鮮，好想再叫一碗！這間食店可供客人自行燒肉，對於我這些很怕牛肉過熟，口感太硬的客人，自己燒無疑是最好😍 這四款肉好多雪花紋，未食就流晒口水🤭 由於細細一塊，好快就燒完，燒嘅期間好香，仲滴油😋 每塊超有肉味，油香味重，不用蘸汁已經夠味，食完又不會有油膩，再食一啖飯，好好食！！

平時一諗起食日式燒肉，就諗到要食好耐，好費時，同埋一定唔會自己去食，因為份量多，一個人實食唔哂，咁就打消念頭，但最近發現原來旺角白布街有間非常日式嘅燒肉店，佢有一人及二人定食，我就試咗佢個一人定食，有5 款唔同部位，全是質素頗高嘅和牛，有唔同牛嘅部位，每樣一件，貴精不貴多，一個人走入去食啱啱好，仲有配合埋定食果個蜆肉湯，同日本米飯，絕配！如果個定食真係唔夠飽，仲可以單點加配其他肉或配菜添呀！總括嚟講呢間燒肉店CP值唔錯，以後一個人食飯，又多一樣選擇啦。唔同部位嘅和牛,呢個肉眼幾高水準：有唔同牛嘅部位好清楚介紹：

拎位部㩒票機係壞既冇反應，咁咪企係門口等囉，個職員一見到你就好大聲話未有位呀，係出面等啦。之後有位入去食野，職員態度又唔好，佢隻手就你身邊左穿右插，食食下野突然有隻手係後面伸出黎真係幾恐怖。單又落漏左。見到有其他食客行入黎幫襯，個職員都係好大聲咁話係出面等啦，之後個職員仲細細聲話，你要入黎我偏唔未你入呀，係出面等下先啦，但其實果陣鋪入面得一半食客，仲有一半吉位係度，個職員工作心態真係好差。食物一般唔算話好好，服務係差到極點。唔會再幫襯。

又想食燒肉啦，之前已經同朋友食過幾次，今次得自己一個，但又想食燒肉，所以再黎（因為呢間係一人一份，所以唔擔心自己一個食會好毒，哈。）食咗咁多次，最鍾意都係食呢到嘅肉眼A4，係最油脂分佈平均，入口會融化，唔使加調味都好足夠。另外後胸腹肉肉質相對硬身，但燒慣咗掌握到燒肉時間都唔會太難咬。（見證住自己燒肉愈來愈叻都係一種成功感，哈！）若果驚唔夠味可以自己再加調味，推薦柚子鹽，唔錯，係好淡淡嘅柚子香。一個人食都可以食得好好喔！

想了很久，想要有質素的一人一爐自家燒，又想要私人空間好像沒多少，友人推介我到《阿久根》啦 ！ 原來旺角有2間，幸好髓友提點 🙏 每爐都有獨立抽煙機。而坐位以bar 檯型式用餐，即使一人也不會感尷尬😁！套餐有一至二人份，內裡有牛局部位置，價錢屬中上（HKD 98 - 388) 但牛品質一點也不輸！ 想吃其他部位或蔬菜類更可加錢。 肉質各有不同口感，牛味完全沒蘇味， 😎 燒期間肉釋出很多肉汁，咬落好 Juicy 呢！ 風味和牛定食 HKD 98配有前菜有中華沙津、紫菜飯胸腹肉 2片肩胛 1片肉眼 A4 1片麵鼓湯 內有蜆肉，也不少，仲有鮮甜味👍🏻坐檯上有推介，今日 Like Facebook 或 IG更可獲得牛骨髓1客 ～ 我當然不放過啦 😂

係阿久根和牛立燒店啊！故名思意就係一間比人企住係到食燒肉既餐廳～原來呢間係一間由藝人開既餐廳，真係唔講唔知～因為個人好鍾意食燒肉，所以就黎一試究竟啦。鋪頭裝修得好有日本風，而且播日本昭和時代嘅歌！同朋友一人點左一份和味和牛定食套旅餐。和味和牛定食係指有１塊肉眼、1塊肩胛、2塊胸腹肉、飯、味增湯、沙律同配菜。只要like埋餐廳Facebook page仲會送多2塊牛柏葉。好鍾意味增湯裡有原隻蜆肉，好鮮甜。到燒肉啦，每款都有指原示教點樣燒，燒幾耐。每款肉既脂肪分佈好平均，真係有入口即融既感覺。之後再點蒜茸汁，鹹鹹甜甜，同肉質好夾，另一種體驗！

在旺角上完瑜珈🧘‍♀️，有啲肚餓架要找下野食醫下個肚啦，行下行下就見到有間係食和牛燒肉店叫做阿久根和牛立食燒肉店，咁見到係專食和牛的食店，一於入去試下啦。可能我上完堂都成晚上9點到及加上平日唔洗等太耐就好快有位啦，我就坐在果bar枱位置，咁我就選左個一人前和牛定食，見到果價錢真係覺得幾抵，$98就可以食到和牛定食，套餐內有湯、沙律🥗、白飯及和牛真係幾抵，最正佢唔係只比白飯，重要係有飯素的白飯更加正，重要和牛真係好正，輕輕燒一燒，燒到果面熟熟地內裡重要少少粉紅咁就最正，重要入口即化。爽😊#阿久根和牛立食燒肉店 #和牛 #foodie #yummy #叮叮噹食貨 #blogger #性價比高和牛