閨•家 (已搬遷) 新店位置

呢排入左屯門住, 天氣轉涼又肚餓,呢間閨家就係正我樓下,好想食熱辣辣又飽肚既野。一入到來玻璃門貼住 “招牌豬扒” 同埋 “即製手工麵”, 菜單都見到餐廳主打健康蔬菜麵食, 我就揀左呢款 甘筍麵,睇落同普通鹼水麵無咩分別,但食落去就相對比較軟身,有小小似米線既質地,不過有淡淡甘筍既甜味,相信比起鹼水麵健康得多!! “招牌豬扒飯” 貼得係門口都係必食之選來架啦! 豬扒醃得好好,唔會太鹹,有小小甜味,相信師傅係整豬扒既時候一定落足功夫,因為咬落都無咩筋! $45已經有一蹀豬扒飯,真係值回票價 !

晚上係屯門做完野太累了又凍又懶，唔想買餸煮飯，但又想飲碗湯食個飯，就諗起閨家。 一來價錢唔貴二來食物好食，用心製作加上有老火湯，所以決定唔煮，直接去食，食完先回家。今日來到先叫了 蓮藕餅豬扒飯$48 ~ 蓮藕餅煎得好香，豬扒超淋跟在碟的葱油和雪菜好好下飯。香茅雞翼紫薯麵 $40 ~ 雞翼都有3隻，紫薯手工麵好特別，食完感覺好健康。麻辣雞腎$18 ~ 小小辣，夠凍夠爽。炸饅頭 $18 ~ 剛炸起點小小煉奶好食。螺片猴頭菇煲豬展~ 來得呢到一定要飲湯，因每日都有指定老火湯的，夠火喉一d 都唔求奇。凍飲各加$5成餐晚飯都好滿意。順帶一提店員好窩心，見我們一進店就會比個用A4紙整的信封我們，給我們放好口罩安心享用晚飯。

屋企附近啲餐廳都食到有啲厭啦，第一次是這間 閨家 一試愛上😍😍地方有啲難搵，都係買完生果店隔離就膽粗粗入去試吓入到去個感覺又唔錯喎，裝修幾得意，童話式主題，最鍾意佢條彩虹🌈招牌豬扒炒公仔麵，夠晒鑊氣豬扒又夠淋，一啲都唔痴牙，好香口，公仔麵夠晒乾身，雖然有啲邪惡，但真係好好味😋😋香茅雞翼配豬扒飯有我最鍾意嘅蔥油，仲有鹹雪菜，撈飯最正😂😂雞翼香口，半煎炸形式，肉質好嫩，豬扒都好入味，飯加上小小豉油，perfect🤩🤩仲有自家製老火湯，捕捉了當中四個鐘飲得出完全冇加味精👍👍好有心好有誠意嘅一間小店，支持支持，一定常來😃

喺富健街市買完野，要醫肚啦！見這間新開餐廳，叫 閨．家感覺唔錯，試吓先😃一入去裏面嘅壁畫好靚呀，好童話嘅感覺，成個人好輕鬆🥰🥰店舖細細，廿多個座位，菜式選擇都唔少喎！點左香茅雞翼配豬扒飯，送住家靚湯，寫住即叫即煎㗎，仲要係招牌必食推介一上枱，份量兩隻雞翼一大塊豬扒，伴蔥油和雪菜，真係唔覺意會食多咗，好下飯！雞翼外脆內軟，最鍾意佢嘅豬扒，唔算厚，好嫩好入味！推介！👍👍另外叫咗自家製菠菜麵，湯底有驚喜，好鮮甜，冇味精㗎，家鄉炆豬手，唔係周圍食到，因為都係功夫菜，問得又淋又香👍👍嘆番杯奶茶檸茶又點少得呢，中上質素，好開心係屋企附近發掘到一間咁有心嘅小店😍😍

今日行完屯門河做個操練，搵野食經過一個暗巷發現到一間位置極唔起眼嘅餐廳， 但好有特色好吸引佢位置在街市入邊比較難找，但值得一試跟餐送一個老火靚湯，每日有不同款式餐牌上 今日嘅係 椰子煲雞 打開嘅時候發現到有幾塊椰子，食落很有椰子味很香濃， 宜老火湯亦很出色，味濃郁得來不會太油膩，比較清甜 ，最最最重要是喝完沒有感覺口渴，不像喝味精湯。我點了一個鹹魚肉餅豬扒飯 ，估不到一個碟頭飯也可以做到這樣賣相精美 不像普通的餐廳隨意的擺設， 看出廚師的對製作的心機和水準。鹹魚肉餅鹹魚味， 不會太鹹但每一口也有鹹魚香味豬扒十分十分值得一讚就是豬扒經過廚師的處理後，十分之嫩滑，食的時候更不需要刀叉，只需要用匙羹輕輕一壓已經可以把豬扒分成小塊， 豬扒入口嫩滑並且很入味，廚師的醃製技術很出色總結 ：以這個價錢，但有這樣的食物水準， 是絕對超值物超所值，想不到只是想支持這間支持香港人小店，其實沒有對食物有期望，但結果。。食物是出乎意料的好， 值得推介

約左朋友係依邊食飯又好耐無食媽媽飯，最鐘意幫襯小店店舖唔太，老板娘每走一枱客都消息枱櫈，好似屋企位媽媽沙參玉竹煲豬展 （每日唔同）跟餐有一碗無味精湯，完全係媽媽煲既味道，好甜😌鹹魚煎肉餅豬扒飯 $48鹹魚煎肉餅，真係有鹹香味，而且唔會乾，送飯一流，配埋塊鬆化招牌豬扒，餐廳標榜鮮果汁+醃料取代梳打粉&味精，好入味而且好健康，食多多都唔口渴慢煮豬軟骨飯 $48我想講連豬軟骨都入口即溶，份量好多好好味😋 難怪係必食推介！加$5 有飲品小店同店名一樣有家既感覺，因為食物都係無味精無添加，價錢亦相當貼地❤️下次要試埋另外招牌咖哩 & 豬手飯

以港式地道住家餸為主的小店，款式選擇多：豬扒飯、鐵板即炒、咖哩，還有老火湯等等，今次選擇了他們的手工麵作為午餐。即製手工紫薯麵配口水雞• 有兩款口味菠菜和甘荀，最後被它的紫色外觀所吸引到。• 口感吃起來有點像蕎麥麵，不過多了一份幽淡的紫薯味、爽口清新。• 配上辛辣的口水雞簡單一絕。雞肉緊緻扎實、雞皮薄滑，浸泡在佈滿蒜粒的辣油之中，極之香口惹味！香茅雞翼• 雞肉同樣緊緻扎實，充滿香茅味之餘，店家還加入了一些雪菜作為配料，令到味道更加有層次。整體來說以這個質素和份量，我認為相當抵食，非常推薦給附近街坊。

同阿媽去屯門，見到呢間「閨家」，個名咁特別，真係好似「歸家」食住家菜嘅感覺！餐廳環境裝飾到好童話，壁畫係座城堡，帶埋小朋友去食都啱晒！椅座又係我最愛嘅粉紅免食咗兩個餐，一個係「招牌南乳豬手飯」，另一個係「香茅中雞翼豬扒飯」，跟「花生雞腳眉豆湯」，老火湯唔覺有味精，好濃味，似係用好多材料煲成。好鍾意炸饅頭，熱辣辣、香噴噴！飲品只係+$5/杯，免加一，算抵食！人非常多，座無虛席，經過可以去食，雖然唔係咁近市中心。

#tastytommy良心食店 (門口大字: no dogs allowed💛)去龍門居唔係淨係得龍門冰室同掃街 原來仲有好多小店等待大家發掘🤤🤤咸魚煎肉餅招牌豬扒飯💛 $48招牌豬扒出奇地軟熟易咬 又鹹又甜好入味 聽講係用果汁醃過~ 咸魚煎肉餅鹹香突出 非常香口😍 由於係手剁 所以肉餅特別有口感 個飯撈埋蔥油雪菜超超超開胃 秒清左個飯🤣🤣口水雞飯 $48個汁微麻辣 好濃蒜香 撈飯亦都一流!! 雞肉感覺就一般 勝在皮薄多肉份量足!😛香茅雞翼炒烏冬 $45雞翼外脆內嫩 至於炒烏冬少濕唔算好彈牙 食落都未有好香口好特別既感覺😌木瓜雪耳南北杏煲排骨老火湯日日唔同款式 feel到好香甜滋潤 真材實料冇味精 係歸家既感覺🥰

係家興辦完年貨之後，去食午餐嘞🥢🥢店舖唔算太， 坐低咗，見到牆身有靚靚堡壘壁畫， 幾考心思😚呢度有無味精老火靚湯，單叫28蚊一個， 叫餐就附送嘅😚 而且日日唔同，今日係蓮藕章魚煲排骨~正呀😋湯頭清甜、夠熱，湯料好多👍招牌豬扒飯豬扒有兩大塊、薄切、鬆軟夠曬入味，店舖標榜用人手揼鬆啲肉，🙅‍♀️鬆肉粉和糖，用新鮮果汁醃製，用料天然👍 有雪菜同蔥油配飯😋咖哩牛腩飯色澤好靚，要咗中辣，個汁濃稠香辣， 送飯一流👍 紅蘿蔔、薯仔配菜也唔少， 牛腩份量也多，炆得好冧，夠曬入味🤤🤤👩‍⚖ 兩個套餐唔使50蚊就有交易，仲有老火靚湯飲，邊度搵呀😚ps~ 餐具全部印有古堡local

天氣一轉涼，就很想喝一口暖湯滋潤一下。放工約了友人到粉嶺吃晚飯。朋友介紹下，決定一起「閨家」去，源於那碗湯！餐廳空間位置不是很大，店內人頭湧湧，非常熱鬧。店員親切的笑容和說話語氣，令整店瀰漫着溫馨的氣氛，充滿人情味。坐下翻揭餐牌，最吸引到我的，當然是天天不同的招牌老火靚湯！今日是「花生眉豆煲豬腳」。另一款吸睛的，莫過於無添加防腐劑及添加劑的即製手工麵。手工麵共有三款不同款式，分別是甘筍麵、波菜麵和紫薯麵。餐牌更備注由於是即叫即做，所以等候時間可能會比其他菜式長一點。最後我就叫了一個菠菜麵配菜肉雲吞和一碗花生眉豆煲豬腳湯，而友人則點選了蓮藕餅豬扒飯。不消一會兒， 蓮藕餅豬扒飯先上桌，香噴噴的招牌豬扒，入口鬆化，非常香口！原來是因為每一塊豬扒是人手搥鬆，加入鮮榨果汁及秘製醃料，即叫即煎！另外，蓮藕餅也是外脆內軟，口感層次豐富，粒粒蓮藕與肉餅結合，出色！其後菠菜麵和老火湯也陸續上桌，前者味道清新，麵條口感煙韌；老火湯亦火喉十足，用料更是不計成本，味道清甜，滋潤非常呢！

朝早食個早餐先有力做野架，食咩好呢？見到呢間茶餐廳企企理理，就食呢間啦。入到去牆身幾靚，好有童話感覺，而且播住音樂，同普通茶餐廳好唔同。好，坐低睇吓有咩好食先。金牌火腿通餐，金華火腿花膠湯底，食落真係糊口喎，通粉幾爽口，好食。牛乳炒蛋，炒得幾滑，唔錯。香脆蒜蓉牛油厚多士，厚多士食落口感豐富啲，如果唔怕口臭，蒜蓉食落係好香既，而且多士覺得啱啱好夠脆，唔會硬。餐飲叫咗熱華田，天氣凍凍地梗係飲熱飲啦，食完有精神有力量可以去反工啦！

同朋友仔去食lunch👭叫左呢到既招牌豬扒飯 又心思思想試下呢到啲咖哩🥰超開心既係呢到既咖哩可以自己簡個辣度 出面平時食都唔會有🌶啲咖哩好香香茅味 啲豬扒夠薄口感好出色👍🏼呢到既裝置同畫壁令我覺得好有親切感同童真既感覺好少見到餐廳會走呢種風格🌈望真啲個餐牌👀原來仲會有手七彩顏色既營養手工麵、涼拌、老火湯、下午茶小食、鐵板麵飯等既食物真係超多選擇🥰我超仲意食個招牌豬扒飯 啲豬扒超大塊 價錢真係好平 都係五十蚊內 仲要配埋老火湯 真係抵到爛啦🥰

難得約到住屯門的表妹 ， 當然要佢介紹 平時去開飯嘅地點啦 。閨家， 餐廳以粉紅色為主， 店內牆身畫左手繪壁畫。 成個感覺都好夢幻。叫咗個雙蛋豬扒飯，同埋黃金饅頭雙蛋豬扒飯，講真又真係煎得幾好嘅，筷子一㩒d蛋黃汁就即流曬出黎，望落好治愈，撈飯食好滑溜。豬扒味道都好好，食落好香，幾又嚼口但係絕對唔係好硬好柴嗰種豬扒。另外我想講下跟埋飯嘅小配菜，酸菜好好味，酸酸地辣辣地，食肉的時候有呢種配菜一齊跟餐，開胃好多，雖然份量唔多，不過係好味嘅，如過可以再俾多d就更加好啦，唔夠食！最後，我另外嗌咗其他小食返屋企慢慢試， 價錢都好抵食。

係屯門同北角都有分店，主打無味精飯餸同老火湯，門口仲no dogs allowed 😂 好少湯水飲嘅小pin，真係食到有翻屋企嘅感覺（認真非打手）—————————————————🔹口水雞飯 ($48) 〔 +$5 凍飲〕送老火湯🔹招牌豬扒 煎鹹魚肉餅飯 ($48) 送老火湯🔹五香肉丁炒飯 ($45) 送老火湯.口水雞有七舊，上面舖上芫茜、個醬蒜味超濃郁同埋都真係幾辣，絕對唔係bb班辣度，唔想七孔流水嘅朋友真係要慎重考慮，但重口味者應該會好鐘意！剩低嘅汁仲可以撈飯🤤.豬扒大塊又滷到入味，煎鹹魚茸肉餅買少見少，香口又淋身，加埋葱油撈飯好正～炒飯就無乜特別，豬軟骨飯勁多軟骨，除咗有一舊未炆淋之外，其他全部都炆到變啫喱咁，唯一挑剔係太飽有啲膩！😂.日日唔同嘅老火湯👍🏻今日係蓮藕章魚煲排骨，飲落好甜唔頸渴，亦唔會有味精個種鹹到咭脷嘅感覺，真材實料～