閨•家 (已搬遷) 新店位置

.🔺閨·家支持#黃色經濟圈💛黃到出汁嘅家庭小店學生同醫護人員可以免費飲湯！.手剁香煎蓮藕餅配菠菜麵🍜呢度嘅即製手工麵非常健康有菠菜麵、紫薯麵同甘筍麵選擇🙌🏻兩大塊蓮藕餅都幾厚身 入口實淨D較好菠菜麵嘅質感偏淋左少少🤔.特色豬扒雞翼飯🍱豬扒醃得好淋好入味👍🏻仲有酸菜做拌菜 好岩撈飯😂.麻辣雞腎🐥雞腎爽口 麻辣得幾過癮😁.炸饅頭🥯一份三個 啱啱炸起熱辣辣🙌🏻.跟餐配埋個餐湯湯頭好濃郁 好有住家嘅感覺☺️

好高質既香港地道茶餐廳鋪頭有做某外賣APP，唔落街都可以叫外賣--🔅招牌豬扒飯小編推薦呢個以秘製餣料餣製一日既招牌豬扒豬扒特登切得比較薄身，餣起上嚟更加入味，有2大塊好抵食‼️食落有d似新加坡咖央既味道又有甜甜地既果汁味撈埋蔥花同酸菜就更加香口惹味--🔅手工麵餐廳有三款特色手工麵，包括紫薯、甘荀、菠菜小編點左口水雞紫薯麵麵條比較幼身，襯熱食可以食到淡淡既紫薯味，湯底都甜甜地甘，幾特別口水雞比較普通，蒜香味濃--🔅朱古力多士4大舊既厚多士，外層好脆脆地甘裡面塗左好香既花生醬，想再甜d 可以點煉奶同牛油仲有灑係表面既朱古力脆脆

疫情下都只在屋企附近活動，最近發現呢間小店食物質素唔錯，而且仲係黃店添🥰🥰座位雖然唔太多，但係室內裝修嘅充滿溫馨嘅氣氛😝下午茶時段都幾抵食，而且選擇都OK多嘅😛鐵板豬扒出前一丁豬扒推介，好香，而且軟得來又有豬味，炒得干身加左生菜絲，口感吾錯🤗自家制手工麵，配菜肉雲吞，同樣自家製，食得出無味精，湯底鮮甜，有heart 😆口水雞用上雞肶，啖啖肉丶口水汁出色，香辣並重，份量仲好多呢😍老火湯，無加味精，好夠火候喎！各樣食物都吾錯，即叫即炒，而且價錢平民化，多一間飯堂🤭🤭

抗疫期間不斷尋找屯門美食，今次找到一間無味精、美味又健康「黃店」，加上抗疫派漂白水、請學生飲湯，好有良心小店牆上面手繪畫十分可愛，店內坐位唔算好多，不過好迫，無手貼手情況，唔想出街可以選擇food panda 送貨門口有消毒搓手液，小店中都幾貼心近排出抗疫湯水，如果食豬扒飯會送一個湯，是日湯水係蟲草花百合煲豬展，好足料而且清甜無味精蓮藕餅豬扒飯 $48豬扒飯 $48 有湯都幾抵食，最令人讚嘆豬扒軟屬juicy，醬汁又惹味。加上蓮藕餅唔會太硬，老人家都食到。飯旁邊有菜譜蔥油，撈飯一流手工甘荀麵配豬軟骨 $45手工麵入口清甜帶帶微微甘荀味，加上湯底清甜無味精，整個感覺好健康店員溫馨提示手工麵要快食，相信無加添加劑關係比較易淋另外豬軟骨炆得又香又軟諗整體食物無味精，湯水清甜，完全家的感覺

喺富健街市 買完嘢 有啲肚餓 就搵下午茶食😝😝見到呢間 小店 裝修幾有心思，感覺上好relax ☺☺入到去先見到 原來係黃店嚟㗎 🤩🤩🤩下午茶都算多選擇，全部即叫即做 👍👍店員 好有禮貌仲推介佢哋嘅自家製 蔬菜麵，我揀咗紫薯，果然健康又好食😋而且份量仲好大碗，湯底飲得出係淆製過，真係唔係周圍食到呀 🥰🥰菜肉雲吞都係佢哋自家製架l雞翼薯條下午茶的經典之作 🤣🤣雞翼大大隻，外脆內軟 肉質嫩滑 ，薯條脆卜卜 ！做加咗8蚊 要咗兩個炸饅頭㖭 😁😁香茅豬扒都係佢哋推介之一 ，所以就叫咗鐵板出前一丁香茅豬扒 ，麵炒得夠乾身，加上麻油，好香口 ，香茅 味好重 真係好味嘅 我每日都要飲杯奶茶，呢間啲杯奶茶完全合格 👍👍唔錯嘅一間小店，店內裝飾 令人食得更加舒暢、好味，你懂的😎😎

屯門友介紹黎呢間隱世小店到食晚飯，佢話又平又好食，份量又唔細，一個字～抵！位置在富健花園的街市附近，唔熟路係有少少難搵嘅。話明小店當然唔大間，店內約有四位員工，大概能容納到二十人，而食物種類不算少，快快看過餐牌後決定點人氣最高的豬扒及手工麵。飯餐有一盅細湯送，非一般例湯咁簡單，真材實料無味精自家湯水，湯頭鮮甜好好飲，店員話轉左做抗疫湯水，是日係蘋果紅蘿蔔鹹骨湯，十個正，實在太好飲了。餐飲要加5蚊，蠔油生菜就加10蚊。飲品就加左熱檸茶同熱奶茶，兩杯都ok嘅。生菜鮮綠爽脆，加埋蠔油好味。朋友點嘅雙蛋豬扒飯，塊豬扒其實好大塊，不過比雙蛋遮住左。煎蛋加豉油已經夠好味，仲要煎到有燶燶扡嘅蛋邊，好香脆，撈個蛋汁正到暈。再講埋塊豬扒，肉質軟腍嘅，有香茅味，再有一個甜甜地嘅醬汁煎封，堅正喎，撈埋蔥油一個飯點夠，咁好味起碼要加三碗飯黎送呀！自己點左手剁鹹魚煎肉餅菠菜麵，個鹹魚一煎好出黎個下香爆全場，正啊正啊～肉有兩片，肉質厚實滿滿的鹹魚蓉，鹹香不膩切好味，旁邊仲有鹹菜跟埋，又係超好下飯系列黎喎，點算呀～菠菜麵即點即做保證新鮮，麵條真係有菠菜味唔係得色水，軟滑得黎有咬口，湯底清而不淡，整體黎計又係相當出色

武漢肺炎的陰霾下，在家工作次數增多，自然多了機會嚐一嚐在家附近的小店美食。餐廳以家為主題，無論裝修佈置，到食物方面都會令你仿如回到家中，吃出家的味道。主打餐牌都包一盅燉湯，款式天天不同，十分超值。湯水足料，味道鮮甜，完全沒有味精，烹調時間十分足夠，也吃出人情味。有一次我選了一個沒有燉湯附送的套餐，店主也送贈一碗足料燉湯，讓我補充體力。食物方面也絕不遜色，招牌菜有秘製豬扒，可配上蓮藕餅或煎蛋甚至雙倍豬扒，價錢平民化，味道也十分出色，成為我的飯堂。再配上特大檸茶，茶底夠濃，苦澀味剛好，值得滿分。

店舖雖然細小，但都非常滿座，一個接一個，做埋外賣添。天天都有唔同款式既湯，叫個餐就餸老火湯。星期二就花生眉豆煲雞腳。非常足料，十分適合男女老幼飲用。雞腳含有豐富的鈣質及膠原蛋白。啱晒我哋啲女士。咖哩牛腩飯少辣，咖哩黏稠，入口味道濃惹，份量足夠，有五舊到，有埋薯仔同紅蘿蔔。雙蛋豬排飯非常推介選擇左太陽蛋，豬排煎得微焦，油份少，肉質鬆軟夠淋，配上豉油+$10一碟菜心。麻辣雞腎$18，雞腎爽口有嚼勁，唔係話好辣。

Homing food日日都滿座既茶餐廳👍🏻「五香肉丁炒飯」炒飯底唔會太油，個飯係2-3個人的份量，抵讚👍加埋個炒飯🍚炒至係粒粒分明，香味俱全非常夠味亦夠火喉「口水雞飯」雞肉肉厚，切得細件，方便食，雞肉質鬆軟有雞味，個飯整體來說勁惹味味道濃香「韮菜豬肉餃手工菠菜麵」，豬肉餃咬落肉汁爆多，最精華的係個菠菜餃皮夠勁又薄，健康又好味😋食落豬肉勁新鮮綠色食飯夠哂健康是日老火湯～「木瓜雪耳南北杏」足料靚湯唔會太濃，好滋補啊咁豐富嘅一餐買單盛惠$1xx😋🙏🙏CP值好高嘅屯門良心茶餐廳小店

前一排同朋友經過呢間餐廳，留意到佢有自製嘅麵條，覺得好似好健康所以就入去試一試啦我地就就叫咗一個蓮藕餅飯，一個口水雞紫薯麵，小食雞腎，一齊share蓮藕餅飯仲送埋老火靚湯，飲得出冇落味精，好有誠意，而且蓮藕餅煎得啱啱好, 識落唔會好油膩送飯一流🤘🏻🤘🏻口水雞唔算太辣，唔食得辣嘅朋友都可以試一試，紫薯面有驚喜，除咗顏色靚啱晒打卡之外，味道都唔錯，啱晒鍾意健康嘅朋友小食雞腎好入味，而且做得好惹味，令人食極唔停口

有日夜晚 因為繁忙嘅工作我做野做到12點幾 我晚飯都未食 於是就落樓下 睇下有咩餐廳開 落到去其實好多餐廳已經關哂 咁岩我經過街市 就聞到美食嘅香味 於是我就見到呢間店舖 閨家我叫左一個招牌菜 豬扒雞翼飯 同炸饅頭 最先來嘅係碗老火靚湯 夠熱夠鮮甜 個湯一定落左好多料 好好味 之後來左個 招牌豬排雞翼飯雞翼皮脆肉嫩 豬扒冧得來香口惹味好入味 好配個白飯 係味覺嘅享受 最後來左個炸饅頭 饅頭金黃鬆脆 加上煉奶甜甜的感覺 十分滿足 好推薦呢間閨家比大家過來試試☺

係門口見到大大隻字寫住即製手工麵，經過嘅我…無理無唔試下嫁…三款手工麵中，我揀左菠菜麵，顏色sharp啲食都食得開心啲。至於餸菜….見到招牌豬扒係必食﹗餐牌仲話豬扒係人手槌鬆，再用鮮榨果汁同秘製醃料醃製一晚，代替砂糖、梳打粉同味精，再即叫即用鐵板煎~見咁堅，所以叫左碟試下先….果然無令我失望，豬扒好鬆軟不特止，仲勁juice同好香濃。而且價錢勁抵食﹕$40就食到，正﹗媽媽就要左個咖喱豬扒飯，不但辣味可以揀，而且仲勁入味。好味又足料，唔怕食食下無餸或者無汁👍🏻

今日去屯門探嫲嫲，咁諗住帶嫲嫲出去食飯晏晝我陪着嫲嫲先，夜晚先至成家一齊食，晏晝我自己陪嫲嫲去咗附近一間叫閨家既餐廳食飯，嫲嫲細細個就好錫我細佬係我細細個嘅時候已經好鍾意整豬扒飯比我食同埋燉湯比我飲我就特登叫咗呢兩個嚟食， 之後嫲嫲就講咗好多細個嘅事俾我知成件事仲要喺呢間餐廳完全變得好warm 講返呢間餐廳啲嘢食，佢嘅豬扒飯唔會揸得太過龍變得好鞋，完全香脆內鬆軟，仲有佢個湯我帶咗個燉蟲草湯，估唔到咁足料真係起碼有蟲草同埋龍眼肉係入邊，完全變得成碗野成個過程係鮮甜，好甜入心嘅感覺，大家可以黎試吓㗎。

一路都聽講閨家係係一間良心小店💪🏻💛今日咁岩一個人經過屯門口痕痕就梗係去支持下啦😝原來佢唔單止係良心店 仲充滿家的感覺☺️-🐽香茅雞翼配豬扒飯 $48豬扒係依度嘅招牌 咁就一定要試下啦🤣佢嘅豬扒係醃製一日後用鐵板即叫即煎所以真係好入味 肉質好鬆軟👍🏻老闆話佢地係用果汁同秘製醃料代替砂糖嗰啲味精所以食完都唔會覺得好邪惡😝而且佢配埋老火湯 好warm啊🥰食到飽飽都係$48 真係好抵食啊🤪絕對會encore啊 想試下佢地嘅手工麵☺️

呢種家庭式既小餐廳真係越來越少..所以要幫襯下當支持!可以見到佢既裝修同埋門面都非常親民...相信有唔少既左鄰右里都係佢既顧客我亦都不例外...今次自己一個人被安排坐係門口既位置~呢碟 香茅雞翼配豬扒飯都係 $48 炸 !! 最中意係佢既飯唔會太濕唔會太咁..仲粒粒分明..加埋秘製既soy sauce好好送飯雞翼同豬扒同樣出色兩樣野既醃料好相似..不過豬扒相對佔上風因為咬落去冇咩筋,亦都已經切好曬...食既時候唔會好麻煩!雖然今次只有自己一個..不過都想介紹呢間隱世餐廳比大家