閨•家 (已搬遷) 新店位置

日日都係自己帶飯番公司食，但近排成日聽同事話有間新餐廳味道同價錢都非常唔錯，俾佢地係咁洗腦，決定要試一試。去新店，當然要叫招牌啦，所以整咗個招牌豬扒飯。 你睇佢賣相真係估唔到佢咁正， 味道絕對係一流！招牌豬扒肉質軟嫩，鹹度厚度適中~而且勁大塊，影相睇唔出，但其實就有成個手掌咁大件！真係勁飽！仲有個湯都一定要讚 ，花生眉豆煲雞腳，真材實料，完全無添加味精，入口鮮甜濃稠，平時唔喜歡飲湯都忍唔住口飲曬佢！！！總之就性價比好高！

今日去開屯門返工，無意間發現有間新開餐廳，俾個餐牌五顏六色的手工面吸引咗，拉埋朋友入去試試佢，坐低即刻叫咗個豬扒菠菜手工面，對菠菜麵情有獨鐘！出咗黎之後，好中意呢個顏色，我覺得呢個綠色唔係添加色素果種綠，感覺好天然~菠菜麵食落口感比一般的麵更有嚼勁，味道又幾好，健康又有營養！豬扒都不錯，我唔中意好肥果d，呢個豬扒麵的豬扒肥瘦適中，唔錯唔錯~店鋪雖然細d，但味道比我想象中好。下次會再黎試埋其他收工麵，甘筍麵好少見，都幾期待！

屯門龍門居一帶出名就係一條食街，今次有朋友都係一個月之前介紹我過嚟呢度閨蜜去食飯，雖然你屋企比較遠，但我呢個想食野嘅人真係想過嚟試吓，近排可能休息得多啦唔想成日太貴，咁就叫埋女朋友過嚟試吓！間鋪唔算太大，大約坐到二十幾30人左右！佢一睇個Menu，間鋪主要係以豬扒、咖喱、手工麵、同埋其餘嘅飯為主打。我哋睇完之後就叫咗兩個餐，一個係牛餅豬扒飯，另一個係口水雞飯。叫完之後，侍應就俾咗兩個跟餐嘅老火湯同我地，初時我以為係好普通,但原來佢真係好足料，唔單止有雪耳南北杏紅蘿蔔還有合掌瓜，成個湯真係好潤好甜去到第一個飯，就係豬扒蓮藕餅飯，個豬扒真係好抵讚，事關佢唔係用白砂糖去做嘅，而係使用果糖去頁嘅，另外呢份豬扒亦都冇用鬆肉粉去頁，反而係用最傳統嘅方法用嘢係咁揼令到佢鬆晒，食落真係好有心機去做！再加上佢嘅蔥油真係好夾，但可能本人唔係好慣連埋雪菜咁食啦，感覺說才會令到成個飯變得比較鹹， 而蓮藕餅同屯門一間出名嘅榮式雞扒一樣咁有水準！去到口水雞飯，雖然佢真係切得太大舊，不過口水雞亦都非常之入味，呢個麻辣亦都好香口，亦都因為加上左芫荽嘅緣份，令到成個飯變得好夾好出色！食完飯看着呢一個畫面真係好有童話式！

香港人越嚟越注重健康最近幾年都有幾多聲稱無添加嘅餐廳今次就嚟到呢間冇味精嘅閨 家唔知食落啲食物係咪真係有屋企嘅味道呢今次我就叫咗一個唔辣嘅咖喱雞翼飯加咗一個油菜油菜只需要$10都幾抵估唔到咖哩仲可以揀唔辣飯既份量都幾多架所以如果食唔晒嘅記住叫佢少飯啊唔好浪費咖喱汁我覺得可以多少少食到最尾嘅時候有啲覺得唔夠汁雞翼方面有三隻都算唔錯而且啲雞肉都好滑食得出係本身有煮過先再加落啲咖喱度唔係就咁整熟啲雞翼再放落咖哩唔錯唔錯朋友叫咗蓮藕餅豬扒飯豬扒食落好鬆軟朋友大讚好快就食晒啦沙參玉竹煲豬展飲落好甜係蘿蔔嘅甜！一啲味精都冇飲完真係完全唔會覺得口渴正！而且日日都唔同湯架保持一定嘅新鮮感餐廳都好多街返嚟支持！重拾家的味道

朋友住在餐廳附近，曾經吃過這間餐廳，說味道非常不錯，像是在家吃的味道，無味精，加上本人一直是降低食物中鹽和糖委員會的會員， 趁住今天去探望朋友，就順道來試一試啦！一踏入餐廳，就被牆上色彩繽紛的圖案吸引，充滿童話色彩。我跟朋友兩人各點了一個主菜，然後加上兩款小吃， 主菜分別是秘製豬手飯以及豬扒烏冬，本來想一試該店自家製手工麵， 可惜店員說因為機器壞了，所以只好下一次才能試啦。而小食分別是雞翼以及麻辣豬耳。主菜送上來的時候，真的覺得是在家吃的感覺， 實而不華的感覺 。當我還未把豬手送到嘴裏，已經覺得豬手被炆得非常淋和入味， 送到嘴巴裏的一刻，絕對是有驚喜呀，真是非常好吃，味道亦唔太鹹， 完全感覺唔到有味精! 豬扒應該是以豉油煎封，同樣是非常之淋， 用來配飯或麵吃，吃完一口又一口!小食雞翼亦都沒有令人失望，炸得剛剛好，又唔會太油，非常不錯。麻辣豬耳的味道亦都很出色， 辣度剛好，配飯一流！跟餐的椰子煲雞也全無味精，十分足料，誠意十足！餐廳的地理位置在街市旁邊的走廊，所以較難被發現，人流不算多，相信要花更多時間去吸引顧客呢。希望憑住餐廳堅持煮出無味精餸菜的信念，可以吸引更多顧客來光顧。

據朋友介紹龍門居一帶又有一間新開既小店，收工一於去睇下。我們一行二人到達餐廳之時已經入夜，從外觀察，小店空間不大，坐位也有限，只有餐枱數張，不過也未算狹窄，但是位置真的非常偏僻，非區內人要到餐廳或要花點時間。餐牌的選擇頗多，從碗飯定食特飲應有盡有。我聽左同行街坊友人介紹，點了兩款飯餐和一餐小食。秘製咖喱魚柳飯 配 老火靚湯 ($46)整道咖喱飯外觀其實不突出，看落似一般茶記的出品，不過食落覺得味道香濃，帶有辣味，魚柳薯仔都煮得夠腍，而且鬆化入味，加上有小小辣，值得一食！老火湯日日款式不同，當日款式是花生眉豆煲雞腳湯，湯底不會有味精的感覺，經常係出邊食，難得飲致湯水滋潤一下，感覺幾好。招牌豬扒炒烏冬 ($46)餐廳另一款招牌料理， 炒烏冬感依然不俗，有嚼勁，不過朋友表示比較淡；豬扒質素也不錯，香口也不會炒到硬，感覺像日式定食，乾淨企理。麻辣雞腎 ($18)天氣雖然稍為涼了，但涼拌的小吃就是依然吸引，雞腎爽口有嚼勁，開胃又美味！以上食物質素不俗，味道很好，外觀也十分吸引，顯示出店家製作的用心，雖然餐廳位置偏遠，但作為難得的小店，日後也要再臨支持，龍門居一帶飯食名單又多一間了。

今日專誠和老師一起吃晚餐，想找一家有特色的小店，結果見到這一間在街市內的小店。坦白說，如果不行入街市，不留意四周的環境，是完全不知道這間小店的存在，可見小店的位置太過偏僻。雖然如此，食物質素一點也不差，我叫了招牌豬扒米粉$32，老師就叫了咖喱牛腩飯$46，包送老火湯，再叫了一個脆脆朱古力西多士$30，價錢不貴，絕對食得飽之餘，食物的味道很不錯！招牌豬扒厚度適中，肉質軟嫩，香料味夠，又不感到油膩！牛腩炆得很鬆軟，一入口就已經軟化，非常好吃😋，肯定好吃過大快活！當然最驚喜是西多士，超厚，竟然是用三層面包，花生🥜餡炸成，加上超多煉奶和朱古力脆脆，非常好吃！如果是用朱古力餡，可能會更好，我會再來吃西多士，真是很難忘！

今日朋友介紹咗我嚟屯門嘅呢一間餐廳，佢話呢度嘅嘢食全部都係真材實料，絕無添加劑同埋味精，鍾意試新野嘅我就梗係要來試吓啦。一坐低就已經俾咗個湯我哋啦，個湯果然係真材實料，而且材料粥，味道又甜，係呢個咁嘅天氣，滋潤一下，果然醒神呀。老闆娘話佢哋嘅豬扒最出色，於是我就叫咗個豬扒炒烏冬，豬扒好大件，而且咬咬樂好林，甜甜地，十分之好味，唔會食到一口粉，至於個烏冬都好有鑊氣，而且配上配菜，食落又爽口，果然一流呀。小食方面我叫咗一個麻辣豬耳，分量唔算好多，但係勝在夠好味，麻辣味好足，豬耳爽脆夠晒冰凍，正。豬手飯，份量好多，豬手夠晒林，又夠晒入味，呢間餐廳果然唔錯，雖然佢係喺後行，但係見到十分之多外賣，證明全部都係熟客仔，果然食過令人返尋味啊。

姨姨說她從來沒來過龍門居，所以昨天我特意安排一個龍門居快閃美食團，一次過光顧閨·家，古早味及摩登士丹里，我所以想來閨·家其中之一個原因是為了它的即製手工麵。我未吃過紫薯麵和甘筍麵，好像挺特別的，怎料製作手工麵的機器壞掉嚐不到，幸好還有招牌豬扒和手剁鹹魚煎肉餅我吃，否則有點白走一敞的感覺。我們先來點開胃菜，分別點了麻辣雞腎和麻辣豬耳，麻辣果然是豬耳，雞腎的好拍檔，香辣惹味，不是讓人哭倒的辣，挑起大家的食慾。紅通通的豬耳口感爽彈，雞腎富彈性，愈吃愈想吃。朋友弟弟的慢煮豬軟骨飯看起來很誘人，每件豬軟骨均份量十足，且有大量醬汁供他拌飯吃。豬軟骨燉煮軟腍，飽含膠質，聞來香氣四溢，令人食指大動。慢煮豬軟骨飯均配老火靚湯，而且老火靚湯每天不同，是日老火靚湯是椰子煲雞。椰子煲雞湯推好喝，湯內盡是湯料，有著椰子的清甜，雞肉鮮美，真材實料，愛喝湯的不要錯過。由於沒有即製手工麵關係，我轉了手剁鹹魚煎肉餅配烏冬。手剁鹹魚煎肉餅外層煎得蠻香脆，肉餅瘦中帶肥，肉質紮實，吃起來嫩嫩的，且不油膩，鹹魚的鹹香可口，吃完後我仍意猶未盡。肉餅旁的雪菜拌入湯烏冬吃，蠻滋味的，烏冬彈牙，超好咀嚼。至於姨姨則點選招牌豬扒配米粉，

最近屋企樓下開左間新餐廳🤩之前收過傳單都唔知係邊度, 但佢果D手工麵既相又真係好吸引, 尋日買送果時終於發現左佢.今日同男朋友落左黎試下呢個又紫又綠既手工麵.呢度既環境都幾靚, 好光, 壁畫好夢幻!星期一至日都有唔同既老火靚湯飲, 28$有一盎, 好岩返工無時間煲湯既人.今次叫左蓮藕餅紫薯麵同埋醉雞菠菜麵.菠菜麵真係好香! 埋檯就已經聞到好大陣味, 醉雞就好濃酒味, 都OK蓮藕餅又爽口又彈牙, 食到索索聲!!紫薯麵就同菠菜麵相比下好普通, 私心菠菜麵!!凍飲我地叫左凍檸茶同埋凍檸蜜, 無咩特別.整體而言個價錢都叫合理既😆

今次第一次食，雖然排隊要排一陣，環境唔係非常舒服，但服務態度很好，店舖雖小，但五臟俱全。環境雖然係小食店格局，但係都乾淨既。呢度每日都會有唔同嘅湯，今日我遇到嘅係章魚蓮藕湯，材料勁豐富，最緊要嘅係啲湯一入口，嘩！十分之鮮甜，係呢一個秋涼嘅天氣，飲返碗湯滋潤下，確實係需要嘅。呢度嘅招牌，當然係豬扒飯啦。我急不及待，嗱嗱臨叫咗碟豬扒飯。唔會好重鬆粉嘅味道，而且十分之入味，入口送花，最重要嘅係老闆娘話，冇味精㗎，果然係又健康又好味。咖喱雞飯，份量好多，咖喱充滿濃濃嘅椰汁香味，識落唔會太辣，裏面仲配有我最鍾意食嘅薯仔，雞件十分之大件，而且唔會好林，有咬口，果然唔錯。

屯門龍門居一帶出名多美食，今天便約了附近居住的閨蜜吃晚飯。記得曾看過社交媒體的報導，「閨•家」是家庭式經營的小店。餐廳位於小巷內，說實話，不算好找，還好有地膽。映入眼簾的是粉色大壁畫，感覺親切。招牌豬扒薄身，淋上了豉油，就是一種街頭茶餐廳的感覺。肉質入口異常軟腍，也頗重豬肉香。席間與老闆娘閒聊，原來他們改用了雪梨水腌肉，務求做到更健康。而肉餅也是由他們人手剁碎而成，煎香後甚香口，咸魚香很重。白飯也淋了豉油，還附送葱油、菜甫供佐飯。老火靚湯絕對是「閨•家」的誠意作，一星期七天每日不同。當天是沙蔘玉竹煲豬展，清甜滋潤，感覺是全無味精，果真有家的味道。一大盅靚湯索價不到30元，若家住附近，下班經過買碗靚湯回家嘆嘆也是不錯。烏冬經鐵板炒香，夠穫氣也甚有麻油香。但稍嫌烏冬麵質不夠彈牙煙韌。雞翼惹味，肉質有一點偏實。兒時最愛的點心，不過現在已買少見少。普通的把饅頭炸香再點以甜煉奶，但就足以令筆者迷上這麼多年。再加一杯凍檸蜜，今餐完成。

住左屯門都有大半年, 好鐘意依區有比較多自家經營既餐廳, 可以食出人情味, 今日去左龍門居搵朋友, 佢介紹我地試下依一間叫閨家既餐廳, 餐廳既裝修好可愛, 應該係員工老闆自己畫既公仔, 我同老公分別叫左咖哩魚同埋出名既豬扒配藕餅, 先唻就係老火湯, 係椰子煲雞, 非常非常甜, 連平時唔點飲湯既先生都飲哂！咖哩魚唔會話太辣, 但又保持到咖哩既香, 送飯一流！豬扒侍應介紹係用生果去醃製, 食落真係好淋, 好入味, 十分十分推介！餐户定價都好相宜, 一個飯都係不出$50 仲有湯送 ！自家又用心既餐廳真係十分難得！

［屯門］閨•家.招牌豬扒飯食剩指數：0/100 豬扒同平時有少少唔同味道好濃~肉質幾鬆軟醃得幾香可能係因為醃料有加入果汁既關係（餐牌有講～）.木瓜雪耳南北杏煲排骨湯食剩指數：0/100 呢個湯係跟飯送既原本諗住例湯都係普通野點知好驚喜真係似自己屋企煲果種老火湯好足料好甜，唔會似一般味精湯（見佢餐牌仲日日唔同款例湯，幾有心機）.手剁香煎蓮藕餅配甘荀手工麵食剩指數：0/100 由於見到佢廚房有製麵機咁就揀個麵食吓～（提提大家：手工麵即整要等一陣😂）試第一啖湯底覺得幾甜😍麵質好彈牙！唔會浸軟晒咁個麵仲幾香甘荀味🥕有機會要試埋另外兩款手工麵再同大家分享😋蓮藕餅方面覺得無平時酒樓點心食開既咁滯咬落唔會好乾亦唔會好咸.仲有個雞翼（個人喜好見到雞翼就叫）好香脆醃得好入味作為餐前小食唔錯.間舖食物唔錯加上都幾抵食50$有飯有湯真係性價比好高係位置要花少少時間搵😂

平常我愛與朋友吃美食，其實飯都可以有家的感覺，不需要高級裝潢，只需要有人情味，小店都可食得開懷！點了飯食會送例湯例湯足料，清甜無味精小食麻辣雞腎$18雞腎口感爽脆，少少麻辣香雞翼2隻$18炸得香脆，外脆內軟咸魚肉餅豬扒飯 $48咸魚鹹香味鮮，肉餅鬆化，豬扒入味又鬆軟，不油不膩，惹味好送飯連藕餅豬扒飯 連藕餅鬆軟加爽口雙重口感，豬扒入味鬆軟，不油膩，送飯不錯店內是溫馨小店感覺，簡潔乾淨，職員友善，食得舒服。