鍋霸吃到飽台式養生火鍋 (莊士倫敦廣場)

營業中

休息中

呢棟大廈一向都多邊爐食，今晚同個frd來試左呢間全新火鍋店，店名鍋霸，去佢地fb睇過知道係台式火鍋放題，覺得好吸引，先來試下。店鋪位於6樓，電梯一出就係，可以見到餐廳面積非常大，新裝修好光猛，店員好快出來招。呢度座位分卡位、一般方枱，卡位好闊落，特別係人多果種大枱，完全唔會覺得逼狹。可能新開張，仲未有好多人認識，加上係平日，都唔係好多客人。我地坐左卡位，正店員好快手過來同我地介紹收費同形式，星期一至四收費每位288(另加一)，無限時放題，吃到飽。如果早場入座，即係5點至7點半呢段時間離座可以有8折，真係好抵食火鍋湯底有好多款式，超過15款，主打台式火鍋，例如養生醉雞鍋、藥膳椰子雞鍋、麻油雞鍋、蕃茄麻辣鍋、沙茶牛肉鍋等，如果雙拼就加40蚊，其實都值得加，因為佢地個湯底唔hea架，足料呢個價錢包左前菜(手拍青瓜同麻辣木耳)任食；炸物一份；肉類、超過60款配料任食；雪糕一杯。值得一提，呢度?飲品都係任飲，有誠意自家製果隻。配料都好多花款，除左一般港式邊爐配料，仲有多款特別嘅手工丸、餃、海鮮！點左個蕃茄麻辣牛肉鍋同藥膳養生雞鍋，可以見到鍋底好多配料。蕃茄果邊有幾件非常腍，入口軟嫩?牛肉，入哂味

同朋友約左好耐打邊爐，今晚終於約到！book左20:30，可能多人關係，都要等多一陣執枱先入坐。我哋坐卡位，我都幾鍾意，因為平時啲火鍋店好似好迫咁，卡位就好似有啲privacy又冇咁迫咁。呢間火鍋係任食嘅，$288一位連加一，好似比平時既火鍋貴，但食落又覺得合理，首先講湯底，有十幾款揀，有辣或者唔辣，有藥膳/花膠/蟲草花/桃膠/椰子雞唔同選擇，我地就揀左養生醉雞同埋田園蕃茄牛肉鍋，兩個都好夠味，啲雞有淡淡酒味而不會醉，蕃茄牛肉都好鮮甜。然後就係例牌自選醬汁同埋攞野飲，醬汁都係嗰啲啦，有沙茶醬，但冇近年熱門既芝麻醬，可能因為唔係日式火鍋。野飲就有驚喜，有一般既cocacola同道地外，想先講下係有最新嗰隻白色可樂，據說係健康啲(雖然飲汽水已經唔健康....)，而且貴啲㗎！同埋有個架係擺啲冇放雪櫃既飲品，方便有人飲唔凍既，貼心！！另外一定要提既係有冷泡茶，唔甜、健康，打邊爐其實幾好，我揀左四季春，朋友揀左烏梅山楂。舖頭係用網上自助落單，每枱既單會有個QR Code，再喺網站落單，環保啲都好！食物選擇幾多，一開始仲送一碟鹹蛋炸魚皮比你，正呀！一開始好肚餓，所以咩都叫下，基本上所有野都ok，要

今日來到佐敦一間由朋友食完推薦介紹的一間新開張沒多久的台式火鍋店。餐廳非常寬敞，裝修以紅色的軟梳化卡位顯得格外優雅，令人感覺整潔又舒適。火鍋放題每位$288+加一服務，藥膳養生鍋底都有多款，火鍋配料可掃苗二維碼用手機自行下單，餐廳服務非常快速，下單完一轉眼已見到服務員將所點的配料送上。餐廳優惠還有，17:00~19:30時段，19:30前離座全單八折。這個優惠留待下次再用，因為我今日來到的時候已經八點有多。飲品任飲，除平時見到的飲品外，還有餐廳自家製的烏梅山楂茶、四季春冷泡茶、桂花烏龍冷泡茶、台灣黑糖冬瓜檸檬茶...等等。鍋底有多款，有藥膳養生花膠雞鍋、藥膳沙茶牛肉涮涮鍋、台式養生醉雞涮涮鍋、養生姬鬆茸雜菌涮涮鍋及台式麻油雞涮涮鍋...等，有十多款。坐下後餐廳先送上前菜小食，帶著鹹蛋黃特有鹹香的非常脆口的自家製鹹蛋黃魚皮。跟著我們一邊食鹹蛋黃炸魚皮一邊落單點火鍋配料及湯底。藥膳養生花膠雞鍋拼藥膳沙茶牛肉涮涮鍋，鴛鴦鍋加$48。養生鍋裏有粟米紅棗、杞子、北芪、還有豆卜，雞肶肉大大件。藥膳湯底非常清甜，我們每人都飲了一大碗，感覺味道濃郁又養生。花膠大大件毫不吝嗇。藥膳沙茶牛肉涮涮鍋有牛腩、

今日行街街時見到lee間台式邊邊，見都幾正就立馬入去食啦！我同BB等左一陣就有位可以入座啦！可能時間仲早都只係7:00，一入到去職員會介紹返餐廳既野，主打養生湯底，咁我地叫左鴛鴦鍋，一邊係養生蟲草花桃膠雞涮涮鍋，另一邊係田園番茄濃湯雞肉涮涮鍋，兩邊湯底都好足料，好濃厚的味道，而餐廳仲會每台送一碟鹹蛋炸魚皮，仲可以另外自己加味粉，但我都係覺得就咁食原味最正，一來就立馬吃完，其實唔夠可以再叫，但因為我想留肚食其他野，所以冇再叫多碟🤣佢d火鍋料都勁多選擇，最回本係海鮮同花膠，每樣海鮮都勁新鮮，花膠又大片，真係食多兩碟都回左本，仲要唔會因為係放題而出食物好慢，落完單冇耐就到哂，真心食等勁滿足，而最最最正係佢地既冷泡茶，我一個人都飲左4支，正到爆！😍😍

早幾日成班朋友話好耐無見出黎聚下，朋友話佐敦有間新開既火鍋店想試下，所以就book左呢間鍋霸，入到去地方都幾大，梳化椅坐得舒服d，其他裝潢都好新淨。鍋底種類有好多，幾個朋友爭論左好耐先決定到要邊款，因為好多都想試。最後叫左個麻辣牛肉同埋養生花腸雞，個養生花腸雞係店員極力推介我地試。呢到食物種類都好多，好多大眾食物，真係唔會唔岩食，任食黎講呢到算係多野食。等緊食物同鍋底時，呢到好特別地會有個shake shake咸蛋黃魚皮，只可以叫一次，無得添食得。shake shake粉我就唔記得影相lu，不過我記得好似有6隻味道。而魚片佢即叫即炸，黎到熱辣辣即刻shake黎食唔錯喔。野食份量唔算多，可以俾你試到唔同種類既食物，而且肥牛都算新鮮，唔係嗰d好鞋既質地。呢到飲品種類都好多，反而比較少見出面有茶包凍茶都幾有新意。茶可以去油又唔肥膩，打邊爐飲真係岩哂。總括黎講，呢間新開既火鍋店唔差，而且員工都幾熱情，下次再同朋友食飯又多個選擇了👍

我想講呢度個麻辣蕃茄牛肉湯底真係好好味呀！再叫埋佢嘅鴨血， 對我來說真係無得頂！ 我被這個湯底吸引咗， 返唔到轉頭！大家鍾意食麻辣嘅不妨可以試吓！而另一邊嘅椰子雞湯亦很不錯， 很濃椰子味， 我同朋友開始淥食物前，都會先飲咗佢嘅湯先， 好夠味，飲完唔會好口渴。食物方便，相隔半年冇食嘅， 質素都依然keep到！呢度任食任飲仲任坐， 真心推介！！但就真係要預早book , 我之前試過幾次預早幾日book都book 唔到-_-”

食得多港式邊爐，食吓台式都有另一番風味😚今次就搵到佐敦莊士倫敦廣場有間叫鍋霸，食佢個《無限時吃到飽養生火鍋套餐》🤩🤩成人$288/每位，呢個價錢喺放題入面都係屬於中位價多啲，而佢提供早段優惠（全單八折）及宵夜優惠（全單八五折）都係唔錯既選擇🤑🤑坐底一入去就梗係要order個湯底先啦，有四個大既category俾我揀，最後就揀咗藥膳椰子雞&麻辣牛肉鍋，又養生又食到台灣麻辣味，呢個配搭係唔錯😝椰子雞清而不膩，陣陣清甜椰子🥥味，而麻辣就好strong，就算叫小辣🌶都已經好夠味，而且牛肉都好淋同大嚿，喺湯入面都已經感受到誠意👍🏻佢仲會每枱都送一份鹹蛋炸魚皮俾你食，而且提供四款味粉俾你整個shake shake魚皮食，我個人鐘意加海苔味粉，因為唔會太搶味，可以兼顧埋鹹蛋既味道🤓而呢度用電話qr code落單，又準確又環保，而且出食物速度都好快，所以就算喺優惠時段裏食都唔驚食唔飽🥺🥺佢有多款火鍋配料提供，款款都相當唔錯，而我order得最多莫過於係佢既美國🇺🇸安格斯肥牛片同埋海蝦🤤，安格斯肥牛雪花夠哂，果然係prime grade水準，入口即融咁濟，食咗幾round先夠🤤海蝦彈牙大隻唔在講，啲膏隻

因為吃過後很喜歡，上星期和朋友做冬，朋友想吃火鍋，便提議了鍋霸，這才想起來這間我不停介紹朋友去的火鍋放題，我竟然還未分享，雖然這次8人混戰場面混亂來不及拍照，還好之前二人撐枱腳去吃有拍過照，這間鍋霸真的是我和朋友們都一致覺得高質。這裡湯底選擇多，火鍋配料也是應有盡有。用QR code 連結下單，方便又環保。醬料方面也是要有的都不會少，沒另收費，飲品方面更是有驚喜有新意，除了罐裝汽水、台灣及韓國飲料，更有瓶裝自家製冷泡茶、山楂菜、冬瓜茶等。大推自家製冷泡茶飲品，茶類夠清爽，飲品也很好喝。每桌先送黃金魚皮，還有4款味粉供應，可玩shake shake 魚皮，而且是即製，絕對香脆可口。前菜方面也不遜色，除了小雲耳夠惹味，拍青瓜也一樣清爽醒胃呢。我們點了麻辣牛肉鍋和養生醉雞鍋，真的很香呢。醉雞鍋的味道很香甜，雞肉又夠入味。麻辣牛肉鍋麻度辣度也剛剛好，牛腩夠軟稔。肉類也是高質素的，賣相好，口感味道也不錯。手打肉丸和海鮮也很建議點。響鈴夠香口，放湯幾秒最好吃。還有很多款火鍋配料，很難不飽到捧著肚子走。最高興是有MOVENPICK 雪糕作結，滿足。這次提議來這裡，得到朋友一致讚好，相信之後會繼續約在

最近流行的火鍋，要算是台式養生鍋，友人介紹倫敦廣場，有一間新開的沒有時間限制的台式養生鍋，今晚便來一試。成人$288 ，小童$168，不同時間有不同優惠，記得入座前向接待處問清楚。湯底有17款，有辣有不辣，我們要了麻辣牛肉及藥膳養生花膠雞窩(鴛鴦鍋另加$48)，麻辣牛肉鍋，辣度適中，還有些牛腩條在內。藥膳養生花膠雞窩，酒味不算重，雞件滾一會可吃。飲品有汽水、果汁和自家製飲品，自家製飲品以烏梅汁最為美味可口。每台會免費附送炸黃金魚皮一份，另有四種配料了可供選擇，魚皮內的鹹蛋味濃郁，個人喜歡不加任何配料就進食。火鍋配料有數十款，包括牛油、豬肉、雞肉、海鮮、蔬菜和丸類，全部任點任叫，其中以海蝦、肥牛肉、鴨血和白鱔，最為鮮甜美味，而海蝦尺寸夠大，更是非吃不可。值得一提，點了湯底後，店員將QR Code送上，便可用手機點餐，每次點後，店員很快便送上。

話說我哋一班朋友喺尖沙咀行街🚶‍♂️，行完想打下邊爐🥘，我就醒起每一個星期去fitclub間唔中都會見到呢間舖頭嘅招牌🤔，但一直都冇去試過，所以我哋碰碰運氣🤣，結果等咗冇幾耐就有位喇，一開始，舖頭已經送咗我哋食咗一碟鹹蛋黃炸魚皮🐟，呢個鹹蛋黃炸魚皮熱辣辣，非常好食，應該係啱啱炸起嘅😝，跟住其實呢度火鍋配料都好多款可以選擇，都有好多好特色嘅嘢👍🏻👍🏻，同埋呢度啲丸大部分係手打嘅🍢，餃子亦都食到係手包嘅🥟，唔係出面買到嗰啲，最大特色係呢度嘅嘢飲有好多，都係佢哋自己煲嘅🥃，唔係一罐罐嗰啲飲品，唔算太甜，好適合打邊爐🤤， 所以喺佐敦嘅你一定要嚟試下😂

星期五happy friday！收工之後同同事去咗花生吧happy hour，飲到醉醺醺就走出去搵食。最後行到去佐敦莊士倫敦廣場6樓嘅鍋霸台式養生火鍋，我地九點半後入座有八五折嘅優惠，為番都係每人245蚊就有無限時任食。入到去環境好好，好有氣氛。火鍋湯底選擇極多，仲有唔同嘅新鮮配料，可惜辣椒唔夠辣唔夠我刺激，雪櫃亦都有各式各樣嘅飲品，一啲支裝嘅冷泡茶亦都好吸引，又可以清熱解毒，打完邊爐唔怕爆瘡。食物好新鮮，不過叫肥牛嘅話就要叫多啲，因為切到好薄，每次亦都只係嚟四五塊就算，寫幾多都唔會畀好多，你要畫多幾張紙。總括而言，食物嘅質素係良好，可以再試！

呢日出左黎九龍區，同朋友本身諗住食樓上嗰間火鍋既，點知好多人又態度麻麻，咁就再睇下有乜食啦！咁岩見到呢到有間新開既台式火鍋，又有職員係門口好好態度咁介紹緊佢地新開張，所以就決定試下。一拎到個餐牌，真係花多眼亂，揀左好耐先揀到食咩，呢到兩個人都可以揀鴛鴦鍋架。最後叫左個藥膳養生花膠雞鍋同埋台灣麻辣牛肉鍋。食品種類都好多，真係包你食到飽，總有幾樣一定會岩你心水。飲品種類都有好多選擇，我好鐘意呢到有茶包泡茶，可以解膩又唔肥，女士至愛，正﹗可能因為岩岩新開關係，環境舒適裝修又唔錯，而且店員態度都好好，食得舒服又開心👍🏻

有一次朋友帶咗我哋食呢一間火鍋店當時已經覺得好抵食抵食嘅原因唔係因為佢價錢好平，而係因為呢一間餐廳佢係不限時任食，呢一次我同三個朋友食咗三個鐘，人均消費大約每人300蚊而且係咩食物都有得叫，連海鮮等等都有得叫，食材都偏新鮮而且有驚喜，好多時食火鍋食咗個半鐘，其實可以再坐多陣，但好多時啲店員都會話夠鐘要走 成日都覺得好可惜但係呢一間終於唔需要再限時啦味道：5/5分服務：4/5分環境：4/5分抵食：5/5分

用左openrice咁耐，第一次寫食評。呢間不限時自助火鍋，真心值得推介。我呢3個月去過4次，每次都感受到員工的親切，仲有食物質素高，價錢可以用平黎形容。性價比高。邊爐湯底好重要，呢度湯底選擇多，味道夠，食物基本上都唔需要點任何醬汁，我唔覺有太多味精，因為食完無覺得好口渴。食物款式唔選多，但勝在質量高，每款都好食。推介黑松露墨魚滑，蝦，牛肉，咸蛋魚皮。自助飲品選擇多，我最愛佢嘅冷泡茶同罐裝荔枝烏龍。我已介紹左比好多朋友。一句講晒，一定會再黎。

其他任食金鍋店, 只有2小時, 我是因這間有2.5小時吸引光顧, 而且, 只有2個人, 去食放題火鍋, 店家會因應人數, 給予相對份量, 較逐碟叫好,  否則無法試多幾款。被其他網友大力推介特式飲品, 我和朋友2人都試了4款, 都唔錯。以QR CODE 下單方便環保, 沒有漏單, 職員也很有禮貌。自己較喜愛是鴨血,  蜂巢豆付(正)  紫薯(甜) , 估唔到連生菜都新鮮好甜 (只有靚的菜才會有天然甜味) , 較失望係, 只有一款牛肉和一款豬肉,就是這點和''逐碟叫'' 的火鍋食品店, 會提供不同部位的牛/豬肉有異。 我食的時段係 $298 + 10 percent;  before 7:30 結帳/ after 9:30 光顧有優惠就更抵。